Exam hall ah chuan ka thu vang a.

Nizan mut hma ka tum tehreng nen Kim Taehyung vang vek.

Nizan a min ngaih thu sawi tu khan min hre awm ang pawn a awm leh tawhlo. Thawh lawk a va chhut lawl mai ka chak.

Exam hmasa ber chu ka chhang zo ve ta. Chhang tha ve viau chuan ka inhria ti hi chuan ka college duh ber ah ka lut thei ngei ang le.... Mahse subject dang han exam zel phawt ila a chiang mai ang.

Gap kan neih tlem theih em avang chuan lehkha zir ah ka insawr bing hle a. Ka theihtawp tak zet zet ka chhuah ani. Ka chhungte pawn min duat ve hle.

Mahse chutia lehkha zir chiah ka ngaituah lai chuan thu lungchhiat thlak tak mai alo thleng thut a.

Taehyung pi a boral!

Nilo engtin nge ni ang. Tae chuan awm ngaihna a hre maihlo ang.

Ka la sawi loh takin. Tae hi a nu leh pa in a tetlai in an boral san a. A pi nen an pahnih chauh in an cheng dun a , Tae tan chuan a pi hi a engkim a engkim ani mai.

Naktuk exam kan nei bawk si. Nilo exam ngaituah thei ka nilo. Ka lo zirlawk nual vangin ka tichhe lutuk lo ang. Tae in min mamaawh ani. Hnanhmawh takin ka insiam sawk sawk a, ka nu leh pa pawn min dang lo. Mrs.Kim vuina lam ah chuan ka kal a mi an tam lo kher mai. Darkar 2 hnu ah chuan ceremony a zo a. Tae chuan ka awm tih pawh a hrelo. Mi chuan an hnem ve sap sap a, an thusawi chu a hriat pawh ka ringlo. A melh ngai chu a melh tlawk tlawk a, mi a ang maiin a awm.

Mi an haw reh ta maw tih ah chuan ka va pan a.

"Tae lo kal rawh ka hruai haw ang che"

Ka sawi chu hria ang pawn a awmlo. A bulah chuan ka thuthla a, a dar chu ka zuk khawih a muangchang chuan min rawn en a a mit ah chuan tawrhna nasa tak ka hmu.

A tan chuan ava han hreawm dawn em. A chhungkaw neihchhun a nu leh pa nih fawmtu a pi chuan a boralsan ta mai chu nisia. Ka van khawngaih tak em hnem ngaihna ka hre bawk silo. Tae lungngai lai hmuh ka duhlo. Engtik lai pawh a hlim reng thin, a hmel en apiang a nui lai hmel bak hmuh tur awm ngailo kha a ni tawhlo.Tae hi hlim turin ka duh a ani.

Ka kaitho a tih ang ang chuan a awm tawp. Taxi ka phar a ka hruai haw ta a. Taxi ah pawh chuan a ngawi reng a engmah a sawilo. Ala tap miah lo bawk. A awm ve tawp ani mai.

Inchhung kan lut a thuthleng ah chuan ka thu tir a.

"Tae eitur kan siam ang aw. Engmah i eiloh chuan i chau lutuk ang."

Kal ka tum chu min rawn pawt let a. Chiang takin ka mit ah min en a.

"Kal suh, khawngaih in min kalsan suh"

"Khawiah mah ka kal dawn hleinem. I eitur ka siam dawn lawm enge maw tal i ei a ngai"

"Nilo kal suh khawngaih in".

A ngen a min ngen avang chuan a bulah chuan ka thu a. Min rawn ngheng a, kalo insiam rem a ka kuah ta a. A thaw suai suai in ka hriaa.

Minute 10 vel kan thut hnu chuan a rawn tawng chhuak ta a. Hnem tur ka ni tih ka hria, mahse sawi tur engmah ka hre hlawl lo ani.

"Mina , ka pi chu a awm tawhlo. Min kalsan. Ani khan min kalsan ani, engtin nge keimah chauh a awm turin min kalsan theih le. Ka neihchhun a ni tih a inhre reng sia. Min hmangaih velo em mi niang. Mal taka ka awm tur hi a pawiti lo em ni mahni chauh a khawvel ka hmachhawn hi a phal em ni. Ngati ngeeeeee... Engvang a min kalsan nge a nih ang."

"Nilo tae chutiang a nilo. A kalsan che a ni hleinem. Ka pi chuan alo thlir reng dawn che lawm."

"Nilo min kalsan lawm . Tinge mi zawng zawng hian min kalsan vek le. Keimah chiah a awm turin min kalsan vek"

"Tae, ka awm alawm. Engtik ah mah ka kalsan velo ang che. Min ring rawh i tan chauh ka awm reng ang"

"Min tiam thei em?"

"Ka tiam a che engtik ah mah ka kalsan velo ang che"

Tae chu a rawn inhnit hrawih a a tap ta a.

Ka thaw a veng huai zawk in ka hria . Mal lutuk leh amah chiah a tuar anga a in hriat kha ka duhlo . a rilru natna te hi tap chhuak vek sela a thawl ve deuh mahna. Ka khuah a a hnung ah chuan kalo beng thek thek a.

Darkar chanve dawn a tah hnu chuan a muhil ta a. A chau ngawt ang. A pheikhawk te ka phelhsak a puan ka laksak a thuthleng ah chuan ka muttiir ta ringaawt a. Ka hawsan ta a.

Ka haw chu ka chau hnawk in ka hria. Tae tap lai hmuh kha a hreawm takzet. A natna kha a aia tawrh ka duh. A hreawmna te kha tawmpui a chhawk zangkhai ka duh... Ni e kei hian Kim Taehyung hi ka duh ani. Ka duh takzet.

Ka mutna atang chuan ka tho them them a. Tae ka duhthu hi ka hrilh tur ani. Tuna ka hrilh nghal a nih loh chuan engtik ah mah ka hrilh ngamlo ang. Inhnuai ah chuan ka chhuk them them a ka chungte anlo mu tawh hlauh. Rang takin ka tlanchhuak a zan a rei tawh hle. Kawng pawh a reh ruih tawh mahse hlauhna chhete mah ka neilo.

Hmanhmawh takin Taehyung te inlam chu ka pan a ka tlan hlawk hlawk mai. Ka phur em vang chuan hah pawh ka sawi theilo.

kan inhlat loh vang chuan ka thleng thuai a, an inkawt ah chuan ka ding dat a , ka hah em vang chuan ka thaw deuh hlawi hlawi a thawk kan la vang vang a ka zia ta deuh.

Kawngka chu ka hawng a alo la muhil angem. Ka tiharh duh angem engtin nge niang... ka duh che ka ti thawr mai dawn mi. Ka ngaituahna ah chuan thil hrang hrang a rawn lut zut zut a. Mahse ka thil hmuh chuan min va thawng tak em.

Nilo a ni theilo.. Tae leh Lisa chu thuthleng ah chuan leng leh lenglo in anlo mu dun a, Tae chuan Lisa chu alo kuah chial a, a muthilh tui hmel hle mai. A thaw sek sek a.

Hmanhmawh takin ka tlanchhuak a. Ka khawhmuh chu a fiahlo ruai a ka mittui chu ka dang zolo. A na, ana takzet. Ka phurna leh ka hlimna te kha an ral riai riai a.

Muangchang chuan ka pen a ka thil hmuh chiah chu ka rilru ah a awm. Ka ngaituah apiang in ka thinphu te chu an chawl dup mai in ka hria. Ka thin hi a na ngawt ngawt ni berin ka hria. A nat zia chu ka sawifiah.thiamlo . kal lam a ka thlen hma tehreng nen. Haw lam chu ka kalrei takzet ani.

Khum ah chuan ka mu hnawk a insum miahlo in ka tap ta hawm hawm a.

Reife ka tah hnu chuan muthilh ka tum ta a. Mahse ka thil hmuh bawk kha ka ngaituah chhuak leh a ka muhil theilo.

Ngati nge kalo duh kher kher. Thian angin ka en zawm thei angem. Ani chuan hmeichhe dang duh a nei si a. Kalsan lo tura min tih khan ka hlim takzet . a neihchhun a innghah na ah kalo inngai a. Mahse Lisa rawn kal hma alo awmpui tur chauh in min duh tihna ani awm sia . ka van â tak em. Ani te chuan hmangaih a nei lawm. Kei chu a thian mai ka ni.

Mittui tlak zawih zawih theih a ziah ka tum ngial a ka ti hleithei lo a ni e.

Kan ti tawp hnai tawh mai dawn mi niang. Engtia kal zel turin nge in duh....

In comment tha duhlo si ziah pawh a nuam lo tan 😂