اللهم صلِ وسلم على نبينا محمد وعلى آله وصحبه أجمعين

بسم الله نبدأ

فتح جواله وصار يبحث عن طريقة ترجع الوضع لما كان عليه

نهائيًاا ما كان فيه اي طريقة

اوقفه الأصوات اللي كان يسمعها

حاول يتجاهلها و يتغاضى عنها لكن ما قدر

فتح باب الغرفة و طلع منها

يمشي في انحاء البيت يتفقد الوضع

سمع صوت بكاء في غرفة اخته

دخل و انصدم من سارة اللي كانت منهارة

قرب منها و حضنها و قال / شفيك؟

ساره بين دموعها / وينك انت كنت خايفه امي و ابوي اختفوا خفت انك اختفيت مثلهم تركتني لوحدي ليش خرجت من البيت

ياسر / خلاص لا تبكين امشي عندي الغرفة الحين بيرجع كل شي للوضع الطبيعي

ساره /كيف طيب

ياسر / ما اعرف

ساره / ليه تكذب علي طيب و تقول ان كل شي بيرجع زي قبل

ياسر / لاني بحاول يلا امشي معي ولا تبين اخليك هنا لحالك

ساره بسرعه / لا لا بمشي معك

لحقته غرفته و جلست اما ياسر كان يبحث و يبحث يحاول يلقى طريقه يرجع فيها الوضع

حس بالعطش و لف على ساره عشان يطلب منها تصب له مويه

انصدم من اللي شافه دوبها كانت بخير ما فيها شي و الحين تحتها بركه من الدماء

كان منظرها مرعب و بشع و من الواضح ان اللي قتلها ماهو بشر جلدها كان متقطع و وجهها مشوه

مسك ياسر راسه و هو يحاول يستوعب

صار يهزها يحاول فيها تصحى بس ما كانت تستجيب له

و اذا بأرضية البيت كاملة تصبح بركة من الدماء

و الجثث المعلقة اللي شافها عند هذيك الجنية ظهرت في انحاء المنزل

سمع صوت الوشوشات اللي تقوده للجنون

و اصوات النداء بإسمه

صراخ الموتى

و أصوات بكاء اطفال

و فجأه قامت اخته من مكانها و بيدها سكين

كانت تشير بالسكين له و تقترب منه أكثر فأكثر

ياسر بتوتر / ساره شفيك الحين؟

ساره بنظرات جامدة و نبرة باردة / انت اللي خليتنا نعيش بهذا الوضع انت اللي غيرت عالمنا الآمن لعالم يسوده الرعب انت السبب باللي صار لي

حطت يدها على عينها اللي انفقعت و اردفت / فقدت عيني بسببك خليت الجن يحقدون علي بفعايلك امي و ابوي اختفوا و الأكيد ان الجن هم اللي ورى اختفائهم

كملت بتشديد على جملتها هذي / و اذا حاب تعرف السبب الاساسي في ان الجن ترصدو لهم تراه انت

صارت تطعنه بلا اي رحمه بقلب يملأه الحقد بعين لا تبصر سوى الانتقام بجسد ملأته القوه من الغضب