【မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်】,မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်,latest updated chapters, free reading

《မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်》[၄၀] ဟသ်ာပဒ်ါးနှင့်အစိမ်းရောင်မျက်ခုံး|ဟသ္ာပဒ္ါးႏွင့္အစိမ္းေရာင္မ်က္ခုံ

!unicode!

သို့သော်လည်း ကျန်းရွေ့နှင့်လင်းယွဲ့တို့၏ရန်စောင်မှုကား ရှုလင်ကျားအပေါ်သက်ရောက်နေဆဲဖြစ်သည်။

ရှုလင်ကျားသည်သူသဘောမကျသည့်သူများနှင့်အလွန်ကွဲပြားကာ လင်းယွဲ့ကိုစကားပြောရန်သိပ်ကိုပျင်းရိလွန်းလှ၏။ သူဟာသူ့နံဘေးရှိနေရာလွတ်ကိုညွှန်ပြကာ ထိုနေရာကိုအရင်ဆုံးလျှောက်သွားလိုက်သည်။

လင်းယွဲ့မှာသူ့ကျောပြင်ကိုကြည့်၍ အေးတိအေးစက်ပြုံးလိုက်မိပြီး သူ့နောက်လိုက်သွားရန်ပြင်လိုက်ပေမဲ့ ရုတ်ခြည်းတောင့်တင်းသွားကာ ရပ်လိုက်မိသည်။

တစ်ချိန်တည်း၌ ရှုလင်ကျားဟာလည်းခေါင်းလှည့်ကာဖြင့် ကောင်းကင်ယံ၏အနောက်ဘက်ခြမ်းကို လင်းယွဲ့နှင့်အတူကြည့်လိုက်မိသည်။

ချက်ချင်းအလျှင်းပင်၊ အခြားလူများမှာလည်းထူးခြားသောခံစားချက်တစ်ခုဝင်လာပုံမှာ ပုံမှန်မဟုတ်သောခွန်အားကြီးသည့်မမြင်နိုင်သောတွန်းအားတစ်ခုက ဒီရေအလား ဤနဂိုကသက်ဝင်တက်ကြွကာဆူညံသောလမ်းမရှည်ကြီးကိုလွှမ်းခြုံသွားသည့်နှယ်။

လူတွေသည်ထိုဖိအားကိုမမြင်နိုင်သကဲ့သို့ ခံစား၍မရနိုင်သည့်တိုင် သူတို့အားလုံးတစ်ပြိုင်နက်တည်းတုန်ယင်သွားကြကာ အသက်ရှုအောင့်လိုက်မိကြပြီး ကျင့်စဥ်နိမ့်သည့်လူတချို့ပင်ခြေထောက်များတုန်ရီလာကာ မြေပြင်ပေါ်လဲကျလုမတတ်ဖြစ်သွားကြသည်။

ပတ်ဝန်းကျင်တစ်ခုလုံးမှာရုတ်တရက်ချင်းတိတ်ကျသွားပေသည်။

ရှုလင်ကျား၏မျက်နှာထားကား မထင်မှတ်ထားပုံပေါ်ကာအနည်းငယ်စိတ်မရှည်ဖြစ်နေပေမဲ့ လင်းယွဲ့ကတော့ဖြင့်မသိမသာတောင့်ခဲလျက်ရှိပြီး ထို့နောက်လူတိုင်း၏ရှေ့မှောက်၌ ချက်ချင်းဦးညွှတ်ကာ"ရှစ်စွင်း!"ဟုပြောလိုက်သည်။

သူ၏ဝတ်ရုံမှာရိုးစင်းကာ သူ၏ရုပ်ရည်သွင်ပြင်မှာလည်းသာမန်ဆန်လွန်းလှပေမဲ့ သူ့၌တည်ငြိမ်ကာအေးချမ်းသောလေထုရှိနေပြီး လူတွေအားသူမည်သူမည်ဝါဖြစ်ကြောင်းသံသယဝင်စရာမလိုအောင်ပြုလုပ်လျက်ရှိသည်။

ဤလူကား ကွေ့ရီဂိုဏ်းချုပ်ကျင်ချီးရှန်ဖြစ်ပေ၏။ သူသည်လွန်ခဲ့သောရက်အနည်းငယ်ကအကြောင်းတစ်စုံတစ်ရာကြောင့် ဓားစမ်းသပ်ရေးညီလာခံတွင်ပေါ်လာခြင်းမရှိခဲ့ပေ။ သူဟာပြိုင်ပွဲ၏ပထမပွဲစဥ်ပြီးနောက်မှာသာရောက်လာခဲ့သည်။

ကျင်ချီးရှန်ကဤနေရာတွင်ပေါ်လာခဲ့ပေရာ လင်းယွဲ့ကိုသေချာပေါက်ကူညီလိမ့်မည်ဖြစ်သော်လည်း လင်းယွဲ့ကိုယ်၌ကမူ အရင်ရက်များမှာဂိုဏ်းချုပ်မရှိသည်ကိုအခွင့်ကောင်းယူ၍ သူ၏အပြုအမူမှာမောက်မာရိုင်းစိုင်းခဲ့ပြီး လူအများအပြားကိုအပြစ်ပြုမိခဲ့ကြောင်း ကောင်းစွာသိနေပေသည်။

ထို့ကြောင့်ကျင်ချီးရှန်၏ရုတ်တရက်ပေါ်လာမှုကား သူ့ကိုအတော်လေးအဆင်မပြေဖြစ်စေသည်။

ကျင်ချီးရှန်မှာသိသိသာသာကို သတင်းကြားသောကြောင့်ဤနေရာကိုရောက်လာခဲ့ခြင်းပင်။ သူ့မျက်ဝန်းတစ်စုံကရှုလင်ကျားအပေါ်တွင်အသာအယာဖြတ်သွားပေမဲ့ မရပ်တန့်လိုက်ပေ။ သူဟာဤတပည့်ဂိုဏ်းသားကိုအထင်မကြီးကြောင်းသိသာလှပေသည်။

ထို့နောက် ကျင်ချီးရှန်သည်ခပ်လှမ်းလှမ်းမှသွေးများစိုရွှဲနေသည့်မုန့်ခုန်ကိုတစ်ချက်စိုက်ကြည့်ကာပြောလာ၏။

"လင်းယွဲ့၊ မင်းဒီနေ့တော်တော်များသွားပြီ။"

လင်းယွဲ့ကဆိုသည်။

"ရှစ်စွင်း၊ ဒီတပည့်မှားသွားပါတယ်။"

ကျင်ချီးရှန်ကဘာမှမဆိုဘဲ မုန့်ခုန်ထံလျှောက်သွားသည်။

လင်ရှောင်းဂိုဏ်းသားတစ်ယောက်မှာရုတ်ခြည်းစိတ်ပူသွားရကာ မုန့်ခုန်ကိုကာကွယ်ရန်ခြေလှမ်းအနည်းငယ်ဆုတ်လိုက်မိသည်။

ခုနကလင်းယွဲ့ထံမှအလှောင်ခံရပြီးနောက်၌ ကျန်းရွေ့မထွက်သွားမိပေ၊ အဘယ်ကြောင့်ဆိုသော် လင်းယွဲ့၏သဘောထားနှင့်ပတ်သတ်၍ အလွန်တရာထူးဆန်းနေသည်ဟုသူခံစားမိသောကြောင့်ပင်။

ကျန်းရွေ့ကားလိမ္မာပါးနပ်၏။ နန်ဇီတောင်ထွတ်ဂိတ်ဝ၌ လင်ရှောင်းဂိုဏ်းနှင့်ကွေ့ရီဂိုဏ်းတို့ပထမဆုံးအကြိမ်ပဋိပက္ခဖြစ်ပွားခဲ့သည့်အချိန်တုန်းက ပြဿနာမှာမသေးသော်လည်း လင်းယွဲ့ကသူဂရုစိုက်သင့်သည်ဟုသူ့ကိုပြောခဲ့ပေမဲ့ သူဟာဤကဲ့သို့ရွံရှာကာအထင်သေးရှုံ့ချသည့်အကြည့်မျိုးမပြခဲ့သည်ကိုသူရှင်းရှင်းလင်းလင်းမှတ်မိနေပါသေးသည်။

သူအမှားရှာချင်ရင်တောင်မှ သူခုနကပြောသွားသည့်စကားမှာအလွန်အရုပ်ဆိုးလှသည်။

ယင်းကားပုတီးစေ့ဝိညာဥ်ကိုကံကောင်းမှုတချို့ပေးလိုက်သည်နှင့်ပတ်သတ်၍ ကျန်းရွေ့အားစဥ်းစားသွားစေသည်။ သူသည်ထိုအပြုအမူ၏ဆိုးဝါးသောအကျိုးဆက်အကြောင်းတကယ်စိတ်ပူနေမိသည်မို့ သူဒီမှာနေပြီးရှာဖွေဖော်ထုတ်ရမည်ပင်။

ယခုအခိုက်အတန့်တွင်ကျင်ချီးရှန်းရောက်လာသည်ကိုမြင်လိုက်ရရာ ကျန်းရွေ့ထိုအကြောင်းတွေးတော၍ ရှေ့ထွက်ကာထပ်မံကြိုးစားကြည့်ချင်မိသည်။

သူသည်ခြေနှစ်လှမ်းလှမ်းလိုက်ချိန်တွင် သူ့ခြေဖဝါးခလုတ်တိုက်မိသွားသည်ကိုခံစားလိုက်ရပေမဲ့ သူဟာတိုက်ခိုက်တုန်းကမုန့်ခုန်လွတ်ကျသွားခဲ့သည့်ဓား၏ဓားရိုးပေါ်တက်နင်းမိသွားခြင်းဖြစ်ကာ နောက်ပြန်လဲကျလုနီးပါးဖြစ်သွားသည်။

ကျန်းရွေ့အလျင်စလိုဖြင့်ဟန်ချက်ထိန်းလိုက်ရပြီး ခလုတ်တိုက်မိသွားကာ ရှေ့ကိုခြေလှမ်းအနည်းငယ်ထိုးဆင်းသွားပြီး ရှုလင်ကျား၏ကျောအောက်ပိုင်းကိုခေါင်းနှင့်ဝင်တိုက်လုမတတ်ဖြစ်သွားရကာ နောက်ဆုံးတွင်မြဲမြဲရပ်၍ ရှက်တက်တက်အမူအရာလုပ်ထားလိုက်သည်။

လူအုပ်ထဲရှိတချို့မှာကျိတ်ရယ်မိလိုက်ကြပြီးလင်ရှောင်းဂိုဏ်းသားအများအပြားမှာ မနေနိင်ဘဲသူတို့မျက်နှာကိုကွယ်၍ တကယ်ရှက်ရွံ့သွားမိကြသည်။

ကျန်းရွေ့ထိုမျှအလျင်လိုနေရသည့်အကြောင်းရင်းမှာ သူကသူ၏ကျော်ကြားမှုကိုခိုးယူသွားမှာစိုးရိမ်နေသောကြောင့်ဖြစ်သည်ဟုရှုလင်ကျားတွေးမိသည်မို့ မျက်လုံးလှိမ့်ကာဘေးကိုရွေ့လိုက်သည်။

စနစ်ကဆိုသည်။

[မူရင်းစာအုပ်ထဲမှာ ကျင်ချီးရှန်ကလည်းကျန်းရွေ့ရဲ့ပါရမီစွမ်းရည်ကိုအရမ်းအထင်ကြီးသွားပြီးတော့ သူ့ကိုအနိုင်ရဖို့ကြိုးစားခဲ့တယ်။ ဒီတစ်ခေါက်လင်းယွဲ့ရဲ့ဇာတ်ကြောင်းကပြောင်းလဲသွားတော့ ကျင်ချီးရှန်ရဲ့ဇာတ်ကြောင်းကောပြောင်းလဲသွားမလားဆိုတာကိုသိချင်မိတယ်။]

ကျန်းရွေ့စိတ်ထဲမှာကံဆိုးမှုကိုဆူပူလိုက်မိပြီးမုန့်ခုန်ရှေ့တွင်ကွယ်ကာပြောလိုက်သည်။

"ကျင်ဂိုဏ်းချုပ်၊ ခဏနေပါအုံးဗျ။"

သူ့ကိုကြည့်ရတာအနည်းငယ်ရှက်ရွံ့နေပုံပေါက်သည်။ ကျန်းရွေ့ဟာသာမန်ဂိုဏ်းသားတစ်ယောက်ဟုကျင်ချီးရှန်တွေးမိပေရာ သူ့ကိုကြည့်ပင်မကြည့်ဘဲပြောလိုက်သည်။

"ဘေးဖယ်၊ ငါ့မှာသူ့ကိုထိခိုက်အောင်လုပ်ချင်တဲ့ရည်ရွယ်ချက်မရှိဘူး၊ ငါမင်းတို့ဂိုဏ်းသားရဲ့ဒဏ်ရာကိုကြည့်ချင်ရုံပဲ။"

စုန့်ယွင်ကအနောက်မှနေ၍အကျယ်ကြီးအော်ပြောလာသည်။

"ကျင်ဂိုဏ်းချုပ်စိုးရိမ်ပေးဖို့မလိုပါဘူး။"

ကွေ့ရီဂိုဏ်းသားတစ်ယောက်ကခွန်းတုံ့ပြန်လာသည်။

"ဒီဂိုဏ်းသားကတော့၊ ဂိုဏ်းချုပ်ကဘာပဲဖြစ်ဖြစ်မင်းတို့ရဲ့အကြီးအကဲပဲလေ သူကအရမ်းကောင်းပေးနေတာကို မင်းကဘာလို့ဒီလောက်ရိုင်းပြနေရတာလဲကွ။"

ကျင်ချီးရှန်းကပြောသည်။

"ထားလိုက်တော့၊ ထပ်ပြီးရန်မဖြစ်ကြနဲ့။"

သူကဆိုသည်။

"တစ်ယောက်နှစ်ပွဲဆိုတော့ မင်းတို့တွေလည်းအမှန်တရားကိုသဘောပေါက်သင့်ပြီ။ လင်ရှောင်းဂိုဏ်းရဲ့ခွန်အားက ကွေ့ရီဂိုဏ်းနဲမယှဥ်နိုင်တာအရင်ကတည်းကပဲ။ လင်ရှောင်းဂိုဏ်းကဓားရေးအရာမှာအကြီးဆုံးဂိုဏ်းဆိုပြီးတော့သူ့ဘာသာသူအမြဲသတ်မှတ်ထားခဲ့တာ၊ အမှန်တရားကိုဝန်ခံဖို့ငြင်းဆန်ပြီးတော့ ကွေ့ရီဂိုဏ်းဟာမင်းတို့ဓားကျင့်စဥ်ကိုခိုးပါတယ်ဆိုပြီးတော့တောင်လီဆယ်ပြောနေတာက ပိုလို့တောင်ရယ်စရာကောင်းသေးတယ်။"

ကွေ့ရီဂိုဏ်းပထမဆုံးစတည်ထောင်စဥ်က ၎င်းဟာအမည်မသိဂိုဏ်းငယ်လေးတစ်ဂိုဏ်းဖြစ်ကာ ဓားစမ်းသပ်ရေးညီလာခံကဲ့သို့ပွဲမျိုးတွင် တောင်ထွတ်ဂိတ်ဝကိုဝင်ရောက်ဖို့ရန်အရည်အချင်းမရှိခဲ့ပေ။

နှစ်ပေါင်းများစွာကြိုးစားအားထုတ်ခဲ့ပြီးနောက်၌ သူတို့ဟာနောက်ဆုံးတွင်တစ်ဆင့်ပြီးတစ်ဆင့်မြင့်တက်လာပြီး ကျင့်ကြံရေးလောကတွင်ထင်ရှားကျော်ကြားကာအရေးကြီးသောဂိုဏ်းတစ်ဂိုဏ်းဖြစ်လာခဲ့သည်။ သို့သော်လည်း သူတို့သည်လင်ရှောင်းဂိုဏ်းသားတစ်ယောက်ကိုလက်ခံခဲ့သောကြောင့် "လင်ရှောင်းကွန်ဖူးသိုင်းပညာ"အောက်မှာရှင်သန်နေခဲ့ရပြီး "မိသားစုကိုစတင်ခြင်း"အရိပ်အောက်တွင်နေခဲ့ရကာ ကွေ့ရီဂိုဏ်းထဲရှိဂိုဏ်းသားအားလုံး၏နှလုံးသားထဲတွင်အထုံးတစ်ခုဖြစ်စေခဲ့သည်။

ဂိုဏ်းချုပ်ကျင်ချီးရှန်အနေနှင့် သူဟာပင်ကိုယ်အားဖြင့်ဒီအတွက်စိုးရိမ်နေခဲ့ရသည်။ ထိုအခြင်းအရာကြောင့် သူဟာလင်းယွဲ့၏ရက်စက်မှုကိုသဘောမတူသည့်တိုင်၊ လင်းယွဲ့၏ဘဝအတွေ့အကြုံကိုသိကာ လင်ရှောင်းဂိုဏ်းကိုအလွန်မုန်းတီးပြီး ဤဆိုးဝါးသောဂုဏ်သတင်းကိုဆေးကြောပစ်ချင်ရသည့်အကြောင်းရင်းရှိသည်ကိုသူနားလည်ပေသည်။

ထို့ကြောင့် သူ၏အကြီးဆုံးတပည့်ဂိုဏ်းသားကပြိုင်ဘက်ကိုအလွန်အရှက်ရဖွယ်ကောင်းအောင်ဆုံးမခဲ့သည်ကိုမြင်လိုက်ရရင်း ကျင်ချီးရှန်ဟာလည်းမြောက်တက်သွားခဲ့သည်။

အဆုံးတွင် သူဟာသူမည်သူမည်ဝါဖြစ်ကြောင်းအပေါ်အလွန်ဂုဏ်မောက်နေခဲ့သည်မို့ ရှုလင်ကျားကိုပြောလိုက်မိသည်။

"ငါတော့ငယ်ရွယ်တဲ့မျိုးဆက်သစ်တွေကိုအရှက်မရစေချင်ဘူး။ လင်းယွဲ့ကလင်ရှောင်းဂိုဏ်းသားနှစ်ယောက်ကိုနိုင်သွားတာ၊ သူကသူများတွေကိုထိခိုက်အောင်မလုပ်ချင်ဘူး။ ဆိုတော့ မင်းတို့နှစ်ယောက်တိုက်ခိုက်စရာမလိုတော့ဘူး။"

သူ၏လေသံကား"ငါမင်းကိုဒီနေ့လွှတ်ပေးလိုက်မယ်"ဟုပြောကာ လင်းယွဲ့ကလင်ရှောင်းဂိုဏ်းသားအကုန်လုံးကိုတစ်ဖက်သတ်ဆုံးမလိမ့်မည်ဟုသေချာနေသည့်နှယ်၊ ရှုလင်ကျားလှောင်ပြုံးပြုံးကာ ဘာမှမပြောမိပေ။

ကျင်ချီးရှန်ကဆိုသည်။

"ဟုတ်တာပေါ့၊ ဒါကလည်းအခြေအနေအရပါ။ ဒီကိစ္စကကျမ်းကျိန်ပြီးတော့ နောက်နောင်ကွေ့ရီဂိုဏ်းရဲ့ဓားရေးကျင့်စဥ်ကလင်ရှောင်းဂိုဏ်းကလာတာလို့မပြောမိဖို့ကတိပေးဖို့ပဲလိုတာ။ ပြီးရင်ဒီကနေ့ပြဿနာကိုရှောင်သွားလို့ရတယ်။"

ဂိုဏ်းနှစ်ဂိုဏ်းစလုံးဟာနှစ်ပေါင်းများစွာကြာအောင်အပြန်အလှန်အငြင်းပွားနေခဲ့ကြပြီး အချင်းချင်းခေါင်းမာမာနှင့်စွပ်စွဲနေခဲ့ကြသည့်တိုင် မည်သည့်ဘက်ကမျှတိကျရှင်းလင်းသောသက်သေထုတ်ပြခြင်းမရှိခဲ့ပေ၊ ဤကိစ္စကိုလည်းတရားဝင်ရိုးသားပွင့်လင်းစွာဖြင့်လုံးဝမဆွေးနွေးခဲ့ဖူးပေ။

သို့သော် ကျင်ချီးရှန်ကဒါကိုယခုထုတ်ပြောလာလေရာ အကယ်၍လင်ရှောင်းဂိုဏ်းသားများသာ ဒီကနေ့တူညီစွာလုပ်လိုက်လို့ရှိရင် ကွေ့ရီဂိုဏ်းအပေါ်သူတို့၏ယခင်ကစွဲချက်များကမှားနေကြောင်း သက်သေပြလိုက်သလိုဖြစ်သွားလိမ့်မည်ပင်။ အနာဂတ်တွင် ဒီတစ်ခေါက်သတင်းပျံ့နှံ့သွားခဲ့သည်ရှိသော် လင်ရှောင်းဂိုဏ်းကရယ်စရာပြက်လုံးတစ်ခုဖြစ်လာမည်မှာဧကန်ဖြစ်သည်။

ဤကျမ်းကျိန်မှုကိုပြုလုပ်၍မရနိုင်။

လူအများအပြားက"မဖြစ်နိုင်ဘူး!"ဟုအတူပြောလာကြသည်။

ကျန်းရွေ့ကဆိုသည်။

"ကျင်ဂိုဏ်းချုပ်ခင်ဗျ၊ ကွေ့ရီဂိုဏ်းကနာမည်မရှိတဲ့ဂိုဏ်းငယ်လေးပါပဲ။ လင်ရှောင်းဂိုဏ်သားဟောင်းလင်းလျန်ထွက်သွားပြီးတော့ဂိုဏ်းရဲ့အုပ်ထိန်းသူဖြစ်လာပြီးနောက်မှသာ ကွေ့ရီဂိုဏ်းကကျင့်ကြံရေးလောကမှာ တဖြည်းဖြည်းနဲ့နေရာတစ်ခုရလာတာ။ ဒါဟာမငြင်းနိုင်တဲ့အချက်ပဲ...."

"လင်းလျန်"ဆိုသည့်စကားလုံးကိုကြားလိုက်ရရင်း လင်းယွဲ့မှာမနေနိုင်ဘဲလက်သီးဆုပ်လိုက်မိသည်၊ ထိုသူကသူ၏အဖိုးဖြစ်သည်။ ထိုအခါမှသာလျှင် သူဟာအကြိမ်အနည်းငယ်မျှစကားပြောနေမှန်း ကျင်ချီးရှန်သတိထားမိသွားကာပြောလိုက်သည်။

"မင်းကဘယ်သူလဲ။"

ကျန်းရွေ့ကပြောလာသည်။

"လင်ရှောင်းချီဇုန်ကဓားသမားကျန်းရွေ့ပါဗျ။"

ကျင်ချီးရှန်ကမထင်မှတ်ထားစွာပြောလာသည်။

"အိုး? ကျန်းဓားသမားကအရမ်းငယ်သေးတာပဲ။"

သူကကျန်းရွေ့ကိုအပေါ်အောက်စိုက်ကြည့်လိုက်ပြီး ဤလူကားရုပ်ရည်သွင်ပြင်ကိုကြည့်လိုက်ရင်အဆင်ပြေသော်လည်း ဘာကြောင့်မှန်းမသိ သူ့ကိုကြည့်ရတာကောက်ကျစ်ယုတ်မာပြီး စက်ဆုပ်ဖွယ်ကောင်းပုံပေါက်ကာ နောက်တစ်ခေါက်ထပ်မကြည့်ချင်အောင်ဖြစ်စေသည်ဟုခံစားမိလိုက်သည်။ သူခုနကဘယ်နေရာကမှန်းမသိရုတ်တရက်ပေါ်လာသည်ကိုတွေးမိရင်းဖြင့် ကျင်ချီးရှန်ရွံရှာသွားရကာ အောင့်ပင်မအောင့်အီးနိုင်ဘဲ လှောင်ပြုံးပြုံးကာပြောမိချေသည်။

"လင်ရှောင်းဂိုဏ်းမှာဘယ်သူမှမရှိဘူးလား။ ဓားရေးဉာဏ်ကြီးရှင်က ဘာကြောင့်များတောသားတစ်ယောက်လိုမျိုးအဆင်အခြင်မဲ့ရတာလဲ၊ တကယ့်ကိုစင်မြင့်ပေါ်မှာမရပ်နိုင်ဘူးပဲ။"

ကျန်းရွေ့သည်လင်ရှောင်းဂိုဏ်းထဲဝင်လာကတည်းက အခြားသူများကသူ၏ဇစ်မြစ်အကြောင်းပြောသည်ကိုအမုန်းဆုံးဖြစ်သည်၊ ကျင်ချီးရှန်ကသာမန်ကာလျှံကာထေ့ငေါ့ပြောလိုက်ပေမဲ့ သူပြောတာမှန်ပေသည်။

အဆုံး၌ သူဟာလည်းလင်ရှောင်းဂိုဏ်းမှလေးစားထိုက်သောပုဂ္ဂိုလ်တစ်ဦးဖြစ်သည်ပင်။ မည်မျှပင်ဝိရောဓိများရှိနေပါစေ၊ ကျင်ချီးရှန်ကအကြောင်းရင်းမရှိဘဲ သူ့ကိုဤကဲ့သို့နိုင်ထက်စီးနင်းမပြုသင့်ပေ။ ဒီတစ်ခေါက်ပုတီးစေ့ကိုပြန်ပြင်ပြီးသည့်နောက်၌ သူ့အပေါ်မှာအကျိုးသက်ရောက်မှုရှိလာသည်ကို ကျန်းရွေ့သေချာသိသွားတော့သည်။

ရှုလင်ကျားပင်ကူကယ်ရာမဲ့စွာဖြင့်သူ့ဘာသာသူရေရွတ်ပြောမိကာ ကျန်းရွေ့တစ်ယောက်ဒီကနေ့တွင်ကံမကောင်းသောဆေးဝါး(သို့)ဆူပူဆဲဆိုခံရနိုင်သည့်ဆေးပြားများသုံးဆောင်ခဲ့လားဆိုသည်ကိုသိချင်နေမိသည်။ ပုံမှန်ဆိုရင်သူဘာပြောပြော အရမ်းတွေဆွဲဆောင်မှုရှိနေတာမဟုတ်ဘူးလား။ လူတွေအကုန်လုံးကဘာကြောင့်များရုတ်တရက်ကြီးမနာလိုဖြစ်သွားကြတာလဲ။

ကျန်းရွေ့ပြောမိသည်။

"ကျင်ဂိုဏ်းချုပ်၊ ကျွန်တော်ခင်ဗျားကိုစော်ကားခဲ့မိလို့လား။ ခင်ဗျားကိုအရမ်းဘွင်းဘွင်းရှင်းရှင်းပြောမိလိုက်လို့ ခင်ဗျားသရုပ်မှန်ကိုမထိန်းထားနိုင်တော့တာလား။"

ကျင်ချီးရှန်စကားပြောလိုက်ချိန်တွင် သူဟာမောက်မာသွားသည်ကိုသူလည်းပဲခံစားမိလိုက်သည်မို့ လူငယ်တွေအကြောင်းပြောတာကဂုဏ်ကျက်သရေမဲ့သွားပေလိမ့်မည်ဖြစ်ကာ သူတန့်သွားရကာ

တစ်အောင့်ကြာသော် အကြောင်းအရာပြောင်းပြောလိုက်သည်။

"ဒါဖြင့်ရင် ဓားသမားကျန်းကိုမေးချင်တယ်။ လင်းလျန်ကကွေ့ရီဂိုဏ်းကိုဝင်လာတော့ကောဘာဖြစ်လဲ။ အဲ့ဒါကရိုးသားမှုသက်သက်ပဲ။"

"ငါတို့မှာငါတို့ကိုယ်ပိုင်ဓားရေးအရည်အချင်းတွေရှိတယ်။ ဂိုဏ်းတစ်ဂိုဏ်းက လင်ရှောင်းဂိုဏ်းရဲ့ကွန်ဖူးသိုင်းပညာကိုလေ့လာဖို့ သူ့နောက်လိုက်ရမှာလား။ ငါတို့သုံးတဲ့ဓားရေးကျင့်စဥ်ကတကယ်ပဲလင်ရှောင်းဂိုဏ်းကလာတာဆိုရင် မင်းတို့ဂိုဏ်းကလူတွေဒီနေ့ဘာလို့တစ်ယောက်ပြီးတစ်ယောက်ရှုံးနေသေးတာလဲ။"

ကျန်းရွေ့ကဆိုသည်။ "ဒါ..."

ကျင်ချီးရှန်ကရန်လိုလျက်ရှိသည်။

"သိသိသာသာကိုဓားရေးကျင့်စဥ်က ငါတို့ကွေ့ရီဂိုဏ်းဖန်တီးထားတာပဲ။ ဒါပေမဲ့လင်ရှောင်းဂိုဏ်းကနှစ်ပေါင်းများစွာကြာအောင် သူ့ကိုယ်သူအတွက်ထိန်းသိမ်းထားခဲ့တယ်။ ငါတော့ဘာကြောင့်မှန်းမသိဘူး။"

ကျန်းရွေ့မတ်တပ်ရပ်နေသည်ကိုရှုလင်ကျားမြင်လိုက်ပြီး အစကဒီကိစ္စထဲတွင်ဝင်မပါချင်ပေမဲ့ ကျင်ချီးရှန်ကရန်လိုနေပြီး ကျန်းရွေ့ကချိတုံချတုံဖြစ်နေကာဘာမှပြန်ပြောနိုင်ခြင်းမရှိသည်မို့ သူ့ကိုကြည့်ကာအသက်ရှုအောင့်ထားမိသည်။

ရှုလင်ကျားကူကယ်ရာမဲ့စွာပြောလိုက်ရသည်။

"ကျင်ဂိုဏ်းချုပ်၊ ခင်ဗျားရဲ့ဂိုဏ်းကလင်းယွဲ့က လင်ရှောင်းဂိုဏ်းရဲ့မုန့်ခုန်ကိုဒဏ်ရာရအောင်လုပ်ခဲ့တယ်။ သူကစုစုပေါင်းဓား၁၈လက်လုပ်ခဲ့တယ်၊ ပထမဆုံးဓားကလေထဲကိုလွှဲခုတ်လိုက်ပြီးတော့ သူ့ခန္ဓာကိုယ်ကဘယ်ဘက်ကိုမသိမသာယိမ်းသွားတယ်။ ကိုယ်တစ်ဝက်ကတွန်းအားကိုထုတ်လွှတ်ပြီး အခြားကိုယ်တစ်ဝက်ကပြေလျော့နေတယ်၊ ဓားကစက်ဝန်းပြတ်ပုံစံဆွဲသွားတာက ဘယ်နဲ့ညာပြောင်းပြန်ဖြစ်သွားတာကလွဲရင် ခန္ဓာကိုယ်တစ်ဝက်စီသုံးရတဲ့လင်ရှောင်းဂိုဏ်းရဲ့ဓားတိုက်ကွက်'ရွှယ့်ရီချွေ့ယွင်'နဲ့အတူတူပဲ၊ ငါးလက်မြောက်ဓားကကိုယ်အောက်ပိုင်းကိုတိုက်ခိုက်ပြီးတော့ လက်တွေ့အစစ်အမှန်ကိုဖလှယ်လို့ရတယ်..."

သူအေးစက်စက်မျက်ဝန်းတစ်စုံဖြင့်ဒီအတိုင်းရပ်ကြည့်နေခဲ့သည်မှာအလဟဿမဟုတ်ပေ။ သူကသာမန်ကာလျှံကာပြောပြလာခဲ့ကာ လင်းယွဲ့သုံးသွားသည့်လှုပ်ရှားမှုတိုက်ကွက်များကိုအသေအချာရှင်းပြသွားပြီး လင်ရှောင်းဂိုဏ်း၏ဓားရေးကျင့်စဥ်နှင့်တူညီမှု၊ ကွဲပြားမှုတို့ကိုဖော်ပြသွားသည်။ တစ်ချက်ထောက်ပြလိုက်သည်နှင့် အမှားအယွင်းနှင့်ထိန်ချန်ထားမှုမရှိသလောက်ပင်။

ရှုလင်ကျား၏စကားတို့ကြောင့် ကျင်ချီးရှန်နှင့်လင်းယွဲ့တို့၏မျက်နှာများမှာအရုပ်ဆိုးလာသည်။

ရှုလင်ကျားစကားပြောလို့ပြီးသွားသော် ကျင်ချီးရှန်ကပြောလာသည်။

"မင်းရဲ့နာမည်ပြောစမ်း။"

ရှုလင်ကျားပြောလိုက်သည်။ "ရှုလင်ကျား။"

ကျင်ချီးရှန်မိန်းမောသွားကာပြောမိသည်။

"ငါမင်းနာမည်ကိုကြားဖူးတယ်၊ ဆိုတော့မင်းကအရင်တုန်းကဓားသမားဖြစ်နေတာကိုး၊ အံ့သြစရာမရှိပါဘူးလေ။ ဒါပေမဲ့ ငါကြားတာကတော့ မင်းကလင်ရှောင်းဂိုဏ်းမှာမရှိတော့ဘူးဆို? ဘာကြောင့်များဒီမျိုးဆက်က နောက်လာမဲ့မျိုးဆက်လောက်မတော်တာလဲမသိဘူး။"

သူကတမင်ရန်စလိုက်ပေမဲ့ ထိုစကားဟာဤကဲ့သို့အခြေအနေမျိုးအောက်တွင်ပြောဖို့ရာ တကယ့်ကိုမွန်းကြပ်ဖွယ်ကောင်းလွန်းလှပေသည်။ လင်ရှောင်းဂိုဏ်းသားတို့၏မျက်နှာအမူအရာများမှာသိပ်မကောင်းလှ။

ကျင်ချီးရှန်ကတမင်စကားလမ်းကြောင်းလွှဲလိုက်ပေမဲ့ ရှုလင်ကျားကဘယ်တုန်းကမျှ"စိတ်ဝင်စားစရာကောင်းသော"လူတစ်ယောက်မဟုတ်သည်မှာသနားစရာ။ သူ့အတွက်မူ သူဟာသူ၏ဆရာသခင်ရှစ်စွင်းအရင်းခေါက်ခေါက်ကိုပင်မျက်နှာသာမပေးခဲ့ပေ။ ကျင်ချီးရှန်ကဘာမို့လို့လဲ။

သူပြောလိုက်သည်။

"ကျင်ဂိုဏ်းချုပ်၊ အခြားဂိုဏ်းကိစ္စကိုဝင်ပါနေမဲ့အစား ခင်ဗျားဘက်ကပြဿနာကိုအရင်ရှင်းကြရအောင်။ အဆုံးမှတော့ လောကကြီးထဲမှာသိုင်းသမားတွေအများကြီးရှိတာပဲလေ။ တကယ်တော့ ကျင့်ကြံရေးလောကတစ်ခုလုံးကနေ အခြားဂိုဏ်းတွေကသူတို့ရဲ့လှုပ်ရှားမှုတွေကနေပြီးတော့အသွင်ယူဖန်တီးတီထွင်ခဲ့ကြတာ။ ခင်ဗျားအတွက်ဒီလောက်ပွင့်ပွင့်လင်းလင်းရှင်းပြနေတာမဆန်းဘူး။ ဒါပေမဲ့ခင်ဗျားပိုပြီးတားမြစ်လေလေ ခင်ဗျားရဲ့အပြစ်ရှိစိတ်ကိုထုတ်ပြမိလေလေပဲ။ ကိစ္စတွေကဒီလိုဖြစ်လာမှတော့ ခင်ဗျားကျင့်ကြံတဲ့အခါကျရင်သေချာဂရုစိုက်သင့်တယ်။"

ရှုလင်ကျား၏လေသံကားထေ့ငေါ့လျက်ရှိသည်မို့ ကျင်ချီးရှန်အေးစက်စွာပြောမိသည်။

"ကောင်လေး၊ မင်းဘယ်သူ့ကိုပြောနေတာလဲ။"

သူ့ပေါ်ရှိဖိအားမှာ တောင်တစ်လုံးပိကျလာသည့်နှယ် ပြင်းထန်စွာထုတ်လွှတ်လာပြီး ရှုလင်ကျားထံခက်ထန်စွာဦးတည်လာသည်။ အနီးဆုံးတပည့်ဂိုဏ်းသားများမှာဖြူဖျော့သွားကြပြီး သူတို့နှလုံးသားမှာခြောက်ခြားသွားကြသည်။

ရှုလင်ကျားကမလှုပ်ပေမဲ့ ဓားအိမ်ထဲရှိဝေမုန့်ဓားမှာအန္တရာယ်ကိုအာရုံခံမိပြီးသားဖြစ်ကာ တဝီဝီမြည်လာပြီး သူ၏သခင်ကိုအလိုလိုကာကွယ်မိသည်။

တလက်လက်တောက်ပသောရောင်စုံခပ်ဖျော့ဖျော့အလင်းတို့မှာဓားချွန်ထဲမှထွက်လာပြီး လေထုထဲတွင်လွင့်မျောသွားကာ စိတ်ဝိညာဥ်စွမ်းအားတို့ဖြင့်ပြည့်နှက်သွားချေသည်။

ရှုလင်ကျားဖြည်းဖြည်းချင်းပြောလိုက်သည်။

"ကြည့်ရတာတော့ ကျင်ဂိုဏ်းချုပ်ကကျွန်တော်နဲ့ကိုယ်တိုင်ကိုယ်ကျတိုက်ခိုက်ပြီး ကျွန်တော့်စကားတွေကိုပြောင်းပြောဖို့အတင်းအကြပ်ဖိအားပေးနေတာလား။"

သူဟာတကယ့်ကိုဘာမဆိုပြောရဲနေပေရာ ကျင်ချီးရှန်အော်လိုက်မိသည်။

"မင်း---"

သူစကားပြောလို့မပြီးသေးခင် ခပ်ဖွဖွရယ်သံတစ်သံကလေထဲတွင် ငွေခေါင်းလောင်းပမာရုတ်တရက်ပေါ်လာပြီး တင်းမာနေသောလေထုကိုနှောင့်ယှက်လိုက်သည်။

တစ်စုံတစ်ယောက်ကလည်ချောင်းရှင်းကာ ကလူ၏မြူ၏အသံဖြင့်ပြောလာသည်။

"အို၊ ဒါကရွှေရောင်ခေါင်းမဟုတ်လား။ ကျွန်မရှင့်ကိုမတွေ့တာအတော်ကြာပေါ့၊ ရှင်ကပိုပိုပြီးတော့အသုံးမကျဖြစ်လာတာပဲ။ ရှင်ဘာလုပ်ရမလဲမသိလို့ရှိရင် လူငယ်တွေကိုလေထဲမြှောက်ထားလိုက်ပါလား။ ဒါကဂိုဏ်းချုပ်တစ်ယောက်မှာရှိသင့်တဲ့အကျင့်စရိုက်လား။ သတင်းပျံ့သွားရင် ရှင့်ကိုလူတိုင်းလှောင်ရယ်နေကြတော့မှာပဲနော်။"

ဤအသံကားပျော့ပြောင်းကာချိုသာနေသည်မို့ လူတော်တော်များများ၏အရိုးများကိုတမဟုတ်ချင်းပျော့ခွေသွားစေကာ အပြစ်အနာအဆာကင်းသောအလှလေးက သူ့နားထဲတွင်တီးတိုးစကားဆိုနေသယောင်ခံစားသွားရစေသည်။

သို့သော် ထိုအသံကြားရပြီးနောက်မှာ သူချက်ချင်းသတိချပ်လိုက်မိသည်။ ကျင်ချီးရှန်မော့ကြည့်လိုက်ရာ လမ်းရှည်ကြီး၏အဆုံးမှာဗလာနတ္ထိဖြစ်နေသည်ကိုမြင်လိုက်ရကာ လူအရိပ်အယောင်စိုးစဥ်းမျှရှိမနေပေ။

သူမျက်မှောင်ကြုတ်ကာမေးမိ၏။

"မင်း....မင်းလား။"

အသံကတခစ်ခစ်ရယ်မောကာပြောလာပြန်သည်။

"ကျွန်မ? ကျွန်မဘယ်သူလဲ။ အရင်တုန်းကနေ့စဥ်နေ့တိုင်းလူတွေနဲ့အတူပြေးနေခဲ့ရတာ၊ ကျွန်မနာမည်ကိုရှင်မမေ့သင့်ဘူးလေ၊ ဟုတ်တယ်မလား။"

ထိုစကားလုံးများမှာကပြက်ကချော်နိုင်ပေရာ ကွေ့ရီဂိုဏ်းသားနှစ်ယောက်မှာတစ်ပြိုင်နက်တည်းပြောမိလေသည်။

"ဘယ်သူဒီမှာပေါက်ကရစကားတွေလာပြောနေတာလဲ။"

"ရဲတင်းလိုက်တာ!"

နောက်တစ်ခဏတွင် နံရံပေါ်၌ပုံရိပ်တစ်ခုပေါ်လာသည်။

ဝတ်ရုံနီနှင့်အမျိုးသမီးတစ်ဦးဟာ နံရံကိုမှီထားလျက်သားထိုင်နေပြီး အနီရောင်နှုတ်ခမ်းနှင့်ဖီးနစ်မျက်ဝန်းတစ်စုံ၊ ဆံနွယ်အနက်နှင့်ရွှေရောင်ဆံထိုးထိုးထားကာ လှပတင့်တယ်သောပုံရိပ်နှင့်မက်မွန်ပွင့်မျက်ဝန်းတို့ရှိသည်။ သူမ၏မျက်နှာကားမိန်းမငယ်လေးပမာနူးညံ့လျက်ရှိသည်။ သို့သော် သူမမျက်ခုံးနှင့်မျက်လုံးကြားရှိရမ္မက်လျှမ်းသောခံစားချက်မှာနေရာအနှံ့မြင်နိုင်ပုံပေါ်သည်။ လူသားတို့၏တဏှာရာဂမှာ အသက်ကိုခန့်မှန်းဖို့မဖြစ်နိုင်အောင်လုပ်လျက်ရှိသည်။

ကျင်ချီးရှန်၏မျက်နှာကားအနည်းငယ်ပြာနှမ်းသွားရကာ တစ်အောင့်ကြာသော်ပြောလိုက်မိသည်။

"မင်ချီ၊ တကယ်ပဲမင်းကိုး။"

ဤလှပသောအမျိုးသမီးဟာ မေ့မြောရာမှနိုးထလာသည့် ချင်းချိုးမြေခွေးဖြူမျိုးနွယ်စုဂိုဏ်းချုပ်မင်ချီဖြစ်ပေ၏။

မင်ချီက"ဟေ့"ဟုဆိုကာပြောလာသည်။

"ရှင်ကျွန်မကိုသိနေတုန်းပဲ၊ မဆိုးပါဘူး။"

သူမကစကားပြောနေရင်းဖြင့် ခြေထောက်ခါလိုက်သည်ကိုသူမမြင်လိုက်ပေ။ လျှပ်တပြက်အတွင်း၌ သူမဟာကျင်ချီးရှန်ထံရောက်လာပြီး သူ့ကိုတစ်ချက်ကြည့်ကာ ချက်ချင်းစိတ်ပျက်လက်ပျက်ပြောမိသည်။

"ရှင်တော်တော်လေးအိုစာသွားပြီပဲ၊ မုတ်ဆိတ်တွေလည်းမရိတ်ထားဘူး။ ရှင့်ကြည့်ရတာတကယ်ပင်ပန်းပြီးနာမကျန်းဖြစ်နေတဲ့ပုံပဲ။ အင်း၊ လူတွေကအိုသွားကြမှာပဲမလား။"

ကျင်ချီးရှန်မျက်နှာမှာတစ်အောင့်မျှ ပြာနှမ်းကာဖြူရော်သွားပြီး စိတ်ထဲကကျိန်ဆဲလိုက်မိပေမဲ့ ပြန်လည်မချေပနိုင်ပေ။ ဒီမိစ္ဆာမကိုဒီနေ့တွေ့လိုက်ရတော့ သူရှစ်ဘဝစာကံဆိုးနေသလားဟုတွေးမိသွားသည်။

မင်ချီကားလွန်ခဲ့သောနှစ်ရာပေါင်းများစွာကကဲ့သို့ဆက်ဆံရခက်ခဲနေဆဲပင်။ သူမသည်ဇီဇာကြောင်ကာ စိတ်အပြောင်းအလဲလွယ်ပြီး တစ်ခါတရံအကျင့်ပုတ်ကာ စာနာစိတ်မရှိပေ၊ တစ်ခါတစ်ခါကလူ၏မြူ၏လုပ်တတ်ပြီး ပေါကြောင်ကြောင်နိုင်ပေမဲ့ ပြဿနာသွားရှာလို့်မရပေ။

သို့သော် သူမကမျိုးနွယ်စုခေါင်းဆောင်ဖြစ်နေသည်ကိုမပြောနှင့်၊ သူမကလှတုန်းပတုန်းဖြစ်ပေရာ သူမစကပ်အောက်တွင်အကြီးအကဲများစွာရှိနေသည်မို့ သာမန်လူများကအမျိုးသမီးများနှင့်ပတ်သတ်၍ အနှောင့်အယှက်ပေးရန်မတတ်နိုင်သကဲ့သို့ အရေးလည်းမစိုက်နိုင်ကြပေ။ သူတို့သည်သူမကိုပထမဆုံးတွေ့ချိန်တုန်းက အသက်ရှုအောင့်ရုံသာတတ်နိုင်သည်။

ကျင်ချီးရှန်ငယ်စဥ်တုန်းက မင်ချီကိုတွေ့သွားကာ တစ်ခဏအတွင်းစိတ်လှုပ်ခတ်သွားခဲ့ပေမဲ့ ဤအခိုက်အတန့်၌မူ သူမဟာထိုနှစ်တုန်းကအရှက်ရဖွယ်ကိစ္စများယူဆောင်လာမည်ကိုသူစိုးရိမ်မိသည်မို့ အပြန်အလှန်မကြည့်မိအောင်ကြိုးစားနေရကာ ခပ်တည်တည်ပြောလိုက်သည်။

"မင်မျိုးနွယ်စုခေါင်၊ ခင်ဗျားကိုကျုပ်လာဖို့ပြောမိလို့လား။ ခင်ဗျားဒီမှာဘာလာလုပ်တာလဲ။"

မင်ချီကပြုံးကာဖြင့် သူမဆံပင်ကိုဂရုမစိုက်စွာပွတ်သပ်လျက်ပြောလိုက်သည်။

"ကျွန်မရှင့်ကိုလွမ်းလို့ တစ်ချက်လာကြည့်တာရယ်။ ဒါပေမဲ့ရှင့်မျက်နှာကိုကြည့်နေရင်းနဲ့ အို ကျွန်မဒီကိုလာတာအလာဟဿဖြစ်သွားတာပဲ။"

သူမပြောသည့်စကားများထဲတွင် မရေရာမပြတ်သားသည့်စကားလုံးစိုးစဥ်းမျှမရှိပေ။ သူ့ကိုလူတွေအများကြီးတိတ်တခိုးကြည့်နေသည်အားကျင်ချီးရှန်ခံစားမိကာ မင်ချီနှင့်စကားမပြောသင့်တော့ကြောင်းသဘောပေါက်သွားသည်။

သူသည်မင်ချီ၏စကားများကိုမကြားချင်ယောင်ဆောင်ကာပြောလိုက်၏။

"ဒီနေ့မစောတော့ဘူး၊ ငါကျိုးကြောင်းမဆီလျော်တဲ့လူငယ်တွေနဲ့စကားမများချင်ဘူး။ မင်းတို့တွေခေါင်းမာနေမှတော့ အမှန်တရားကိုမြင်အောင်တွန်းအားပေးရမဲ့အချိန်ရောက်ပြီပဲ။"

လက်ရှိအဖြစ်အပျက်ကအလွန်ရှုပ်ယှက်ခတ်နေသည်မို့ သေချာပေါက်ကိုတိုက်ခိုက်ရန်မဖြစ်နိုင်ပေရာ မနက်ဖြန်ဓားစမ်းသပ်ရေးညီလာခံ၏ပြိုင်ပွဲစင်မြင့်ပေါ်မှာအချိန်းအချက်လုပ်တာကပိုကောင်းပေသည်။ ရှုလင်ကျားနှင့်လင်းယွဲ့မှာအချင်းချင်းကြည့်လိုက်ကြပြီး လင်းယွဲ့ကသူ့ကိုခေါင်းငြိမ့်ပြကာဆိုသည်။

"ရှုသခင်လေး၊ ကောင်းကောင်းအနားယူထားပါ။"

ရှုလင်ကျားအေးစက်စက်ဖြင့်နှုတ်ခမ်းတင်းတင်းစေ့ကာ သူ့ကိုဥပေက္ခာပြုထားလိုက်သည်။

ကွေ့ရီဂိုဏ်းမှာကရုဏာမဲ့စွာစကားပြောလို့ပြီးသွားသည့်နောက်၌ ခက်ခက်ခဲခဲမျက်နှာအဖတ်ဆယ်လိုက်ရကာ ထိုအုပ်စုမှာအနောက်ပင်လှည့်မကြည့်ဘဲ ခပ်သုတ်သုတ်ထွက်သွားကြသည်။

ထို့နောက်မှသာလျှင် မင်ချီကအနောက်လှည့်ကာရှုလင်ကျားကိုအပေါ်အောက်ကြည့်၍မေးလာသည်။

"မင်းနာမည်ကဘာလဲ။"

တစ်ယောက်ယောက်သာသူ့ကိုထိုကဲ့သို့မေးလာလျှင် ရှုလင်ကျားဖြေမှာမဟုတ်လောက်။ သို့သော် ဤစကားမှာမင်ချီကပြောလာခြင်းပင်။ လေသံကမယဥ်ကျေးသည့်တိုင် လူတွေကိုပဋိပက္ခဖြစ်အောင်မလုပ်နိုင်ဘဲ အလွန်ရိုးသားပွင့်လင်းပုံပေါက်လေသည်။ ရှုလင်ကျားသူမကိုဖြေလိုက်သည်။

မင်ချီကသူ့အကြောင်းအရမ်းသိချင်နေသည့်အလားခေါင်းငြိမ့်ကာမေးလာသည်။

"ဒါဆို မင်းရဲ့ဓားပေါ်ကဓားချွန်ကဘယ်ကလာတာလဲ။"

သူမကဓားချွန်အကြောင်းပြောလာသည်ကိုကြားလိုက်ရရင်း ရှုလင်ကျားအောက်ငုံ့ကြည့်လိုက်မိပြီး ထို့နောက်ဤဓားချွန်ဟာမင်ချီ၏ဓားချွန်ဖြစ်နေသေးကြောင်းသတိရသွားကာ ၎င်းမှာမင်ရှောင်းတစ်ယောက်ချင်းချိုးကထွက်သွားချိန်တွင်သူ့ကိုပေးခဲ့ခြင်းဖြစ်သည်။

ခုနကသူသည်၎င်းကိုကာကွယ်ရန် ဓားချီစွမ်းအားကိုထုတ်လိုက်မိသည်မို့ ဓားချွန်ဟာလည်းအရှိန်အဝါထုတ်လွှတ်လာသည်။ မင်ချီကရင်းနှီးသောအရှိန်အဝါကိုအာရုံခံမိပေရာ သူမလာစစ်ဆေးကြည့်ချိန်တွင် ကျင်ချီးရှန်ကဒေါသထွက်ကာပြေးသွားတော့သည်။

people are reading<မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်>

View all messages

Close message

Next Chap

Advertisement

Advertisement

Fate Online

Mysteries of the Q Files - Roll of Fate

constant peril → d. dixon

Another Time, Another Universe

Consequences [BxB] (Edited)

Cry1ng's Tw1tt3r?

Earn coins to read for free

You are?