Брэтт "Саяны залуу хэн байсан бэ?" гэсээр хоолоо иднэ.

"Жирийн л нэг сургуулийн зодоонч"гэж би тээнэгэлзэлгүй хэлэв.

"Тэр яагаад над руу дайрсан юм бол?"гэж тэр асуулаа.

"Үнэндээ, хэлж мэдэхгүй л юм. Гэхдээ тэр өдөр болгон л хэн нэгэнтэй зодоон үүсгэдэг."

"Яг тэгж бодож байлаа"гэж хэлээд Брэтт толгойгоо сэгсрэн хоолоо халбагдан авч идэв.

"Сайн уу, Скай.Энэ хэн бэ?"гэж Бонни асуун миний хажууд ирж суугаад Брэтт рүү харлаа.

"Энэ бол Брэтт.Харин Брэтт энэ бол миний найз Бонни"гэж тэднийг танилцуулаад инээмсгэлэв.Брэтт Бонни руу харц шидэж харин Бонни ичингүйрэн суухыг нь би ажиглав.Тэд ч хэдэн секунд бие биен рүүгээ харж суухыг хараад залхсандаа би тэднийг таслахаар шийдлээ.

"Хөөе, Бонни.Тэр хөлбөмбөгийн багт орох гэж байгаа гэсэн"Би Брэтт рүү хараад "Харин Брэтт, Бонни бол хөгжөөн дэмжигч мөн волейболын багт байдаг"гэж би Бонни руу нүдээ ирмэлээ.

"Хөөх, нээрээ юу"гэж Брэтт жуумалзав.

Бонни"Тийм ээ"гэж хээнцэрхэн өнгөөр хэллээ.

Брэтт"Янзтай.Чи завтай үедээ спортын танхимаа надад харуулж болох юм"гэж хэлээд Бонни руу мишилзэв.

Боннигийн нүүр улайж "Ойлголоо"

"Юу байна даа." гэж Жон ирээд Боннигийн хажууд суулаа.

"Сайн уу"гэж би хэлээд инээмсгэлэн "Энэ бол Брэтт, тэр шинээр ирсэн"

Жон "Гайхалтай байна Брэтт" гэж хэлээд түүнтэй гар барив."Чи хаанаас ирсэн бэ?"

"Исланд" гэж тэр хариулав.

Жон Брэтт хоёр үргэлжлүүлэн ярилцацгаах үед Бонни Брэтт хоёр бие биендээ сээтэн хаяж байлаа.

Үдийн хоолны дараа Брэтт бид 2 дараагийн анги руугаа хамт явав.

"Тэгэхээр?"гээд би түүн рүү мушилзан тохойгоороо нудралаа.

"Тэгэхээр?"тэр миний хэлсэн үгийг давтаад таамаглаж байсан зүйлийг минь анзаарсангүй.

Би түүн рүү харж байснаа "Чи завтай үедээ спортын танхимаа надад харуулж болох юм" гээд хоолойгоо түүнтэй адилхан болгож дуурайв.

Түүний царай бага зэрэг улайж хоолойгоо засаад"Би чиний юу яриад байгааг ойлгохгүй байна"

Би нүдээ эргэлдүүлсээр "Чамайг чадна гэж бодож байна"

"Юу, би түүнд бага зэрэг л сэтгэл татагдсан"гэж тэр мөрөө хавчлаа.

"Бага зэрэг гэнэ шүү" гээд би түүнийг шоолов.

"Жон, Бонни та 3 ямар холбоотой юм?" гэж тэр сониучилж асуулаа.

"Айн!"би түүн рүү харчихаад нарийн хонгил руу алхав.

Тэр"Болздог уу?" гэж хэллээ

"Мэдээж үгүй.Бид нар бүгдээрээ зөвхөн сайн найзууд.Тэгэхээр чамд боломж байна."гэж би тайлбарлав.

"За за.Ойлголоо доо"гээд тэр инээлээ.

Бид үргэлжлүүлэн шатаар буух гэж байтал урдаас Скайлор найзуудтайгаа ирж байхыг харав.

"Чөтгөр ав" гэж би амандаа бувтналаа.

"Яасан бэ?"гэж Брэтт асуув.

"Өөр замаар явъя."гээд түүнийг сугадаад өөр тийшээ явах гэж оролдлоо.

"Скайлин, тайвшир.Нөгөө шатаар явбал хоёулаа хичээлээсээ хоцрох нь байна"гэж тэр намайг хөтлөж явав.

Бид алхах тутам миний хөлс цувран гарч байлаа.Скайлор болон түүний найзууд бид 2-ын хажуугаар зөрж өнгөрсөн боловч гайхалтай нь бидэнд ямар нэгэн байдлаар үг хэлсэн ч үгүй, харсан ч үгүй.

"Хачин юм аа" гэж би амандаа үглэв.

Брэтт над руу гайхаж харснаа "Яасан?"

"Юу ч биш ээ"

• • •

Маргааш өглөө нь би ангидаа ороод Брэттийн хажууд суулаа.

Брэтт " Чи зүгээр үү?"гэж асуув.Тэр миний царайг хараад бага зэрэг санаа зовсон нь харагдана.Би өчигдөр шөнөжингөө цуврал кино үзэж хамаг цагаа өнгөрөөсөн.

"Тиймээ.Би зүгээр.Чи гэрийн даалгавраа хийсэн үү?" гэж ярианы сэдвээ өөрчлөлөө.

"Хийсэн."гэж тэр дэвтрээ гаргаж ирэв.

Скайлор дахиад л хоцорч орж ирэхийг би харлаа."Тэнэг хүмүүс их байх юм даа"гэж хэлээд тэр миний ширээг өшиглөв.

"Тэнэг юм уу?" гэж би хэлээд түүн рүү муухай харлаа.

"Өрөвдөлтэй амьтан"гэж миний хажуугаар өнгөрөн ширээндээ суув.

Би түүний хэлсэн үгэнд гомдохын хэрээр санаа ихээр зовлоо.

"Хөөе залуу, чамд ямар асуудал байна?"гэж Брэтт сандалнаасаа огцом босоод Скайлор луу алхав.

Би гайхсаар юу болохыг харлаа.Скайлорт их зугаатай байгаа бололтой инээдээ барьж ядаж байгаа бол Брэтт их уурласан харагдана.

"Надад асуудал байхгүй гэж бодож байна."гэж хэлээд Скайлор түүн рүү жуумалзан хөлөө ачаад гараа толгойн дээрээ авав.

Ангид бүх хүмүүс чимээгүй болсон байлаа.

"Тэгвэл чи яагаад Скайлинг тайван орхихгүй байгаа юм?"гэж Брэтт уурсав.

Анги тэр даяар тэр хоёрыг харан сууна.Скайлор түүний үгэнд тээнэгэлзэж байгаад удаанаар Брэттийн нүд рүү эгцэлж харлаа.

"Чамд заавал мэдэх ёстой шалтгаан байгаа юм уу?"гэж тэр үргэлжлүүлэн түүн рүү ширүүнээр харав.

"Хөөе, хөөе, хөөе!" ноён Данфорд сурагчдыг холдуулан Скайлор Брэтт хоёрын голд очиж зогсоод "Ангид хэрүүл хийхгүй шүү!"

"Ноён Данфорд багшаа энэ залуу дандаа Скайлин руу дайрдаг."гэж Брэтт хэллээ.

"Худлаа!" гэж Скайлор хэлэв.

"Скайлор! Чиний ааш зан чинь хэрээс хэтэрч байна.Яг одоо захирлын өрөө рүү ор!" гэж багш шаардлаа.

"Энэ дуусаагүй шүү"гээд Скайлор хамаг юмаа шүүрч аваад Брэттийг мөрлөөд ангиас гарав.

• • •

"Сайн уу, Чэйндлэр гэртээ хүргүүлэх хэрэгтэй юу?" гэж би үүдний танхимд ахыгаа хүлээж зогсож буй Чэйндлэрийг хараад асуулаа.

"Скайлин хэрэггүй ээ"

"Зүгээр дээ." гээд би инээв.

Бид машиндаа сууж Чэйндлэрийн гэрт дөхсөөр явж байтал машины баруун тал доголдож байхыг би мэдэрлээ.

Чэйндлэр ч гэсэн анзаарсан байв.

"Скай, машины чинь дугуйны хий гарсан бололтой"гэж тэр хэллээ.

"Новш! Энэ машинд заавал ямар нэг асуудал гарах юмаа"гэж би санаа алдан хэлэв.

"Зүгээр ээ.Манай аав засаж чадна шүү.Чамд сэлбэг хэрэгсэл байна уу?"гэж Чэйндлэр асуулаа.

"Тийм ээ.Машины ард байгаа"Би дугуйны хийг яаж засахыг мэдэх боловч өнөөдөр би даашинз өмссөн байна.

"Ашгүй дээ.Намайг дагаарай" гэж тэр хэлээд гэртээ оров.Түүний гэр манайхтай төстэй ч үнэхээр гоё харагдаж байлаа.

"Чи юм уух уу?"гэж тэр хөргөгчөө онгойлгон асуув.

"Хэрэггүй ээ, баярлалаа."

Бид зочны өрөө рүү ороход буйдан дээр ад чөтгөрүүд сууж байлаа.

"Хөөе, би чамайг мэдэхгүй билүү?"гэж Кравфорд хөмсгөө өргөв.

"Чи их танил харагдаж байх чинь" гэж Жейсон худлаа эргэлзсэн дүр үзүүллээ.

"Аан би саначихлаа.Бид 2 чамайг ангид түгжээгүй билүү?" гээд Кравфорд жуумалзав.

Би нүдээ эргэлдүүллээ.

"Тэдэнд битгий гомдоорой, Скайлин.Гэхдээ чи энд юу хийж байгаа юм?"гэж Чейс эелдгээр асуув.

"Миний дугуйны хий гарчихсан гэж би аяархан хэллээ."

"Еээ! boo!!" гэж Жейсон элэг доог хийв.

"Хэрвээ би чам руу саваа шидвэл чи эндээс гарах уу!" гэж би дургүйцлээ.

"Магадгүй л юм"

Би толгойгоо сэгрээд эргэж харвал Скайлор нөгөө өрөөнөөс наашаа ирж байв.

"Чи энд юу хийж байгаа юм?"гэж тэр тохуурхлаа.

"Чамд хамаагүй"гэж би хариулав.

"За тэгвэл дугуй яаж хийлдгийг мэддэг хүн байна уу?"гэж Чэйндлэр асуулаа.

"Мэдээж байхгүй." гэж Кравфорд хэлэв.

"Би мэднэ" гэж Скайлор толгой дохилоо.

"Тэгвэл та Скайлинд тусалж болох уу?Тэрний машиных нь дугуй нь хагарчихсан."гэж Чэйндлэр асуув.

"Аан.Тэгвэл би туслахгүй ээ."гэж Скайлор бах нь ханасан бололтой хэллээ.

Би санаа алдан эргэж хараад тэднийхээс гарахад Чэйндлэр намайг дуудав.

"Манай аав гэртээ байхгүй байна.Бас тэднээс асуусан боловч бүтсэнгүй.Намайг үнэхээр уучлаарай.Би чадахаараа туслах гэж оролдсон шүү"

"Зүгээр ээ.Манай байшин танайхаас хол биш болохоор маш удаанаар жолоодож явахад болноо" гээд би зөөлөн инээмсгэллээ.

Би хаалгаар гараад явах гэж байтал гайхалтай нь хэн нэгэн миний ардаас дуудав.

"Машинаа онгойлго, Скай"гэж хэлээд Скайлор миний машин руу очлоо.

Би түлхүүрээ гаргаж ирээд онгойлгов.

• • •

Скайлор машиныг минь засч өгсний дараа тэр зорчигчийн суудал дээр суув.

"Би чамд дандаа тусалдаг байх аа."гэж хэлээд тэр алчуураар гараа цэвэрлэлээ.

"Мэдээж"

"Чи яагаад энийгээ өөрийнхөө хуягт баатраараа засуулаагүй юм?"гэсээр түүний царайнд санаа зовсон дүр буув.

"Засуулах байсан.Гэхдээ аав завгүй байгаа" гэж би хариуллаа.

"Үгүй ээ.Би чиний шинэ найзыг чинь хэлж байна." гэж хэлээд тэр дахиад над руу харав.

"Брэтт үү? Тэр чамд таалагдсан гэж бодож байна."гэж би түүнийг ёжлолоо.

"Тийм ээ.Би жоохон хүүхдүүдэд дуртай."гэж тэр над руу ойртсоноо "Гэхдээ тэр хоёр удаа новшийн зан гаргасан болохоор найз чинь үхсэн гэж мэд!"

Би санаа алдаад "Тэр зөвхөн надад санаа тавьсандаа л ингэсэн.Түүний буруу биш.Чи л надад ядаргаа болж байгаа хүн нь биз дээ."

"Тэр охин болгонтой ингэж харьцдаг уу?" гэж тэр асуув.

Би ярианы сэдвээ өөрчлөхөөр шийдлээ."Чи яагаад Брэтт-д дургүй юм бэ?"

Тэр нэг хөлөө ачаад "Би маш олон хүнд дургүй."

Зөв хариулт шиг сонсогдохгүй байна.Танихгүй хүндээ дургүй байна гэдэг чинь утгагүй юм."Гэхдээ тэр шинээр ирсэн.Чамд түүнтэй танилцахаас өөр арга байхгүй."гээд би гараа урдаа авав.

"Тэгвэл чи яагаад түүнээр өөрийгөө хамгаалуулаад байгаа юм" гэж тэр хөмсгөө атирууллаа.

"Үгүй ээ.Би чамайг түүнтэй муухай харьцахад чинь дургүй."

"Тэр чамд таалагддаг.Тийм биз дээ?"

"Би яагаад чамд хэлэх хэрэгтэй гэж?"

Тэр миний машинаас буугаад "За за чи надад хэлэхгүй юм чинь надад хамаагүй юм байна."

"Тийм ээ" гэж би хэлэв.

"Тийм ээ" гэж тэр хэлсээр нүдээ эргэлдүүллээ.

"Мангар" гэж би бувтнасаар амьсгаа авлаа.Гэхдээ би түүнд хангалттай сонсогдохоор хэлсэн байснаа анзаарав.

"Чи сая юу гэсэн бэ?" гэж тэр гайхсан шинжтэй асуулаа.

Би нүдээ томруулаад "Юу ч биш ээ.Баяртай" гэж хэлээд машиндаа хурдхан шиг суугаад явав.