Grace P.O.V

Jungkook company eng eng emaw buaipui a Calfornia lam pan tur chu nang hman loh hlau takin Airport ka pan a, a hmun ka va thlen chuan Jungkook chuan nui sang hian ka kut rawn vuan in a lamah mi pawt hnai a, a dar a ka khabe nghat a in kuah pah chuan ka tukhum ah duat takin mi chul a, kal lo se ka ti lutuk mahse a tana tha tur a ni bawk si. "I bul a rei tawk awm ka duh tehreng nen ka tlai deuh a tihpalh aw", ti a thupha ka chawi chuan "A pawi lo", tiin mi kuah nghet sauh sauh, ka ngai dawn lutuk che Kookie.

"I awmna turah chuan phone ken luh an phal lo i ti bawk sia", min kuahna chu phelh in a thawmhnaw ipte atang chuan ka muthlu lai thlalak hi a rawn phawrh chhuak a "I la hria em?", ti a mi zawhna chu "Chiang takin", ka chhanna chuan a ti nui suk.

FLASH BACK

College 1st sem, kan nih hunlai daih tawh kha a ni a. Thla khat pawh kan kal tlin hma in tuk khat chu zirtirtu hian New comer a rawn hruai lut a, sam buang thar sei lam lek lek, mitmeng lian dum fiah kelh kawlh, a thawmhnaw inbel lah chu a inhmeh em em leh nghal, amah lah chu a faiin a ngo dan erawh in tenawm lam a pawl lo thung, pianthiam, sang fit zaih mai, a shirt dum chhan a awm khauh leh nalh tak inphum ru tih hriat em em, a mal chhah tak te, a hmui tlangkual mawi zet mai leh a hnuai a khuavang zawng zawng te nen, a nuih zawng te chuan a ha var rual thah chu a lang bawk a, chu chu Jeon Jungkook ani. College hmeichhe buaipui rawn a ni a, chung zingah chuan keipawh ka bang bik lo.

Exam hmachhawn mai tur kan ni a mahse zirna kawngthu hla ah hi chuan ka taimak loh em vangin thiam lo pawl ah ka tang a, Jungkook erawh a tha ber ani fo. Seat arrangement kan neih tum chuan exam huhphurh vang nilovin Jungkook bul chiah a ka thut dawn vangin ka zam lutuk a ka thi mai dawn a maw ka ti hman, thiam ber leh thiam lo ber thut dun chuh! Ka dinhmun ah hian tupawh ding se mi pangngai tan chuan ka ngaihtuah ang ngaihtuah lohna chi ah ka ngai lo.

Exam ni hmasa ber chuan mi zawng zawng in an ennawn mawlh mawlh a, kei engmah thiam nei lo chuan darkar eng emaw zat ka nghak a nga, chumi hnu exam zawh ah awm hnufual tur a la ni zui tih ka ngaihtuah neuh neuh lai chuan Jungkook chuan aw thawp sat hian mi rawn bia a "Ka lo hrilhfiah ang che", a offer chu Yes nghal ka duh mahse eng nge hlawkna awm? Mark chhia ka hmuh leh tho si chuan ka inti mualpho mai mai "A ngai lo ka lawm e, i hun ka khawhral sak mai mai zawk ang che", polite tak rilru a chhan dang nei ran chung a ka tih pawh chuan "Belna zawk a lawm", tiin mi nuih seih, ka hnial zo lo, a nui hmel zawng zawng nen a fuh teh thlawt bawk si a ni.

Mi han hrilhfiah zung zung hnu chuan harsa ang a lang te pawh kha ka hre fiah nghal kuar kuar.

Question paper a zawhnate chu chhiar thla zung zung in min hrilhfiah atanga chhan theih tur vek a lo ni, phur lutuk hian "I explain dan ang vek a lawm a nih le!", chutih rual chuan zirtirtu chhip khawn ka tuar nghal, Jungkook a nui saih, ka lo tawng ring deuh a niang, zahthlak lutuk. Paper submit hnu chuan dawhkan bawh in ka muthlu nghal hmiah, rei pawh a rial hma in camera click ri in min kai harh a, zirtirtu chhuak tawh ai mah a mi thawng tu chu ka thla la tu chu Jungkook ani, ka lai lutuk chu ka biang a sa nghal vung vung a.

END OF FLASH BACK

Kha thlalak kha duh lo hle mah ila a ngainat ber a nih thu a sawi sia. "Ka kal a hun e", tih pah chuan ka kut chu khing hnih a la kang in a fawp sap, ka mittui te chu a tling pam tawh bawk, a kut lum thar thar a ka bek tawn tawn a mi dawm leh chuan a banrek ah ka lo vuan ve nghal vat a, tichuan a hmui dam thlup in a ka hmui chu rawn nawk in mi fawp ta vawng vawng a, thlah mai harsa ka tih ang bawk in ani pawh in mi fawp duhthawh sauh, ka ngai dawn lutuk che Kookie.

"Ka ngai che, Kookie", ti a a awm a bei chung a ka tah hliam hliam lai chuan duatna awki damdiai in "Keipawn, Baby girl", a kal liam tur chu ui takin ka thlir dauh dauh, a tawp nan a rawn leh hawi in hmui phun a 'Ka hmangaih che' ti chung chuan a kal liam ta a ni.

In lam pan tur a ka taxi phar a ka chuan luh hnu reilote ah chuan ruah chu a rawn sur deuh bawrh bawrh a, chu chuan thil min ngaihtuah chhuah tir 'Jungkook nen a kan in fawh hmasak ber tum, ka first kiss, kan Rain kiss'.

FLASH BACK

Tlai khat chu Kim Taehyung ka thian tha ber nen a class a kan bengchhen vangin detention room-ah kan awm hnufual a, Tae erawh lemchhan thiam-a ka ti mai, a pum ti na der in an haw tir daih leh nghal, ka intih nat ve lem in an awih duh tawh bik der bawk silo.

Haw alo hun a, ruah sur bawrh bawrh in kei nihliap nei lo detention room-a awm hnufual chu 'Ho ve suh' ti ang hrim in mi la nan zui bawk, ka vanduai ni a niang...

~k.

Ngaihnawm intih ka besei,

Next chpt min lo chansak theuh ula,

Min lo vote sak okay✌😗

💜💜💜