"Хөөх.Тийш ээ явах гээд өөрийгөө бэлдсэн байх шив" гэсээр Жон миний өмссөн хувцсыг хараад инээмсэглэв.

"Бонни хаана байгаа юм?" гэж би асуулаа.Би Sandy Olsson (Grease) болсон.Мэдээж Чейс надад үүнийг сонгож өгсөн.

"Нүүрний будгаа дахиад өөр газар будуулаад одоо очиж байна гэсэн" гээд Жон нүдээ эргэлдүүлэв.

Би толгой дохиод орон дээрээ суулаа.Жон миний хажууд ирээд сандал дээр суун "Тэгэхээр Скай, чамд Скайлороос болоод хэцүү байна уу?" гэж асуув.Тэр надад чин сэтгэлээсээ санаа тавьж байгаа нь илт байлаа.Түүнийг надаас болоод санаа нь зовнихыг би хүсэхгүй байна.

"Юу? Үгүй ээ, Жон.Би зүгээр."гэсээр хүчээр инээмсэглэв.Тэр над руу мэдэж байгаагаа дохиход би санаа алдан түүн рүү хараад "Би тоохгүй байхыг хичээнэ ээ" гээд би толгойгоо дохилоо.

Тэр над руу нүдээ ирмэчхээд дахиад юм асуугаагүй чимээгүй байсанд нь баярлаж байна.

• • •

"Бурхан минь! Энд хөгжилтэй байх болно оо!" гэж Бонни үдэшлэг дотор хашхирлаа.

"Хэрвээ хүмүүс асуух юм бол та хоёр миний үеэл дүү нар шүү.Би та хоёроос болоод өнөө орой эвгүй байдалд ормооргүй байна" гэсээр Жон бид хоёрт хэлэв.

"Уг нь чи Торитой хамт байх ёстой биз дээ.Нөгөө сургуулийн үдэшлэгт хамт явдаг охин?" гэж би асуулаа.

"Тийм ээ.Бид дахиад хамт явж байгаа л даа." гээд бидэнд хэлчхээд цаашаа явав.

Бонни бид хоёр алхсаар хүмүүс дунд орлоо.Хүн бүрд л энд байх нь сайхан байгаа бололтой.Энд том бүжгийн талбай, анивчсан гэрэл, хоёр DJ байна.

"Скайлин, Бонни, юу байцгаана?" гэсээр Колтон бидний голд орон зогсов.

"Сайн уу" гэж бид хоёр нэгэн дуугаар хариулцгаалаа.

"Скай, чи үнэхээр үзэсгэлэнтэй харагдаж байна" гээд Колтон намайг дээрээс доор хүртэл гүйлгэн хараад инээмсэглэв.

Бонни хоолойгоо заслаа.Тэр Египет эмэгтэйн хувцас өмссөн.

"Өө, харин Бонни яг хатан шиг л харагдаж байна" гэсээр тэр инээхэд Бонни ихэмсгээр толгой дохилоо.

"Надтай хамт бүжиглэх үү, Скай?" гэж Колтон асуув.

Бонниг ганцааранг нь үлдээмээргүй байсан ч тэр намайг бүжгийн талбай руу түлхээд "Алив ээ бүжиглэ, би Брэтт дээр очлоо"гэсээр тэр нүдээ ирмэлээ.

Цагийн дараа Бонни бид хоёр тааралдаж хамтдаа цагийг өнгөрөөв.Бид бүжиглэж, дуулж, юм ярин, амттан идлээ.Харин Жон Торитой хамт гадагш гарсан.

Би уух юм авахаар явж байтал урдаас нөгөө залуус хүрч ирэв.

"Скайлин чи мөн үү?" гэсээр Жейсон нүдээ томрууллаа.

"Хөөх, чи өнөөдөр үнэхээр халуухан харагдаж байна" гэж Кравфорд хэлээд "Гэхдээ намайг гүйцэхгүй л дээ" гэсээр жуумалзав.

"Сайхан хувцас байна" гэж Чейс хэлэхдээ нүүрэнд нь инээмсэглэл тодорно.Яагаад гэдэг нь ойлгомжтой.

"Бүгдэнд чинь баярлалаа" гээд би инээмсэглээд тэдний хувцас руу харлаа.Кравфорд далайн дээрэмчин, Чейс цус сорогч, Жейсон жокер болсон байв.Тэд нарыг харахаар инээд хүрээд байна.

Би эргэн тойрноо хэсэг ажиглахад "Хэн нэгнийг хайгаа юу?" гэсээр Кравфорд хөмсгөө өргөв.

"Юу? үгүй ээ." гээд би толгойгоо сэгсэрлээ.

"Скайлорыг хайж байгаа биз дээ"гэсээр Жейсон нүдээ ирмэв.

Би гараа урдаа аваад "Би тэгээгүй"

Кравфорд эргэж харснаа "Хараал ид" гэсээр амандаа бувтналаа.

"Сайн уу, та нар Скайлорыг харсан уу?" гэсээр Кэйси бидэн дээр алхаж ирээд асуув.Түүний хувцас үнэхээр гоё юм.

Тэр муур болсон байлаа.

"Хараагүй юм байна" гээд Чейс мөрөө хавчив.

Тэр Жейсон, Кравфорд хоёр луу харвал тэд ямар нэгэн нүүрний хувирал гаргалгүй зогсох аж.

Дараа нь тэр над руу харлаа.Миний өмссөн хослолыг харчхаад хүйтнээр инээмсэглээд "Чи албаар энийг төлөвлөсөн үү?"

"Юу яриад байгаа юм?" гэж би асуув, түүний юу яриад байгааг ойлгох зүйл алга.

"Юу ч биш дээ, би түүнийг хайхаар явлаа" гэсээр тэр цааш алхлаа.

"Тэр энд ирэхдээ хөгийн өл*гчин болоод ирсэн байна лээ" гэсээр Чейс аягандаа пиво хийв.

"Түүний "Чи албаар энийг төлөвлөсөн үү?"гэсэн нь юу гэсэн утгатай юм?" гэж би хөвгүүдээс асуулаа.

"Чи удахгүй мэдэх болноо" гэж Чейс хариулав.

"Та нар жинхэнээсээ түүнийг хаана байгааг мэдэхгүй юм уу?" гэж би асуулаа.

"Мэдээж мэднэ.Гэхдээ түүнд хэлж болохгүй." гэсээр Кравфорд Чейсын аягыг булааж аваад пивийг нь балгав.

"Хөгийн амьтан" гээд Чейс Кравфорд руу архирлаа.

"Зайл" гэсээр Кравфорд түүнийг хөнгөн цохив.

Жейсон бид хоёр чимээгүй л тэднийг шоолон зогсоно.Тэд заримдаа яг жоохон хүүхдүүд шиг л болчих юм.

Дуу тоглогдож эхлэхэд би анхаарлаа хандууллаа.

Stacey's mom

"Бурхан минь, би энэ дуунд дуртай!" гэсээр би тэднийг шүүрч аваад бүжгийн талбай руу гаран Бонни, Жон хоёр дээр очив.

"Hey Stacey can i come over, after

sch-o-o-ol" гэсээр би дууллаа.

"After school." гэж Жейсон ардаас хамт орж ирэв.

"We can around by po-oo-ool."

"Hang by the pool" Энэ удаад Кравфорд хамт дууллаа.

"Did your mom get back from her business trip?"

"Business trip" гэж Чейс амандаа аялана.

"Is she there or is she tryna give me the sli-i-iip"

"Give me the slip" гэж Жон бидэнтэй нэгдэв.

"You know I'm not the little boy that i use to be, I'm all grown up now baby can't you see" гэсээр бүгд хамтдаа дуулцгаалаа.

"Stacey's mom has got it going on"

• • •

Би ангийнхаа Клайдтай яриа өрнүүлэн зогсож байтал тэр хэн нэгнийг хараад чимээгүй болчхов.Би эргэж харвал Скайлор миний ард намайг ширтэн зогсож байлаа.Тэр Dany Zuko (Grease) болсон байв.Энэ нь л Кэйсигийн яриад байсан миний төлөвлөгөө байсан байна.Бид хоорондоо төгс хосолсон байна.

Аа муу зэвүүн Чейс. Албаар Скайлорын хос хувцсыг нь сонгож өгсөн байх нь ээ.

Скайлор над руу хараад байсан болохоор би харцаа буруулан Клайд руу эргэж харлаа.Хэдэн секундын дараа Скайлор Клайдын хажууд ирээд

"Яв цаашаа" гэв.

Клайд түүнээс айсан бололтой хурдхан надаас холдон явлаа.

"Чи намайг ганцааранг минь орхиж болох уу?" гэж би өндөр дуугаар хэлэв.

"Үгүй"

"Чи надаас юу хүсээв?" гэсээр би санаа алдлаа.

"Юу? Тэр залуу чинь эмэгтэй хүнтэй жижиг яриа ч өрнүүлж чаддаггүй юм байна лээ" гэсээр тэр шар айргаа балгав.

"Чи явж Кэйсигээ хайгаач! Тэр бүхэл оройжингоо чамайг хайсан биз!" гээд би түүн рүү муухай харлаа.

"Битгий ингэлдээ" гэсээр тэр над руу ойртов.

"Үнэхээр сайхан хос байна.Та хоёрын зургийг авч болох уу?" гэж камер барьсан охин биднээс асуулаа.

"Өө, үгүй ээ, уучл-" Скайлор миний үгийг таслаад

"Мэдээж болно" гэсээр жуумалзав.

Тэр гараа миний бэлхүүсээр ороон өөртөө ойртуулаад намайг тэвэрлээ, яг үнэндээ би түүнээс холдохыг хүссэнгүй.

"За, инээмсэглээрэй!" гээд тэр охин камераа урдаа авлаа.

Би инээсэнгүй.Скайлор над руу харж байгааг мэдэрч байсан ч надад хамаагүй ээ.

"Энэ сайхан зураг боллоо!Баярлалаа" гэсээр тэр охин инээмсэглээд цааш явав.

Скайлор над руу харахдаа миний урьд өмнө харж байгаагүйгээр зөөлнөөр инээмсэглэлээ.

"Скайлор, чи энд байж ээ.Чамайг би бүхэл шөнөжингөө хайлаа.Явцгаая." гэсээр Кэйси түүнийг дуудав.

Тэр санаа алдан түүнийг даган явав.Тэр над руу харсан харцнаасаа өөр харцаар түүн рүү харж байлаа.