Чиний хоёрдох сонголт байсандаа хэзээ ч харамсахгүй ээ. Гагцхүү чиний зүрхэнд би хоёрдох нь байхвий гэсээс айж байна

Олон хоног бодсоны эцэст би түүнийг орхихоор шийдсэн. Түүнийг хорьж цагдаад байх ч ирээдүйд хэцүү шүү дээ. Сэүн надтай байснааас Жиёонтой байсан нь дээр байх. Өрөөнөөсөө өөрийн гэсэн хамаг ачаагаа аван сүүлийн удаа гэрээ ажиглалаа. Сэүнтэй өнгөрүүлсэн бий болгосон бүхий л гайхалтай дурсамжууд толгойд минь орж ирээд байсан тул уйлахгүйн тулд магадгүй шийдвэрээсээ буцахгүйн тулд хурдхан шиг ширээн дээр захиагаа болон салах өргөгдлөө тавиад гэрээсээ гаран машиндаа суулаа. Гэртээ очвол ээж аав ч их гайхах байх. Тэглээ ч ээж аавын надад хийсэн зүйлийг бодох тусам л сэтгэлийг минь өвтгөж байгаа тул тэднээс хол хэнд ч мэдэгдэхээргүй газар очсон нь дээр байх.

Өнөөдөр ажил маань эрт тарсан болоод ч тэр үү? Минад дэлгүүрээс дуртай зүйлсийг нь аван машиндаа суугаад гэрийн зүг явлаа. Жиёонтой уулздаг орой түүнтэй хамт дахиж байж чадахгүй гэдгээ ойлгуулсан боловч тэрээр яг л нэг чихээрээ сонсоод нөгөө чихээрээ гаргачихсан. Эцсээ хүртэл тэмцэнэ гэх мэтийн сонин зүйлс ярьсан ч гэсэн би зүгээр л чимээгүй байсан юм. Харин тэр оройноос хойш Мина нэг л сонин болчихсон. Үг дуугарахаа ч больж, бүр намайг ажлын өрөөндөө унтчих гээд л. Нэг л зайгаа бариад байгаа ч юм шиг. Тиймээс Минагийн сэтгэлийг сэргээхээр эдгээр зүйлсийг авсан юм.

Машинаасаа буун тортой зүйлсээ барьсаар гэртээ орж ирэхэд тас харанхуй байлаа. Мина гадуур гарсан юм болов уу? Хэрвээ тэгсэн бол надад хэлэх л байсан шүү дээ. Яг юу болоод байгаа юм бол? Минаг өрөөндөө унтаж байж магадгүй гэж бодсоор өрөөнийх нь хаалгыг тогшиход ямар нэгэн хариу байхгүй байсан тул хаалгыг нь онгойлголоо. Тэрээр бүх зүйлээ аваад явчихаж. Би ч гайхсан чигээр гал тогоо руу ороход ширээн дээр нэгэн захиа байх агаад дугтуйг нь нээн уншлаа.

Сэүнд,

Магадгүй өнөөдрийг хүртэл би таньтай гэрлэсэндээ үнэхээр жаргалтай байлаа. Таны хажууд байх хором мөч бүр надад ямар их догдлол, аз жаргалыг мэрүүлдэг байсан гээч! Та магадгүй төсөөлөхгүй байх. Хэдийгээр би таны болон танай гэр бүлийн хоёрдох сонголт байсан ч гэлээ би хэзээ ч харамсаагүй ээ. Хэсэг хугацаанд ч гэсэн хайрыг мэдрүүлж, сэтгэл зүрхийг минь галзууруулж байсанд баярлалаа. Харамсалтай нь бид одоо дахиж хамт байгаад хэрэггүй бололтой. Таныг өөр нэгэнд сэтгэлтэйг мэдсээр байж хажууд чинь хориод байгаа юм шиг санагдаад байгаа тул би таньтай дахиж хамт баймааргүй байна. Магадгүй энэ хүрээд бидний аз жаргал дуусч байгаа бололтой. Баяртай убба, хайртай шүү!

Минагаас

Захиаг уншиж дуусмагц нүднээс минь нулимс дуслав. Яг одоо өөртөө хамгийн их дургүй хүрч байна. Захианы хажууд салах өргөгдөл дэлгээстэй байж байлаа. Үнэхээр бид энэ хүрээд өндөрлөж байгаа гэж үү? Өөртөө уурлаж ширээн дээр байх бүх шил шаазан зүйлсийг хайр найргүй түлхэн унагаж нүдэнд харагдсан бүхий л зүйлсээ унаган эвдэж байлаа. Минагүй бол миний амьдрал амьдрал биш там шиг л болох байх....

Минаг явснаас хойш хэдэн өдөр өнгөрлөө. Нүдээ нээгээд босоход хажууд минь байдаг Минагийн дүр төрхийг үнэхээр их санаж байна. Түүний инээмсэглэл тэр өдрийн минь энерги хүчийг өгдөг байсан бол одоо түүнийг байхгүйд би яг л гуйлгачин шиг амьдарч байна. Мөнгө байлаа гээд яадаг юм? Сэтгэлээрээ баян биш хоосорчихоод байхад надад эд хөрөнгө, ажил чухал санагдсангүй. Би түүнийг санаж байна. Уянгалаг сайхан хоолойг нь, эелдэг даруу турьхан бие үйл хөдлөлийг нь бүгдийг нь санаж байна.

Өнөөх салах өргөгдөл хаачсан бол гэж гайхаж байна уу? Хариулт нь "Би салахгүй". Харин ч гарын үсгээ зурахын оронд жижиг болтол нь урж байгаад хогийн саванд хийгээд хаячихсан. Би зүгээр л түүнийг гэртээ буцаж ирээсэй гэж хүсэж байна. Ажлаа тараад ирэх болгондоо түүнийг гэрийн хаалган дээр зогсоод намайг хүлээж байгаасай гэж хүсэх юм.

Мина чи хаана байна вэ? Би чамайг санаад үнэхээр галзуурах нь байна.

--------------------------------------------------------------------