Wala nang mas marahuyo pa sa araw na makilala kita

kumakabog ang puso at di maawat ang mga ngiti

hindi man magdikit ang ating mga siko

hindi man mahawakan ng hindi sadya ang iyong palad

alam kong ang mga araw na nakakausap ka

ang nagpapasaya ng labis sa aking puso

alam kong ang pag-ibig sayo

ay hindi ko na dapat ipilit pa

kahit gustuhin mo man ako

pagkat sa ating edad at sitwasyon

ay malabong tayo'y lumigaya

tatanawin na lang kita sa malayo

at iguguhit ang pangalan mo sa milyong milyong tala

sa oras na hindi ako makatulog

pagkat iniisip kita

ito'y hindi pamamaalam at pagtatapat

itoy pagpapalaya ng mga pusong nais magmahal

pagkat labis lang tayong masasaktan

hindi rin naman magtatagal ang iyong nararamdaman

hindi rin naman magtatagal ang aking nararamdaman

pagkat makakakilala pa tayo ng maraming tao

na nanaisin din natin makasama

kagaya ng aking iniisip noong makilala ka

hindi dapat ako umibig sa ganitong paraan

pagkat labis akong nagdaramdam

at isang marahuyo nga ang pag-ibig

na magugulat ka na lang na ika'y nananaginip

sa labis na hiwaga, nakakahiwa

sa labis na saya, nakakadismaya

sa labis na kagustuhan ay nasasaktan

ang ating mga inibig ay hindi mawawala

pagkat naging parte din sila ng ating buhay

kahit na palayain na ang nararamdaman

hindi ko pa rin makakalimutan ang iyong pangalan

at sa pagbasa ko ng aking wika na ito

alam kong ginawa ko ito para sa iyo.