Өнөөдөр дэндүү их ачаалалтай байснаас болоод Жиминтэй уулзах байснаа мартчихаж.

"Арай ч дээ би ч галзуурсан байх аа яаж Жиминтэй уулзах байснаа мартаж чадав аа"

Гэсээр өөрийгөө мянга хараан өрөөнийх нь өмнө ирлээ.

Гэрэл нь унтраастай, Жимин орон дээрээ цаашаа хараад унтаж байгаа бололтой ямар ч хөдөлгөөн алга.

Сэмээрхэн хаалгыг нь онгойлгоод орны хажууд байрлах түшлэгтэй сандал дээр суугаад бодно.

Хэрвээ арай эрт ирсэн бол Жимин унтаагүй түүнтэй магадгүй одоо юм яриад эсвэл өөрт нь зориулж намуухан дуу дуулж өгөх байсан даан ч оройтчихлоо. Миний л ухаангүй тэнэг байгаагийнх.

Өөртөө гомдон хошуугаа унжуулан гараа энгэртээ зөрүүлээд санаа алдлаа.

Сарны гэрэл нэвт тусах цонх руу аажмаар ойртлоо. Энэ жаахан гэрэл өрөөг хангалттай гэрэлтүүлнэ. Гэхдээ нар шиг биш.

Дуу хөгжим шиг чамайг жаргалтай байлгаж чадахгүй ч сар шиг чамайг жаахан ч болтугай инээлгэж баяртай байлгахсан.

Цонх руу сэмээрхэн ойртон очоо тавцанг нь тулаад сарны гэрэлд гэрэлтэх үзэсгэлэнт царайг нь ширтэн ийн бодно.

Гэтэл гэв гэнэт

-Яасан би харцаа ч салгаж чадахааргүй тийм царайлаг байна уу? Гээд Жимин нүдээ нээн надад хэллээ.

Би шүлсээ гүд хийн залгиж

-Аааа....нөгөө....юу гэж сандарч байх хооронд

- За За тоглож байна аа......Эмчээ ямар удаж байж ирэв ээ? Би золтой л унтчихсангүй.

Амлалтаа зөрчөөд байвал би ч бас зөрчиж магадгүй шүү.

-Зөрчсөн гэж...ирж л байгаа биз дээ......үнэхээр их ажилтай байлаа, намайг уучлаарай гэхэд Жимин хөхөрсөөр

-За зүгээр дээ эмчээ та ирсэн байхад л хангалттай гэж хэлээд Жимин нүдээ алга болтол хайр татам инээмсэглэлээрээ инээн зүрхийг минь зогсоох шахав.

-Харин би ганцаараа байхаар уйдаад тэгээд дээрээс нь унтахынхаа өмнө өөрийн чинь бүүвэйн дууг сонсмоор санагдаад л дуудсан байхгүй юу.

-Уйтгартай байлгахгүйн тулд хажууд чинь ингээд хамт байж унтах хүртэл чинь хань болъё. Харин дуулж чадахгүй нь ээ.....түүний өмнө нүүрээ гараараа даран ичсэн байдалтай зогсоход

-Эмч хүн өвчтөнийхөө өмнө ичээд байж гэнэ би таны хоолойг дахиад ганцхан удаа л сонсмоор байна.

-Яах юм бэ? Харин таны дуулахыг сонсъё би таны PROMISE дуунд чинь үнэхээр дуртай үг нь ч тэр ая нь ч тэр бүгд гоё алив ганц дуулаад өгчих тэгэх үү? Жимини үгнээс сөрөн ийн хэлээд муурын нүд гарган асуусанд

-Ааш дуу сонсох гэсэн биш өөрөө дуулчих юм байна лдаа. За яахав эмч маань болохоор дуулж өгье за юу сайн сонсоорой ийм боломж саяд ганц л олдоно шүү. Ингэж хэлээд Жимин орон дээрээ завилан суугаад нүдээ хагас анин дуулж эхэллээ.

-За.

Энэ яг юу гээч нь вэ? Би эсвэл зүүдлээд байгаа юм болов уу? Миний мөрөөдөл үгүй ээ энэ мөрөөдлөөс ч хэтрээд, даваад, халиад явчихлаа. Баярласандаа болоод яг уйлах нь. Одоо би энэ дэлхий дээр байгаа хэн хүнээс ч илүү аз жаргалтай байна. Гайхамшигтай. Миний хүсэл мөрөөдөл амьдралын минь утга учир өмнө минь бүр надад зориулж дуу дуулж өгч байна шүү дээ. Зүүдэндээ л ийм зүйлийг төсөөлж байсан сан.

Түүний хоолой өмнө нь урьд нь сонсдог байсантай яг адилхан байна уярч хайлж урсмаар. Зүгээр л энэ мөчийн төлөө би өөртөө байгаа бүхнээ өгөхөд бэлэн байв.

Дуу ч дуусаж би нүдэндээ торох нулимсаа буцааж залгиад нусаа татан суувал

Жимин санаа алдаж "Ингэж хэн нэгэнд зориулж дуу дуулаагүй удаж ээ. Энэ дууг бараг мартах шахаж миний хоолой ямар байна муудчихаж уу?"

-Үгүй ээ харин ч надад үнэхээр их таалагдлаа. Таны хоолой үнэхээр гоё байна аа. Түүнд зориулж эрхий хуруугаа гозойлгон инээд алдвал

Жимин-Тийм бол яамай даа. Хэн нэгнийг ч болтугай энэ хоолойгоороо баярлуулж инээмсэглүүлж байгаа бол болоо доо.

Ингэхэд өөрөө миний энэ дууг сайн мэддэг юм аа даа уруул чинь дагаж хөдөлж байсан. Жимин ямар нэгэн зүйл бодоогүй бололтой зүгээр л ингэж асууж байгаа харагдана.

-Аа нөгөө ганцхан энэ дууг чинь л сайн мэднэ. Манай найз нэг удаа надад санал болгоод тэгээд сонсоод үзсэн чинь үнэхээр гоё дуу байсан байхгүй юу тэгээд л одоо болтол санаж байгаа хэрэг. Гэсээр худал инээмсэглэл тодруулан толгойгоо дохилоо.

-Аан тийм байх нь ээ.

Хоёулаа зэрэг санаа алдан цонх руу ширтэнэ. Энэ шөнийн сар урьд урьдынхаасаа илүү тод гэрэлтэж байх шиг. Эсвэл дэндүү их баярласнаас болоод тэгж санагдаад байгаа юм болов уу?

-Нээрээ Жимин хён нэг юм асууж болох уу?

-За асуу асуу би хариулахад бэлэн. Юу юм.

-Танд энэ хугацаанд яг ямар байсан бэ? Хамтлаг чинь тараад бараг 5 жил болох гэж байна. Та хамтлагийнхантайгаа байхдаа илүү аз жаргалтай харагддаг. Тарах шийдвэр гаргахад их хэцүү байсан байх даа.

Энэ асуултыг асуумагц яагаад ч юм араас нь асар их харамсаж орхилоо. Учир нь Жимин сэтгэл өвдтөл санаа алдсан болохоор тэр биз.

Энэ мөчид түүний юу бодож байгааг ёстой бүү мэд. Гагцхүү нүдээрээ нь уйтгар гуниг, гомдол цөхрөлөөр дүүрэн над руу ширтэж байсан юм.

Хана гөлрөн суусаар удаан хугацааны дараа Жимин ам нээж.

-Дуу хөгжим, бүжиг, гишүүд маань миний хувьд амь амьдрал минь байсан. Чи бодоод үз дээ. Чамаас аз жаргалтай болгодог ганцхан зүйлийг чинь аваад явчихвал ямар байх бол гээд. Гэхдээ чи үүнийг хэзээ ч ойлгохгүй л дээ. Хоёулаа шал өөр хүмүүс аз жаргал гэдэг хоёулангийнх нь хувьд өөр өөрөөр илэрхийлэгддэг........зүгээр л март даа.

-Энэ бүх хугацаанд их хэцүү байсан бололтой.

Би мэднэ шүү дээ өөрийн чинь энэ зовлонг хамгийн сайн мэднэ магадгүй чамтай үүний талаар ярилцаад суух хэмжээнд сайн мэдэх байх .Хамтлаг чинь тарсан гэх мэдээг сонсоод надад амьдрал гэдэг утга учиргүй мэт санагдасан. Харин одоо бүх зүйл эсрэгээрээ эргэж бид хоёрын байр солигдсон бололтой.

Хамгийн харамсалтай нь би чиний фен байгаад байна.

-Ингэхэд эмчээ би өөрийг чинь хэн гэж дуудах билээ. Нэрийг чинь ч мэдэхгүй уул нь эмч нар чинь энгэрийн тэмдэгтэй байдаг биз дээ гэж хэлээд эрүүгээрээ дохин цээжиндээ зурж дүрс бичлэгийг зурж үзүүлнэ.

-Аан би тэмдгээ алга болгочихсон юм аа хаана тавьснаа ерөөсөө санадаггүй. Харин миний нэрийг Кан ХэЖин гэдэг.

-ХэЖин байх нь ээ гэхдээ энэ солонгос нэр чинь үү? Жинхэнэ нэрийг чинь мэдэж болох уу?

-Яах юм бэ? Харин би өөрийнхөө нэрний утгыг нь хэлээд өгье. Миний нэрний утга болохоор тэнгэрт үүрээр гардаг нэг од байдаг юм лда тэгээд утгачилбал олон олон үүрийн одод гэсэн утгатай. (өөрийнхөө нэрний утгыг хэлж байна гээл уншаарай)

-Аан их гоё утгатай юм аа. Гэхдээ нэрээ хэлж болохгүй юм уу даа бүр хорхой хүрчихлээ гэсээр эгдүүтэй царай гарган гуйвал

- ХэЖин энэ нэрийг мэдэж байхад л хангалттай өөрөөс чинь болоод хэтэрхий их ичээд байна гэсээр хошуугаа унжуулах Жиминийг хараад улайсан хацраа даран ийн хэллээ.

-Зза үнэхээр их нууцтай нуугдмал ХэЖин байх нь ээ одоо өрийг чинь ХэЖин~аа гэж дуудаж болно биз дээ.

-Болноо. Гэхдээ ихэнхдээ эмчээ гэж дуудвал зүгээр байх.......цаг их орой болчихсон болохоор өвчтөн та унт даа. Би таныг унтуулах нь битгий хэл бүр сэрээчих шиг боллоо одоо унт унт. Гэсээр оронд нь хэвтүүлээд хөнжлийг нь хучиж өгтөл.

-Зза ХэЖин~аа гэхдээ миний хажууд унттал минь байна биз дээ түүний хоолой нойрмог бөгөөд ихэд тайван сонсогдоно.

Мэдээж юу гэж түүнийг орхин явах билээ дээ. Биеэ хучсан хөнжил дээр нь гараа тавиад алгуурхнаар хэмнэлтэй товшлоо.

Жиминий амьсгал удалгүй нэгэн жигд сонсогдож эхэлмэгц түүнийг унтсан гэж бодтол

-Одооноос намайг өвчтөн гэлгүй Жимин гэж дуудаж байгаарай гэчихээд жинхнээсээ унтаад өглөө.

Түүний энэ хайр татам байгаа байдал нь намайг одоо хамгийн ихээр баярлуулж дэлхий дээрх хамгийн аз жаргалтай хүн болгоно. Яагаад ч юм уруулнаас минь инээмсэглэл арилсангүй. Үдүүлчихсэн янзтай.