[Zawgyi]

{အမ်ိဳးသမီးဇာတ္လိုက္ရဲ႕ဂုဏ္သိကၡာ}

နဥ္ရႈက မုယန္မုန္႔မဟုတ္ဘူးဆိုတာကို ခ်ီရွန္းသိသြားခ်ိန္ကစၿပီး သူ႔ရဲ႕ သူမအေပၚသေဘာထားက လံုးဝေျပာင္းလဲသြားေတာ့သည္။ သူမ သူ႔အတြက္လက္ဖက္ရည္ေဖ်ာ္ေပးတဲ့အခ်ိန္မွာေတာင္ သူက လက္ဖက္ရည္က ပူလြန္းတယ္ ဒါမွမဟုတ္ ေအးလြန္းတယ္ဆိုၿပီး ေျပာတတ္သည္။ သူက သူ႔နွာေခါင္းကိုလည္းပိတ္ထားတတ္ၿပီး သူမက နံလြန္းတယ္လို႔ ေျပာင္ေျပာင္တင္းတင္းပင္ဆိုတတ္ေသး၏။

မင္းက ေစာက္ရမ္းရုပ္ဆိုးတယ္၊ ဘာလို႔ မေသေသးတာလဲလို႔ေျပာဖို႔ပင္ နီးစပ္ေနၿပီျဖစ္၏။

သို႔ေသာ္လည္း သူက နဥ္ရႈကို အခုထိေမာင္းမထုတ္ေသးဘဲ သူ႔ရဲ႕ကိုယ္ပိုင္အေစခံအျဖစ္ခန္႔အပ္ထားဆဲသာျဖစ္သည္။ ဒါက အမ်ိဳးသားဇာတ္လိုက္နဲ႔ အမ်ိဳးသမီးဇာတ္လိုက္ၾကားမွာက်န္ရွိေနေသးေသာ ေနွာင္ႀကိဳးမ်ားေၾကာင့္သာျဖစ္တန္ရာသည္။

နဥ္ရႈက သူမရဲ႕မ်က္လံုးတစ္ဝိုက္မွာ အမည္းေရာင္အကြင္းေတြကိုျခယ္သေနဆဲျဖစ္ၿပီး ခ်ီရွန္းရဲ႕ေရွ႕မွာ ပိုၿပီးထင္းလင္းေနေစဖို႔အတြက္ နႈတ္ခမ္းေတြကို အနီေရာင္ေတာက္ေတာက္ေတြဆိုးတတ္သည္။

ခ်ီရွန္းရဲ႕ သူမအေပၚအျမင္က လြန္စြာထိုးက်ေနသေလာက္ လီယုေဖးရဲ႕သူမအေပၚအျမင္ကေတာ့ အဆမတန္ထိုးတက္လာေပ၏။ လီယုေဖးက အရမ္းကိုေဖာ္ေ႐ြလြန္းေနတာေၾကာင့္ နဥ္ရႈမွာ ၾကက္သီးမ်ားပင္ထေနရသည္။

လီယုေဖးဘာေတြေတြးေနလဲဆိုတာ သူမ နားမလည္နိုင္ေပ။ လီယုေဖးက တကယ္ႀကီး သူမနဲ႔အရင္းနွီးဆံုးသူငယ္ခ်င္းျဖစ္ခ်င္ေနတာလား? လီယုေဖးက သူမရဲ႕ရုပ္ဆိုးေနမႈက သူမ(လီယုေဖး)ရဲ႕အလွအပပို ပိုၿပီးေပၚလြင္ေစတယ္လို႔ခံစားရလို႔လား?

"ေရွာင္ဟုန္၊ ေရာ႕၊ ဒီေငြအိတ္က မင္းအတြက္။ ဒီထဲမွာ ေငြတံုးနည္းနည္းပါတယ္။ မင္း ပိုၿပီးအရည္အေသြးေကာင္းတဲ့မ်က္နွာေခ်သြားဝယ္သင့္တယ္။"

လီယုေဖးက နဥ္ရႈကို ပန္းထိုးထားသည့္အိတ္တစ္လံုးေပးသည္။

အရံအမ်ိဳးသမီးဇာတ္လိုက္ရဲ႕ေပးကမ္းစြန္႔ႀကံမႈကို ဂုဏ္သိကၡာရွိတဲ့ဘယ္အမ်ိဳးသမီးဇာတ္လိုက္မဆို သူတို႔ရဲ႕ဂုဏ္သိကၡာကိျမႇင့္တင္ရန္အတြက္ ေက်ာကိုမတ္ကာ အနွီစြန္႔ႀကဲမႈကို ျငင္းပယ္သင့္ေပ၏။

နဥ္ရႈကမူ ေငြအိတ္ကို အလ်င္အျမန္ပင္လက္ခံလိုက္ကာ ေပ်ာ္ရႊင္စြာၿပံဳးေလ၏။

"ေက်းဇူးတင္ပါတယ္ သခင္မေလးယုေဖး။"

သူမက ေငြအိတ္ကို လီယုေဖးရဲ႕ေရွ႕မွာပင္ဖြင့္ၾကည့့္လိုက္သည္။ အထဲမွာ ေငြတံုးအမ်ားႀကီးမရွိေပမယ့္လည္း သူမက လီယုေဖးအား ေၾကာက္မက္ဖြယ္အၿပံဳးႀကီးျဖင့္ေတာက္ပစြာၿပံဳးျပကာ မသိမသာေလွာင္ၿပံဳး,ၿပံဳးရင္းေမးလိုက္သည္။

"သခင္မေလးယုေဖးမွာ ဒီအေစခံကို ခိုင္းစရာတစ္ခုခုရွိလို႔လား?"

ေဆးဝယ္တာမ်ိဳး ဒါမွမဟုတ္ အဲ့ဒီ့ပံုစံမ်ိဳးခပ္ဆင္ဆင္ပစၥည္းဝယ္တာမ်ိဳး? နဥ္ရႈ အရမ္းကိုကူညီေပးခ်င္ပါသည္။

လီယုေဖးက ေနာက္ကိုေျခလွမ္းအနည္းငယ္ျပန္ဆုတ္လိုက္ကာ သူမနွာေခါင္းကို လက္ကိုင္ပဝါျဖင့္အုပ္ရင္းဆိုသည္။

"မရွိပါဘူး။ မင္းက ေစ်းေပါတဲ့မ်က္နွာေခ်ေတြပဲသံုးေနတာကို တို႔သတိထားမိလို႔ပါ။ အဲ့ဒါေၾကာင့္ ပိုၿပီးအရည္အေသြးေကာင္းတာေလးဝယ္သံုးေစခ်င္လို႔။ ၿပီးေတာ့ မင္းက အစ္ကိုရွန္ရဲ႕ကိုယ္ပိုင္အေစခံပဲေလ။ မင္းရဲ႕ရုပ္ရည္က အစ္ကိုရွန္ရဲ႕ဂုဏ္သိကၡာကို ကိုယ္စားျပဳတယ္ေလ။ မင္းကိုယ္မင္း ဘယ္လိုရုပ္ရည္မ်ိဳးရွိတယ္ဆိုတာဂရုမစိုက္ရင္ေတာင္ အစ္ကိုရွန္ရဲ႕သိကၡာကိုေတာ့ ဂရုစိုက္သင့္တာေပါ့။"

အရံအမ်ိဳးသမီးဇာတ္လိုက္ရဲ႕နွိမ့္ခ်ေစာ္ကားမႈကိုႀကံဳရတဲ့အခါ အမ်ိဳးသမီးဇာတ္လိုက္ေတြက 'နင္ ငါ့ကိုေစာ္ကားလို႔ရေပမယ့္ ငါ့သိကၡာကိုေတာ့ေစာ္ကားခြင့္မျပဳဘူး'ဟုဆိုကာ ေခါင္းမာမာျဖင့္ သူမကိုယ္သူမ ခုခံကာကြယ္သင့္ေပ၏။

"သခင္မေလးယုေဖး၊ ကြၽန္မက ရုပ္ဆိုးတယ္ဆိုေပမယ့္ ကြၽန္မမွာလည္းဂုဏ္ယူစရာရွိပါေသးတယ္။"

နဥ္ရႈက ရင္ကိုေကာ့ကာ သူမရဲ႕ရင္သားေတြနဲ႔ လီယုေဖးရဲ႕ရင္သားကိုပြတ္တိုက္လိုက္သည္။ ငါက ရုပ္ဆိုးတယ္ဆိုေပမယ့္ ငါရင္သားေတြက နင့္ဟာေတြထက္ပိုႀကီးတယ္ဟဲ့။

လီယုေဖး : …

ခ်ီရွန္း ဝင္လာသည္။ သူမတို႔နွစ္ေယာက္အတူရွိေနတာကိုျမင္တဲ့အခါ သူက နဥ္ရႈကို ေအးစက္စက္ျဖင့္နွာမႈတ္ျပကာ လီယုေဖးကိုေတာ့ ၾကင္နာစြာေမးေလ၏။

"ဒီမွာေနရတာ အဆင္ေျပရဲ႕လား?"

လီယုေဖးက ႏူးညံ့စြာၿပံဳးျပလိုက္ေလတာေၾကာင့္ သူမပံုစံက ေႏြးေထြးႏူးညံ့သည့္ေရာင္ျခည္မ်ားထဲက်ေရာက္ေနသလိုထင္ရ၏။

"အစ္ကိုရွန္၊ ယုေဖး ေန႔လည္စာျပင္ထားတယ္။ အတူတူစားရေအာင္။"

လီယုေဖးက ရွက္ရံြ႕စြာဆိုသည္။

ခ်ီရွန္းက လီယုေဖးရဲ႕လက္ကိုမကိုင္လိုက္ခင္ နဥ္ရႈကိုၾကည့္သည္။

"ယုေဖးက ကိုယ့္အႀကိဳက္ေတြကိုေကာင္းေကာင္းသိတယ္။ ညီမလုပ္ထားတာေတြက ေသခ်ာေပါက္စားေကာင္းမွာပဲ။"

လီယုေဖးရဲ႕အၿပံဳးက ပို၍ပင္အရွက္သည္းလာသည့္ပံုေပၚလာေသာ္လည္း နဥ္ရႈသည္ေတာ့ ဘယ္ေနရာကမ်ားရွက္ဖို႔ေကာင္းေနလို႔လဲဆိုတာ နားမလည္နိုင္ခဲ့ေခ်။

ထို႔ေနာက္ ခ်ီရွန္းက နဥ္ရႈကိုေအာ္လိုက္သည္ဟ

"မင္းက ဒီမွာဘာရပ္လုပ္ေနတာလဲ? ငါတို႔စားဖို႔ျမန္ျမန္ျပင္ေပးစမ္း။ မင္းက ကိုယ္ပိုင္အေစခံတစ္ေယာက္ပဲကို!"

နဥ္ရႈက သူမရဲ႕ေသြးလိုရဲရဲနီေနတဲ့နႈတ္ခမ္းကို စူလိုက္သည္။ လီယုေဖးက အလ်င္စလိုပင္ေျပာလာ၏။

"ေကာင္းေကာင္းဆိုးဆိုး သူက အစ္ကို႔ရဲ႕ကိုယ္ပိုင္အေစခံေလ။ သူတစ္ခုခုအမွားအယြင္းလုပ္ခဲ့မိရင္ ေနာက္တစ္ခါက် သူ႔ကိုဂရုတစိုက္နဲ႔သင္ျပေပးလိုက္ပါ အစ္ကိုရဲ႕။"

ရွီခ်န္းက နဥ္ရႈကို ေအးစက္စြာၾကည့္လိုက္ၿပီးမွ လီယုေဖးကိုေျပာသည္။

"ညီမက အၾကင္နာတတ္ဆံုးသူပဲဆိုတာ အစ္ကိုသိပါတယ္။ ဒါေပမယ့္ တစ္ခ်ိဳ႕လူေတြက ဘယ္နွႀကိမ္ပဲသင္ျပသင္ျပ ေျပာင္းလဲမသြားဘူးညီမရဲ႕။ ေငြစနွစ္ဆယ္ေၾကာင့္သာမဟုတ္ရင္ အစ္ကို သူ႔ကိုနွင္ထုတ္လိုက္ၿပီ။"

နဥ္ရႈ : …

အခုလက္ရွိခ်ီရွန္းက တကယ္မေကာင္းတဲ့သူနဲ႔တူတယ္။ ဒီေကာင္က သူမကသူ႔ကိုလိမ္ညာလွည့္စားၿပီး သူမကိုခ်စ္မိသြားေအာင္လုပ္တယ္လို႔ထင္ေနပံုပဲ။ ငေၾကာင္။ သူကသာ သူမ သူ႔ကိုခ်စ္လာေအာင္လွည့္စားခ်င္ခဲ့တဲ့သူေလ။ အခု သူက ဒီလိုျဖစ္သြားလို႔ သူမအေပၚ အျပစ္ပံုခ်ခ်င္ေနတာလား? အရွက္မရွိလိုက္တာ။

ခ်ီရွန္းနဲ႔လီယုေဖးက လက္ေတြတဲြထားလ်က္ အခန္းထဲဝင္သြားၾကသည္။ နဥ္ရႈက သူတို႔ေနာက္ကိုလိုက္သြားကာ သူတို႔ႏွစ္ေယာက္အတြက္ပန္းကန္မ်ားကို သယ္လိုက္သည္။ ခ်ီရွန္းက သူမဆီကလာတဲ့အနံ႔ကို မခံနိုင္သလိုရံြရွာတဲ့အမူအရာမ်ိဳးလုပ္ေနေပမယ့္ သူမကို သူတို႔အတြက္ စားစရာျပင္ေပးဖို႔ခိုင္းေနဆဲပင္။

သူ စိတ္ေရာဂါရေနတာျဖစ္ရမယ္။

...

အစ္မႀကီးက အငွားရထားတဲ့ကိုယ္ကဟာကို ႂကြားလံုးထုတ္လို႔မၿပီးေတာ့🙄 သူ႔ခႏၶာကိုယ္အစစ္ကေတာ့ အေဝးေျပးလမ္းမႀကီးပဲျဖစ္ေနေလာက္တယ္။

...

[Unicode]

{အမျိုးသမီးဇာတ်လိုက်ရဲ့ဂုဏ်သိက္ခာ}

နဉ်ရှုက မုယန်မုန့်မဟုတ်ဘူးဆိုတာကို ချီရှန်းသိသွားချိန်ကစပြီး သူ့ရဲ့ သူမအပေါ်သဘောထားက လုံးဝပြောင်းလဲသွားတော့သည်။ သူမ သူ့အတွက်လက်ဖက်ရည်ဖျော်ပေးတဲ့အချိန်မှာတောင် သူက လက်ဖက်ရည်က ပူလွန်းတယ် ဒါမှမဟုတ် အေးလွန်းတယ်ဆိုပြီး ပြောတတ်သည်။ သူက သူ့နှာခေါင်းကိုလည်းပိတ်ထားတတ်ပြီး သူမက နံလွန်းတယ်လို့ ပြောင်ပြောင်တင်းတင်းပင်ဆိုတတ်သေး၏။

မင်းက စောက်ရမ်းရုပ်ဆိုးတယ်၊ ဘာလို့ မသေသေးတာလဲလို့ပြောဖို့ပင် နီးစပ်နေပြီဖြစ်၏။

သို့သော်လည်း သူက နဉ်ရှုကို အခုထိမောင်းမထုတ်သေးဘဲ သူ့ရဲ့ကိုယ်ပိုင်အစေခံအဖြစ်ခန့်အပ်ထားဆဲသာဖြစ်သည်။ ဒါက အမျိုးသားဇာတ်လိုက်နဲ့ အမျိုးသမီးဇာတ်လိုက်ကြားမှာကျန်ရှိနေသေးသော နှောင်ကြိုးများကြောင့်သာဖြစ်တန်ရာသည်။

နဉ်ရှုက သူမရဲ့မျက်လုံးတစ်ဝိုက်မှာ အမည်းရောင်အကွင်းတွေကိုခြယ်သနေဆဲဖြစ်ပြီး ချီရှန်းရဲ့ရှေ့မှာ ပိုပြီးထင်းလင်းနေစေဖို့အတွက် နှုတ်ခမ်းတွေကို အနီရောင်တောက်တောက်တွေဆိုးတတ်သည်။

ချီရှန်းရဲ့ သူမအပေါ်အမြင်က လွန်စွာထိုးကျနေသလောက် လီယုဖေးရဲ့သူမအပေါ်အမြင်ကတော့ အဆမတန်ထိုးတက်လာပေ၏။ လီယုဖေးက အရမ်းကိုဖော်ရွေလွန်းနေတာကြောင့် နဉ်ရှုမှာ ကြက်သီးများပင်ထနေရသည်။

လီယုဖေးဘာတွေတွေးနေလဲဆိုတာ သူမ နားမလည်နိုင်ပေ။ လီယုဖေးက တကယ်ကြီး သူမနဲ့အရင်းနှီးဆုံးသူငယ်ချင်းဖြစ်ချင်နေတာလား? လီယုဖေးက သူမရဲ့ရုပ်ဆိုးနေမှုက သူမ(လီယုဖေး)ရဲ့အလှအပပို ပိုပြီးပေါ်လွင်စေတယ်လို့ခံစားရလို့လား?

"ရှောင်ဟုန်၊ ရော့၊ ဒီငွေအိတ်က မင်းအတွက်။ ဒီထဲမှာ ငွေတုံးနည်းနည်းပါတယ်။ မင်း ပိုပြီးအရည်အသွေးကောင်းတဲ့မျက်နှာချေသွားဝယ်သင့်တယ်။"

လီယုဖေးက နဉ်ရှုကို ပန်းထိုးထားသည့်အိတ်တစ်လုံးပေးသည်။

အရံအမျိုးသမီးဇာတ်လိုက်ရဲ့ပေးကမ်းစွန့်ကြံမှုကို ဂုဏ်သိက္ခာရှိတဲ့ဘယ်အမျိုးသမီးဇာတ်လိုက်မဆို သူတို့ရဲ့ဂုဏ်သိက္ခာကိမြှင့်တင်ရန်အတွက် ကျောကိုမတ်ကာ အနှီစွန့်ကြဲမှုကို ငြင်းပယ်သင့်ပေ၏။

နဉ်ရှုကမူ ငွေအိတ်ကို အလျင်အမြန်ပင်လက်ခံလိုက်ကာ ပျော်ရွှင်စွာပြုံးလေ၏။

"ကျေးဇူးတင်ပါတယ် သခင်မလေးယုဖေး။"

သူမက ငွေအိတ်ကို လီယုဖေးရဲ့ရှေ့မှာပင်ဖွင့်ကြည့်လိုက်သည်။ အထဲမှာ ငွေတုံးအများကြီးမရှိပေမယ့်လည်း သူမက လီယုဖေးအား ကြောက်မက်ဖွယ်အပြုံးကြီးဖြင့်တောက်ပစွာပြုံးပြကာ မသိမသာလှောင်ပြုံး,ပြုံးရင်းမေးလိုက်သည်။

"သခင်မလေးယုဖေးမှာ ဒီအစေခံကို ခိုင်းစရာတစ်ခုခုရှိလို့လား?"

ဆေးဝယ်တာမျိုး ဒါမှမဟုတ် အဲ့ဒီ့ပုံစံမျိုးခပ်ဆင်ဆင်ပစ္စည်းဝယ်တာမျိုး? နဉ်ရှု အရမ်းကိုကူညီပေးချင်ပါသည်။

လီယုဖေးက နောက်ကိုခြေလှမ်းအနည်းငယ်ပြန်ဆုတ်လိုက်ကာ သူမနှာခေါင်းကို လက်ကိုင်ပဝါဖြင့်အုပ်ရင်းဆိုသည်။

"မရှိပါဘူး။ မင်းက ဈေးပေါတဲ့မျက်နှာချေတွေပဲသုံးနေတာကို တို့သတိထားမိလို့ပါ။ အဲ့ဒါကြောင့် ပိုပြီးအရည်အသွေးကောင်းတာလေးဝယ်သုံးစေချင်လို့။ ပြီးတော့ မင်းက အစ်ကိုရှန်ရဲ့ကိုယ်ပိုင်အစေခံပဲလေ။ မင်းရဲ့ရုပ်ရည်က အစ်ကိုရှန်ရဲ့ဂုဏ်သိက္ခာကို ကိုယ်စားပြုတယ်လေ။ မင်းကိုယ်မင်း ဘယ်လိုရုပ်ရည်မျိုးရှိတယ်ဆိုတာဂရုမစိုက်ရင်တောင် အစ်ကိုရှန်ရဲ့သိက္ခာကိုတော့ ဂရုစိုက်သင့်တာပေါ့။"

အရံအမျိုးသမီးဇာတ်လိုက်ရဲ့နှိမ့်ချစော်ကားမှုကိုကြုံရတဲ့အခါ အမျိုးသမီးဇာတ်လိုက်တွေက 'နင် ငါ့ကိုစော်ကားလို့ရပေမယ့် ငါ့သိက္ခာကိုတော့စော်ကားခွင့်မပြုဘူး'ဟုဆိုကာ ခေါင်းမာမာဖြင့် သူမကိုယ်သူမ ခုခံကာကွယ်သင့်ပေ၏။

"သခင်မလေးယုဖေး၊ ကျွန်မက ရုပ်ဆိုးတယ်ဆိုပေမယ့် ကျွန်မမှာလည်းဂုဏ်ယူစရာရှိပါသေးတယ်။"

နဉ်ရှုက ရင်ကိုကော့ကာ သူမရဲ့ရင်သားတွေနဲ့ လီယုဖေးရဲ့ရင်သားကိုပွတ်တိုက်လိုက်သည်။ ငါက ရုပ်ဆိုးတယ်ဆိုပေမယ့် ငါရင်သားတွေက နင့်ဟာတွေထက်ပိုကြီးတယ်ဟဲ့။

လီယုဖေး : …

ချီရှန်း ဝင်လာသည်။ သူမတို့နှစ်ယောက်အတူရှိနေတာကိုမြင်တဲ့အခါ သူက နဉ်ရှုကို အေးစက်စက်ဖြင့်နှာမှုတ်ပြကာ လီယုဖေးကိုတော့ ကြင်နာစွာမေးလေ၏။

"ဒီမှာနေရတာ အဆင်ပြေရဲ့လား?"

လီယုဖေးက နူးညံ့စွာပြုံးပြလိုက်လေတာကြောင့် သူမပုံစံက နွေးထွေးနူးညံ့သည့်ရောင်ခြည်များထဲကျရောက်နေသလိုထင်ရ၏။

"အစ်ကိုရှန်၊ ယုဖေး နေ့လည်စာပြင်ထားတယ်။ အတူတူစားရအောင်။"

လီယုဖေးက ရှက်ရွံ့စွာဆိုသည်။

ချီရှန်းက လီယုဖေးရဲ့လက်ကိုမကိုင်လိုက်ခင် နဉ်ရှုကိုကြည့်သည်။

"ယုဖေးက ကိုယ့်အကြိုက်တွေကိုကောင်းကောင်းသိတယ်။ ညီမလုပ်ထားတာတွေက သေချာပေါက်စားကောင်းမှာပဲ။"

လီယုဖေးရဲ့အပြုံးက ပို၍ပင်အရှက်သည်းလာသည့်ပုံပေါ်လာသော်လည်း နဉ်ရှုသည်တော့ ဘယ်နေရာကများရှက်ဖို့ကောင်းနေလို့လဲဆိုတာ နားမလည်နိုင်ခဲ့ချေ။

ထို့နောက် ချီရှန်းက နဉ်ရှုကိုအော်လိုက်သည်ဟ

"မင်းက ဒီမှာဘာရပ်လုပ်နေတာလဲ? ငါတို့စားဖို့မြန်မြန်ပြင်ပေးစမ်း။ မင်းက ကိုယ်ပိုင်အစေခံတစ်ယောက်ပဲကို!"

နဉ်ရှုက သူမရဲ့သွေးလိုရဲရဲနီနေတဲ့နှုတ်ခမ်းကို စူလိုက်သည်။ လီယုဖေးက အလျင်စလိုပင်ပြောလာ၏။

"ကောင်းကောင်းဆိုးဆိုး သူက အစ်ကို့ရဲ့ကိုယ်ပိုင်အစေခံလေ။ သူတစ်ခုခုအမှားအယွင်းလုပ်ခဲ့မိရင် နောက်တစ်ခါကျ သူ့ကိုဂရုတစိုက်နဲ့သင်ပြပေးလိုက်ပါ အစ်ကိုရဲ့။"

ရှီချန်းက နဉ်ရှုကို အေးစက်စွာကြည့်လိုက်ပြီးမှ လီယုဖေးကိုပြောသည်။

"ညီမက အကြင်နာတတ်ဆုံးသူပဲဆိုတာ အစ်ကိုသိပါတယ်။ ဒါပေမယ့် တစ်ချို့လူတွေက ဘယ်နှကြိမ်ပဲသင်ပြသင်ပြ ပြောင်းလဲမသွားဘူးညီမရဲ့။ ငွေစနှစ်ဆယ်ကြောင့်သာမဟုတ်ရင် အစ်ကို သူ့ကိုနှင်ထုတ်လိုက်ပြီ။"

နဉ်ရှု : …

အခုလက်ရှိချီရှန်းက တကယ်မကောင်းတဲ့သူနဲ့တူတယ်။ ဒီကောင်က သူမကသူ့ကိုလိမ်ညာလှည့်စားပြီး သူမကိုချစ်မိသွားအောင်လုပ်တယ်လို့ထင်နေပုံပဲ။ ငကြောင်။ သူကသာ သူမ သူ့ကိုချစ်လာအောင်လှည့်စားချင်ခဲ့တဲ့သူလေ။ အခု သူက ဒီလိုဖြစ်သွားလို့ သူမအပေါ် အပြစ်ပုံချချင်နေတာလား? အရှက်မရှိလိုက်တာ။

ချီရှန်းနဲ့လီယုဖေးက လက်တွေတွဲထားလျက် အခန်းထဲဝင်သွားကြသည်။ နဉ်ရှုက သူတို့နောက်ကိုလိုက်သွားကာ သူတို့နှစ်ယောက်အတွက်ပန်းကန်များကို သယ်လိုက်သည်။ ချီရှန်းက သူမဆီကလာတဲ့အနံ့ကို မခံနိုင်သလိုရွံရှာတဲ့အမူအရာမျိုးလုပ်နေပေမယ့် သူမကို သူတို့အတွက် စားစရာပြင်ပေးဖို့ခိုင်းနေဆဲပင်။

သူ စိတ်ရောဂါရနေတာဖြစ်ရမယ်။

...

အစ်မကြီးက အငှားရထားတဲ့ကိုယ်ကဟာကို ကြွားလုံးထုတ်လို့မပြီးတော့🙄 သူ့ခန္ဓာကိုယ်အစစ်ကတော့ အဝေးပြေးလမ်းမကြီးပဲဖြစ်နေလောက်တယ်။

...