Жошуатай холбоо бариагүй удлаа.

Тэр яваад 1сар болоод ирнэ гэсэн ч яваад аль хэдийн 5 сар өнгөрчихсөн байна. Тэр очоод л 1сар гаран болоод гэнэт л холбоо тасарчихсан.

Түүнрүү зурвас бичиж залгасан ч алинд ч хариулаагүй юм.

Харин дөнгөж сая 30хан минутын өмнө сонссон зүйлдээ би огт итгэсэнгүй.

Жошуагаас надад дуудлага ирсэн. Би үнэхээр их баярлаж билээ. Шууд л дуудлагыг нь аваад өөрийн эрхгүй инээмсэглэн чангаар хариулсан ч харин өөдөөс минь Жошуа биш шал өөр нэгэн хариуллаа.

3 жилийн өмнө Жошуатай үерхэх гэж байсан охин Ан Киюүн байсан.

Тэр Жошуагын утсыг аваад гэнэт л миний хоолойг сонсоод инээж эхэлсэн.

Тэгээд "Байна уу? Аан Киюүн үү? Би Ан Киюүн байнаа. Би чамтай адилхан нэртэй гэхдээ овог нь өөр л дөө. Чамайг Жошуа ах их ярьдаг байсан шүү араас нь их гүйдэг гээд" гэсээр үргэлжлүүлэн надад өөрийгөө Жошуатай жилийн өмнөөс харилцаж эхлээд үерхсэн гэдгээ хэлсэн бөгөөд хэдэн сарын өмнө Солонгост ирсэн нь ажлаар ирсэн ч чамтай таараад эцэг эх дээрээ очилгүйгээр чам дээр хэд хоног өнжсөн гэл үү? Гэх мэт зүйл асуусаар хамгийн сүүлд нь тэд сүй тавьснаа хэлсэн юм.

Ан Киюүн: Би Хун Киюүн болно. Жисү ах бид хоёр 7 хоногийн өмнө сүй тавьсан. За за би зүгээр л энийг хэлэх гэсэн юм гээд л утсаа тасалчихсан.

Харин одоо. Тэд надруу хамтдаа авхуулсан зургаа явуулж байна.

Жошуагын надаас холбоо тасарсан явдал Ан Киюүн байсан гэж үү? Яагаад яагаад?

⚡⚡⚡

Өчигдөр оройхон л зөөлхөн сэвшээ салхи салхилж одод түгсэн цэлмэг тэнгэр байсан бол өглөө үүрээр жаахан цас хаялаад эхэлчихсэн байна.

Би урьд шөнө огт унтаж чадаагүй. Үгүй ээ ер нь тийм зүйл сонсчихоод яаж ч унтах билээ? Ямар хүн л хайртай хүнээ гэнэт алдчихсанаа мэдээд шөнө нойр авах билээ?

Би тусдаа амьдарч эхэлсэн.

Шинэ хичээлийн жил эхлээд л би зун ажилласан цалингаараа нэг өрөө байр түрээсэлж авсан. Одоо ч ажилаа хийж хажуугаар нь сурч байгаа.

Аав ээж хэрэггүй гэсэн ч би завгүй байсан нь илүү дээр юм шиг санагдаж байсан юм.

Гэрээс гаран зөөлөн хаялах цасан дундуур орон сургуулийн зүг алхлаа.

Чихэвчинд минь аялагдах энэ дууг сонсоод шууд л сольлоо. Хэтэрхий их гомдсондоо утсанд маань байх энэ ганц дууг одоо бүр сонсохыг ч хүсэхгүй байна.

Зам дагуу алхсаар л байлаа. Өнөөдөр гэнэт л сургуулиасаа хэтэрхий хол зайд байр түрээсэлж байгаагаа мэдлээ.

Хөл ч өвдчихлөө.

Бодолд дарагдан явсаар сургуулийн урд ирэхийн алдад мөрөнд минь хэн нэгэн хүрлээ.

Жошуатай адилхан ах. Нам Жинхёб.

Жинхёб: Киюүн аа араас чинь их дуудлаа. Яагаад огт сонсохгүй байгаа юм бэ?

Би: Аан уучлаарай. Бодолд дарагдаад анзаарсангүй.

Жинхёб: Мм. Орой завтай юу? Би чамд дээрийн хамт хийсэн бие даалтанд баярлалаа гэж хэлээгүй орой хоолонд даая.

Би Жинхёб сонбэ руу харж байгаад толгой дохьсоор хамт сургууль руу орлоо. Надад одоо хамт сэтгэлээ засах хүн хэрэгтэй байна. Сүёон энд байсан ч болоосой.

Нээрээ тэр Үжитэй хамт Шанхайд амьдарч байгаа одоо 3 сартай жирэмсэн.

⚡⚡⚡

Хагас хугас зүйл хийсээр сургууль ч тарж би ч ангиас гарлаа. Сургуулийн үүдэнд Жинхёб ах байх бөгөөд намайг хараад гараа далаллаа.

Яагаад ийм адилхан юм бэ?

Яг уйлах нь ээ! Хун Жисү чи ч жинхэнэ новш юм даа.

Жинхёб ах дээр очин сургуулийн хажууханд байх ресторанд орон хоолоо захиаллаа.

Хоол бэлэн болохоос өмнө уух юм захиалсан бөгөөд ах ус авсан бол би шар айраг авлаа. Зүгээр л уумаар байна. Ийм зүйл хийж байгаадаа итгэж чадахгүй нь.

Би шар айргаа шууд л ууж дуусгасанд Жинхёб ах "Ахиад авах уу?" гэсээр инээмсэглэлээ. Ахиад аа?

Би түүнд "Үгүй ээ" гэж хэлээд толгой сэгсэрлээ. Нэмж ууж лав болохгүй.

Удалгүй хоолоо идэж дуусчихаад Жинхёб ах намайг гэрийн үүдэнд авч ирэн гараас минь атгалаа. Бүр гайхчихлаа.

Жинхёб: Би чиний найз залууг сүүлийн 5 сар харсангүй. Та хоёр муудчихаа юу?

Би: Та чинь? Намайг мөрддөг хэрэг үү?

Би түүнээс гараа татаж аван "Яагаад амьдралд минь оролцоод байгаа юм? Тэр хүн зүгээр л гадаадад сурдаг. Одоо хичээлтэй болохоор л ирэхгүй байгаа юм!"

Орц руугаа орохоор алхтал Жинхёб ах араас минь тэврэн "Зуны 3 сар ч ирээгүй шүү дээ. Хэрвээ тэр хүн чамд хэцүү санагдаж байгаа бол зүгээр л над дээр хүрээд ир би чамайг илүү хайрлаж чадна Киюүн"

Би түүний гарыг тавиулан гэрлүүгээ алхлаа. Надад одоо ийм асуудалтай зууралдах хүч алга.

Гэртээ орж ирэн хаалгаа налаад л доош суулаа. Хацрыг минь гэнэтхэн шингэн зүйл норгож өөрийн эрхгүй л гэрээр нэг орилон тйичигнэлээ.

Зүрхэнд өвдөж байна.

Унтчихаж. Шөнө 2 цагт сэрэхдээ би орж ирсэн газраа унтчихсан байгаагаа харан дээш өндийлөө. Өндийхдөө хаалганы завсраар шургуулсан цагаан дугтуйтай юмыг хараад аван гэрлээ асаан задаллаа.