အပိုင်း-75

သေချာပေါက် ကြင်ယာတော် ဟိုင်နိုးလာတာနဲ့ လင်းဖေးလု အခြေအနေကို စုံစမ်းခိုင်းသည်။ သူ့နန်းတွင်းအစေခံပြန်လာတော့ အမှန်တိုင်းတင်ပြလာသည်။ ကြင်ယာတော် ဟိုင် သူ့သမီးနိုးလာတာဖြစ်ရမယ်လို့တွေးမိမယ်။ ဒါပေမဲ့ ဘာလို့ သာမန်အချိန်ထက်အစောကြီးနိုးနေရတာလဲ?

အဝတ်အစားလဲပြီး သူ့သမီးအခန်းထဲသို့သွားသည်။ လင်းနန်းရှီ ညောင်စောင်း၌ ထိုင်နေပြီး သေတ္တာလေးနဲ့ဆော့ကစားနေတာ မြင်တော့ ကြင်ယာတော် ဟိုင်က မေးလာတယ်။ "အဲဒါ ဘာလဲ?"

သူ့မယ်တော်ရောက်လာတာမြင်တော့ လင်းနန်းရှီ သေတ္တာလေးကို အင်္ကျီလက်ထဲထည့်ပြီး "ဘာမှမဟုတ်ဘူး"

ကြင်ယာတော် ဟိုင်"??"

ဒီသမီးက သူ့ဆီက ဘာမှမလျို့ဝှက်ထားတက်ဘူး။ ဒီကလေးကို သူ့လက်နဲ့ကိုယ်တိုင်ပျိုးထောင်ခဲ့တာ ပြီးတော့ သူ့သမီးက စိတ်တစိတ်တည်းရှိသူ။ ဆိုတော့ကား သူ့ရှေ့မှာ ဘယ်အချိန်တည်းက ပြောင်လိမ်တက်သွားတာလဲ? !

ကြင်ယာတော် ဟိုင် ဒေါသတကြီး " အဲခွေးမလေး မင်းကို တစ်ခုခုပေးလိုက်တယ်မလား?"

လင်းနန်းရှီမျက်မှောင်ကြုံ့သွား၏။

"မယ်တော် ညီမတော် ၅က အင်ပါယာမင်းသမီးတစ်ပါးပါ။ တော်ဝင်အဖေရဲ့ သမီး။မယ်တော် အခုလိုဆက်ခေါ် နေတာ တစ်ယောက်ယောက်ကြားရင် ရူပ်ထွေးကုန်မှာစိုးမိတယ်။"

ကြင်ယာတော် ဟိုင်ပြုံးနေပေမဲ့ ဒေါသတကြီး " အဲခွေးမလေး အတွက်နဲ့ ဒီမယ်တော် ကိုအပြစ်တင်နေတာလား?"

လင်းနန်းရှီ အလေးအနက်ကြည့်ပြီး "မယ်တော် ကို စိတ်ရင်းနဲ့တွေးပေးတာပါ။ မင်းသမီး ၅ အခုမှ ကလေးပဲရှိသေးတယ်. အတိတ်က နစ်နာအောင်ဘာမှမလုပ်ခဲ့ဘူး။ မယ်တော် သူမကို ခက်ခဲအောင်ထပ်မလုပ်ဖို့ မျှော်လင့်တယ်"

ကြင်ယာတော် ဟိုင်ဒေါသထွက်သွားပြီး စကားမပြောတော့ပဲ လှည့်ထွက်သွား၏.

လင်းနန်းရှီ သက်ပြင်းချပြီး ကျောက်တုံးညှပ်နေသလိုခံစားရတယ်။

နှင်းကျတဲ့ ပထမနေ့ မြို့တော််ကောင်းကင်ကြီး ဘယ်တော့မှမရှင်းလင်းတက်။ နှင်းများ သည်းထန်စွာကျဆင်းပြီးနောက် နှစ်ကူးမဲ့ရက်တဖြေးဖြေးကပ်လာသည်။

နှစ်တစ်နှစ်ကုန်တိုင်း ဧကရီကမောင်းမဆောင်ထဲ နှစ်ကုန် စားသောက်ပွဲကျင်းပပေးသည်။ ရှောင်လန် အရင်နှစ်ကလဲ ဖိတ်ကြားမခံရချေ။ အားလုံးခြုံပြောရရင်အင်ပါယာမောင်းမဆောင်ထဲ ကိုယ်လုပ်တော် များစွာရှိပြီး သဘောကျမခံရသည့် မမြင်ရတဲ့ မေ့ပစ်ခံ ကိုယ်လုပ်တော်များစွာရှိသည်။

ဒါပေမဲ့ ဒီနှစ်က တော့ အရင်နဲ့မတူချေ. ကြင်ယာတော်ရွမ် ကြောင့် ရှောင်လန်ပါ စာရင်းထဲ ပါဝင်လာခဲ့သည်။ အင်ပါယာမင်းသားနဲ့မင်းသမီးများပါ နှစ်ကုန်စားသောက်ပွဲကိုတက်ရောက်လို့ရတာကြောင့် ရှောင်လန် သဘောဝကျစွာ လင်းဖေးလုကိုခေါ် လာခဲ့သည်။

လင်းဖေးလု အတွက် သူမွေးတည်းက ပထမဆုံး တရားဝင်ထုတ်ဖော်တက်ရောက်ပါဝင်သည့် ပွဲလည်းဖြစ်သည်။ဒါ့ကြောင့် သတိလက်လွတ်အမှားမျိုးလုပ်မည်မဟုတ်။ ကြင်ယာတော် ရွမ် က ရှောင်လန်နဲ့ လင်းဖေးလု တို့အတွက် လက်ဝက်လက်စားများ နဲ့အဝတ်အစားများပို့ပေးခဲ့သည်။

နန်းဆောင် တိုင်း နှစ်ကုန်စားသောက်ပွဲအတွက် ပြင်ဆင်အလုပ်များနေကြပေမဲ့ အင်ပါယာကိုယ်လုပ်တော် ဂျင်း ရဲ့ ကျန့်ရန် နန်းဆောင်က တော့ တိတ်ဆိတ်နေခဲ့သည်။

မကောင်းဆိုးဝါး ကြောင့် ကျန့်ရန် နန်းဆောင်ကို လူအနည်းငယ်သာ လည်ပတ်တော့သည်။ နောက်တော့ မင်းသား ၁ က လင်းရှီ ကို အကျယ်ချုပ်အပြစ်ပေးခဲ့သည်။ဘယ်ဝိဉာဏ်မှ မင်းသား ၁ နှင့် အထက်တန်းလွှာကြင်ယာတော် ရွယ် အပေါ် မစော်ကားချင်တာကြောင့် သူတို့ အင်ပါယာကိုယ်လုပ်တော် ဂျင်းကို ရှောင်ရှားခဲ့ကြသည်။

ထူထပ်သည့်နှင်းများ ကျဆင်းသည့် နှင်းများအောက် ကျန့်ရန် နန်းဆောင် တစ်ခုလုံးရဲ့လေထုအရမ်းကြောက်ဖို့ကောင်းနေသည်။

နှင်းကျချိန် ရက်ပိုင်း ။ နေ့လည်ခင်း၊ညနေ အမှောင်ယံ ထိနှင်းဆက်တိုက်ကျနေဆဲပင်။ ကျန့်ရန် နန်းဆောင်က မီးရောင်များ တဖျပ်ဖျပ်ခတ်နေပြီး မှိန်ဖျော့သွားကာ ရံဖန်ရံခါ တီးတိုးသံများကြားနေရသည်။ ဘယ်သူမှ သတိမထားမိလိုက်ခင် အိမ်ခေါင်မိုးပေါ် ဓားတစ်ချောင်းကိုင်ထားသည့် အနက်ရောင်ပုံရိပ်တစ်ခုရှိနေသည်။ နန်းတော် တစ်ခုလုံး ည ရောင်ဖုံးလွှမ်းချိန် ထိုအရိပ် လှုပ်ရှားလာသည်။ ကောင်းကင်မှ ကျဆင်းလာသည့် နှင်းများအောက် အသံ မထွက်ပဲ ခေါင်းမိုးပေါ် က နေ ဆင်းချလာသည်။