Энэ дэлхий дээрх хамгийн аймшигтай мөч гэвэл хэн нэгний хэлсэн хэдхэн үг таны жижигхэн ертөнцийг орвонгоор нь эргүүлж хаях мөч байх.

Гүн нойрондоо автан зүүдэлж байтал утас дуугарах чимээнээр сэрлээ. Утасныхаа дэлгэц рүү харвал ямар ч танихгүй өмнө ч харж байгаагүй дугаар байх агаад утсыг нь авахдаа эргэлзэнэ.

Дугаар андуурсан байх гэж бодон буцан унтахаар хэвттэл өнөөа дугаараас хэд хэд залгаад байсан тул утсаа аван "Байна уу?" гэсэнд

Утасны цаанаас эмэгтэй хүний хоолойгоор "Сайн байна уу? Намайг Сохён гэдэг. Чамайг Мина гэдэг байх аа. Завтай бол надтай уулзаж болох уу? Их чухал зүйлийн талаар хэлэх гэсэн юм"

Сохён гэж хэн юм бол? Найзуудын минь дунд ийм нэртэй хүн байдаггүй дээ? Ойрд ер нь яасан олон хүн өглөөгүүр чухал зүйл ярина гэж зүүд нойрноос минь сэргээж байна аа!

"Ойлголоо. Гэхдээ та яаж миний дугаарыг олсон юм?" гээд гайхсандаа асуулаа.

"Танд уулзахаараа бүх зүйлийг тайлбарлах болно оо. **** кафед 12 цаг гээд уулзацгаая" гээд шууд тасалчхав.

Юу ярих гэж байгаа юм бол?

Хэдийгээр тэр эмэгтэйн юу ярих гэж байгааг мэдэхгүй ч гэсэн би гэрээсээ гараад өнөөх газар луу явж байна. Өөрийгөө яагаад тийшээ явж байгааг гайхсаар л....

Өнөөх эмэгтэйн хэлсэн кафед ирэн дотогшоо ортол цонхны хажууд ганцаараа суух эмэгэйг харан очлоо. Өнөөх эмэгтэй намайг анзааран гараараа даллан инээх агаад би түүний урд очин суулаа. Надаас хэд эгч харагдана.

"Сайн байна уу? Өөрөө Сохён мөн үү?"

"Тийм ээ, би мөн байна" гээд над руу харан эелдгээр инээв.

Би ч зөрүүлэн инээмсэглээ зөөгчийг дуудан цай захиаллаа. "Таны хэлэх гэсэн юм юу юм? Нэгэнт л бид өөрсдийгөө сайн мэдэхгүй ч гэсэн хоёул таних сайн найзууд байдаг байх. Таны энд уулзаж ярилцах гэсэн гол зүйл чинь тэгээд юу юм?" гээд Сохён гэх эмэгтэйгээс асуулаа.

Сохён урт амьсгаа аван "За за тэгвэл шууд л гол яриандаа орцгооё. Би Чанёолын эхнэр бөгөөд бид гэрлээд 3 жил болж байна. Бас бид хүүхэдтэй" гэв.

Түүний үгийг сонсоод золтой л зүрх минь хаагдчихсангүй. Түүний хэлсэн зүйлийг ойлгох гэж хэсэг бодон суулаа.

Тэгэхээр......Чанёол эхнэртэй? Бүр хүүхэдтэй гэсэн үг үү? Энэ бүх хугацаанд гэрлэсэн хүнтэй уулзаж байсан гэж үү? Байж боломгүй юм. Хорвоо дээр өч дөчнөөн Чанёол гэдэг нэртэй хүн байхад би буруугаар бодож болохгүй.

Би ч түүний үгэнд итгэж чадахгүй байх агаад "Та арай андуурсан байлгүй дээ. Магадгүй буруу хүнийхээ тухай яриад байгаа ч юм бил үү? Энэ хорвоод өч дөчнөөн Чанёол гэдэг нэртэй хүн байгаа шүү дээ" гэлээ.

"Үгүй дээ андуураагүй. Надад зураг нь хүртэл байна" гээд цүнхнээсээ зураг гарган өмнө минь тавив. Өнөөх зургийг нь хараад дахиад л зүрхээр явах дөхлөө. Үнэхээр миний чин сэтгэлээсээ хайрладаг залуу мөн байна шүү дээ!

Тэгээд л Чанёол хүмүүст мэдэгдэх дургүй байж. Эхнэртээ хүртэл мэдэгдэхийг хүсээгүй тул үргэлж нуудаг байж.

Би ч ширээн дээр байх цайгаа уулгүй босоод "Уучлаарай! Чанёолыг эхнэртэй гэж мэдсэнгүй. Санаа бүү зов! Би түүнээс салах болно оо. Намайг үнэхээр уучлаарай! Би одоо явах хэрэгтэй бололтой" гээд хувцсаа өмсөнгөө бөхийсөөр хурдан гарлаа.

Кафенаас гараад нулимсаа тэвчсэнгүй уйлчихлаа. Яг одоо мэдэрч байгаа уур уцаар, сэтгэлийнхээ өвдөлтийг барьж дийлсэнгүй. Нэг л мэдэхэд Хан мөрөн дээр ирсэн байх агаад одоо ч өөртөө уур хүрнэ.

Яаж ийм зүйл болдог байна аа!!!!

Сандал дээр суун цурхиран уйлж байтал цүнхэнд минь байх утсанд мессеж ирэв.

"Мина орой уулзацгаая"

Чанёол надруу ийм зүйл бичиж. Би ч зөрүүлэн

"Тэгье ээ убба! Надад ч гэсэн таниас асуух зүйл байна"

"Мина би энд байна!" гэсээр Чанёол даллах агаад би юм хэлсэнгүй түүний хажууд очин суулаа.

"Тантай уулзсандаа баяртай байна. Надад хэлэх зүйл байна аа" гээд Чанёол руу харан "Би ээж аавынхаа хэлсэн У Сэүн гэх залуутай гэрлэх гэж байгаа" гээд доошоо харан суулаа.

Чанёол хэлсэн үгэнд минь цочирдсон бололтой "Яагаад?" гэх бөгөөд өдрөөс хойш уурласан уурандаа

"Би л танаас яагаад гэж асуумаар байна. Би таньтай гэрлэж чадахгүй ээ!!!! Муу адгийн новш!!!

Та аль хэдийн гэрлэчихсэн бүр хүүхэдтэй юм байж яаж чадав аа! Би таньтай хэзээ ч гэрлэхгүй. Одоо л таны яагаад нуугаад байдаг байсныг ойлгож байна!!!!" гээд Чанёол руу хамаг чангаараа орилон уйллаа.

Би түүнийг чин сэтгэлээсээ хайрладаг байсан шүү дээ. Гэтэл яаж чадна вэ!?

Чанёол ч гайхан "Би эхнэрээсээ салах болно оо! Дараа нь бид хамт амьдарч болно шүү дээ. Надад хэсэг хугацаа өгчих" гээд гараас минь атгав.

Би түүнээс гараа татаж аваад хацар луу нь алгадан

"Зүүдэндээ л тэг новш минь! Халуун сайхан аз жаргалтай гэр бүлийг сүйрүүлэхдээ тулсан арчаагүй амьтан гэж бодоо юу!!!! Зүгээр болохоор одоо гэр лүүгээ яв! Баяртай!" гээд нулимсаа арчиад явлаа.

Зүрх сэтгэл минь хоосорчих шиг л боллоо. Чин сэтгэлээсээ хайрлаж итгэж явсан залуу минь надад худал ярьж худал төрх гаргаж хажууд минь байдаг байсан байна!!!!