Midang mut hnu chuan inchung zawl ah chuan thu in arsi te chu an thlir a . mahse thla a en em vangin arsi chu a lang pheuh pheuh chauh a ni.

"Keichu thla eng deuh ai chuan arsi pe tuarh hi hmuhnawm ka ti zawk daih. Thla chuan arsi enna zawng zawng an hliahbo zo vek zel a" mina chuan Taehyung dara bei pah chuan a ti a. An kut chu an inkai rial bawk a.

"Thla eng mawi tak a awm chuan arsi an awm kher a ngai tawh hleinem. Arsi te chu tamtak an awm a thla te chu pakhat chauh. A mawi in a danglam bik em em bawk a, nangmah ang maiin. Arsi tamtak chu ka tan chuan engmah an nilo" tae chuan alo ti let ve a.

A bialpa dar a nalo te a chum pah chuan Kin Taehyung engtik atang khan nge ilo ril tak em em a tiin a nui zui har har a.

Chutia an hlim em em lai chuan an chungah enge lo thleng tur an hre der mai silo a.

∆∆∆∆

Zan lama rei tak thla eng thlir a an men vang chuan mitae couple te chu an muttui hle a. Midang thawh hma a insawn tum si kha midang zawng zawng an thawh tawh hnu pawh chuan muttui tih hriat em em hian anla thaw dun sek sek a.

Nidang a an breakfast ei hun pawh a Mina ala rawn thawh loh vang leh Tae a awm loh a a a roommate Jimin an zawh lah a chhandan mumal a hriat loh vang chuan Mina room chu inthlahrung tak chuan an pan chho ta them them a. Jimin chu a hlauthawng takzet an thuruk chu puanchhuah in a awm ngei dawn nia hriatna a nei a mahse dan ngaihna a hre bawk silo.

∆∆∆∆

Mina chu mit nuai sat sat chung hian a rawn harh a a thu chhuak thawh an tum chiah chu a kawngka bula mi paruk te mak tih vanga ang phiau leh mengphawk taka an lo en thap chu ava hmu zui zat a. Ani pawh chuan mak a ti lutuk chu chet mai nachang pawh a hrelo . A bula mu Taehyung chu a nghawk deuh sawk a, ani lah chu ala rum tuah tuah duh chauh zui .

Na deuh zawk in a nghawk leh takah chuan tum deuh buau leh la harhchiang manglo chuan a rawn tho ve a . a thilhmuh vang chuan a mutchhuah na zawng zawng te chu paihbo ang hmak an ni .

Dinner table chu an kilh bial thap mai a. Khuavang kallai an sawi ang maiin a reh thiap a tawng hmasa ber nih an hreh vek pawh a ni mahna. Love bird te pahnih chu an kun deuh lap a. An pahnih chungah midang zawng mit chu a fu thap thung a

Reife an ngawih thap hnu chuan An leader ber Namjoon chu a rawn tawngchhuak ta a

"V enge thil awmzia hi?" A awki chu a dam dap a. Heihi lawm namjoon ti namjoon tu chu. Engthil pawh thleng se leader nih tlin takin ngaihtuahna fim tak nen thil a ti thei zel a, ngaituahna nu but leh tih buan buan a nei ngailo. A member te pawhin an zah hle bawk reng a ni .

"Namjoon hyung....... Ih.... " a tawng bah deuh nak nak a, mahse Mina kut chu a vuan a thaw an lak hak a hawichhuak in

"Mina nen hian kan indate" a ti chhuak ta phawng a.

Jimin chu a thin alo phu dep dep a.

Jungkook chu Jungshook a ni deuh tawp mai. J-hope chuan kut a lo beng hmanhmawh a mahse midang reaction a hmuh chuan a kut chu a dahthla leh zal zal a. Yoongie ve thung chu a khi suk duh chauh a ni "ka hre reng a ni" ama hriat tawk lekin a phun sap a. Jin chuan an pahnih chuan a entawn sek ringawt a. Namjoon ve thung chu a hmel ah a rilru puthmang awm ang engmah a chhiar theih loh. a ka atang eng thu mah a chhuak heklo.

Chutih lai tak chuan dorbell chu a rawn ri ral ral a , an boruak rit lutuk chu a rawn ti ziaawm ta deuh. mahse zing kar ah lehnghal umah an rawn kal vak ngaih loh vangin an tumah che chang mai pawh an awmlo. Mahse a rawn hmeh rik tluk tluk takah chuan Jin chu tho in a va hawng a, kawngka a hawng chiah tih chuan an manager chu rawn thlawk lut deuh ti tih nghal in a kut ah thil engemaw hi a keng bawk a .

A hmel ah chuan lungawina leh hlimna chhiar tur reng reng a awmlo. Choka ah chuan luttlang in dawhkan ah chuan a thil ken chu a paihthla thuai a.

"He thil hi engtin nge i sawifiah dawn" a awki chu a nelawm loh in a ram tha hle. V chu a melh ran bawk a.

Dawhkan a newspaper an manager thinrim in a hum tawm nuaih mai chu an han en chuan an thil hmuh chuan a barakhaih tlang hle mai.

Page hmasa berah chuan lian leh chiang tak mi in an hmuh hmaih ang tih an hlau emaw tih mai tura chianh chuan

"BTS V dating?" Tih chu alo in ziak a.

Thlalak fiah lutuk lo chuan nizan a inchung a thla en a an thut dunna, inhaw lo tih hriat zeta mina a dar a a beina chu alo chuang kal bawk a. An zavai chuan mak an ti tlang a ni.

∆∆∆∆∆

Mina p.o.v

Thil thleng thut chuan min thawn em vang chuan enge tih a tih loh tur pawh ka hrethiam tawhlo. Newspaper chu ka melh tlawk tlawk ringawt a. Ka tlanbo daih mai dawn em ni? Thil thalo thleng tase engtin nge ka tih ang? Keimah vangin Tae hian buaina tawk tase engtin nge ka tih ang? Zawhna tamtak a chhanna ka hriat siloh chu ka rilru ah chuan a rawn inlar zut zut a. Ka a thei mai dawn in ka hria.

Ka room a chho tura Tae in min tih vang chuan ka khumah chuan ka thu ran a. Class kal pawh rilru ah a lang hlawl lo. Engtin nge an tih ang le, a career tan a pawi thei angem. Ka zuk kal anga ka thiamloh vek a nih thu ka zuk sawi mai dawn em ni.... awi engtin nge ka tih ang. ka a tak tak tawhin ka hria. Do Mina eng thil thalo nge i tih hi.

Ka room kawngka chu an rawn kik karh karh a. Hreh tak chung chuan ka va hawng a Namjoon chu a lo ding run . a hma pawh a ka nel vakloh sa tehlul nen tunah ngat phei chuan ka hmu hreh takzet a ni.

Enge a sawi ang le. Chhuak turin min ti dawn mi, ngati nge engmah a sawi loh le. A ngawih reng phei hi chuan ka ngaih a ti thalo zual . tae hi kalsan turin min hrilh dawn mawni le. Chu a aw a rawn thian .....

"Hahdam rawh ka seh dawnlo che nia" ka rilru hria ang hrim chuan a biangsum lang kak chuan a nui a.

"Ka tihpalh Tae a tha em? Ka thiamloh vek a ni engmah tihsual a neilo ania"

"Hahdam rawh ka tih kha. v chu a tha engtin mah a awmlo ang. Manager nen an inbia" a tih chuan enge an sawi ang le tih chu kalo ngaituah leh.hmanhmawh a.

"Mina ka sawi hi ngun taka ngaithla turin ka duh che a ni. Idol kan ni a kan nun kan uluk a ngaih zia leh engkim a kan fimkhur a ngaihzia chu i hria ang tiraw. Chumai bak ah kan duhthusam thlen tir nan a kan beih nasat zia leh kan engkim kan sacrifice na hi a hlu a engmah lo mai atan a thamral tir a tan chuan a uiawm lutuk.

Nang leh a career hi thil kalkawp thei a nilo a pakhat zawk zawk a thlan a ngai a ni. A kalsan ang che ka tilo , mahse i rilru lo inpuahchah turin ka duh che a ni. Hmeichhe fel tak i ni a i nat loh na tur ber kawng zawh turin ka duh che a ni."

A thusawi chu mumal pawn ka hrezawm in ka hrechiang tawhlo. Mahse duhthlan tih lai te chu a chiang em em thung . tae hian min kalsan lo ang tiraw. Min hnuchhawn ngawt lo ang. Chutiang mi a nilo , mahse kei restaurant leh hmun hran hran a inhlawh chawp ve mai thin hi mi zawng zawng hriat a a ngaihzawng ka ni tih chu a sawi duh dawn em ni.

A nun kawng tichhe tu leh a zahna thlen tu mai ka ni awm si a.. Mahse chuti mai a awlsam chuan min kaltir ka ring phallo a ni.

naktuk press conference ah engkim a chiang mai ang engmah ngaituah lo leh hahdam taka ka awm a ngai a ni. Mahse muthilh chu ava har tehlul em.

Khawvar dawn tep ah chuan ka lo muhil leh si aniang. Ka harh chuan alo tlai deuh ruih tawh a in chu a reh thap mai bawk si. In a chhuahsan vek tawh a ni ngei ang . ka phone a sana kan en dawn a battery alo la thi daih zui. Van buaithlak thin tak.

Inhnuai lamah ka chhuk a tui in pah a sana kan en chu a hun tawh, hmanhmawh tawkin t.v chu ka on a, BTS member ho chu an hmel a thutak hlawm ngei mai. Hmun hrang hrang atangin zawhna an dawng nuaih nuaih a, thlalakna a de chhuai chhuai reng bawk a. Zawhna zawng zawng mai chu kei leh Tae chungchang deuh vek a ni .

Tae hmel chu chiang takin a lang a, a chhanna chu ka.hriat chak rual rual in ka huphurh takzet.

"Nimin a rumors vang khan in zavai in ka ti phawklek che u in ka thawng hle che u tih ka hria. Ngaihdam dil che u ka duh a ni. ARMY te pawh khawngaih a ka member pui te tana thil pawi zawnga che lo turin ka duh che u a ni . Kan tan chuan ARMY te hi in pawimawh ber a chuvang in khawngaih in thubelhchian dawllo vang mai mai in in rilru tina lo turin ka duh che u a ni..."

A sawi engmah ka hrezui tawhlo, ka khawhmuh a fiahlo vek a ka mittui chu a rawn luang ngiai ngai a. Nizan ah RM thusawi te chu ka rilru ah rawn lang uai uai a . A tan ka tlingtawk lo tih chu ka thinlung ah a rawn ti tlut tlut bawk a. Enge tih a tih loh ber tur pawh ka hrethiam lo. bum nia inhriatna in min luahkhat a, mahni insitna leh inngaihniam na in ka khat a. Ka zak in ka inhmu te rawih rawih ni maiin ka hria.

Hetiang hian ka chunga a tih hi ka ringlo asin. Kalo va â em.

➰➰➰

Hun reitak hnu ah kalo let. 1.68k views .

Ka awih theilo .

Ka lawm lutuk💜

Ka lawm tihbak ka sawi vak thiamlo.

Beisei phakbak a ni, khawngaih in minlo chhiar sak zel ula. In tan theihtawp kalo chhuah zel ang.

#mizo ah no.5

😭😭😭

In van chungah ka lawm em em hi ni tawp.

Vote leh comment lam lo uar zel ula. In duhkhawp loh lai te minlo hrilh hrelobawk ula aw.

Borahae 💜💜💜💜

Keep streaming Dynamite 😜