Гэр бүлийнхэндээ дөнгөж уулзчихаад л ингээд ахин салж буй нь бага зэрэг гунигтай л байна. Үүнд бага зэрэг гунигаас ч илүү зүйл бий. Би цаасан дээр сарайлган хэчнээн хичээгээд ч далий биччихдэг муухай бичгээрээ хичээнгүйлэн хэдэн үг бичиж, бүгдэд нь хайртай гэдгээ, хэсэг хугацаанд ахиж уулзахгүй гэдгээ ч гэсэн бичив. Тэгээд цүнхнээсээ тэднийг өдөр алгасалгүй зурж байсан муу салбархай зургийн дэвтрээ хажууд нь тавив. Тэднийг ардаас нь урдаас нь гээд санах бүрийдээ цаасан дээр амилуулдаг байсан юм. Магадгүй худлаа яривал илүү тухтай байх тийм үү? Гэвч аятайхан шалтаг яаж ч хичээсэн олдсонгүй, тэгээд л хол замд явсан Жисү гэдэг нэртэй болоод үлдлээ. Манай гэрийнхэн ер нь ээжээс бусад нь аймшигтай бөх унтдаг юм. Ээж намайг хүлээсээр оройтож унтсан тул одоо чанга хурхирна. Эх минь, өнөөдрөөс би бүх зүйлээ дэлхийг аврахын тулд, үнэндээ бол та нарыг хамгаалах болно. Сайн сууж байгаарай.

Бэ Жүхёны авчирсан машинд Намжүүн бид хоёр хамтдаа сууж бүгд цуглах цэгтээ хүрэв. Энэ нь Цэргийн төв баазаас чанагш баруун тийшээ нэгэн жижигхэн газар байлаа. Хурал эхлэхэд ердөө гучин минут л дутуу, цаг: таван цаг гучин минут ба манай хэд жигтэйхэн л хоорондоо бувар бувар хийцгээнэ.

Пөөх.. энэ Чэёон, Лиса хоёр их аальгүйтэж байлаа. Учир нь юу гэвэл Намжүүн бид хоёрыг нэг машинаас бууж ирэхийг, ер нь бол бид гурав бусдаасаа хамгийн сүүлд очсон юм. Тэгээд энд буй бүх хүмүүс биднийг харсан хэрэг л дээ. Хүмүүс цухас инээгээд л өнгөрч байсан хэдий ч, Чэёон бас Лиса хоёр хошуугаа нийлүүлээд л Намжүүн бид хоёрын хэчнээн зуун удаа нүдээ гүйлгэж, чих чихэндээ намайг угаасаа сонсоно гэдгийг мэдсээр буй хэрнээ шал утгагүй зүйлс шивнэлдэнэ. Би тэр нэг хоёр юмыг орхиод бусдыгаа харав. Жэнни жигтэйхэн олон бууг зүлгээд, хоёрыг нь нуруундаа үүрч, тэлээндээ хоёрыг хийж, хөлөндөө ч бас хийж байв.

Мөн Жон Хусог болон бусад нь ер нь л урьд шөнө унтаагүй бололтой. Өчигдөр орой төлөвлөгөө боловсруулна гээд л байгаад байсан бүтэн шөнөжин бодсон, бүр нойрмоглож байв. Жюви ирчихсэн Жэннитэй яриа үүсгэж, тэр хоёр өөрсдийгөө хутга, буу бүх юмаар л нэг том хар машины араас цэнэглэж байв. Пак Жимин за тэгээд Бэм, Тэхён бүгд нүдэн доогуураа гүн хар зураастай болжээ. Нэг хүн байхгүй нь Жонгүг буюу манай бяцхан (17 настай) хаа нэгтээ унтарч хоцорсон болой энд ирээгүй байв. Мөн миний хараа ч үгүй Хятад, Ази залуус байх ба би тэднийг сонжин харвал Бэмбэм тэднийг жигтэйхэн л миний урд дагуулж ирэв. Би л хамгийн сүүлд ирсэн тул тэдэнтэй танилцаагүй үлдсэн ганц нь би аж.

- Энэ бол Ван Жэксон, тэр бидний Хятад дахь харилцагч Жювитэй хамтардаг багийн гишүүн. Харин энэ бол миний байдаг судалгааны бичил баг GOT7-ын Марк, харин энэ эрэгтэй бол Тэн тэр Тайланд өнөөдөр бидэнд, цаашид ч тусална. Харин энэ эгч бол Ким Жисү.

Би тэдэнтэй бүгдтэй нь гар барьж ямар ч л байсан ёсолгоо маягийн зүйл хийв. Тэднийг яг юу хийх гээд байгааг огт мэдэхгүй байсан тул зүгээр л хий хоосон гөлийсөөр зогсов. Тэгээд би Бэ Жүхён дээр очоод чихэнд нь өөрийнхөө хэрэг буйг аяархан асуувал тэр шууд л толгойгоороо Жон Хусог дарга луу дохив.

Жон Хусог энэ байдлыг анзаараад над руу эргэж,

- Бид хүн бүр үүрэгтэй.

гээд ярьж эхлэв.

Түүний хэлснээр бол- Хатуу аргаар, дуулгавартай болгож үзэх хэрэгтэй...

Гэхдээ надад хийж гавьяасаад байх зүйл би олж харсангүй. Магадгүй бие хамгаалагчийн үүрэг гүйцэтгэж болно. Тийм ээ, шалгалт. Би хүмүүсийн бодолд анхаарч тэдний хөдөлгөөнийг анхаарна. Хусог даргын ярьсан зүйлсээс би өөрийгөө түүнтэй хамт тийшээ нэвтрэхээс, мөн чадвараа батлан харуулахад оролцохоос лав өөр зүйл харсангүй. Харин бусад нь, ер нь над шиг энгийн, буу барьдаггүй, хутга ашигладаггүй нэгнээс бусад нь дор бүрнээ өөрийн гэсэн үүрэгтэй аж. Би бусаддаа өөрийгөө бодол уншдаг болсон гэж хэлэхгүй гэж бодож байв. Тэд надаас эмээж, бодлоо нуугаасай гэж хүсэхгүй байна. Үүнийг маань мэдчихвэл заримд нь миний хажууд байх ч хэцүү болох байх.

Яг зургаан цаг болмогц бүх улсуудын том эрхмүүд өөрсдийн туслахтайгаа, мөн хэд хэдэн удирдах гишүүд орох ба энэ бол Азийн улсуудын нэгдсэн уулзалт тул ямар ч тохиолдолд аюулгүй байх ёстой, үүдэнд нь орох бүх хүмүүсийн зэвсэг, эдлэлийг шалгах гурван хаалган дээр зэрэг хүмүүсийг томилж, шалган гурван талаас нь том танхимд оруулах аж. Энэ том байр урьд нь театр ч байсан юм шиг, газрын зургаас харахад дугуйрсан байрлалтай ширээнүүдтэй, ойролцоогоор гурван зуугаас дөрвөн зуун хүмүүс лав оролцоно. Тэгээд бие хамгаалагчид, мөн байгууламжийн гадна талд ямар нэг зүйл тохиолдвол бэлэн байлгах зэвсэгтэй хүмүүс бий. Гадна байрлаж буй зэвсэгт хүмүүстэй гал нээлцээд бид бүгд л буудуулахаас хойш, танхим дотор хэргийг чимээгүйхэн шийдэх болно.

Жэнни бие хамгаалагчийн дүрд хувилан хар хослол болон царайгаа мэдэгдүүлэхгүй гэсэндээ хар өнгийн нарны шил зүүв. Хүмүүс түүнийг танихгүй байна. Аюулгүй байдлын үүднээс хаалгаар ороход хүмүүсийн бүртгэж, шалгаж оруулна. Харин энэ тал дээр алсаас Бэмбэм болон Жимин хоёр дэмжлэг үзүүлэх аж. (Тэд байгууллагын гадна талд бий) Бэ Жүхён бол зохион байгуулах албанд бий учир шууд, харин би Жон Хусог даргын нарийн бичиг шиг дүрд хувилна.

Хүмүүсийг шалгаж оруулж компьютерт бүртгэсээр байсан ба Жон Хусог дарга болон хамгаалагч Жэнни, мөн би бид гурав өөрсдийн хүмүүсээ өглөө эхлэхээс нь өмнө сольж байрлуулсан хаалга руу явав. Жинхэнэ байх ёстой хамгаалагчид нь манай машины ард хүлүүлчихсэн, ухаан алдаатай, бүгд хар шил зүүчихсэн, манай хүмүүс ижилхэн биетэй байсан тул ашгүй хянагчдад анзаарагдсангүй, мөн Бэ Жүхён ч нөлөө үзүүлэв. Энэ бол Азийн дээд хэмжээний уулзалт, хүмүүс наашаа цаашаа элдэв төрлийн Ази царайтай эрхмүүд наашаа цаашаа баахан л хүмүүстэй хамт нэвтэрцгээнэ. Үнэхээр л улс улсын төрийн томчууд энд бий тул багагүй сүрдэж, яагаад ч юм их сандарна. Бид дугаарласаар хаалган дээр шалгуулав.

Марк, Ван Жэксон, мөн Тэн гэх гурван залуу гялалзсан хар нүдний шилтэй, компьютер бүртгэлийн ажилтан нь Ким Тэхён, Жэксон гэх залуу метал хайдаг төхөөрөмжөө унтраачихсан Хусог даргыг дээрээс доошоо их л нухацтай үзэж, Тэн гэх тэр залуу маасайтлаа дотроо инээнэ. Марк харин буруу хараад хэд инээгээд байв. Тэгээд Жэксон Жон Хусог даргын цээжнээс атгаж барьж үзээд инээн,

- Та ч их булчинлаг зузаан залуу байна шүү.

Ийм мөчид тоглоом хийж чадна гэдэг, би энд сандарч ядан байхад Тэн арагшаа хараад инээж, Жэксон Хусог даргын цээжийг базаж, харин Жэнни эргэн тойрноо харсаар байсан ба би түүний чадвар хөгжчихсөнийг олж харав. Жэнни юм бүхнийг нэвтэлж харах авьяастай болсон орж ирж буй гишүүдийн хувцсан дундаа нуусан зүйлс, сэжигтэй зүйл байгаа эсэхийг шалгаж байв. Тэр бүр хана нэвтэлж ч харж чадаж байв. (Хэрвээ Жэнни шиг чадвартай тэгээд гаж донтон байсан бол)

Тэр хэд инээлдсэний эцэст ард буй Хонконгийн төлөөлөгчид хоолойгоо засаж эхэлсэн тул, Жон Хусог дарга хоолойгоо нэг засчаад бид гурав цаашаа нэвтэрлээ. Жэнни нэг зохиомол нэр хэлж, түүн дээр Тэхён, алсын дэмжлэг Бэм болон Жиминий хамт бүртгэнэ. Ингээд манай А болон Б хэсгийн эхний үе лав өндөрлөлөө.

Ороход дугуйрсан ширээтэй, ширээ болгон дээр улсуудын далбааг төлөөлөгчдөд зориулан тавьж, түүний ардуур бусад дарга нарын суудал байв. Дугуйрсан ширээнүүд нь яг л УИХ-ын танхим шиг үзэгдэнэ. Жон Хусог дарга энэ хавьд байх тул бид тэр газар очиж, би хүмүүсийн бодлыг ажиглаж, Жэнни харин энд тэнд буй төхөөрөмжүүдийг шалгаж байв. Энд тэнд буй чагнах, холбооны хэрэгсэл гээд л би ч гэсэн ялгаагүй хянаж байлаа.

Жон Хусог сэтгүүл сууж байсан байсан ба харин Жэнни бид хоёр ард нь их л төв царайтай зогсоно, удалгүй Жон Хусог сэтгүүлчийн найзалдаг гэх нэгэн том эрхэм түүний нэр Чой Сынхүн гэдэг нэртэй, одоо бараг дөчин нас хүрэх гэж байгаа биз эрхэмтэй Лиса нарны шил зүүчихсэн орж ирээд хажууд нь суулаа. Тэд хоорондоо ойр зуурын зүйлс ярилцаж, харин Лиса мөн л эргэн тойрноор нүдээ гүйлгэх ба би түүний бодлоос ойролцоогоор есөн ширхэг Кастилл хүн энэ дунд сууж буйг олж харав. Тэднийг нэг мөсөн явчихсан гэж бодтол ийм уулзалтаас хүртэл хоцроогүй байх гэж... Гэхдээ эргээд бодвол тэд хэрэгтэй байж магадгүй юм байна.

Чой Сынхүн эрхэм,

- Чи ч том хэрэг тархи гээд байгаа бололтой. Өнөөдөр чамайг сайн зүйл хийнэ л гэж найдаж байгаа шүү. Би өнөөх хоёр эрдэмтнийг Жүхёны зохион байгуулалтын бүсэд зочдод хоол бэлдүүлэх хэсэгт оруулчихсан. Хоол бол хийх битгий хэл, тийм юманд гараа ч хүргэдэггүй царайтай хүмүүс байна лээ.

Тэднийг Чэёон болон Жин хоёрын талаар ярьж буйг би ойлгосон ба тэр хоёрыг хормогчтой аяга угааж буйгаар хальтхан төсөөлөөд баясаж буй Лисагийн бодол руу нэг хараад би дотроо инээв. Өнөөдөр их л сүртэй, ноцтой зүйл хийх гэж байж өглөөнөөс хойш л боломж гарангуут л ямар нэг зүйл шоолж авж байлаа.

Жюви болон Юнги хоёр нийтийн энэ уулзалтыг зохицуулж буй хамгаалалтын албанд мөн л хамгаалагчийн хувцастай, энэ байгууламж дотор бол нэг ч зэвсэгтэй хүн байж болохгүй, харин манай хэд биеийнхээ дотор талаар бүрэн цэнэглэсэн байв. Бүх хүмүүс байраа эзэлж бараг л дуусаж байсан ба манай гишүүд ч мөн зохих байрлалуудаа авсаар байв. (Ер нь Лиса, Бэмбэм, Тэхён, Жимин гэсэн дөрвөн хакертайн хэрэг юу билээ, бүгдийнх нь мэдээллийг өөрчлөөд гялс сольчихсон, нийтийн хүчээр хоёр цаг л сольсон. Үүнээс удвал системийг хакадсангэдэг нь шууд мэдэгдэх ба одоо ердөө гучин минутын дараа л Чөлөөт бүсийг хянаж буй хакерууд үүнийг мэдэх байлаа. Тэднийг мэдэхэд бүгд орчихсон, байрлалаа эзэлсэн байх буй заа)

Зургаан цагаас шалгаж эхэлсээр нэг цагийн дараа бүх төлөөлөгчид, зочид цугларч дууссан юм. Чой Сынхүн эрхэм болон Жон Хусог дарга хоёр ойр зуурын зүйлс ярьж, бүх зүйл жин тан болсон ба бид бүгд бие бие лүүгээ хараад толгойгоо дохилцов.

Гэнэтхэн Лисагийн бие татвалзаад, бодолд нь баахан цус, үзэн ядалт хэн нэгний тархинд буудаж буй нь харагдаад болсонгүй, гараараа боомилж алаад, дээрээс нь сүхээр ч цохиод байгаа мэт. Ямар ч л байсан түүн шиг хүний хувьд өнгөрсөн хоногуудад нь орж ирсэн хамгийн аймшигтай дүр зураглал байсан тул би гараа зангидаад, нэг л жийрхлээ. Одоо бараг мөчөөр нь салгаж байсан тул би нүдээ аниад нэг ягаан өнгийн мөхөөлдөсний талаар төсөөллөө.

Түүний бодолд төсөөлөгдсөн нэгний царайг би хальт харав. Тийм ээ, тэр хүн. Миний дотор ч гэсэн байж боломгүй их жигшил зэвүүцэл төрсөн ба нүдээрээ гүйлгэж харвал биднээс зүүн урд зүгт нэгэн эрхмийн мөн ард нь зогсож байв. Жэнни ч гэсэн анзаарчихсан гараа атгаж, түүний тархинд ч гэсэн зэвүүцэл нүүрлэнэ...

Лиса Жон Хусог сэтгүүлч рүү тонгойн,

- Бэмээс мэдээ ирсэн. Бүх сүлжээний хэрэгслийн холбоог, сүлжээг хаасан. Одоо бил системийг хакдсан гэж мэдэгдэхэд гучин минут үлдсэн, бүх хяналтын камерууд мэдэлд бий. Одоо таны ээлж.

Тэр хоёр болон би бид гурав хирэндээ л тайвширч амьсгаа авсан ба одоо цаг дөхөж буй тул түр тэвчинэ. Удалгүй нэгэн хүн гарч ирээд, Азийн ямар нэг улсын хүн,

- Өнөөдрийн анхны Ази болон мөн Номхон далайн орнуудаас нийт дөрвөн улсын дээд хэмжээний уулзалт нээгдэж байна. Бидний хэлэлцэхээр ирсэн асуудал бол-

Өнөөх хүний үгийг тасалсаар Жон Хусог сэтгүүлч дээшээ босов. Ярьж буй хүн анхаарлаа тэр зүгт хандуулж дуугүй болоход бусад хүмүүс ч мөн бидний зүг харав. Жон Хусог сэтгүүлч өндийгөөд суудлаасаа гаран хажуугийн шатан дээр ирээд доошоо хоёр шат ахисан ба бие хамгаалагчид бэлэн байдалд орж, Жон Хусог сэтгүүлч рүү ирэх гэж байхад Жэнни болон Жюви хоёр буу гаргаж ирээд өргөн хүмүүс рүү чиглүүлж Хусог даргыг тойрон хамгаалж,

Жон Хусог дарга,

- ХЭН Ч ЯМАР Ч ХӨДӨЛГӨӨН ХИЙЖ БОЛОХГҮЙ! Хэрвээ нэг чинь л гадагшаа дохио өгч, орилж хашхирвал энд буй бүх хүмүүс ҮХНЭ шүү! Бүх сүлжээ унасан холбоо барих боломжгүй!

Тэр гадуур хүрмээ яраад хашхирах зуураа хурдхан гэгч нь цамцаа тайлсан ба нүцгэн бие дээрээ дүүрэн тэсрэх бөмбөг өмссөн байлаа. Би өөрөө ч мэдэлгүй шүлсээ залгиж, сандарлаа нуух гэж оролдсон ба, Чой Сынхүн эрхэм их л инээгээд над руу хандан,

- Хусогын баг үргэлж л галзуу аргаар мэдээлэл цуглуулж хүмүүсийг ятгадаг байсан! Урам хугалсангүй шүү. Чи тэдний багийн шинэ гишүүн юм уу гэхэд биеийн хүчээр бол арай л сул дорой юм шиг харагдаж байна. Хажууд суух уу? Хөөрхнөө?

гээд инээлээ. Би сандрах шиг болох ч биеэ барьсан байсан ба гүнзгий амьсгаа авав. Хүмүүс ухасхийн хөдлөхөөсөө ч эмээж, энэ хоромд танхим даяар чив чимээгүй болов. (Жэнни болон Намжүүн, Юнги, Бэм гээд тэдний багийн гишүүдээс харвал жирийн биш хүмүүс гэдгийг би мэднэ ээ...)