بعد ما خلصت ياسو الفيديو كانت الساعة 4:30 الفجر

ياسو في نفسها : يالله ماراح الحق انام خليني اروح عالجامعة بدون ما انام احسن عشان اذا نمت هلأ ماراح اصحى

قاطع حبل افكارها منبه جنى المزعج

جنى صحت ولقت ياسو صاحية

جنى : ايش صاير بالدنيا صرتي تصحي قبلي

ياسو : ما نمت اصلا

جنى : وليه ما نمتي شو مالك ؟

ياسو : كان علي شغل

جنى : اه بخصوص الشغل تبعك ما حكيتيلي شو بتشتغلي

ياسو : ممنتجة

جنى : جدد؟؟

ياسو : اه والله بس يخرب بيت الشغلة كثير بتتعب

جنى : بس كيف حصلتي شغل بهالسرعة

ياسو : عمر عرض علي ووافقت

جنى : يوووه زي صبحمد اصبري علي سنة وحتخطبوا

ياسو : مش حلاوة الشغلة عاد

جنى : اسكتي انتي

ياسو : اسكتي انتي ؟؟ يعني ايه اسكتي انتي؟؟

ضحكوا الاثنين لمده ثواني بعدها كل وحدة راحت تتجهز

جنى : يلا الباص اجى

ياسو : دقيقة بس اجيب شنطتي اسبقيني

جنى : اوك بس لا تتأخري

ياسو : لا لا هيني وراكي

بعد ما نزلت جنى للباص وسلمت على عمر وطحان جت وراها ياسو بسرعة وهالمرة قعدوا جنب عمر وطحان

ياسو : يالله مالي نفس اقابل الدكتور تبع امبارح

عمر : انا مالي نفس اصحى من النوم اصلا

طحان : الجامعة كثير خرا

جنى : نينينينينيني انتوا الشباب شو بعرفكم بتمشطوا شعركم وتطلعوا على طول

ياسو : ما بمشطوه اصلا الاثنين كشتهم طايرة

عمر : نينينينيني عساس انتي بتتعبي حتى ميكب مو حاطة

ياسو : ميكب في الجامعة ؟ وفي هالجو ؟ يخوي انا بكبري بذوب في الحر بدك الميكب يضل بوجهي مستحيل

عمر : يعني انتي مثلنا ما بتعملي شي وشعرك كيرلي ما بتمشطيه

ياسو : لا عفكرة بعمل فطور وبغسل الصحون وارتب شكلي واحاول اخفف النفشة الي في شعري واحط تنت والبس اكسسوارات وبتحمم كمان وارطب وجهي واحط كريم شمس

عمر : ما طلبت قصة حياتك

ياسو : نينينينيني اص ابو شعر اندومي

عمر : شعرك اندومي مثلي😭

انقذ ياسو سواق الباص وهو يصرخ عليهم عشان ينزلوا

جنى مسكت ياسو من يدها وصارت تركض بأسرع ما عندها

وعمر وطحان بركضوا معهم

ياسو : مالك بتركضي ولي

جنى : ما بدنا نتطاوش مع الدكتور بسرعة اركضي

وركضوا لحتى وصلوا القاعة تبع المحاضرة وماكان الدكتور موجود راحوا قعدوا ورا عمر وطحان

عمر : هاد مالو تأخر ليه محد يحاسبه بس يحاسبنا احنا

ياسو : يا سيدي خليه يتأخر نفتك من وجهه

عمر : معك حق والله

دخلت وحدة ما بعرفوها ومبين عليها انها مو طالبة وقالت لهم

: الدكتور ماراح يجي اليوم صار معه ظرف طارئ وراح يغيب كل هالاسبوع فيكم تطلعوا وطلعت

ياسو : يسس بيبي افتكينا منه

عمر سجد سجود شكر من الفرحة والكل ضحك عليه

ياسو : نور الايمان بوجهه تقول طالع من قصص الانبياء

عمر : نينينيني

طحان : خلاص اسكتواا

جنى : بنسكت عشانك يا مز

طحان : ايش قلتي

جنى : اسكتوا لا يبكي طحان

الكل ضحك عليهم وبعدها طلعوا

عمر : الحمدددددد لله ( بصراخ)

ياسو : ليش بتصرخ فقعت اذني

عمر : ماعندنا محاضرات ثانية فيني ارجع اشتغل

ياسو : تشتغل؟ يخوي ماعندنا شي وانت بدك تشتغل شو انك اهبل

عمر : بدك الفانز يقتلوني

ياسو : عساس انت مقطع حالك عشانهم الك اسبوعين ساحب وما بتسأل عنهم

عمر : مشاغل الحياة والله

ياسو : نينينينيني مشاغل الحياة قال

عمر : طيب كليخرا ويلا قدامي عالسيارة

ياسو : بالله شو؟

عمر : يلا بدنا نلحق نشتغل يللا

طحان : تشتغلوا؟

ياسو : اه انا صرت اشتغل مع عمر

طحان : وتفاك متى لحقتوا

ياسو : اسكت بعدين بنشرحلك

جنى : طحان دامني ما بشوف خلقة ياسو اليوم ايش رأيك تجي عندي

طحان : ليه؟

جنى : يا ابله مو بدك تدرس

طحان : اه تذكرت ماشي .. بس ليه حكيتي ابله حسيت حالي في بتطاوش مع انشتاين

جنى : مصطلحات كبيرة على عقلك الصغير

طحان : مصطلحات؟ ايش هاد نوع اعشاب ( بسخرية)

جنى : اه اه نوع اعشاب بيعالج من الغباء بنصحك فيه

طحان : نينينينيني يلا خلينا نروح باي عمرياسو

بعد ما راحوا عمر وياسو للمكتب

عمر : خلصتي الفيديو تبع امبارح

ياسو : اه خلصته هيو عندي عالابتوب شوفه واحكيلي اذا بده تعديل

عمر : اوك هاتيه

بعد ماشاف الفيديو

عمر : يع ايش هاد بخزي ( عناد في ياسو )

ياسو : الابتسامة شاقه وجهك من اول ما حضرت الفيديو وهلأ تقول بخزي والله انت الي بتخزي

عمر : يالله الواحد ما بمزح معك

ياسو : انا كمان بمزح 😭😭

عمر مسك تليفونه وصور فيه

ياسو : هلأ بيحكي جهزوا سناكس بعدين بأجل الفيديو عشرين سنة

عمر : بتراقبيني انتي ؟

ياسو : لا بس بعرفك خرا

عمر : بتفاهم معك بعدين اطلعي بدي اصور

ياسو : تصور ؟ ابشر ابشر اهم شي لا تنام بالغلط حدخل اشيك عليك كل نص ساعة

عمر : شكلي وظفت مربية مش ممنتجة

ياسو : نينينينيني

وطلعت لقت احمد بوجهها وكان كثيير معصب

ياسو : احمد مالك ليه معصب

احمد : الحمار عمر دخل مكتبي وترك الباب مفتوح

ياسو : طيب شو فيها

احمد : بسس صبا دخلوا المكتب والمكان صار حوسة

ياسو بصوت خفيف : ياويلك يا عمر

احمد : ايش قلتي؟

ياسو : عمر قاعد بصور اتركه يمكل تصوير بعدها اقتلوا

احمد : والمكتب مين بيرتبه ان شاء الله؟

ياسو : انت روح وانا بجي كمان شوي برتبه ما عليك

احمد : ماشي شكرا

ياسو : ولو واجبي

طلع احمد من البيت وياسو ركضت لغرفة عمر وفتحت الباب بسرعة

عمر : الاستخفاف بعقول المتابع.....اعوذ بالله ( بصراخ )

ياسو : اول شي اعوذ بالله منك ثاني شي الله يوخذك

عمر : ليه شو عملت انا

ياسو : اخوك اجى معصب عشان حضرتك ناسي باب مكتبه مفتوح وبسس صبا دخلوا المكتب وعفسوه

عمر : احمد اجى؟!! وينه هو هون؟

ياسو : لا راح هديته وقلت له انا برتب المكتب

عمر : اها اوك ولف يمكل تصوير

ياسو : مافي شكرا عالاقل

عمر : اه اه شكرا

ياسو : نينينينيني

اخذت تاكسي وراحت لمكتب احمد سألت عنه قالولها مو موجود

ياسو في نفسها : احسن بلا ما تجي صبا تلقاني بحكي معه والله لتقتلني انا وهو

دخلت المكتب وقعدت ترتب وماكان كثير فوضوي مافهمت ليه احمد معصب ، وهي بنص ترتيبها رن موبايلها والمتصل عمر

ردت عليه

: نعم يا زفت

عمر : مالك معصبة

ياسو : احكي بسرعة بدي اخلص عمايلك قبل لا يرجع احمد يقتلك ، اه صح خلصت تصوير ؟

عمر : اه عملت فيديو عن انس الشايب وبيسان

ياسو : ممتازز ، هلأ بخلص وبجي امنتج اطلب لي قهوة

عمر : قهوة شو؟

ياسو : من ستاربكس بدي فرابتشينو كراميل

عمر : ماشي ، اطلب هلأ او كمان شوي

ياسو : لا لا هلأ خلصت ترتيب مسافة الطريق وبكون عندك

عمر : تمام

قفل عمر السماعة وقال في نفسه

: مكثر طلبات هالبنت ايش فرابتشن من وين بيجيبه هلأ

اه صح تذكرت حكت ستاربكس

مسك عمر تليفونو وطلب قهوة

عمر : السلام عليكم

موظف ستاربكس : وعليكم السلام بإيش بقدر اساعدك

عمر : بدي اطلب اثنين فرابنشين كراميل

موظف ستاربكس وهو يمسك ضحكته : عفوا ماعندنا اشي اسمو فرابنشين يمكن قصدك فرابتشينو

عمر : اه هاد هاد بدي اثنين منه

الموظف : ماشي بدك اياهم Drive thru او توصيل

عمر : توصيل

الموظف : تمام ابعتلي اللوكيشن وشوي وبكونوا عندك

عمر : تمام

بعدها بربع ساعة اجت ياسو

عمر :ليه طولتي حكيتيلي مسافة الطريق

ياسو : ما لقيت تاكسي ف اجيت مشي

عمر : كان رنيتي علي

ياسو : ما قدرت احمد لو شافك بيمردغك

عمر : اهاا

ياسو : اه شحنت لابتوبي؟

عمر : لا

ياسو : يالله منك طيب طلبت القهوة؟

عمر : اه اه حطيتها بالثلاجة قبل شوي اجت

ياسو : ماشي هلأ بجيبها وروح ارتاح انت مبين عليك مو نايم كويس

عمر : اه بتعرفي كثير نعسان راح اموت

ياسو : خذ قهوتك وروح نام ولو ما قدرت بتلقاني بمنتج هون

عمر : تمام

عمر شرب القهوة ونام على طول

عالساعة 6 ياسو خلصت مونتاج وما عرفت ايش تعمل

دخلت لاستوديو عمر لقته معفوس

ياسو : الي بشوف يقول رجل كهف او خنزير عايش هون

يلا خليني انظفه ايش وراي

وهي تنظف قالت

: يالله هالعيلة بس بنظف وراهم امبارح البيت واليوم المكتب واستوديو هالورع

عمر : ما طلبت منك تنظفي

ياسو خافت ورمت عليه مخدة

ياسو : الله يوخذك خوفتنيي

عمر : ليه بتنظفيه

ياسو : مزاج

عمر : اتركي من ايدك تعالي نطلع

ياسو : وين نروح؟

عمر : ولا مكان ناخذ فرة بالسيارة ونسمع اغاني واذا بدك نروح انكل اوساكا

ياسو : لا لا بالسيارة احلى

عمر : وانا كمان بحكي هيك اجهزي والحقيني

ياسو : اوك

لبست ياسو جزمتها ( اكرمكم الله ) وطلعت لعمر

عمر شغل كل انواع الاغاني وياسو كانت تحب كل اغنية يحطها ذوقهم كان جدا قريب كأنه نسختها بس على ولد

ياسو اتصلت على جنى تتطمن عليها

: الو جنى

جنى : هاي ياسو

ياسو : اسفة اني تركتك بالبيت اليوم وامبارح

جنى : لا لا عادي اصلا حنام برا البيت اليوم

ياسو : وين حتنامي؟

جنى : عند اخت طحان

ياسو : ها

جنى : طحان كثير حمار ومابفهم علي فا حكالي تعالي نروح بيتي اعرفك على اهلي واخته كثير بتجنن ولزمت علي انام معها هي وصحباتها اليوم

ياسو : طيب انا ما معي مفتاح

جنى : يوهه نسيتك خلص مش لازم انام هون

ياسو : لا لا لا شو مش لازم خليكي بدبر حالي انا

جنى : متأكدة ؟ ترا عادي والله ما بزعل

ياسو : متأكدة ما عليكي

جنى : لافيو يا افضل صديقة

ياسو : لافيوو توو

عمر : كثير بتحكوا

ياسو : نينينينينيني

عمر : صاير مشكلة؟

ياسو : لا لا بس بدها تنام برا وانا ما معي مفتاح بس بدبرلي مكان انام فيه الليلة بلا ما اخرب عليها

عمر : اها اوك

ياسو : اه اسمع خلصت مونتاج الفيديو ونزلت فيديو امبارح

عمر : يوووه نسيته بتصدقي

ياسو : بعرف انك نسيته عشان هيك نزلتوا واستخدمت لابتوبك عشان احط اللينك ستوري اسفة اني ما استأذنت

عمر : لا لا بالعكس عادي شكرا كثير

ياسو : ولو هاد شغلي

عمر : بحسك زي عروض الخصومات

ياسو : ها؟

عمر : يعني انا طلبت ممنتجة اجتني ممنتجة وسكرتيرة ومكنسة لعمايلي ومربية كأنك شامبو خمسة في واحد

ياسو ضحكت عالتشبيه الغريب تبع عمر وهو ضحك معها

عمر : اسمعي بدي اصور ستوري عادي تطلعي فيها او ما بدك؟

ياسو : لا عادي اكيد

عمر مسك موبايله

عمر : هلوو قايز اليوم معنا ياسوو

ياسو : هلووو

عمر : طبعا نزلت الفيديو وهي كانت فيه ف احكولي اذا بدكم فيديوهات معها اكثر

ياسو : بدو فيوز الولد

عمر : نينينينيني ما بتجيبي فيوز انتي

ياسو : والله حتشوف

وخلصت الستورية

عمر استغرب انه ماكان فيه تشبيكات والكل كان يعتبرهم اصدقاء وارتاح كثير لانه راح يصير الوضع غريب لو صاروا يتشبكوا وراح ينجبر انه يقلل تصوير معها عشان يسكتوا الشيبرز

.

.

.

احكولي رأيكم والي بعلق على طوله ترا 1535 كلمة يدي تكسرت