اللهم صلِ وسلم على نبينا محمد وعلى آله وصحبه أجمعين

بسم الله نبدأ

ضحكت العجوز و قالت لي / و الحين انت تحترق بالنار اللي اشعلتها

سكتت و رجعت قالت / فيه اشياء ما يصلح اننا نعبث فيها ربي اوجدها لحكمة معينة ماهو من صالحنا نحاول نغيرها و اتوقع انك تعلمت هذا الشي من اللي سويته شفت كيف تغيرت اشياء كثيره و انقلبت الدنيا فوق تحت لانك حاولت تغير وضعكم معنا

حسيت نفسي انصدمت يوم قالت ربي جيت بتكلم بس سبقتني و قالت / ايه انا جنية مسلمة من حسن حظك انك قابلتني و اللي شفتها اول ما جيت هي بنتي كانت بتأذيك لانك جيت مكان خاص فينا

قلت بتساؤل/طيب ليه شمهروس جابني لـ هنا مستحيل و من سابع المستحيلات يكون انه اشفق علي لان ما عنده قلب اصلا

ضحكت العجوز و قالت / المكان اللي كان بياخذك له يمر من عندنا.. استشعرت قربكم و سحبتك منه الا هو كان يبي يوديك مكان ثاني

قلت و انا اتمنى القى إجابة لسؤالي/ طيب كيف يرجع الوضع للي كان عليه

ردت علي / للأسف ما اعرف لكن راح ارجعك لبيتك و انت حاول بشتَّى الطرق ماهو انت بحثت كيف تسوي الاسقاط النجمي؟ ابحث كيف تلغيه

هزيت راسي بالموافقه و قلت / تمام

ظهرت قدامي طاوله و عليها ورقه و قلم

اردفت العجوز / اكتب عنوان بيتك على الورقة عشان اقدر اوصلك

كتبته العنوان على الورقة بعدها اخذتها العجوز و صارت تتمتم بكلام غير واضح

حسيت جسمي بدى يتلاشى من المكان صرت اختفي تدريجيًا إلى أن اختفيت تمامًا

بعد مدة ماهي كثيرة رجعت لبيتي و اخيرًا كان الهدوء سيد المكان و الواضح لي ان البيت فاضي ما فيه الا انا

قفلت باب الغرفة بالمفتاح و بدأت رحلة البحث