အပိုင်း-102

လင်းဖေးလု ငိုတာရပ်သွားပြီး ရီသံထွက်လာသည်။ သူတို့သုံးယောက်သား အင်ပါယာကျောင်းကအတူ ထွက်လာကြတယ်။

အိမ်ရှေ့စံမင်းသား လင်းချင်းအနေနဲ့ အခု အရှေ့နန်းဆောင် မှာနေရသည်။ အင်ပါယာမင်းသားအားလုံးထဲ သူတစ်ယောက်တည်း ကိုယ့်နန်းဆောင် နဲ့ကိုယ် ရှိတာဖြစ်သည်။ အိမ်အပြန်လမ်း၌ လင်းချင်း သူ့ညီတော် မင်းသား ၄ ကိုလေ့လာသင်ကြားမှု စစ်ဆေးကြည့်တော့ တကယ်ကိုတိုးတက်လာတာ တွေ့ရတယ်။ မင်းသား ၄ ရဲ့ လေ့လာသင်ကြားမှုကို မင်းသမီး ၅က ကြီးကြပ်ပေးတယ်ဆိုတဲ့ ကောလဟာလကိုပြန်တွေးမိလာတယ်။ တကယ်ပဲ သူ့ညီမတော် ၅က လုံးဝမတူတဲ့ အလင်းရောင်လေးလို့ စတင်မြင်လာခဲ့သည်။

သူက ထက်မြက်တဲ့လူတွေကိုကြိုက်တယ်။ ရန်လိုမှုနည်းပါးတဲ့ပတ်ဝန်းကျင်ကိုလည်းသဘောကျသူဖြစ်တယ်။

သူ့ညီမတော် ၅က ငယ်သေးတယ်။ ဒါပေမဲ့ တခြားအင်ပါယာညီမတော် တွေထက် ပိုပြီးထက်မြက်တယ်။

သူတို့ သုံးယောက် စကားတပြောပြော ရီရီမောမောနဲ့ သေးငယ်ပြီးကျိုးနေသည့် တံခါးတစ်ခုကိုဖြတ်လာစဉ် ရုတ်တရက် ခဲနေသည့် ကန်ပေါ် ဆောက်ထားသည့် ကြည့်စင်ကနေ အသံ တစ်သံ ကြားရလိုက်ရတယ်။

နှင်းများလေးလံစွာကျဆင်းခဲ့တာကြောင့် ကန်ထဲက ကြာပန်းများလည်းခဲနေ၏။ ရေခဲပြင်ပေါ် က ခဲနေသည့် ကြာပန်းအကိုင်းအခတ်များကိုမြင်နေရသည်။ အင်ပါယာမောင်းမဆောင် ထဲ ကိုယ်လုပ်တော် များ ဇန်းရေကန် ဆီ ပျော် ရွှင်စွာလာရတာ ကို ကြိုက်နှစ်သက်သည်။

ကြည့်လိုက်တော့ ပွဲကြည့်စင် နား အမျိုးသမီး လေးယောက် (သို့) ငါးယောက် ရှိနေပြီး လူနှစ်ယောက် သူတို့ရှေ့ ဒူးထောက်နေ၏။ လင်းဖေးလု အကြည့်တစ်ချက်ထဲနဲ့ သူတို့တွေကိုမမှတ်မိဘူး။ နည်းနည်းရင်းနှီးနေတယ်လို့တွေးမိလိုက်ကာ ထပ်ကြည့်လိုက်တော့ တခြားသူမဟုတ်ပဲ သူ့မယ်တော် နဲ့ချင်းရန် !

ပန်းဖျော့ရောင်ဝတ်ဆင်ထားသည့် ထိုမိန်းမက ကျယ်လောင်ပြီးအထက်ဆီးဆန်စွာ " ငါ ကျေနပ်တဲ့အထိ ဒူးထောက်စမ်း!!"

ချင်းရန် သူတို့ကိုတောင်းပန်ခယတယ်။"အရှင်မ အပေါ် ကျွန်တော် မျိုးမ သခင်မ ရည်ရွယ်ပြီးလုပ်ခဲ့တာမဟုတ်ပါဘူး။ ကျေးဇူးပြုပြီးခွင့်လွှတ်ပေးပါ!!"

ရှောင်လန် အသံ ခပ်နိမ့်နိမ့်နဲ့ " ချင်းရန်"

ချင်းရန် ပြောဆိုတာ ရပ်သွားပြီးတိတ်တဆိတ် ငိုယိုနေ၏။

ပန်းဖျော့ရောင် မိန်းမ နံဘေး၌ တခြားကိုယ်လုပ်တော် ၂ ယောက်ရှိပြီး ပါးစပ်အုပ်ကာ ပြုံးနေကြသည်။သူ့မျက်လုံးထဲလှောင်ပြောင်သည့်အကြည့်များ ရိုင်းစိုင်းသည့်အကြည့်များအပြည့်ရှိနေသည်။

ကိုယ်လုပ်တော် လင်း ခြေ၂လှမ်းရှေ့တိုးလာသည်။ ခန္ဓာကိုယ်ကိုနိမ့်ကာ ရှောင်လန် လက်ကိုဆွဲယူပြီးအနီးကပ်ကြည့်လိုက်သည်။

ကြည့်ပြီးနောက် "မင်း ဒီလက်ကိုင်ပဝါကို လက်ဆောင်ရတာလို့ ကြားခဲ့တယ်။ ကြင်ယာတော် ရွမ် အတွက်လည်း လှပတဲ့အဝတ်အစားတွေ မင်းလုပ်ပေးခဲ့တယ်လို့ ကြားတယ်။ ဒါ အမှန်ပဲလား?"

စကားဆုံးအောင်ပြောပြီးနောက် ရှောင်လန် လက်ချောင်းများလက်ဖမိုးနဲ့ထိအောင်ကွေးချတယ်။ ရှောင်လန်နာကျင်မှုကြောင့် ဖျော့တော့နေပြီး စကားတစ်ခွန်းမှ ထွက်မလာချေ။

ကိုယ်လုပ်တော် လင်းနှာခေါင်းရူံ့တယ်။ရုတ်တရက် သူ့အနောက်က သေးငယ်တဲ့ပုံရိပ်ပြေးလာပြီး သူ့ကိုတွန်းလိုက်တယ်။

ကိုယ်လုပ်တော် လင်း ဟန်ချက်ပျက်သွားကာ တုန်လှုပ်သွား၏။ ဘေးနားကအစေခံများလည်း ချက်ချင်းထိန်းမကိုင်နိုင်ပဲ လဲကျသွားကာ နီးစပ်ရာကျောက်စားပွဲနှင့် ခေါင်းရိုက်မိသွား၏။

ဘေးပတ်လည်က လူများလည်း အလျင်စလိုအော်ဟစ်ကာအကူအညီတောင်းသည်။ သူတို့ အော်ဟစ်နေရင်းအလုပ်ရူပ်နေပြီးလင်းဖေးလု ရှောင်လန်ကိုမတ်တပ်ရပ်ဖို့ ကူညီပေးဖို့ရောက်လာတယ်။

ရှောင်လန် မျက်နှာ အလွန်ဝမ်းနည်းနေပြီး သူ့သမီး အခုလိုမြင်သွားလိမ့်မယ်လို့ မမျှော်လင့်ထားချေ။

ဒီနေ့ နည်းနည်းစိတ်အိုက်လာလို့ ချင်းရန် အတူလမ်းလျှောက်ဖို့ ဆုံးဖြတ်ကာ ထွက်လာခဲ့သည်။ ဇန်းရေကန်မြင်ကွင်းက ကြာပန်းမြင်ကွင်းနဲ့ ဘုရားဆင်းတုတော် ရှိသည် လို့ ကြားဖူးတာကြောင့် စိတ်ဝင်စားပြီးရောက်လာခဲ့တာဖြစ်တယ်။