Дараагийн өглөө сэрэхэд Сэүн хажууд минь байсангүй. Орноосоо хурдхан гэгч нь босоод доошоо шатаар буугаад гал тогооноос ямар нэгэн хоолны үнэр үнэртэж байгааг мэдрэв. Гал тогоо руу ороход Сэүн хормогч зүүчихсэн тогоо бариад зогсож байх нь тэр. Тэрээр эргэж харан "Өглөөний мэнд! Мина" гэж мэндлээд хацар дээр минь үнсэв. Би ч зөрүүлэн хацар дээр нь үнсээд "Өглөөний мэнд убба" гээд инээмсэглэлээ.

"Суучих. Өглөөний цай удахгүй бэлэн болох учраас нөхрийгөө хараад сууж бай хадагтай" гэсээр Сэүн эргэж хараад өндгөө холин тогоо руугаа хийв. Ээ гэхдээ мэдэхгүй л юм. Сэүний хоол хийж байхыг өмнө огт харж байгаагүй учраас эргэлзэж байлаа. "Ямар нэгэн тусламж хэрэггүй гэдэгтээ итгэлтэй байна уу?" гээд сандалнаас босоход Сэүн над руу инээгээд "Зүгээр дээ. Би өөрөө зохицуулж чадах байх. Зүгээр тайван гэгч нь хүлээж бай" гэв.

Хэсэг хугацааны дараа Сэүн өглөөний цайгаа бэлдэж дууссан бололтой. Хоолоо таваглан урд минь тавих бөгөөд хар кофе өгөхөө ч мартсангүй. Хоолоо идэж эхэлмэгц Сэүн над руу тасралтгүй харах бөгөөд магадгүй хоол нь ямар болсон талаар хэлэхийг минь хүлээж байгаа бололтой. Би Сэүн рүү харан инээмсэглэхэд тэрээр их л сандарсан байдалтай хоолноосоо халбагдаад "Ямар байна? Амттай? Түлэгдсэн? Эсвэл хэт шорвог байна уу? Уг нь дажгүй л амттай байна даа" гэхэд нь яагаад ч юм зүрх минь дахиад л догдлов. "Тиймээ зүгээр байна. Идэж болох л бололтой" гээд бага зэрэг тоглоомоор хэлэхэд тэрээр хариултанд минь сэтгэл хангалуун бус байгаа бололтой. Хошуугаа унжуулаад сэрээгээ хий дэмий оролдон доошоо харан суух нь хангалттай эгдүүтэй харагдаж байв.

"Тоглосон юм даа! Бүр үнэхээр амттай байна. Би ч мундаг нөхөртэй бололтой" гэхэд Сэүний нүүрэнд том гэгч нь инээмсэглэл тодров. Түүний инээмсэглэлийг харах болгонд зүрх сэтгэл минь урсчих гээд байх юм аа.

"Өнөөдрийн тухай мартаагүй биз дээ? Хоёулаа өнөө орой үдэшлэгт очно" гээд Сэүн дахин сануулав. Би ч сул дуугаар "Тиймээ мартаагүй" гээд хоолоо зажлав. Яг үнэндээ бол би өөрийгөө явна гэж бодохгүй байна. Өмнө аав дандаа л бизнес эрхлэгчдийн үдэшлэгт оролцоцгооё гэхэд нь үргэлж татгалздаг байсан юм. Нэг бол ээжтэй яваад намайг үлдээ эсвэл тийм ийм ажилтай гээд л үдэшлэгээс зугтах зөндөө арга байдаг байлаа. Гэхдээ баян айлын хүүхдүүд үнэхээр мөнгөндөө хахаж цацсан болоод ч тэр үү? Үнэхээр муухай ааштай байдаг тул би үдэшлэгт ордоггүй байсан юм. Мөн ээж аавын нэр хүнд тухайн бизнес салбартаа хамгийн алдартай нь учир тэдний ганц хүүхэд миний хувьд асар их хариуцлага ирдэг.

Эцэг эх маань л намайг өөрсдийн бизнестээ хүчээр оруулснаас биш би багаасаа л дотор заслын загварын чиглэлээр явахыг хүсдэг байсан. Ядаж доор юм уу дээр минь хүн байсан бол шууд л бизнесийг нь орхих байсан юм. Ажлын өрөөнд хэдэн цаастай зууралдахаас илүү байшингийн дотор заслыг хийх нь сайхан байдаг юм.

Орой боллоо. Хамгийн уйтгартай аан бас залхмаар томчуудын үдэшлэг дээр хоёр хөлөөрөө алхаад ирсэн гэдэгтээ итгэж чадахгүй нь ээ. Олон компанийн захирал төлөөлөгчид гартаа хундага дарс барьсаар их л чухал зүйлс ярилцан зогсох бол би энд аль болох өөрийгөө тайвшруулж инээсэн царай гаргахыг хичээн явж байлаа. Энд орж ирсэн цагаасаа би нэг ч Сэүн ээс холдсонгүй. Яагаад ч юм яг л алдчих юм шиг санагдаад байгаа учраас алхам ч холдсонгүй. Сэүн бид хоёр хүмүүстэй мэндлэн явж байгаар Ноён У, хадагтай У г харлаа. Тэр хоёр бас л хүмүүстэй ярилцан зогсож байв. Бид хоёрыг хармагцаа нааш ир хэмээн дуудан өнөөх ярилцаж байсан хүмүүстээ Сэүн бид хоёрыг танилцууллаа. Дахиад л уйтгартай санагдаж байсан учраас би зөөгчөөс нь угаалгын өрөөг нь асуугаад оров.

Цүнхнээсээ хэдэн будгаа гаргаж ирэн сэргээж байхад нэг эмэгтэй намайг ширтэж байх бөгөөд яг л би түүнд буруу зүйл хийж байсан юм шиг аймшигтайгаар ширтэх нь тэр.

Би: "Уучлаарай!? Ямар нэгэн асуудал гараа юу?!" гээд аль болох эелдгээр асуулаа.

__: "Хммм, мэдэхгүй ээ. Магадгүй...магадгүй тэдний нүдэнд асуудал байгаа байх тийм үү?"

Би: "Тэд гэж хэний тухай яриад байгаа юм?" гээд бага зэрэг ууртайгаар асуухад тэрээр уртаар санаа алдан

__: "Эхлээд өөрийгөө танилцуулсан нь дээр бололтой. Намайг Жиёон гэдэг. Чиний нөхрийн сүй тавьсан бүсгүй нь байсан юм. Гэхдээ чамайг сонгосныг бодоход тэдний нүдэнд асуудал байгаа бололтой. Яахав, эмэгтэй хүн эмэгтэй хүндээ гэж хэлэхэд Сэүн чамайг хэзээ ч хайрлахгүй байх. Чи шалтгааныг нь надаар хэлүүлэхгүй мэдэж байгаа байх. Сэүн надад хайртай болохоос чамд хайртай биш бүсгүй минь. Тэр зүгээр л намайг мартах гэж чамайг ашигласан юм. Шударгаар хэлвэл, би түүнийг орхиж нэг новшийн залуу сонгосноо буруутгахгүй ээ. Гэсэн хэдий ч би энд өөрийнхөө алдааг засахаар ирсэн. Юу гэсэн үг вэ гэвэл түүнийг чамаас буцааж булааж авна аа гэсэн үг. Сонссон уу?"

Би түүний яриаг сонсоод чангаар инээн "Одоо тэгвэл миний өөрийгөө танилцуулах ээлж биз дээ!?! *ёжтой инээмсэглэх* Намайг У Мина гэдэг. Сэүний эхнэр. Тиймээ чи түүний сонгсолт БАЙСАН. Чи түүний сүйт бүсгүй нь БАЙСАН бол би одоо түүний ЭХНЭР нь. Тйимээ чамайг надаас үзэсгэлэнтэй гэдэгт би маргахгүй ээ. Ази төрх, гуалиг бие чамд байдаг юм байна. Бүх залуусын мөрөөдлийн бүсгүй байж болох ч бурхан минь, зүүднээсээ сэрж үз!!! Чи Сэүнийг орхиод өөр залуу руу явсан чинь чиний сонголт байсан. Хамгийн новшийн зүйл нь чи гэрлэхээсээ сарын өмнө явсанд байгаа юм. Харин би чиний тэр алдсан боломжийг чинь ашиглачихсан. *инээх* ОДОО ТЭР ЗАЛУУ ЧИНЬ МИНИЙХ ГЭЖ БАЙНА!!! ТҮҮНИЙГ БУЦААЖ АВМААР БАЙНА УУ? ХИЧЭЭГЭЭД ҮЗ Л ДЭЭ, БИ ТИЙМ ЗҮЙЛ ХЭЗЭЭ Ч БОЛГОХГҮЙ" гэж хэлээд нойтон гарынхаа усыг түүн рүү цацан хажуугаар нь мөрлөн угаалгын өрөөнөөс гарлаа. Би үнэхээр ийм ааш гаргаж байгаагүй учраас өөрөөсөө бага зэрэг айв. Сэүнийг хайж очоод суумаар байгаагаа хэлтэл тэрээр толгой дохин ширээ рүү хүргэж өгөөд суулгав. Сэүн хажууд минь суугаад удаагүй байтал бидний өөдөөс хэн ирсэн гэж бодож байна?