Мисү гэх миний ертөнцийн төв, амь амьдрал минь болсон миний бяцхан охин...

Өмнө нь орой болохоор л салж харьдаг байсан болохоор шөнө гэх үед дургүй хүрдэг байсан ч их сургуульд ороод завгүй болоод ирсэн чинь орой, шөнийн цагаас сайхан үе алга юм шиг санагдана.

Хамт амьдарч, бүхнийг хамт хийгээд л.

Эцэг эх маань биднийг хамт амьдраарай гээд авч өгсөн цомхон хөөрхөн байранд эвээ олоод сайхан л байна. Сэтгэл хангалуун байна аа.

-"Мисүд өнөөдөр юу тохиолдов? Надад ярьж өгөөч"

-"Нээрээ, номын сан руу явж байхад нэг өндөр залуу дугаараа өгчих гээд л байсан, үнэхээр залхмаар!"

Гэнэт л дотор минь хардах гэх аймшигтай мэдрэмж хуралдаж, хэн гэдэг увайгүй амьтан нь миний үзэсгэлэнтэй гүнжийг хоргоосон болохыг мэдэхийг ихээр хүслээ.

-"Өө за! Тэгээд чи яасан? Арай ч өгөөгүй биз дээ?"

-"Чи байхад би өөр хүнд дугаараа өгч яах билээ? Буруу хүнтэй орооцолдоод байна, явлаа гээд орхиод явчихсан... Заа за, өнөөдөр нэг иймэрхүү л.. Би унтлаа, намайг тэврээд унтаарай" гээд өндийж ирээд уруулан дээр үнсээд, надад тэврүүлэн хэвтээд нүдээ аньсан төдийдөө унтчихав.

Өхөөрдмөөр гэдэг нь...

Үсийг нь чихнийх нь араар зөөлөн хийгээд тонгойн хацран дээр нь үнсэв.

Түүнийг унтаж байх хойгуур нь би гараараа толгойгоо тулаад Мисүг ширтэж эхэллээ. Хараад хараад ханадаггүй үзэсгэлэн гоо гэж байдаг бол би Мисүг л гэж хэлнэ.

Түүнд байнга хэлээд байдаггүй ч үргэлж бодож явдаг үгээ унтаж байхад нь шивнэж хэлэхээр шийдлээ.

Хэдий тэр сонсохгүй, бараг л өөрөө өөртөө хэлж байгаа юм шиг байж болох ч миний сэтгэл ядаж л тайтгарна...

"Мисү, чи намайг чамд хэр хайртайг ч гадарлахгүй дээ... Мэддэгээс чинь ч их, бодоод үз дээ? Заримдаа боддог шүү, яаж над шиг хүнийг тоож сэтгэлийг минь хүлээн зөвшөөрсөн юм гэж.. Тэр үед би зүгээр л хоосон горьдлого тээгээд биелүүлж өгнө гэсэн болохоор чинь л азаа үзье гэж бодтол чи зөвшөөрчихсөн.. Тэр үеийг би хэзээ ч мартахгүй байх.

Юу гээч.. Би хичээл зүтгэлийг чинь биширдэг. Мөрөөдөлдөө хүрэх гээд шөнөжин суудаг байсан чинь бахархмаар, намайг ч мөн адил бэлдэж байхад зууш хийгээд ирдэг байсан чи дэндүү сайхан сэтгэлтэй. Намайг харж байгаа харц чинь хэтэрхий хөөрхөн, хааяадаа зүрх минь тэсдэггүй..

Уурлаад чамайг гомдоочих вий гэж ямар их айдаг гээч? Айлгачихна, хөндийрчихнө, гомдоогоод цагаахан сэтгэлд нь сэв суулгачихна гээд уурлаж чаддаггүй.. Нэг удаа хэрэлдээд би өөрийгөө хүртэл алахаар завдаж билээ..

Бурхан чамайг төгс бүтээсэн, дахиж битгий өөрийгөө голж байгаарай.. Би өөрийгөө буруутгаж магадгүй. Асар их тэчвээр, гайхалтай ур ухаан, зан төлөв, гоо үзэсгэлэн гээд бүгд чамд бий шүү..

Чиний хайрыг хүртэж байгаадаа одоог хүртэл гайхдаг шүү! Сахиусан тэнгэр чамтай энгийн хүн болох 'би' хайр үүсгэж болдог юм болов уу?

Чи намайг ямар их өөрчилж байгаагаа анзаардаг уу? Түргэн ааштай байсан би яагаад ч юм тайван тэгснээ чиний л хажууд эрх болчихдог. Чамаас болж хичээлдээ сайн болж билээ, чи хичээсэн болохоор хамт хичээсэн..

Би хүсдэг л дээ.. Чамайг эрэгтэй хүнийхээ хувиар, эмэгтэй хүний чинь хувиар доторх бодол минь бузар луу чиглэж, хөвчнөөс чинь гарах нарийн хоолойг чинь сонсохыг хүсдэг.. Уучлаарай, намайг өөрийнхөө бодлыг захирч чаддаггүйд, гэхдээ чи л хүсвэл хэзээд би бэлэн..

Айгаад байдаг юм аа, үнэлшгүй үнэт эрдэнэ чамайг хүчлээд хагалчих вий гээд айгаад байдаг юм... Хөөрхөн нүднээс чинь хүсээгүй нулимсыг чинь унагаачих вий гэж айдаг юм..

Миний ч гэсэн нойр хүрж байна..

Би зүүдэлнэ ээ. Чамайгаа хуримын даашинзтай зогсох байгаагаар, төрөх дөхчихсөн гэртээ намайг хүлээж байгаагаар, анхныхаа хүүхдийг өлгийдөн авчихаад өөрийгөө уйлж байгаагаар, зөндөө хөөрхөн хүүхдүүдтэй болчихоод зураг авхуулж байгаагаар бүх мөчөө би зүүдэлнэ..

Одоо чиний сэтгэлийг мэдмээр байна, амнаас чинь гарах үгийг сонсмоор байна. Дутагдал байвал засаж, таалагддаг зүйл байвал түүнийгээ үргэлж чиний төлөө хиймээр байна..

Чи өөрийнхөө доторх надад зориулсан үгээ нэг л өдөр хэлнэ биз дээ, тийм ээ?

Хайр аа, чи сонсож байна уу? Сонсохгүй байсан ч зүгээр дээ..

Хайртай шүү, сайхан амраарай, өө чи чинь унтчихсан шүү дээ, тэгвэл сайхан зүүд зүүдлээрэй, намайг зүүдлээрэй за юу, мм? Би байна аа, эцсийн мөч хүртлээ чинийхээ төлөө амьдрах болно оо Мисү.."

Ингээд миний нүд анилдаж, тархи минь бэлдэж найруулсан зүүдээ үзүүлэхийн тулд намайг шахаж байлаа.

Ярих зүйл уг нь дуусах болоогүй юмсан. Аргагүйн эрхэнд би унтахаар болж, Мисүгээ тэврээд гүн нойрондоо одохоос өмнө дахин нэг удаанаар үнсчихээд жаргалтай нь аргагүй унтсан юм.

Жаахан ч болтугай...

Түүнд хэлэх ёстой сайхан зүйлсээр дүүрэн үгс жаахан ч болтугай амнаас минь гарч ирлээ. Энэ үгсээс л хэлэх гээд ядраад байдаг байж...

Одоо харин,,,

Санаа амарчихлаа...

~~~~~~~~~~~~~~~~~~~~~~~~~~

🙆‍♀️💜

❤️🥺

(My heart is melting❤️)