Ikaw na naman ang aking panaginip, kailan kaya ako tatantanan ng iyong mga aninong pilit na sumusunod saakin. Kung ikaw ang panaginip, nais kong matapos sa pananaginip. Ngunit kung ikaw naman ay hindi dadalaw, nais kong matulog ng mahimbing. Ikaw na naman, kailan kaya matatapos ang pag-ibig sa lugar na hindi makatotohanan. "Bakit kaya ganito?" iyan ang tinatanong sa maykapal. Ama ako'y iyong tulungan pagkat ako'y umiibig na sa isang taong sa aking panaginip lamang namamataan. Oh ang puso ko'y naguguluhan, nais na lamang matulog at ituloy ang pag-iibigan. Ipinipikit muli ang aking mata baka sakaling maituloy pa, ngunit hindi na. Tapos na ang istorya.