တချိန်ထဲ နာမည်ကြီး ဘုန်းကြီး တစ်ပါး ရောက်လာတယ်။ နောက်တစ်ယောက် ကတော့ အင်ပါယာသမားတော် ။ ကြည့်ရတာ ကိုယ်လုပ်တော်ရူ အဖျားကြောင့် ထင်ယောင်ထင်မှားပြောနေပုံပဲ။

ကိုယ်လုပ်တော် ရူက အထက်တန်းလွှာကြင်ယာတော် ရွမ်ရဲ့ သစ္စာရှိလက်အောက်ငယ်သားဖြစ်တာကြောင့် ကြင်ယာတော် ရွမ် ဒီအကြောင်းကြားတော့ ချက်ချင်း ထိုလူနှစ်ယောက် ကို ကူညီဖို့ စေလွှတ်လိုက်တယ်။

ပင်မနန်းဆောင်က သခင်မ ဖျား‌နာနေတာ ဘေးနန်းဆောင် က သခင်မ အနေနဲ့ ရှောင်လန် ဒီအခြေအနေကို လစ်လျုရူလို့မရဘူး။ ရှောင်လန် ချင်းရန်နဲ့အတူ ကိုယ်လုပ်တော် ရူ ဆီ သွားလည်ဖို့ ဆုံးဖြတ်လိုက်တယ် ။လင်းဖေးလု လည်း နောက်က လိုက်ပါလာတယ်။ကိုယ်လုပ်တော် ရူ ဆေးသောက်ကာ အိပ်ရာထဲ လှဲနေပြီး လင်းဖေးလု ကိုမြင်တော့ နောက်ကျော အေးစက်လာပြန်တယ်။

မနေ့ညက အဖြစ်အပျက်ကိုတွေးမိပြီး ကြောက်လန့်လာကာ အိပ်ပျော်ဖို့ ဆေးသောက်နေရတယ်။

နန်းဆောင်ထဲ လူအများကြီး ရေနဲ့ဆေးသူ့အခန်းထဲ ယူလာပေးတယ်။ ကိုယ်လုပ်တော် ရူ အိပ်ရာရှေ့က သကြားရည်ညိုညို ကို လင်းဖေးလု ဖြန်းလိုက်တာ ဘယ်သူမှနားလည်ပုံမရချေ။ ကိုယ်လုပ်တော် ရူ ဖျားနေတာကြောင့် အခန်းထဲအပူချိန် ပူနွေးတယ်။ အခန်းထဲ အပူအချိန် အရမ်းမြင့်တယ်။ သကြားရည်က မကြာခင် ခြောက်သွားပြီး ဘာသဲလွန်စမှမကျန်ခဲ့ဘူး။

နေ့လည်ကျတော့ ကိုယ်လုပ်တော် ရူ အခြေအနေကို မေးဖို့ ကြင်ယာတော် ရွမ် တစ်ယောက်ယောက် လွှတ်လိုက်တယ်။

အထက်တန်းလွှာ ကြင်ယာတော် ရွမ် ရဲ့အစေခံ မင်ယွဲ့ ပင်မခန်းမကို သွားပြီး တံခါးတွန်းဖွင့်ကာ အထဲဝင်လာတော့ သူ့အသံပျောက်မတက် ကျယ်လောင်စွာအော်တယ်။

အပြင်က လူတိုင်း အပြေးအလွှားရောက်လာကြတယ်။

ကြင်ယာတော် ရွမ် ရဲ့အစေခံ မျက်နှာဖျော့တော့ နေပြီး " ပုရွက်ဆိတ်တွေ..!! အများကြီးပဲ !!"

လူတိုင်း ကိုယ်လုပ်တော် ရူ အိပ်ရာပေါ် ပုရွတ်ဆိတ်နဲ့အကောင်တွေကို မြင်လိုက်တယ်။ သူတို့ ဒီမြင်ကွင်းကြောင့် ရင်ဖို ကြောက်လန့်သွား၏။

ကြည့်ရူသူတိုင်း ထိတ်လန့်ကြောက်လန့်သွား၏။ သူတို့တစ်ယောက်နဲ့တစ်ယောက် တီးတိုးပြောဆိုကြတယ်။

"ကိုယ်လုပ်တော် ရူ မကောင်းဆိုးဝါးရဲ့ ပစ်မှတ်ဖြစ်လာတာ အမှန်ပဲလား?"

"နာမည်ကြီးဘုန်းကြီးက သန့်စင်ခြင်း လုပ်ဆောင် ပြီးပြီမလား?"

"မကောင်းဆိုးဝါး နာကြည်းမှုအရမ်းနက်ရိူင်းလို့ ဖယ်ရှားဖို့ ခက်ခဲလောက်တယ်။ ကောင်းကင်ဘုံပဲ ဘယ်လိုမကောင်းတဲ့ နတ်ဆိုးကိစ္စတွေ လုပ်ခဲ့သလဲ သိလိမ့်မယ်။ ငါ တို့အလုပ်ငါတို့ လုပ်ပေးပြီး သွားစို့။ သူတို့ ပြသာနာ သူတို့ဟာ သူတို့ ဖြေရှင်းကြပါစေ"

ကြင်ယာတော် ရွမ် ရဲ့အစေခံလည်း အရမ်းထိတ်လန့်သွား၏။တစ်ချက်ကြည့်ကာ ချက်ချင်း ရန်ရှီ နန်းဆောင် ကို ပြန်ပြေးပြီး သူ့သခင်မကို သွားတင်ပြတယ်။

အင်ပါယာနန်းဆောင်ထဲ ဧကရီနဲ့ အထက်တန်းလွှာ ကြင်ယာတော် နှစ်ယောက်ရှိ၏။ အထက်တန်းလွှာ ကြင်ယာတော် ရွမ်က ညီလာခံကညာလက်ရုံး အဓိပတိတစ်ယောက်ရဲ့ သမီးဖြစ်ပြီး မိသားစုကြောင့် အင်ပါယာ မောင်းမဆောင်ထဲ ဝင်ရောက်တည်းက နှစ်သက်ခြင်းခံရသူလည်းဖြစ်တယ်။ ကိုယ်လုပ်တော် ရူ ကို ဂရုစိုက်ပေးဖို့ လူလွှတ်လိုက်တာ ကိုယ်လုပ်တော် ရူကို ဂရုစိုက်လို့မဟုတ်ပဲ အင်ပါယာနန်းဆောင်ထဲ ကိုယ်လုပ်တော် ရူ က အထက်တန်းလွှာကြင်ယာတော် ဘက်က လူဆိုတာ လူတိုင်းသိနေလို့ဖြစ်တယ်။ အာရုံစူးစိုက်မှုမရှိပဲ တစ်ခုခု လစ်လပ်သွားပါက သူ့ဘက်က ကိုယ်လုပ်တော် များ သူ့ကိုခါးသီးသွားပြီး ထွက်သွားကြမှာစိုးလို့ဖြစ်တယ်။

အခု သူ့အစေခံ ဆီက ပြန်ကြားတော့ လန့်သွားတယ်။ အထင်သေး စက်ဆုပ်မှုကိုထိန်းမထားပဲ။ "ငါ သူ့ ကိုကြည့်ပေးပြီးပြီ။ ငါ့ စေတနာအကုန်ပဲ။ နောက်နောင် အခုက စပြီး ရန်ရှီ နန်းဆောင် ထဲ အဝင်မခံနဲ့။ ငါတို့ဆီ မကောင်းတဲ့ ကံ သယ်လာလိမ့်မယ်"

ကိုယ်လုပ်တော် ရူ နှစ်သက်ခြင်းမခံရတာ အတော်ကြာပြီ။ကလေးမမွေးနိုင်ဘူး။ အရင်နှစ်များက ကြင်ယာတော် ရွမ်ရဲ့ လွှမ်းမိုးမှုကို မှီခိုပြီး အထက်စီးဆန်စွာ ပြုမူတယ်။ ရက်စက်တဲ့အရာတွေ အများကြီးလုပ်ခဲ့တယ်။ ကြင်ယာတော် ရွမ်ရဲ့ ယုံကြည်မှုနဲ့အမိန့်အတိုင်း သူ့လက်နဲ့အသက်အများကြီး ယူဆောင်ခဲ့ဖူးတယ်။ အခု ကိုယ်လုပ်တော် ရူ ရဲ့နောက်ခံပျောက်ဆုံးသွားပြီ အခု သူရင်ဆိုင်မဲ့ရမဲ့ ကံကြမ္မာက မကောင်းတဲ့ ကံကြမ္မာပဲဖြစ်လာလိမ့်မယ်။

ကိုယ်လုပ်တော် ရူ အိပ်ရာထဲ နေမကောင်းဖြစ်နေပြီး ဒါကို သတိမထားမိဘူး။အဖျားရှိနေပြီး အိမ်မက်ဆိုး မက်တယ်။ နိုးလာတော့ ရေဆာတယ်။ မျက်လုံးမူးဝေစွာ ဖွင့်တော့ တစ်စုံတစ်ယောက် သူ့ ဘေးလှဲနေတာ မြင်လိုက်တယ်။

ကိုယ်လုပ်တော် ရူ ထိတ်လန့်စွာ ချက်ချင်းအော်ဟစ်တယ်။ ဒါပေမဲ့ လည်ချောင်းခြောက်သွေ့ပြီး ဆိုးဝါးတဲ့ငိုသံပဲ ထွက်လာတယ်။

သူ့ဘေးကလူက လင်းဖေးလု။

သာသာမှ။

ဒါလေးက paid ရှိပါတယ်။လက်ရှိ အပိုင်းတို ၇၄ ထိရောက်နေပြီပေါ့နော်။ လင်းဖေးလု ကလေးဘဝကနေပြီး လူကြီးဖြစ်တဲ့အချိန် ဘယ်လို ကြုံတွေ့ရမလဲဆိုတာရေးသားထားပါလေးပါ။အတော်လေး လည်းလက်ဝင်တာပါ။ သာသာ ကလေးဘဝကနေ လူကြီးထိ ရေးရတာတွေးရင်း ငပျင်းဖြစ်လာတဲ့အထိပဲ။ လင်းဖေးလု ဘဝက မောင်းမဆောင်ထဲ ဘယ်လိုစခန်းသွားမလဲဆိုတာ စိတ်ဝင်စားစရာပါ။ ဘာလို့ ဆိုတော့ သူ့အစ်ကိုတော် တွေ အမေက တစ်ယောက်နဲ့တစ်ယောက်မတည့်တာတွေ။ ထီးနန်းအတွက် ယူဖို့ ကြံတာတွေ။အဲလိုတွေရှိလို့ပါ။လင်းဖေးလု ဘဝက မောင်းမဆောင်ထဲ တအားခက်ခဲတာပါ။ရင်ဆိုင်ရတဲ့အခြေအနေတွေဖော်ပြရေးသားထားတာ။Comedy type ပြောပေမဲ့ စိတ်ဝင်စားဖို့ကောင်းပါတယ်ဗျ။