အပိုင်း-81

လင်းဂျင်းယွမ် တုန့်ဆိုင်းစွာ ပြန်တုန့်ပြန်တယ်။ "ဘာလို့ သူနဲ့အတူသွားမှာ.." ဒါပေမဲ့ လင်းဖေးလု အပြုံးကိုမြင်တော့ မငြင်းဆန်တော့ပဲ တုန့်ဆိုင်းစွာ စိတ်မချစွာ"ကောင်းပြီ။ ကောင်းပြီ။ အတူသွားစို့ ! လုလေး ဗိုက်ဝပြီလား? ငါတို့အတူ ကြည့်နေရင်း စားဖို့ ကိတ်နှစ်ခုယူလာသေးတယ်!"

လင်းဖေးလု နာခံစွာခေါင်းညိတ်တယ်။

ထိုအခိုက်အတန့် မရင်းနှီးသည့် အစေခံတစ်ယောက် ခန်းမ အပြင်ဘက်ကနေ ရုတ်တရက် အပြေးအလွှားဝင်ရောက်လာသည်။မျက်နှာပေါ် အနည်းငယ်စိတ်ပူနေသည့်အပြုအမူပေါ် လွင်နေ၏။ ရှောင်လန်ကိုမြင်တော့ သူ့အပြုအမူ ပျော်ရွှင်မှုသို့ ကူးပြောင်းသွား၏။ အလျင်စလိုရောက်ချလာပြီး " ဒီအစေခံက ကျက်သရေရှိအမျိုးသမီးရှောင်လန်ကို နှုတ်ဆက်ပါတယ်။ ဒီအစေခံကို မှတ်မိပါရဲ့လား?"

ရှောင်လန် နဲ့လင်းဖေးလု တို့တစ်ယောက်နဲ့တစ်ယောက်ကြည့်လိုက်ကြသည်။

ထို့နောက် ရှောင်လန် ခေါင်းပြန်လှည့်လာပြီးနွေးထွေးစွာ "မသိဘူး။ ငါ မင်းကိုမမှတ်မိဘူး။ မင်းဘယ်သူလဲ မေးပရစေ?"

ထိုအစေခံ ပျော်ရွှင်စွာ " နိမ့်ကျတဲ့ဒီငယ်သား ကိုမမှတ်မိတာ နားလည်ပါတယ်။ ဒီအစေခံက အရင်က ရှောင်မိသားစုရဲ့အစေခံဖြစ်ပါတယ်။နောက်တော့ သခင်မရဲ့ မိခင်(သခင်မရှောင်) က ကျဲမိသားစု ဆီ ခံစားဖို့ အမိန့်ပေးခဲ့ပါတယ်။ ကျဲမိသားစုရဲ့ သမီး မောင်းမဆောင်ထဲဝင်တော့ ကျက်သရေရှိအမျိုးသမီး ရာထူး ခန့်အပ်ခံရပါတယ်။ဒါ့ကြောင့် ကျက်သရေရှိ အမျိုးသမီး ကျဲ နဲ့အတူ နန်းတော် ကိုဝင်ခဲ့ရပြီး အခု သူ့ ကိုစောင့်ဆိုင်းနေတာပါ"

လင်းဖေးလု ရူပ်ထွေးလှတဲ့ ဆက်ဆံရေးကြောင့် အံ့ဩသွား၏။

ရှောင်လန် လည်းပျော်ရွှင်သွားပြီး "ဒါဆို မင်းရဲ့ ငါ့ အမေရဲ့ အစေခံဖြစ်ခဲ့တာလား? သူလည်း မောင်းမဆောင်ထဲဝင်လာတယ်လို့ ကြားမိတယ်။ ဒါပေမဲ့ ငါလည်း ဒီနှစ်ပိုင်းဖျားနာနေခဲ့တော့ သွားလည်ဖို့အခွင့်မသာဘူး"

ထိုအစေခံပြုံးပြီး ဖြေကြားတယ်။

"ဟုတ်ပါတယ်။ ဒီငယ်သားရဲ့ သခင်မစိတ်ထဲ ကျက်သရေရှိရှောင်လန် အမြဲရှိပါတယ်။သူမ အရင်က သခင်မတို့နှစ်ယောက် ညီအစ်မအရင်းလိုဖြစ်ခဲ့တဲ့အချိန်ကို အမြဲတမ်းအမှတ်ရနေတာ။ "

ခဏရပ်တန့်ပြီး မျက်နှာပေါ် စိတ်ပူသည့် မျက်နှာထားနဲ့ " ဒါက ..ဒီငယ်သားရဲ့ သခင်မ မောင်းမဆောင်ကိုဝင်တည်းက ဧကရာဇ် ရွေးချယ်ခြင်းခံရပေမဲ့ ကျက်သရေရှိ အမျိုးသမီးရှောင်လန်ကို မတွေ့နိုင်ဘူးလို့ ခံစားရတယ်။ သခင်မကို ခွင့်လွှတ်ပေးမယ်လို့ မျှော်လင့်ပါတယ်"

ရှောင်လန် ညင်သာစွာ "ငါလည်း သူ့ကိုမမြင်သေးဘူး။ ငါတို့က ညီအစ်မတွေပဲ ။သူ ကမင်းကိုလွှတ်လိုက်တာလား?"

နန်းတွင်းအစေခံ သူ့ရည်ရွယ်ချက်ကိုအပြုံးလေးနဲ့ရှင်းပြတယ်။ "အခု ဒီငယ်သား သခင်မရဲ့အမေ နန်းတော် ထဲမှာ အခုလာလည်ပတ်ပါတယ်။သခင်မရှောင်က အထူးတောင်းဆိုပြီး ကျက်သရေရှိရှောင်လန်ပေးဖို့ စာထည့်ပေးလိုက် လို့ပါ။ဒါ့ကြောင့် ဒီအစေခံ လာရောက်တာပါ"

ရှောင်လန် မျက်နှာပေါ် လန့်သွားတာ မြင်နေရ၏။ "မင်း..မင်း ဆိုလိုတာက .ငါ့ အမေက ငါ့ အဒေါ် ဆီက နေ ငါ့ အကြောင်းမေးတယ်ပေါ့?"

"ဟုတ်ပါတယ်။!! ကျက်သရေရှိအမျိုးသမီးအစေခံ နောက်ကျေးဇူးပြုပြီးလိုက်ခဲ့ပေးပါ!"

.

ရှောင်လန် သားယောကျာ်းလေးမွေးပြီးတည်းက နှစ်သက်မှုလျော့ကျသွားပြီးရှောင်ကလန် နဲ့ဆက်ဆံရေးကျိုးပဲ့သွားခဲ့သည်။ သူ့မိဘတွေ မမြင်ရတာအတော်ကြာပြီ။ စာပေးစာယူလဲမရှိ။ သူ့အမေဆီက စာ ဆိုသည့်စကားကြားတော့ လုံးဝ လှုပ်ရှားသွား၏။

အမှန်ပြောရရင် ရှောင်လန် မကြာသေးခင်က ကြင်ယာတော်ရွမ်နဲ့ဆက်ဆံရေးကောင်းမွန်ထားတာ ဒါ့ကြောင့် ရှောင်လန် ဧကရာဇ်ရဲ့ သဘောကျနှစ်သက်မှု ပြန်ရဖို့ အခွင့်အရေးရှိသေးတယ်လို့ ရှောင်ကလန် က တွေးနေတာ ဖြစ်ရမည်။ ဒါကိုသိပေမဲ့လည်း ရှောင်လန် အရမ်းစိတ်လှုပ်ရှားနေဆဲပင်။ လင်းဖေးလု ဆီ လှည့်ပြီး "လုအာ ။ မင်းသား ၄ နဲ့အတူအရင် မီးပန်းသွားကြည့်။ အမေ အမေ့အဒေါ်ဆီ သွားလိုက်ဉီးမယ်"

.

လင်းဖေးလု နာနာခံခံနဲ့ "ဟုတ်ကဲ့ ။"

သူတို့တစ်ယောက်နဲ့တစ်ယောက်ပြုံးပြလိုက်ကြပြီး ရှောင်လန် အစေခံ နဲ့အတူထွက်သွား၏။

ဘေး၌ လင်းဂျင်းယွမ် စိတ်မရှည်စွာစောင့်ဆိုင်းနေ၏။ သူတို့ စကားပြောပြီးတာနဲ့ သူ့ညီမ လက်ဆွဲကာပြေးထွက်သွား၏။

ကိုယ်လုပ်တော် များ စားသောက်ခန်းမ ထဲ စနစ်တကျအပြုအမူများနှင့် ထွက်လာသည်။ ကိုယ်လုပ်တော် များလည်း စကားတပြောပြောနဲ့လှပတဲ့မီးပုံးများ စီရီထားသည့် ညအလှကိုကြည့်ရူကြသည်။ လင်းဖေးလု ကိုယ်လုပ်တော် အဖွဲ့ကို ဖမ်းမိလိုက်ကာ ပြုံးပြီး လင်းဂျင်းယွမ် ကိုပြောလိုက်သည်။

"အစ်ကို ဂျင်းယွမ်။ အရိပ်လိုက်ဖမ်းတိုင်းဆော့ ရအောင်။! တစ်ယောက်အရိပ်တစ်ယောက်လိုက်ဖမ်းမယ်။ အရင်ဖမ်းနိုင်တဲ့လူအနိုင်!! ရူံးတဲ့သူက နိုင်တဲ့သူကို ဆုချရမယ်။!"

အဆော့သန်တဲ့မျောက်လေး လင်းဂျင်းယွမ် စိတ်လှုပ်ရှားစွာ တုန့်ပြန်တယ်။

"ကောင်းပြီ။!"