Зоогийн газар гэрээс зайдуу байсан учраас бид мэлээн удаан явсаар гэртээ ирлээ. Гэртээ ирэх ч үнэхээр сайхан шүү.

Дээшээ гарч хувцасны өрөө рүүгээ орон хувцсаа тайлан гэрийнхээ хувцсыг солиод дуусч байхад Сэүн хаалганы цаанаас "Мина, надтай хамт кино үзэх үү?" гэж асуув.

"Ямар кино?"

"Хмм, аймшгийн кино л үзэцгээе"

"Ойлголоо" гээд хаалгаа онгойлгон Сэүнтэй хамт шатаар буулаа.

Гэхдээ зөндөө олон төрлийн кинонууд байхад яагаад заавал аймшгийн киног санал болгосон юм бол? Би сүнс мангасуудыг хий хоосон амьдрал дээр байдаггүйг мэдэх ч гэсэн надад үнэхээр аймшигтай санагддаг. Хаанаас л бол хаанаас хэзээ л бол хэзээ ч хамаагүй гэнэт гараад ирдэг нь илүү аймшигтай. Хэрвээ миний зүрх үнэхээр муу байсан бол аль хэдийн зүрх маань зогсоод дээшээ явчихсан байх байсан. Бурхан минь зүрх минь одоо ч зогсох магадлал үнэхээр өндөр байна шүү. Гэнэт хаанаас ч юм сүнс гараад ирэхэд нь айсандаа хамаг чангаараа орилон Сэүний цээжинд нүүрээ даран нуугдлаа.

"Убба, наад киногоо зогсоо!!! Би дахиад үзэж үнэхээр дийлэхгүй нь ээ!!! Үнэхээр аймшигтай" гээд түүний цээжинд наалдсан хэвээр хэлэв. Сэүний инээх нь хангалттай мэдэгдэж байлаа. Булчингууд нь хатуураад л...

"Ойлголоо...ойлголоо. Зүгээр явж унтацгаая" гээд буйдангаас босоход нь би түүнийг өдөх нэг гайхалтай санаа оллоо.

Би хошуугаа унжуулан доошоо хараад "Убба! Та яагаад инээгээд байгаа юм" гээд худал гомдоллоход Сэүн инээгээд "Зүгээр л чи дэндүү эгдүүтэй харагдаж байсан учраас" гэв.

Сэүн энэ удаа үнэхээр чангаар инээгээд байсан тул гараа зангидан хамаг чангаараа гар луу нь цохилоо. Гэхдээ түүнд бараг л нөлөөхгүй байх л даа. Сэүнийг тэгж хэлэхэд хацар минь улайж эхлэв. Угаалгын өрөө рүү гүйж ороод толинд өөрийгөө харвал хацар минь улаан лооль ноос ч улаан болчихож. Арай гайгүй болоод ирэхэд нь угаалгын өрөөнөөс гарахад Сэүн утсаар их л чухал зүйл ярьж байгаа бололтой.

"Ойлголоо, мэдээж бид тэнд байх болно оо. Баяртай" гээд утсаа таслав. "Юу болсон бэ? Ямар нэг муу зүйл болоо юу?" гэж асуухад Сэүн инээгээд "Маргааш орой аавын бизнесийн хамтрагчдын хооронд үдэшлэг болно гэнэ. Тэгээд л хоёуланг нь урьж байгаа бололтой. Аан бас...........хоёуланг нь тэнд хичээгээрэй гэсэн"

"Яагаад явахгүй гэж?? Чи миний эхнэр мөн биз дээ? Би чамайг тэдгээр хүмүүст өөрийнхөө эхнэр гэж танилцуулмаар байна. Нөгөөтэйгүүр, тэнд байх бүсгүйчүүд царайлаг нөхөр лүү чинь сээтэн хаяна гэхээс айхгүй байна уу?" гээд инээж эхлэв. Гэнэт л толгойд минь дахин гайхалтай санаа орж ирэн Сэүн ээр тогломоор санагдсан тул "Царайлаг нөхөр өө? Манай хуучин хайр бүр үнэхээр төгс төгөлдөр залуу байсан шүү! Хахаха!" гэхэд Сэүн араас минь хөөж эхлэх бөгөөд би хамаг хурдаараа гэр дотроо гүйнэ.

"Яаа! Чи сая юу гэж хэлсэн бэ? Нааш ир, миний хажууд өөр залууг ярихаар юу болдгийг чамд үзүүлээд өгье л дөө" гээд араас минь хөөнгөө хэлэхэд нь зөрүүлэн "Яахав, чадвал бариарай" гээд дээ давхар луу гаран гүйлээ.

Бид хоёр гэрийнхээ бүх өрөөг тойрон гүйлдлээ. Гал тогоо, зочны өрөө, ажлын өрөө гээд л бүх өрөөг дамжин гүйх бөгөөд эцэст нь унтлагын өрөөнд орж ирэв. Унтлагын өрөөнөөс яг гарах гэж байхад Сэүн гараараа сунган намайг бариад авлаа. Гарнаас нь мултрах гэж оролдоод ч чадсангүй. Тийм дээ, надаас хэд дахин хүчтэй юм чинь. Би хожигдчихлоо.

"Барьчихлаа! Яаа! Чи гүйгээд гүйгээд хаашаа холдоно гэж бодоо вэ? Хадагтай У Мина?" гэх бөгөөд яг одоогийн бидний байрлал зүрхийг минь хурдтайгаар цохилуулж байв. Сэүн намайг араас минь тэвэрсэн юм. Дараа нь тэрээр хамгийн мэдрэмтгий хэсэг болох гэдэс болон хүзүүг минь гижигдэж эхлэхэд тэссэнгүй. Хамаг чангаараа инээсээр сүүлдээ элэг минь хөшиж эхлэв.

"Хахахахахаха! Заа би бууж өглөө! Убба, элэг хөшөөд үхэх нь" гэхэд Сэүн зогсон "Надаас өөр залууг хажууд минь ярьж бүр тэр тусмаа царайлаг гэж хэлсний чинь шийтгэл. За тэгээд хэн нь илүү царайлаг юм?" гээд хөмсгөө өргөн над руу ойртоход нь элгээ хоёр гараараа дарсаар урт амьсгаа аван "Ойлголоо доо! Мэдээж миний нөхөр У Сэүн энэ дэлхий дээрх хамгийн царайлаг нь. Би хүлээн зөвшөөрч байна" гээд инээн ор луу гүйн хэвтлээ.

"Дараагийн удаа өөр залуусыг ярих юм бол би илүү өөр зүйл хийх болно шүү. Санаж яваарай" гээд хажууд минь хэвтэв. "Гайхалтай! Хэн нэгэн үнэхээр аймар санагдаж эхэлж байна шүү" гээд Сэүн лүү харан инээхэд тэрээр үнэнээсээ хэлж байгаа бололтой "Мэдээж хэрэг чи миний эхнэр. Чи ганцхан намайг л хайрлаж байх ёстой. Өөр залуусыг биш" гээд гомдсон бололтой нөгөө тийшээ хараад хэвтэх нь тэр. Гэхдээ түүний хэлсэн зүйлийг сонсоод сэтгэл минь үнэхээр хөдөлж байна. Үргэлж түүний энэ үгийг сонсож байдаг ч болоосой. Түүний хэлсэн үгнээс үзвэл сэтгэлд нь одоо ганцхан би л байгаа гэсэн үг шүү дээ. Өөр нэгэн биш! Ялангуяа Жиёон" Бодолдоо автан түүнийг надад гомдоод нуруугаа над руу харуулан цаашаа хараад хэвтсэн гэдгийг бүр мартаж орхиж. Орноосоо босон Сэүний цээжинд наалдахад тэрээр намайг хүлээж байсан юм шиг улам чанга тэврэн над руу харах бөгөөд удалгүй уруул дээр минь үнсэх бөгөөд удалгүй бид үнсэлцэж эхэллээ. Дараа нь дээр минь гаран хүзүүг минь үнсэн хувцыг минь тайлж эхлэв.

A/N Заа та нар дараа нь юу болсныг бүгд ойлгож байгаа байлгүй дээ. Таалагдсан бол vote&comment