art 1

Room fai leh nuam enkawl that ani tih hriat ngawih ngawih a room pindan bang rawng chu senno lek lek rawng ani a.. Chu room mawi leh nuam zet mahse reh tak si ah chuan Nu pakhat la thalai inenkawl uluk ani tih hriat em em avun leh a ke a hmai engkim mai chu thianghlim in a fai em em a...chu room ah chuan chu nu valai tak chuan Rawlthar duhawm leh hmeltha tak thlalak chu thlir in a mittui chu a hru leh zeuh zeuh a.. Achangin van lam a thlir a.. A phun leh bul bul thin a.. Achang leh khum chu a chul a.. " Ka ngai che sin .. Tinge i nu hi min ngaihtuahlo mi ka hmangaih che ka fapa " ni e nichin kha chuan a insum ani tap lo tur in a insum ani... Mahse angaihtuah ril tulh tulh ani chek ang chu a insumtheihna in a tlinlo a tap ta bawrh bawrh a..

Leh lam ve thungah chuan in tha tak ni lo chhe tak ni chuang silo vantlang rual pawl tawk ah chuan ama room ni ngei ah chuan Rawlthar hmeltha ahmel en mai pawh a hmeichhia te star rawn tur niawm a pa tih hriat ngawih ngawih mai chu ameng sen deuh rum a..mipangngai tan chuan a normal lo tih ahriat ani.. A chang leh anui leh suk a.. Achangin a tap leh hawm hawm a.. A bul ah chuan meizial bawm leh a zuk hnu bung chu a let deuh rum a... A inchhir ani tih ahriat theih....

A room kawngka chu an lo sawi dat dat a.. Mahse chu Rawlthar hmeltha tak a rui ani tih hriat tak a khum ngheng a chhuat a thu mittui tla zawih zawih chuan hawn reng a tum lo.. Chutah kawngka chu anlo nam hawng sawk a.. Chu Rawlthar chu aphu ve zawk nghe nghe.. Mahse hnuai lam chu amelh ngar ngar a..

Anu ni ngei tur chuan " Zosangzual tinge tihian i awm reng mai le aw.. Min ti hrehawm em em lutuk.. Ruih tur te hi khawi ami hi nge maw i hmuh thin ni.. Amak em em e mai.. I pa te hi zah ve rawh " chu nu chu a ang hlawk hlawk a.. Zosangzuala erawh chuan angaihsak lemlo .. Angaihtuahna chu Mipakhat thihna thlentu anih a inchhir zia ngawt mai ani angaihtuah ni..

BOMBOM

Zonunsanga chu a school uniform thar ha chu a room a duhdan thlap a an siam a darthlang mawi leh nalh tak ah chuan a in en a.. A inhmeh kher mai .. Amah ango in apian chu a dik zaih mai bawk nen mahse amah chu a hlim hmel loh khawp .. Apa hna avang a school a suan ngun lutuk chu a ning ve em bawk ani..Ahma in thing tlangah an awm a.. Harsa tak in thian te a siam ve a..an in nel chho a mahse tunah an sawn leh ta si a.. A thawhak a a sam tuai zeuh pah chuan " umm kan in awmna ngeiah lawm kan awm tawh.. Pawilo arei dawnlo ka tuar chhuak thei leh em em ang " tiin a mah leh amah chu a in fuih a..ni e tun a an awmna hi anmahni in ngei mai niin vanneihthlak deuh in Aizawl ah an suan leh anih kha.. Zonunsanga chu a lawm lemlo mahse amah duat ngawih ngawih tute anu leh apa te api leh a niteii te erawh an hlim kher mai.. Thing tlang a an awm lai khan Zonunsanga pi leh ani hian an in hi an lo luah a... Tunah chuan an vaiin an cheng ho thei tawh dawn ania. An tan chuan hlim lohna chi ani reng na.. Zonunsanga erawh athian Priskil te Sangsangi leh Nuna te kha angai em ani... An in sawn dawn hma zan pawn an riakkhawm a..atukah mittui nen an inthlahliam anih kha..chung angaihtuah te chuan a thian te chu angai thar em em a.. An in sawn atangin karkhat lai ani tawh a ..vawiin a school a zawm ve leh tan dawn nia .. Thian siam a harsat em em a..hei hi a huphurh em em na chhan ani.. Chutia thil angaihtuah lai chuan a room pawn atangin " Bawihte i tlai ange..Chaw ei kan peih tawh nia " anu chuan alo ti lang lang a.. " aw nu ka inpeih ka lo chhuk .." atia atawp nan darthlalangah bawk chuan an in en leh a ,anui lui deuh suk a ,a biangsum mawi zet chu a khuar kherh a.. A ha mawi tawk em em a to thuah leh a ha uingho lang vat chuan ati hmeltha in ati lang pa lam ai mah chuan ati lang cute zawk mah awm em..

Inhnuai lamah chuan hmanhmawh tak in a tlan thla a.. An choka lamah lut pheiin chaw ei dawhkan chu anlo kil thap tawh a..api chuan " Bawiah kha i va in hmeh ve in uni-form thar chu " alo ti vat a,chutah ani chuan " keima naute anih hi inhmeh loh ten " an nui deuh dar dar a. .. Apa chuan " Bawiha vawiin chu ini hian a va hruai mai che ngai ani.." ati a chawhmeh chu a suak a

" Ole , ni min accident pui nge aw " anti fiam a..

Ani chuan " I pa ai hian ka khalh thiam fe nilo mi u mam" atia

Zonunsanga nu chuan " bawiha i tawng malsawm lo lutuk.. I ni hi lawm i tet lai pawh a hruai ber tu che " alo ti a.

An chhungkua chu an hlim dar dar khawp mai.. Zonunsanga hi Pu Sawmkima leh Pi Duhkimi te fa neihchhun ani a.. An duat in a duh engkim chu an leisak zel a..mipa toys aiin hmeichhe thil angen fo a..an fa neihchhun ani bawk nen an leilo ngam thin silo an lei leh nge nge zel a..alo thang lian zel a.. A chezia leh a aw atang in a tuai ani tih hai rual anilo..Pu Sawmkima chuan theih tawp chhuah in mipa ang tak a awm tur in a train ani ber ang chu a changin a fapa duat em em chu a vua a.. A beng a .. Mahse awmzia a awm thei silo .. Zonunsanga pawh chuan hrehawm ati in pa tak a awm chu a tum ve tak meuh mai hmeichhia pawh apa vangin akawm ngam lo a..theih tawk tak meuh chhuah mahse a thang lian zel a..anihna chu a tum leh duhdan ni hauhlo in alang chhuak zel zawk si..apa in mipa tak a awm tur a nawrna chuan amah nghawng nasa tak anei a..midang bul a awm nuamlo tihna te a inrin tawkna te chu a chhe zo vek ani ber ..amah in a tawm chawt zel a..Pu Sawmkima chu a nupui Duhkimi pawh chuan a fapa atih dan chu ti tawhlo tur in a hrilh fo a.. A fapa vang chuan a tap fo mai.. Pu Sawmkima nu leh a farnu te phei chuan Pu Sawmkima chu an be duhlo hial a.. Ni e an fapa an tupa hi an duat em ani..eng ang mi pawh nise an fapa an tupa duat anihna kha a bo silo..Pu Sawmkima pawh chu vanneihthlak tak in kan ti dawn nge a fapa chu ama siam danglam theih anih loh zia leh tun a lo pianchhuah dan hi Pathian in he khawvel a mawi tak a parvul pui tur a alo pek anih zia te...midang ai a Hmangaih a hrethiamtu an mamawh bik zia te a hrechhuak a .. A fapa alo tih thin dan chu a inchhir in azak ngawih ngawih a. Afapa chu thlakhat hial a hmu ngamlo a apeh hel char char a..chu mi anupui in lo hria in a fapa hnenah apa chu be hmasa a ngaidam tur in afapa chu ati a...

Apa office bang chu lo nghak in , alo haw ve leh chuan apa chu va kuah in " Pa ka hmangaih che..i duh dan in ka awm ang..mahse pa i duhdan lo a ka lo awm chhuah changin pa tha deuh min hrilh thin rawh aw.. Pa min vaw tawh suh aw " tap chungin alo ti a..ni e Zonunsanga pawh hian apa nen a an in kar hi hrehawm ati ve tak zet ani..apa chu a tawngchhuak theilo a fapa chu kuah lawp a.. Atap zawih zawih a..ahnu ah tihian asawi a " ka fapa ka duat min ngaidam rawh aw.. Ka duhdan a i awm angailo .. I awm dan ilo pianchhuah dan hian i mawi ber a.. Tihian Pathian in mawi tak in He khawvel ah hian parvul tur in a duh che ani... I pa hian ka lo hmu fiah har ani. Min ngaidam rawh aw".. Atia a tap zawih zawih a..apa mai anilo anu leh Zonunsanga pawh chu an bang biklo.. Aizawl lam a api leh ani te anu chuan ahrilh nghal a.. He mi ni atang hian Zonunsanga chu nunhlim na tak tak anei chho ve leh beuh beuh a.. Apa hian a duat leh ta mah mah zawk a..tihian an fuih ta zawk a " i rawng ngainat i duh zawng i che zia te hi bawiha tih danglam angailo.. Lemchan ai chuan atak hian ngainat ahlawh zawk .." an ti a. Tun a room pawh a senno mawi ati tlat sia .. Asenno an hman sak reng a bangah pawh..

Apa vek hian ahrilh tha khawp mai azir chiang nasa bawk a " mipa i duh zawk anih chuan ka pawmpui che.. Mahse chak tak siam ini a..mahni anpui kawp lo tur hian i sual chhuak thei ani..i tan kan awm..i thei ngang lo anih pawn kan hrethiam che..kan demlo ang che..mahse i nu leh pa te rilru erawh ana ve dawn ani .. Harsa mahse bawihte hneh hram tum rawh aw.. Tu te pawh hian chak lohna kan nei vek .. Nang chu i chaklohna chu kha kha ani dawn nia.. Mahse i chaklohna kha i chakna ah i hmang thei ania.. " tiin afuih a.. Hei vang hian mipa hmeltha han tih nei ve mahse ngaihzawng en in tumah a en ngailo a..tumah pawn chutiang zawng chuan an en ngamlo reng bawk a..

" Bawiha enge i ngaihtuah em em a ? " ani chuan car khalh chung chuan Zonunsanga chu ava en zeuh a..

Alo ngaihtuah nasa ani a hun hmasa lam kha..

" haha kan school tur hi mawle "

Ati a.. Anui seih a..angaihtuahna erawh anun kal liam ta ani..

Ani chuan hmalam en chung reng chuan " Ngaihtuah vak duh mah ta che.. Thian siam hi in zir rawh.. Mi hi biak hmasak thin tur.. Hei ipa in alo call leh tawh hi.. Chu mi zawh i nu leh i pi .. " phone call chu achhang a .. An duat em a Zonunsanga hi khawipawh chhuak se an call reng mai a.. A chang chuan a zak zawk thin ..

School chu an thleng a.. Ani chuan an kuah ang leh lawp lawp a.. Tichuan tha tak a class kal tur leh nihman nuam tichung chuan an in kalsan ta a....

An school chu anlo ri nuai nuai a.. Thenkhat mithar lawm deuh te chuan anlo en deuh sep sep a..hmeichhe ho lah in hrilh ru in chumi kha chu ang tawp korean laina hnai an nei aniang te an ti thul.. Ni e amah te hi a khawchhak hmelthat reuh bawk em ani.. Thenkhat te rawh chuan an ngaihsak lemlo an awm awm in anlo awm a..athen anlo in um kual a.. An su tlu tep nghe nghe .. An in hlei hlawm bawk a an school chhung chu a ri nuai nuai a.. Zonunsanga chuan hneawm a ti nghal khawp mai.. Ni e mi ti zawk zawk lo tan chuan ninawm duh dawn deuh ani... An classroom tur chu azawng phei dan dan a. Atawpah chuan a hmu ta a..

Alut a.. Class chhungah pawh chuan anlo bengchheng leh khawp mai.. Thenkhat an bag lo dah tawp a tlanchhuak leh nghal te athen thukhawm a au leh dur dur te an kim khawp mai..

Thutna tur chu a zawng a ,anlo thu zel bawk si .. Atlar hnunga atang chuan " Hei thianpa ka bulah hian lo thu rawh malsawmsanga in suan daih a ,abialnu bul hnaiah " lo ti tu lam chu an hawi a..hnar ngul sei zum mawi tak ,khabe nalh hmui chhah deuh thap , duhawmna hual vel vek ,siamtu pawh in asiam lai a duan rei bik hial khawp a rinawm a hmeltha chu alo ni a ,Zonunsanga chu a lungphu chu a phi deuh dup dup in a hria..abulah chuan a bialnu ni ngei a rin athu tlat mai bawk si a.. A hawi dan velah chu nu chuan ahrethiam ani chek ang chu " Keichu thu mai mai lo thu rawh.. Josephine Lawmkimi ka nia Jojo tiin min ko tlangpui ,tunge i hming i van korean reuh " ati nghal zung zung a..Zonunsanga pawh chu biangsum lang a ha tu thuah leh ha ui ngho lang va va chuan a nui sen sen a..

" Zonunsanga ka nia..vawiin atangin ka lo lut ve tan dawn a " tiin a bag chu an thutna ah chuan a dah a .. Abul a hihang ngah zet Zosangzuala erawh chuan engtin mah a be tawh lemlo a.. Jojo-i kut chu akhawih niap niap a..

Zosangzuala chu a melh leh zeuh a.. Mahse Zosangzuala chuan Jojo chu a en ngawih ngawih ani ber ..

Class te chu an tan a , Zonunsanga chu tlai deuh tawh hnu a lut thar leh anih vang chuan in hmel hriattirna te an neih tir a an zirtirtu Vanneiha chuan hmeichhe ho chuan a vun te chu mawi an tiin Korean a ang an ti ru deuh sap sap a... Mipa thenkhat lah an inhrilh ru leh deuh sap sap thin a..Zonunsanga chuan hrehawm ati ru khawp mai.. Zosangzuala erawh chuan Zonunsanga chu khap miahlo hian alo en ve char char a..mahse Zonunsanga chuan amah chiang fahran a entu chu azah luat vang chuan ahmu lo...

Ani khatna chu eng em em mah tawk lemlo chuan atling tla ve mai.. Mipa hmeltha leh fel em em Zosangzuala bulah athu a ,angaihtuah let a , nuih deuh sang a " i van rimtui eng perfume nge i hman " ti a zawhna azawh lai te " E tak a ka hming chu Zosangzuala nia ? Engtin nge ka koh ve ang che " ti a azawh lai te chu amitthla kir in angaihtuah let leh a .. Ahming a sawi a chu veleh Zosangzuala chuan " Avan mawi ve mahse Ka ti dawn che " atih pah a mit hnuai thlavung te chu amawi ati kher mai.. Mahse angaihtuah a chutiang ngaihtuah thei anilo .. He khawvel a Pathian in a do let tur a pek hi a hneh ngei angai ani.. Tih angaihtuah zui leh a..a thaw hak a..ani chuan alo lam leh a..

In a haw chuan api in alo be nghal suam suam a.. Anu pawh chuan a school Uniform te dahthat sak pah chuan " Bawiha harsatna i tawk em ? Hrehawm tihna te i nei em ?" tiin azawt a..anuam atih thu leh a rin ai tak a atlangnel hma arin thu te chu a sawi ve siam siam a..

An zirtir tuten inhmelhriattirna anneih tir lai a zah zia te , Korean ang an tih thu te chu ani ,api leh anu te hnenah chuan fiamthu titih deuh chuan a sawi a, an nui ho dar dar a.. Ni e an fapa neihchhun hi an duat a ,an thlir ning theilo ani ber .. Amizia te a engkim mai te mi pawisawi zawng aimah in midangte tihlim tu zaidam nunnem tak anihna te ,a mah alo hmeltha in hmuhnuam em em alo ni bawk nen anu leh pa ani leh api te hian a ruk tak chuan an chhuang ru thin em em a...an inchhungah pawh an nuihna siamtu ber ani a.. A lengchhuak tam lo bawk nen ..apa in a fapa a hriatthiam hnu hi chuan an inchhung an chhungkua tluk a awhawm chhungkaw duhawm hi an awm bik kher awmlo e..

Apa office lo haw pawh chuan a zawh hmasak ber chu " Boiha school thar chu enge a an ? " tih ani .. An fapa tello hian an awm thei meuhlo zawng ani e..

Zosangzuala erawh chu in haw mawlh chu a peihlo in a huphurh tak zet ani.. Ni e apa taxi driver ani a ,mahse apa tak ani silo ,zu a rui a , na tak tak in a an khum thin a ,Zosangzuala chuan khawih hial aduh thin ,rawlthar tha za rual ani ve bawk nen ..mahse anu vang leh tun a mihausa te school luhna aluh theihna chhan chu apa (pahrawn) hi ani bawk si a.. Atuar hram hram zawk a.. Ni e lehkha athiam thei a , a hmel atha in mihausa fanu duat tam tak in an ngaizawng a.. Nupui tha tak neih a ,sipai officer nih chu atum bur a.. Anun hrehawm viau mahse ruihtheih engmah atilo a.. Thil tih nikhua a amawi tawk a han in ve chang erawh anei..

Ngaihzawng tam tak anei tawh a..amah chhelo a..alo ler ve bawk nen a thlak zung zung ani ber .. Hmeichhia lah chuan an han duh mai khawp mai.. Pawisa thleng in an pe a.. Ani khawsak harsa lo ni ve bawk nen ala hmiah hmaih zel a..mi tam tak thianghlimna par alo thliah sak tawh bawk a..amah vang a mittui tla te mittui chuan tuipui siam theilo mahse zo luite erawh a siam thei mai thei ani tih tur khawp in midang alo hliam nasa tawh a..mahse pawi tihna aneilo..an school ah thian kawm te chu amah ai hausa vek anni a ..mahse amah achhelo kan tih tawh kha mihausa fapa ang mai ani..

Tun a ngaihzawng MLA fanu duat amah duh ngawih ngawih tu Jojo-i hi chu midang ang a chhuah mai mai atumlo khawp .. Achhan pawh ama hma khua angaih vang ani.. A hmangaih vang ani hauh silo .. Mitenawm kan ti dawn nge.. Mahse adinhmun hian a zirlo ve em bawk atin ni..

Jojo-i a thlah haw hnu chuan an in lam chu a pan hnak hnak a..Vawiin a lo lut thar pa chu tum loh deuh in angaihtuah a..amah te kha duhawm ati tlat a.. Ahming ah pawh tih an phuah sak ngawt pek anih kha..

A school luh tirh a amah hmusit deuh tu Melvin-a te a hrechhuak a vawiin class alo kal lo a ,Ni e Melvin te chu sumdawng hausa tawntaw fapa kha ani a..ahmuhsit pawh kha ana reng anu.. Mahse thiantha Faka ,Zami ,Erick te atawng chho a.. Atan School pawh hmachhawn anuam chho zel anih kha.. Tunah phei chuan athu tawh khawp mai.. A thiam thei em bawk ani..

Melvin erawh ala ngaina thei hauh chuanglo..

Atukah chuan School ah chuan an ri leh nak nak a.. Zosangzuala bulah chuan Jojo-i chu athu leh kuk tawh a.. Mahse Zosangzuala chuan mi ngah nei ang mai hian kawngka lam chu a en leh zeuh thin a..vawiin phei chu Melvin-a alo kal tawh leh nghal ,Zosangzuala chu a awm nuam lo ve ngawt a.. Enge chhan a hrelo..Jojo lah chuan eng eng emaw sawi in a be sek a.. Zosangzuala chuan kawngka lam en leh zuk pah in a aw e vel mai mai a..

Zonunsanga chu tlai tep tih ah chuan alo lut ve a..

Chutah Zosangzuala chuan alo nuih vat a.. Abialnu pawh a hre chang tawhlo ani ber..

"Bombom thawh hai ni maw ? " alo ti vat a.. Hai lo e tiin a nui seih chuah a.. Zosangzuala chuan abialnu chu athutna a thu tawh tur a tih vang chuan a kalsawn ve mai a... Zonunsanga pawh chu Zosangzuala bulah chuan athu a..Zosangzuala chuan tinge mawn a van mood fuhloh hmel ve ati rilru nuah nuah a.. Biak chhunzawm dan tur chu a hre mai lo ani.. Zonunsanga lah chuan abe eih bawk silo a..

" hey Bombom utum i hmuam ami ? " an ti ngawt pek a..Zonunsanga chuan ka hau hian Zosangzuala chu a en a " Timaw? " ti chiah chuan a chhang leh a.. Ni e nizan lamah khan angaihtuah nasa ani Zosangzuala kha ahmuh phat atangin hmeltha ati a ,amah hip nghal chat anih kha ,thlemna ahneh theihlohna tur ani ngei dawn a hriat vangin biak that loh a thutna awl a awm ve leh insawn atum a.. Zosangzuala hnaih ai in atan hlat atha zawk tih chu athutlukna ani ..

Zosangzuala chuan asam tuai sak pah chuan " i tum kawh bur hian i lawmawm a..mahse i nuih khan i bulah awm nuam zawk..midang te hlim hmel hmuhbfo tur.. Tum bur loh tur " ati leh a.. Achhanna kha lawm viau lo mahse Zonunsanga lungngaihna chu tih hlim a tum hram hram a..awle ka nuisang tawh ang tiin Zonunsanga chu anui seih a.. Bombom naupang fel an ti leh a...naupang nih chu alo duh biklo nasa sia.. Zosangzuala lah chuan chhaih chu nuam ati tlat mai bawk si a.. Zonunsanga pawh chu nizan a amthutlukna reng a hre chang tawhlo ..ani hnihna ah pawh amah hlimna nasa tak pe thei tu bul a hun hman hi atan ahlu em ani.. Kum tam tak in hre tawh ang mai chuan an nui dun hak hak a...

"Kan zosangzuala hi ava nui nasa ve " Zami ,Faka ,Erick te chu an lo kal a..Zonunsanga pawh chu an be nghal bawrh bawrh a.. Zami nen phei chuan an inkawm ngeih nghal em em ringawt a..ni e mipa aiin hmeichhia bawk hi thian a siam a awlsam zawk miau ani..

He mi ni atang hian Zonunsanga chuan Zosangzuala chu hlat a tum leh tawhlo.. Amah avang a thian aneih a ,nun hi enge anih a thian hlutna a hriat zual phahna te ,Tuai anihna hrelo lek a amah ngaina tak a kawm a abul a thut tirtu Zosangzuala chu thian ang tak in a kawm ta zawk a..

Zosangzuala chuan a chhaih reng a.. Chhaih thinrim te chu nuam ati ngawih ngawih a..a thinrim nasat pauh leh Zosangzuala nuih aza teng mai ani..achang chuan a bialnu pawh angaihsak hmanlo hial a.. Abialnu Jojo pawh atitauh phah fo reng ani.. Faka ,Erick ,Zami Zosangzuala leh zonunsanga te chu an class ah pawh chuan an inkawm ngeih fal em em a.

Tin Melvin leh Zonunsanga te chu vengkhat anlo ni reng bawk a.. Melvin hian abe ve zeuh zeuh bawk a.. Veng khat mai piahlam ah an lo inhnaih em em leh nghal a..

Pu Sawma leh pi Duhkimi te lawh chuan Chuti tak a an fapa in thian tha tak a tawng chu an lawm em em a.. Vawiin tlai an school ban ah an in hruai a chaw ei ah sawm tur in an ti a.. Tukthuan an ei lai chuan pu sawma chuan " Bawiha i thian te chu lo sawm la aw.. Nizanah kan sawi tawh kha. " api te ani te chu anlo phur khawp mai..

Chutia an chaw ei pah a ,an titi lai chuan doorbell alo ri a.. Nu ber chu tho in kawngka ava hawng a an veng mihausa fapa Melvin chu niin ,martin leh Zonunsanga te an in class tih te an hre tawh tho a.. An in ah tak hi chuan ala kal ngailo a.. E lokal rawh martin enge school uniform nen ati a.. Zonunsanga alo pan thu leh Bike thar alei a kal rual a rem tho nen mahni a kal ngawt ai chuan ka lo pan a atia.. Chaw an ei mek thu leh Zonunsanga pawh a kham tep thu te lo nghak tur te chuan ati a..

Pi Duhkimi pawh chuan chaw a ei chhunzawm leh a..melvin-a anih thu te , Zonunsanga alo pan thu asawi leh bike a neih thar thu te chu ava sawi ve leh a.. Ava fel em em ani ti deuh luam hlawm a.. Zonunsanga ni pawh dawr lam ah an buai ve nen Zonunsanga thlah reng kha abuaithlak ve a..chutia kal rual pui tur anei chu atih zia thu te Pi Duhkimi leh pu sawma chuan a an sawi siam siam a..