အင်ပါယာကိုယ်လုပ်တော် ဂျင်း မမျှော်လင့်ထားသည်က သူ့သမီးဘယ်လောက် အရည်အချင်းမရှိသလဲ ။ ဒါမှမဟုတ် မင်းသား ၁က လိမ်မာပါးနပ်တာ သိသိကြီးနဲ့ ဘယ်လိုဖြစ်ပြီး အင်ပါယာမင်းသား ကို စော်ကားပြီး ပြသာနာရှာခဲ့သည်လဲ။ သူတို့သာ အထက်တန်းလွှာ ကြင်ယာတော် ရွယ်ကိုစော် ကားခဲ့ရင် ကောင်းမွန်တဲ့ဘဝ တစ်ခု နေရဖို့ မေ့ထားလိုက်တော့။

တွေးကြည့်ရင်း အမေနဲ့သမီးတစ်ယောက်နဲ့တစ်ယောက်ပွေ့ဖက်ရင်း အတူရိူက်ငိုကြတယ်။

အင်ပါယာကိုယ်လုပ်တော် ဂျင်း ဒီကိစ္စကိုတွေးမိတယ်။ ဒီလို ကပ်ဘေးဖြစ်ရတဲ့အကြောင်းအရင်းက မင်ယွဲ့ နန်းဆောင်က ခြင်္သေ့မ ကြောင့်ဆိုတာ နားလည်လိုက်တယ်။ မကောင်းဆိုးဝါး ဝိဉာဏ်ကြောင့် စတင်လာခဲ့ပြီး အခု ရှီးအာ တောင်အပြစ်ပေးခံရတယ်။ မင်ယွဲ့ နန်းဆောင် မကြာသေးခင်က ကြင်ယာတော် ရွမ်ရဲ့ မျက်နှာသာကို ရခဲ့ပြီး အလွန်ရဲတင်းစွာပြုမူလာတယ်။ အခု ရှောင်လန်က ကျက်သရေရှိ အမျိုးသမီးသာဖြစ်တယ်။ ထိုခြင်္သေ့မ အနာဂတ်မှာရာထူးတိုးခံရရင် သူတို့ကိုနင်းချေမှာအမှန်ပင်။

ဘာပဲဖြစ်ဖြစ် ဒီလိုအကြောင်းအရာတွေ ဘယ်တော့မှ ဖြစ်ခွင့်မပြုဘူး!!

အင်ပါယာကိုယ်လုပ်တော် ဂျင်း သူ့သမီးမျက်နှာက မျက်ရည်များ သုတ်ပေးပြီး "မငိုနဲ့!! အမေ ပြန်ပေးဆပ်အောင်လုပ်ပေးမယ်!! သူတို့အကြာကြီးလွတ်လွတ်လပ်လပ်နေနိုင်မှာမဟုတ်ဘူး"

လင်းဖေးလု လင်းရှီ အကျယ်ချုပ်ကျခံရအောင် ကိုယ်တိုင်လုပ်ခဲ့ပြီး ကျန့်ရန် နန်းဆောင် က ရန်လိုမုန်းတီးမှုကိုရှောင်လန် အပေါ် ပစ်မှတ်ထားမယ်ဆိုတာ လင်းဖေးလု မျှော်လင့်ထားပြီးသား။ ဒီကာလအတွင်း သူမ လှုပ်ရှားရမယ်။

ဆိုရိုးစကားတွေအတိုင်း အရင်လုပ်ကြံသူသာ အခွင့်သာတယ်။ အခု ဒီပြသာနာကိုလုံးဝဖြေရှင်းရမဲ့အချိန်ဆိုတာ ခံစားမိတယ်။

အစတည်းက သူမ လင်းရှီ ကို အနိုင်ယူပြီး သူမ ပိုင်ဆိုင်မှုထဲက တစ်ခုဖြစ်လာဖို့ ဘယ်တုန်းက မှမရည်ရွယ်ခဲ့ချေ။ ပျင်းရိပြီး ကြည့်ကောင်းရုံကလွဲပြီးဘာမှမဟုတ်တဲ့ ကြွက်စုတ်တွေကို အနိုင်ယူဖို့ တကယ်ကိုလွယ်ကူပေမဲ့လင်းရှီ ကိုတော့ ဘယ်တော့ မှမစဉ်းစားဘူး။

လင်းရှီက အရင်လင်းလုဖေးကိုရေကန်ထဲ တွန်းချခဲ့တဲ့လူသတ်သမား။ အော်ဟစ် အကူအညီတောင်းနေတာကို အရသာခံကြည့်ပြီး ဝမ်းနည်းနေတာ ရယ်မောနေကာ ဘာမှမလုပ်ပေးခဲ့ဘူး။ တကယ် ကို ရက်စက်တဲ့နှလုံးသားနဲ့အရူးတစ်ယောက်ဖြစ်တယ်။

ကလေးတွေက အပြစ်ကင်းတယ်လို့ပြောကြတယ် ဒါပေမဲ့ကလေးတွေရဲ့မကောင်းတဲ့စိတ်ဝိဉာဏ်ကလည်း ကြောက်ဖို့ကောင်းလုနီးပါးဖြစ်တယ်။

အဲကလေးမကို လက်စားချေပေးမယ်လို့ ကတိပေးခဲ့တယ်။ဒါ့အပြင် သူ့ကိုကူညီခဲ့လို့ ဆောင်းအင်ပါယာမင်းသား က လင်းရှီ အငြိုးထားခြင်းခံနေရတယ်။ လင်းရှီ အပြစ်ဒဏ်ကလွတ်မြောက်လာတာနဲ့ ဆောင်းဂျင်းလန် ဒုက္ခရောက်မှာသေချာတယ်။ လင်းဖေးလု ဒီမင်းသားလေးကို ကာကွယ်ဖို့ သူ့မှာတာဝန်ရှိတယ်လို့ခံစားရတယ်။

အရင်က လက်ဘက်စိမ်းမ ဘဝကို ဖျက်စီးပြီး ဓားပြန်ရုပ်ခဲ့သည်။ အခု သူမ ဓားကသွေးများပြန်မြင်ရမဲ့အချိန်ပဲ။

ဒါ့ကြောင့် နတ်ဆိုးဘုရင် လင်းဖေးလု ထွက်ပေါ် လာတယ်။

ရှောင်လန် လတ်လတ်ဆတ်ဆတ်ဖုတ်ထားသည့် မုန့်များယူလာတော့ ခုံပေါ် ထိုင်နေသည့် မိန်းကလေး ကိုမြင်ရသည်။ နေရောင်ခြည် အလင်းရောင်ကိုနက်နက်နဲနဲစိုက်ကြည့်ပြီး လက်သေးသေးလေးနဲ့ မေးထောက်ထားသည်။

ရှောင်လန် ရီမောရင်း သူ့သမီးဘေးနားထိုင်ချကာ " လုအာ မနက်စာအများကြီးမစားရသေးဘူးမလား။ မင်း အတွက် ဒီအမေ လုပ်ထားတဲ့ မုန့်အသစ် မြည်းကြည့်"

လင်းဖေးလု နှစ်ချက်ကိုက်ပြီး "အရသာရှိလိုက်တာ!!"

သရေစာ နွေးပြီး ကြွပ်ရွသည်။ အရသာချိုပေမဲ့ အဆီမပြန်ဘူး။ ရှောင်လန်ရဲ့ မုန့်ဖုတ်ကျွမ်းကျင်တဲ့ စကေး ပိုကောင်းလာတယ်။

စားနေရင်းရုတ်တရက် တစ်ခုခုတွေးမိပြီး ရှောင်လန်ကို "ကြင်ယာတော် အမေ လုလေး အတွက် မုန့်တစ်ဗူး ပြင်ပေး။တစ်စုံတစ်ယောက် ကိုပေးချင်တယ်!!"

"ဘယ်သူအတွက်လဲ?"

လင်းဖေးလု စိတ်ရင်းမှန်ဖြင့် ပြုံးပြီး "မနေ့က လုလေးကို ကူညီခဲ့တဲ့လူ"

ရှောင်လန် သိပ်မေးဘူး။ သူ့သမီး တောင်းဆိုမှုကိုအမြဲတမ်းဖြည့်ဆည်းပေးတယ်။ အဆာပြေ တစ်ဗူးထုပ်ပိုးပြီး မင်းသမီး ၅ နောက်ကိုလိုက်မဲ့ ချင်းရန်ကိုပေးလိုက်တယ်။ အစက ချင်းရန် သူတို့ဘယ်သွားနေမှန်းမသိဘူး.နောက်ဆုံး မရင်းနှီးတဲ့နေရာကို သွားနေတာ မြင်တော့ စိတ်မပူပဲမနေ။ မထိန်းနိုင်ပဲ "မင်းသမီးလေး ကျွန်မတို့ ဘယ်သွားနေတာများလဲ?"