Оройн 9цагийн алдад GOT7 дотуур байранд хөл хөдөлгөөн ихтэй байлаа.

Залуус хуваарьт ажлаа дуусгаад гэр лүүгээ яаран ирцгээсэн ба зарим нь шүршүүрт орж байх зуурт үлдсэн хэд нь хооллохоор хамгийн ойрын ресторанууд руу утасдах аж.

Югём урдаа элдэв амттан овоолчихоод зурагтаа асаан буйдан дээр ганцаараа тухлахад Жэбом түүнд хань болохоор модон сандал зөөн авчирна.

-Өө нээрээ, JTBC дээр тавьчих. Өнөөдөр MixNine дээр манай энтертаймент гарна гэсэн. Захирал хэнийг оруулсныг харъя.

Югём MixNine гэж ямар нэвтрүүлэг болохыг мэдэхгүй ч Жэбомын үгийг даган суваг солин суухдаа зэрвэс үзэгдсэн танил төрхнөөс болж нүдээ нухлав.

Яах аргагүй андуурсан байх, андуурсан тийм үү. Яаж тэр эмэгтэй манай энтертайментэд орох юм..

JYP -н бэлтгэгдэгчийн үзүүлбэр эхлэхэд Югём өөрийн мэдэлгүй өвөр дээрх попкорноо газарт шидлэчихээд хөмсөг зангидан босох нь тэр.

[There should be a GIF or video here. Update the app now to see it.]

Mixnine бол JTBC телевиз болоод YG энтертайментийн удирдлага доор зохион байгуулагдаж буй хамтлаг бүтээх шоу нэвтрүүлэг бөгөөд эрэгтэй ,эмэгтэй холимог бэлтгэгдэгчид хоорондоо өрсөлддөгөөрөө онцлогтой билээ.

Гэвч энэ нэвтрүүлэгт яагаад Шин Рюжин оролцож байгааг, тэр бүү хэл яагаад JYP энтертайментийг төлөөлж байгааг Югём огт ойлгосонгүй.

-Ахаа..энэ..энэ эмэгтэй яагаад манай энтертайментаас оролцоод байгаа юм. Хэзээнээс манай бэлтгэгдэгч болсон юм?

Жэбом отгон гишүүнийхээ хариу үйлдэлд бага зэрэг гайхширсан ч зурагт руугаа нүдээ онийлгон харсаар цайлган инээмсэглэл тодруулна.

-Юу вэ? Рюжинийг мэддэггүй юм уу. Бараг өдөр болгон л бэлтгэлийн зааланд хонодог охин, за бараг 3 сарын өмнө л бэлтгэгдэгч болсон байх. Захирал хичээл зүтгэлийг нь үнэлээд нэвтрүүлэгт оруулсан юм байлгүй.

Бухимдлаас үүдсэн үү аль эсвэл айдсаас нь болсон уу, Югёмын гар үл ялиг чичирж эхлэхэд отгон гишүүндээ санаа зовсон Жэбом "Таньдаг хүн чинь юм уу" хэмээн лавшруулан асуувч тийм ч ойлгомжтой хариулт авсангүй.

-Хараал ид гэж, Рюжин л биш шүү. Ахаа, энэ эмэгтэй чинь сасэн фэн! Бүр намайг сүрдүүлж болзоонд явахыг шаардсан.

-Юу гэнээ? Чи тэгээд байдал иймдээ тулчихаад байхад менежэртээ ч мэдэгдэлгүй яаж зохицуулсан юм.

Югём асуултаас зугтан өөр зүг рүү харахад Жэбом түүний энгэрээс татан "Би чиний ах бас хамтлагийн чинь ахлагч шүү, надад хариул" гэхэд жаал хүү аргагүйдэн халааснаасаа утсаа гарган ирж бүсгүйн хэд хэдэн хагас нүцгэн зургийг харуулаад "Түүнтэй унтчихсан.." гэх нь тэр.

Жэбом өнөөх зурагнуудад ямар хариу үйлдэл үзүүлэхээ мэдсэнгүй, хэсэг хачин царайлж зогссоноо Югёмыг цохин унагааж "Муу галзуу новшоо! Энэ чинь дөнгөж 16 тай жаахан охин. Чи чинь солиорчихоо юу, одоо энийг яаж зохицуулах юм" хэмээн орилохтой зэрэгцэн байшинд байсан залуус шуугианаас болж тэдэн дээр ирлээ.

Нээлттэй салхивчаар өвлийн жихүүн салхи нэвтрэх нь хүйтэн уур амьсгалыг бүр ч жихүүцүүлэм болгох шиг.

Югём шалбарсан уруулаа гараараа тэмтрэн суухад Жэбом түүн рүү хуруугаараа чичилж "Энэ орчлон дээр чи ганцаараа амьдардаггүй юм шүү. Бүхэл бүтэн 6 хүний амьдрал чамаас шалтгаалж байхад асуудал тариад үзээрэй, тэгээд ч утсан дээрээ эмэгтэй хүний нүцгэн зураг хадгалах чинь гэмт хэрэг" гэчихээд тойрон зогссон залуусыг мөрлөн гарав. Хамтлагийн үлдсэн гишүүд одоо ч юу болоод байгааг ойлгосон шинжгүй зогсоно.

Зурагтаар бүсгүйн төрх үзэгдсэн хэвээр.

...

Энэ явдлаас хойш хэдийн 4 сар өнгөрсөн ч гол дүрийн баатрууд маань нэгнээсээ амжилттай зугтсаар огт тааралдалгүй амьдарч дөнгөсөн билээ.

Югём "Hit the stage" нэвтрүүлэгт оролцож ялалт байгуулснаар нэр хүндээ өсгөөд зогсохгүй гайхалтай бүжигчний чадвараа харуулж чадсан бол Рюжин "MixNine" өрсөлдөөнт нэвтрүүлгийн эцсийн шат хүртэл амжилттай ахиж чадсан ч хэд хэдэн шалтгааны улмаас нэвтрүүлэг зогсож эцсийн шатны ялагчид дебют хийж чадсангүй.

Гэсэн ч нэвтрүүлгийн ачаар бүсгүй чамгүй олон фэнүүдтэй болж чадсан тул JYP энтертаймент түүнийг шинээр гаргах охидын хамтлагт багтаан дотуур байранд амьдрахыг зөвшөөрсөн нь сайн хэрэг.

...

Хаврын урь орсон өдрүүдэд салхивчаар нэвтрэх цэцэгсийн үнэр цаанаа л нэг таатай.

Шөнийн 11цаг өнгөрөхөд жаалхан охин хувийн бэлтгэлээ арайхийн дуусгаад хөл дээрээ тогтож ядан лифт рүү алхана. Тэрбээр богино шортоо нимгэн футболктой хослуулан өмссөн нь хаврын улиралд арай л нимгэдэх мэт, ялангуяа шөнийн 11 цагт бол яавч зохицох хувцаслалт биш.

Лифт 7дугаар давхарт зогсон хаалга нээгдэхтэй зэрэгцэн бүсгүйн мөрөн дээр эр хүний чамин хүрэм тохогдоход Рюжин цочин эргэж харахдаа "Ю..Югём?" хэмээн бувтнах нь тэр.

Хүрмээ зээлдүүлсэн эр ч "Рюжин?" гэснээ хөмсөг зангидан ойр орчимд хүн байгаа эсэхийг нягтласан даруйдаа бүсгүйн гараас зуурч зогсоол руу шатаар уруудлаа.

Рюжин дэмий л залуу руу ширтэн хөтлүүлэн алхсаар түүний машинд суухад Югём түүнрүү хяламхийсэн ч үгүй, огцом хурд аван хаашаа ч юм бэ зүглэнэ.

Залуу эр үе үе уруулаа хэмлэн жолооны хүрдээ цохих ч энэ нь бүсгүйг айлгаж дөнгөсөнгүй.

Тансаг суудлын тэрэг хотыг хөндлөн гулд нь бүтэн 2 удаа тойрсон ч нэг ч удаа зогссонгүй, эцэст нь жижиг тэрэг GOT7-н хөвгүүдийн дотуур байр луу эргэлээ.

...

Хаалганы нууц дугаар хийх дуугаар анхаарал нь сарнисан залуусд отгон гишүүн нь жаахан охины гараас зууран өрөө лүүгээ чирэх нь урьд хожид үзэгдээгүй цоо шинэ үзэгдэл мэт.

Гишүүд балмагдсандаа дуугарч чадалгүй зогсоход ганц Жэбом л тэдний араас даган Югёмын өрөөний хаалгыг балбаж "Чи чинь солиорчихоо юу, наад хаалгаа нээ!" хэмээн хашгичих бол саяхан ухаан орсон бололтой хэсэг залуус инээлдэн "Манай дүү ч эр хүн болжээ, ах нь буудлын мөнгө өгч байхаас" хэмээн хоорондоо наргих аж.

Энэ үеэр өрөөнд үймээн болж байхшиг, шүүгээнүүд түчигнэн шилэн эдлэл хагарах чимээ сонсдов. Төдөлгүй асаагуурын дуу ч мөн хадаж тамхины утаа хуучин амрагуудыг манан мэт бүчлээ.

-Чи яаж яваад манай энтертайментэд орчихсон юм? JYP яахаараа чам шиг галзуу сасэнийг бэлтгэгдэгч болгочихдог юм!

-Тайвшир, Югёмаа. Би нууцаар танай хамтлагийн тоглолтыг үзэхдээ арын ажилчны нүдэнд өртсөн хэрэг. Тэд намайг шалгаруулалтанд оролцож болно гэсэн, тэгээд л боллоо.

Чи намайг сэтгэцийн өвчтөн шиг болгодог. Чамгүй л бол дотор минь хичнээн хоосон мэдрэгдэхийг ухаан санаа минь хэрхэн балартахыг чи хэнээр ч хэлүүлэлгүй сайн мэддэг болохоор намайг шаналгахад юу хэрэгтэйг хэтэрхий эрт ухаарчихсан. .

-Худлаа ярихаа боль, намайг чам шиг юу ч хийхээс буцдаггүй өлөгчний үгэнд итгэнэ гэж бодоо юу? Чи шүүгчдийн нэгтэй унтаж аль эсвэл мөнгө атгуулсан, тийм биз?

Энэ удаад алгадах дуу. Бүсгүйн нүдэнд гомдлын нулимс цийлэгнэх ч залуу Рюжинийг шархлуулах үг хэлсэндээ харамсах бус алгадуулсандаа шаралхах нь хачин.

-Шин Рюжин, Чи сэтгэл өвтгөм дурсамжуудаа мартаж аль эсвэл даван туулж чаддаггүй болохоор л бяцхан жаал хэвээрээ байгаа юм. Ийм болохоор чи бид 2 хамт байх тавилангүй улс. Би хүссэн хэмжээгээр чинь төлөх болохоор маргааш гэхэд энтертайментаас гараад хаашаа ч юм нэг газар луу арилаад өг.

Бүсгүй нулимсаа арчаад Югёмыг дооглох мэт чимээгүйхэн хөхөрлөө.

-Чи нэг л андуураад байх шиг байна. Мөнгөгүй, сурлагагүй, эцэг эхгүй надад хийж чадах зүйл зөвхөн чамайг хайрлах л байсан. Гэхдээ одоо юу гээч? Би удахгүй дебют хийнэ, бидний байр суурь нэг ижил түвшинд очно. Хүлээн зөвшөөр, чи надаас холдож чадахгүйгээ мэдэж байгаа.

Рюжин хүйтнээр инээн хуруугаараа залууг атгах мэт дүрс үүсгэхэд Югём утсаа шүүрч аван хэн нэгний дугаарыг хайн тэмдэглэсэн хэрэглэгчдээ гүйлгэнэ.

Хагас цаг өнгөрөхөд Югём утсаа газар луу шидчихээд орон дээрээ хөлбөрөн гараараа нүдээ даран хэвтэхэд бүсгүй түүний цээжийг налан тэвэрлээ.

Залуу өөрийн таних хэд хэдэн бэлтгэгч багш нар болон удирдлагууд руу ярьсан ч тэд бүгд Рюжинийг хөөх нь битгий хэл дебют хугацааг нь ойртуулах төлөвлөгөөтэй байгаагаа хэлсэн нь Югёмын эцсийн найдварыг тасалж орхисон хэрэг.

Рюжин залуугийн тэвэрт шигдэхэд Югём хэдийн бууж өгсөн аятай санаа алдаад бүсгүйг зөөлнөөр тэвэрлээ.

Бидний харилцаа үнэхээр ойлгомжгүй бас хачин. Бид нэгнээ гэмтээж өвтгөдөг ч эцэст нь эргээд л тэврэлдэнэ, сүүлчийнх нь мэт муудалцдаг хэрнэ тэгээд ахиад л хамтдаа. Үзэсгэлэнтэй мөртлөө гунигтай.