"ဖြေရှင်းချက်လိုချင်တယ်"

"နေပြောပြီးပြီပဲ___ရှိုင်းမှမယုံတာကို"

ရှိုင်းရဲ့မျက်ခုံးနှစ်ဖက်ကအပေါ်ကိုတက်သွားပြန်သည်။အရှုံးပေးထားရက်နဲ့ခဏခဏအနိုင်လိုချင်သူကိုဘယ်လိုဖြေသိမ့်ပေးရမလဲမသိ။နေ့ဘဝရဲ့နုပျိုမှုတွေ၊လွတ်လပ်မှုတွေအားလုံးအပ်နှံထားတာတောင်မကျေနပ်သေးဘူးတဲ့လား။

နေရင်ထဲမှာသက်ပြင်းသေးသေးလေးခိုးချမိသည်။

"သူတို့နဲ့မှမဟုတ်ဘူး ဘယ်ယောက်ျားနဲ့မှမယုံဘူး ရှင်းလား၊ပြီးတော့ဒီနေ့ကစပြီးတစိမ်းယောက်ျားဆိုရင်မျက်လုံးနဲ့တောင်စောင်းမကြည့်နဲ့ တို့မကြိုက်ဘူး "

"မဟုတ်သေးဘူးရှိုင်းရယ် နေ ဘာလုပ်နေလို့လဲ၊ရှိုင်းစိတ်တိုင်းကျနေနေတာပဲ၊နေ့ဖက်ကဘာများအမှားလုပ်မိနေလို့လဲ ရှိုင်းကြိုးဆွဲရာကနေရတာပဲမဟုတ်လား"

ရှိုင်းမျက်နှာတစ်ချက်ပျက်သွားသော်လည်းမျက်နှာထားကပြန်တင်းသွားသည်။ရှိုင်းကထိုင်နေရာကနေနေ့ကိုမော့ကြည့်လာသည်။နေကမတ်တပ်ရပ်နေရာကနေထွက်သွားမည်ကြံလိုက်တော့နေ့လက်ကိုလှမ်းဆွဲလိုက်သဖြင့်ခန္ဓာကိုယ်ကယိုင်ပြီးရှိုင်းပေါင်ပေါ်ကျသွားသည်။ရှိုင်းကခြေကလိမ်ချိတ်ထားရာကပြန်ပြင်လိုက်ပြီး သူ့ခန္ဓာကိုယ်ပေါ်ရောက်လာသောနေ့မျက်နှာလှလှလေးကိုအငမ်းမရစိုက်ကြည့်နေသည်။

"နေရပ်ဝန်းလိုအရမ်းလှတဲ့မိန်းကလေးကတို့အပိုင်ဖြစ်နေတာသိပ်ကြည်နူးစရာကောင်းတာပဲ "

ပြောရင်းနေ့ပါးကိုလာနမ်းသဖြင့်နေကမျက်နှာကိုတစ်ဖက်ကိုလှည့်လိုက်သည်။သူ့အနမ်းကလူကိုမြတ်နိုးလို့နမ်းတဲ့အနမ်းမှမဟုတ်တာ။

"နေ အဲ့လိုလုပ်တာတို့မကြိုက်ဘူး"

နေကဘာမှပြန်မပြောမိ။လွှဲထားသောမျက်နှာကိုလည်းပြန်မတည့်မိ။တစ်ခါတစ်လေကိုယ့်ဖက်ကပေးဆပ်နေရတာတွေကတော်တော်များနေပြီဟုခံစားလာမိသည်။

"နေ ဒီနေ့နေသိပ်မကောင်းချင်ဘူးပြီးတော့ မေမေကလည်းဒီနေ့စောစောပြန်လာဖို့မှာလိုက်တယ်"

"ဘာကြောင့်"

ဂရုမစိုက်သလိုမျက်နှာပေးနှင့်ပေးနေသဖြင့်ပြန်ပြောရမည့်စကားတို့ကလည်ချောင်းဝမှာတစ်ဆို့လာသည်။သို့သော် ဒီနေ့နေ့စိတ်တွေရှုပ်ထွေးသဖြင့်ရှိုင်းနဲ့ဝေးရာကိုသာထွက်သွားချင်မိသည်။

"အိမ်မှာညနေစာစားကြရအောင်လို့တဲ့"

"မပြန်ရဘူး"

"ရှိုင်း"

နေဆတ်ကနဲထလိုက်သည်။ရှိုင်းကဂရုမစိုက်သလိုမျက်နှာပေးနှင့်နေ့မျက်နှာကိုမေ့ကြည့်လာသည်။နေထွက်သွားဖို့ကြံသော်လည်းရှိုင်းအကျင့်ကိုနေအသိဆုံးမို့ရှိုင်းအရှေ့မှာထိုင်ချလိုက်သည်။

"နေ တောင်းပန်ပါတယ် ရှိုင်းရယ်___နေအခုပြန်ပါရစေ၊ကျေးဇူးပြု၍"

"ဟားဟားဟားဟား ဒီရှိုင်းနားကစကားကိုနှစ်ခါမပြောတတ်ဘူး မှန်းစမ်း နေရပ်ဝန်းစိတ်ညစ်နေတဲ့မျက်နှာလေး"

ပြောနေရင်းနေ့မေးဖျားကိုကိုင်ကာမေးလိုက်သေးသည်။နေ့ကိုဘာလို့များဒီလောက်တောင်ဖိအားတွေပေးနေသလဲနားမလည်။သူ့စိတ်ကြိုက်နေ့ဘဝကိုခြယ်လှယ်နေတာတောင်မကျေနပ်သေးတော့နေလည်းဝမ်းနည်းလာသည်။

ထို့ကြောင့်မျက်ရည်တွေစီးကျလာသည်။ရှိုင်းကနေ့မျက်ရည်တွေကိုမြင်တော့တစ်ချက်ငိုင်သွားသော်လည်းအလျှော့မပေးတတ်သည့်အကျင့်အတိုင်းမရယ်ချင်ရယ်ချင်နှင့်ရယ်လိုက်ပြန်သည်။

"တို့အရှေ့မှာမငိုပြနဲ့နေ၊တို့ကငိုတာမကြိုက်ဘူး မင်းငိုပြလို့လဲတို့ဆုံးဖြတ်ချက်ကပြင်မှာမဟုတ်ဘူး၊မင်းကိုတို့ပိုင်တယ် ၊အဲ့ဒီတော့မင်းဒီနေ့ အိမ်မပြန်ရဘူး၊ဒီလမ်းကိုမင်းကိုယ်တိုင်ရွေးခဲ့တာပဲ တို့ကမင်းကိုslave အဖြစ်နေခိုင်းနေတာမှမဟုတ်တာ ၊ဒီရှိုင်းနားရဲ့မိန်းကလေးနေရပ်ဝန်းအဖြစ်နေခိုင်းနေတာ"

သူဘာတွေလုပ်နေသလဲသူ့ဘာသာတောင်သိပုံမရသောရှိုင်းကိုနေအထွန့်မတက်ချင်တော့။ပြောရင်လဲရမှာမဟုတ်တော့မဲ့အတူတူသူ့ဆန္ဒအတိုင်းသာဖြစ်ဖို့သဘောတူလိုက်ရသည်။

"ကောင်းပြီလေ ရှိုင်း မသွားစေချင်ရင်နေမသွားဘူး"

"Wow!! That is my girl!"

"ဒေါက် ဒေါက် "

"ဝင်ခဲ့"

တံခါးပွင့်သွားတော့ရှိုင်းရဲ့နှုတ်ခမ်းတွေကနေ့နှုတ်ခမ်းတွေဆီအတင်းအဓမ္မလာနမ်းနေသည်။ဒါကရှိုင်းရဲ့အကျင့်။နေ့ကိုသူ့ဝန်ထမ်းတွေအရှေ့မှာပင်မချန် သူပိုင်တယ်ဆိုတာပြချင်တာမဟုတ်လား။

ဝန်ထမ်းကောင်မလေးကထထွက်သွားရတော့မလိုရပ်နေရတော့မလိုဖြစ်နေတာကိုနေမြင်ရသည်။နေ့မှာအသက်ရှူပင်ကြပ်လာရသည်။အတော်ကြာမှလွှတ်ပေးပြီး သူမဟုတ်သလိုကောင်မလေးကိုတစ်ချက်ပြန်ကြည့်သည်။

နေ့မှာမျက်နှာပူသော်လည်းဘာမှပြန်မပြောမိ။

"ပြော ဘာကိစ္စ"

"ကြော်ညာရိုက်ဖို့ကိစ္စအတွက်အောက်ထပ်မှာဦးအောင်မင်းရောက်နေတယ် မမ"

"သြော် အေးဟုတ်ပြီလေ တို့ဆင်းလာခဲ့မယ်"

"ဟုတ်မမ"

ကောင်မလေးကခါးလေးညွတ်ပြီးထွက်သွားတော့ရှိုင်းကနေ့မျက်နှာကိုသေချာကြည့်သည်။

"တို့အခန်းတံခါးသော့ပိတ်ခဲ့မယ်"

"ဘာလဲ နေထွက်ပြေးမှာစိုးလို့လား"

"ဒါပေါ့"

"ကြံကြီးစည်ရာရှိုင်းရယ်"

"Ok တို့သွားမယ် "

ထပြီးနေ့ပါးပြင်ကိုနမ်းကာထွက်သွားလေသည်။အခန်းတံခါးကိုသော့ပိတ်သံကြားသဖြင့်နေ့မှာမျက်မှောင်ကြုတ်မိသည်။ဒီအခန်းထဲမှာနေရမဲ့အဖြစ်ကိုတွေးပြီးပျင်းနေမိသည်။

"📲📲📲📲📲📲📲📲📲📲

နေဆိုဖာပေါ်အိပ်မည်ကြံတုန်းရှိုင်းရဲ့ဖုန်းကမြည်လာလေသည်။နေလည်းဖုန်းကိုကြည့်လိုက်သည်။

"Mahar Myittar"ဆိုပဲ။

နေ့ကိုမြင်မြင်ချင်းနေ့ကစိုက်ကြည့်နေတဲ့ကောင်မလေး၊နေ့အတွက်ရှိုင်းကိုအသနားခံခဲ့သည့်ကောင်မလေးကိုဖျတ်ကနဲမြင်ယောင်လိုက်သည်။

ရှိုင်းကိုစွဲလန်းနေပုံရသောထိုကောင်မလေးအဖြစ်ကိုတွေးပြီးရင်ထဲမှာသနားမိသည်။ဖြစ်နိုင်လျှင်ကိုယ့်ညီမအရွယ်လေးမို့စိတ်မကစားစေချင်မိ။

နေဖုန်းက Answer ခလုတ်လေးကိုနှိပ်လိုက်သည်။

"ဟဲလို ရှိုင်း မမနေကိုဘာမှမလုပ်ဘူးမလားဟင်"

နေမျက်မှောင်ကြုတ်မိသည်။ဘာလဲ။သူဖုန်းဆက်တာနေ့ကိုစိတ်ပူလို့လားဟုတွေးရင်းနားမလည်ဖြစ်ရသည်။

"သမီး"

"ဟင် မမနေလားဟင်"

"အင်း ဟုတ်တယ် ရှိုင်းကအောက်ခဏဆင်းသွားလို့"

"ဆောရီးမမနေ မဟာကလေ ရှိုင်းမမနေကိုနှိပ်စက်နေမလားလို့တွေးပြီးစိတ်ပူလို့ဖုန်းဆက်လိုက်တာ"

"သြော်__အင်းစိတ်ပူပေးလို့ကျေးဇူးပါသမီး"

"မမနေ "

"ရှင်"

"မဟာ့ကိုသမီးသမီးနဲ့မခေါ်ပါနဲ့လား😞မဟာလို့ခေါ်ရင်လဲတစ်မျိုးပေါ့ သမီးလို့ခေါ်လိုက်ရင်ပြောစရာစကားတွေကုန်သွားသလိုပဲ၊မမနေအပေါ်လေးစားရမယ်ဆိုတာကြီးတွေးတွေးမိလာလို့"

"အဟား တို့ကတို့ထက်အများကြီးငယ်လို့သမီးလို့ခေါ်မိတာပါကွာ၊တို့ကအိမ်ကအိမ်ဖော်ကောင်မ လေးတို့အောက်၂နှစ်လောက်ငယ်တာတောင်သမီးလို့ခေါ်တာအကျင့်ပါနေလို့"

နေရယ်ရင်းပြောနေမိသည်။ဘယ့်နှယ်သူ့ကိုသမီးခေါ်တာမကြိုက်ဘူးဆိုလားပဲ။ဘယ်လိုကလေးမလေးလဲမသိ။

"မမနေကအခုဘယ်မှာလဲ ရှိုင်းအိမ်မှာလား"

"မဟုတ်ဘူး သမီး အဲလေ ကလေး "

"ဟာ အဲ့တာပိုဆိုးသွားပြီ😒"

"အဲ့ဒါဆို ဘယ်လိုခေါ်ရမှာလဲရှင်😞"

"မသိတော့ဘူး မမနေကြိုက်သလိုပဲခေါ်တော့"

"အဲ့တာဆိုကလေးပဲခေါ်တော့မယ် 😝😁"

"😒😒😒😒😒😒😒"

"တို့ကအခုရှိုင်းရဲ့ဆိုင်မှာ ဟိုတစ်ခါကလေးရောက်ဖူးတယ်လေ"

"မမနေကရှိုင်းဆီပဲအမြဲလာနေရတာလား"

"ဘာလို့အဲ့လိုမေးတာလဲ"

"ဟို မမနေမကြိုက်လို့လား😞မမနေမကြိုက်ရင်မမေးဘူးလို့သဘောထားလိုက်ပါ"

နေကဘာမှမပြောရသေးသူချည်းဇွတ်ပြောပြီးသူ့ဘာသာအထင်တွေဇွတ်ပေးနေသောကလေးမရယ်လေ။

"တို့လည်းဘာမှမပြောရသေးပါလားကွာ၊မဆိုးဘူးသိလား တို့ကပျင်းနေတာမင်းဖုန်းဆက်တာအပျင်းကိုပြေရော"

"ပျင်းနေတာ"

"အင်း ရှိုင်းကဘယ်မှမသွားရဘူးဆိုပြီးအခန်းသော့ပိတ်သွားလို့တို့ပျင်းနေတာ"

"ရှိုင်းကသော့ပိတ်သွားတယ်"

"အင်း"

"ရှိုင်းကမမနေကိုတအားနိုင်တာပဲလား၊ရှိုင်းကိုမဟာပြောကြည့်ပေးမယ်လေ မမနေကိုမနိုင်စားဖို့"

နေရယ်ချင်သော်လည်းမရယ်ရက်။သို့သော်ဒီကလေးကိုတော့ရှိုင်းနဲ့မပတ်သက်စေချင်။

"ကလေးမှာရည်းစားရှိလား"

"ရည်းစား?"

"အင်း ချစ်သူပေါ့"

"လိုက်နေတဲ့လူတော့ရှိတယ်"

"ကလေးကပြန်မကြိုက်ဘူးလား"

"ဒီလိုပါပဲစဉ်းစားနေဆဲပေါ့"

"အဲ့ဒါဆိုကလေးအမြန်စဉ်းစားပေးလိုက်ပါလား၊အပြစ်မရှိတဲ့ကလေးဘဝကိုရှိုင်းအညွန့်ချိုးလိုက်မှာတို့မမြင်ရက်ဘူး"

နေကတကယ့်စေတနာအမှန်နှင့်ပြောခြင်းဖြစ်သော်လည်းသူ့စိတ်ထဲဘယ်လိုထင်သွားသည်မသိ။

"မဟုတ်ဘူးနော် မမနေ မမနေအထင်မလွှဲပါနဲ့ ရှိုင်းနဲ့မဟာကရိုးရိုးသားသားခင်တာပါ၊မဟာကြောင့်ရှိုင်းနဲ့မမနေတစ်ယောက်ကိုတစ်ယောက်အထင်လွှဲစရာမလိုဘူး"

"ဟိတ် တို့ကမင်းကိုအထင်လွှဲလို့ပြောနေတာမဟုတ်ဘူး၊ရှိုင်းနဲ့ဝေးဝေးနေစေချင်တာကမင်းကိုတို့ကသဝန်တိုလို့ပြောနေတာမဟုတ်ဘူး မင်းကိုသနားလို့ပြောနေတာ"

နေ့အသံကအနည်းငယ်မာသွားသယောင်ရှိသည်။ထို့ကြောင့်တစ်ဖက်ကတော်တော်နှင့်အသံပြန်မလာ။

"ဟိတ် တို့ပြောတာကြားလား"

"ဟုတ်ကဲ့ ကြားတယ်မမနေ"

"ကြားရင်လဲအဖက်လေးဘာလေးလုပ်ပါအုံး"

"လုပ်ပါတယ်မမနေရဲ့"

"အတန်းချိန်မရှိဘူးလား ကလေးက"

"ဟုတ်___ရှိတယ်မမနေ အခုကျောင်းမှာ"

"သြော် အဲ့ဒါဆို တို့ဖုန်းချလိုက်တော့မယ်လေ"

"အင်း ___ဒါနဲ့မမနေဖုန်းနံပါတ်လေးရောမဟာ့ကိုပေးပါအုံး"

နေကဖုန်းနံပါတ်တချို့ကိုရွတ်ပြလိုက်သည်။ပြီးတော့ဖုန်းကိုချလိုက်ပြီးအိပ်ရာပေါ်မှာပြန်အိပ်နေလိုက်သည်။

>>>>>>>>>>>>>>>>>>>>

ပြည့်ပြည့်ရဲ့အမေကပြည့်ပြည့်ညီမလေးကိုသွားကြိုဖို့ဖုန်းဆက်သဖြင့်ပြည့်ပြည့်က မဟာ့ကိုရော မြတ်ကိုပါချောဆွဲလာသည်။ ပြည့်ပြည့်ညီမလေးက Bright College မှာတက်သဖြင့်မဟာတို့သုံးယောက် Bright College ရှေ့မှာစောင့်နေကြသည်။

"ဟဲ့ ဟိုလေ နင့်အဆက်ကြီးကတစ်မျိုးပဲနော်"

မဟာမှာရုတ်တရက်မြတ်ပြောလိုက်သောစကားကိုနားမလည်။ဘယ်သူဆိုတာစဉ်းစားမရသဖြင့်ပြန်မေးယူရသည်။

"ဘယ်သူလဲဟ"

"ဒီရှိုင်းနားလေ"

"ဘာငါ့အဆက်လဲ နင်တို့ပဲသူ့တွေ့ရင်တ မ မ နဲု့ဖစ်နေကြပြီး"

"သူ့ပုံစံကမိုက်တာကိုးဟဲ့😝"

"သေပါ့လား သူ့ထက်မိုက်တာပေါလွန်းလို့"

မဟာ့မျက်စိထဲနေရပ်ဝန်းမျက်နှာလေးကကွက်ကနဲထင်လာသည်။နေရပ်ဝန်းကပိုချောသည်မဟုတ်လား။

"ဟဲ့ ဟိုမှာဆုလေးမဟုတ်လား"

ပြည့်ပြည့်ကလှမ်းပြောသဖြင့်မဟာလည်းကြည့်လိုက်မိသည်။ဟိုးအရင်ကရှိုင်းနဲ့ပြသနာဖြစ်တဲ့လူကြီးနှင့်ဖြစ်သည်။ထိုလူကဆုလေးကိုဖက်ပြီးပါးလေးကိုနမ်းနေသဖြင့်သုံးယောက်သားမျက်လုံးပြူးသွားရသည်။

ဆုလေးကလည်းပြုံးလို့ပျော်လို့။

"ဟဲ့ အဲ့လူကြီးကဘယ်သူလဲမသိဘူးနော် ဒီရှိုင်းနားကအဲ့လူကြီးကြည့်တာတောင်ဒေါသတွေထွက်နေတာကို"

"ဒေါသထွက်တာတင်မကဘူး သူ့ညီမကို US တောင်ပို့မလို့တဲ့"

"ဟုတ်လား အဲ့ဒါနဲ့များဆုလေးကဘာလို့အဲ့လူကြီးနဲ့တွေ့နေရလဲမသိဘူးနော်"

မြတ်ကပြောရင်းတစ်ခုခုကိုစဉ်းစားဟန်ဖြင့်မဟာ့ဖက်လှည့်လာသည်။မဟာလည်းဘာလဲဟူ၍မေးငေါ့ပြသည်။

"နေပါအုံး သူ့ညီမကို US ပို့မယ်ပြောတာနင်ကဘယ်လိုသိ"

"ဟင် 😩အဲ့ အဲ့ဒါကဒီလိုပဲ စကားစပ်မိရင်းပြောပြတာ"

ပြည့်ပြည့်နဲ့မြတ်ကမယုံသလိုမျက်နှာပေးနှင့်ကြည့်နေကြသည်။မဟာကတော့ဘာမှမဖြစ်သလိုဟန်ဆောင်လိုက်ပြီးဆုလေးကိုပြန်ကြည့်လိုက်သည်။

ဒီမြင်ကွင်းကို ရှိုင်းမမြင်ပါစေနှင့်ဟုဆုတောင်းနေရသည်။

ခဏကြာတော့ပြည့်ပြည့်ညီမလေးထွက်လာသဖြင့်မဟာတို့အားလုံးလည်းပြန်လာခဲ့ကြသည်။

အာရုံထဲမှာတော့ဆုလေးနဲ့ဟိုလူကြီးပြုံးလို့ပျော်လို့စကားတွေဖောင်ဖွဲ့နေကြတာကိုသာမြင်ယောင်နေမိသည်။

ဆုလေးနဲ့ဘယ်လိုများပတ်သက်ကြသလဲ။ရှိုင်းကရောထိုလူကြီးကိုဘာလို့မုန်းနေရသလဲ။

ရှိုင်းကဘယ်လိုမိန်းမမျိုးလဲ။မမနေနှင့်ရောဘယ်လိုများပတ်သက်နေကြသလဲ။

တွေးနေရင်းခေါင်းသာခြောက်လာသည်။

အဖြေကပေါ်မလာ။ထပ်မတွေးဘဲကိုယ့်ဘာသာဆိုင်ကယ်ကိုအာရုံစိုက်မောင်းလာခဲ့သည်။