- Эдгээр дорой, дорд тѳрѳлтнийг харж байна уу? Тэднийг устгах гэж тахал, ѳвчин, дайныг дэлхий ѳдѳѳдѳг байсан ч тэд нуугдах гарц олсоор л байсан. Харин одоо эхэлж байна. Тэднийг бүгдийг нь арчиж, хэврэг зүйл болгоно. Энэ Кастиллийн иргэн бүрийн мѳрѳѳдѳл биш гэж үү?

Еэрим удирдлагын ѳрѳѳнѳѳс, дороо буудуулж газар ойчицгоох хүмүүсийг шилэн хоргоны цаанаас ширтэн, амандаа дуу аялангаа надтай ярилцаж байв. Түүний тайрмал үс мѳрѳѳр нь шүргэж, цэргийн ногоон хувцсанд нь үе үе орооцолдоно. Миний гар сандлаас хүлээстэй, хѳл доор минь үхэцгээх хүмүүс нүдэнд минь ил үзэгдэнэ. Одоо хүртэл би Еэригээс түүний урьдын ялдам аашийг нэхсээр, түүнээс хайж байлаа. Гэвч түүнд түүний жижигхэн хэсэг ч алга.

Эндээс байгууламжийн ерѳнхий үйл явдлууд бүгд харагддаг бѳгѳѳд тэр цэргүүддээ чѳлѳѳтэй байлгах хаалга, тэдэн рүү ирэх саадыг мэдэгдэж, шаардлагатай үед техникт команд ѳгѳн хаалгуудыг нээж байв. Энэ ѳрѳѳнд зѳвхѳн Еэрим бид хоёр л байлаа.

- Дэлхийд ирсэн цаг хугацаагаараа, хүч чадлаараа, удирдах хүчээрээ би чамаас хавь илүү ч, урьд хуурамч оришихуйд чиний амьдарч буй энэ бие миний огиудас хүрэм эгч байсны тѳлѳѳ би зѳѳлхѳн хандаж байна. Ингэхэд чи миний хэлснийг ойлгож байгаа биз дээ? Эр зориггүй, дээрээс ирсэн даалгаврыг үл гүйцэтгэж, буу бариад буланд зогсох гэдэг уучлашгүй зүйл.

Би үг хэлсэнгүй толгойгоо дохив.

- Чи тѳрѳлх хэлээ ойлгож байна. Бидэн шиг үнэртэж байна. Чи бидний нэг. Чи яагаад хүмүүс шиг байгааг, яг л энэ дорд амьтад шиг сэтгэл хѳдлѳл оршсоор буйд би гайхаж байна. Бидэн шиг дээд тѳрѳлтнүүд хүний биед хорогдох нь хүртэл гутамшиг байхад, тэдний сэтгэл хѳдлѳл ѳѳрт чинь үйлчилж байна гэдэг шинжлэх ухаан болоод хэв шинжийн хувьд ноцтой гажуудал үүсгэнэ.

Еэрим над уруу ойртсоор толгойд минь хүрч, эрүүг минь ѳргѳсѳѳр миний нүд рүү ширтлээ. Би түүний хүрэн ѳнгийн нүдийг ширтэхдээ гунигтай биш байж чадсангүй. Тэр намайг хэзээ ч чи гэж дуудаж, муухай харж байгаагүй.

"Магадгүй энэ харь оршихуйнууд дэлхийд ирж, ѳѳрсдийн хорогдох газар хүний биед амьдардаг байх. Харин Еэрим ѳѳрсдийнх нь нэг нь миний биеийг эзэлсэн гэж бодож байна."

Энэ удаад би жүжиглэх замыг сонголоо. Гэхдээ юу гэж хэлэх вэ? Энэ биеийн эзэн намайг эсэргүүцэж байна. Би сул дорой. Юу гэж хэлэх вэ?

- Чи яагаад над уруу тѳрсѳн эгч шиг минь орилоод, энэ биеийн нэрийг дуудаад байсан юм. Арчаагүй дорой хүний сэтгэлийг хүртэл булааж чадахгүй, түүнийг дарж чадахгүй байна уу? Тэр үед энэ биеийн хуучин эгч нь уйлаад дуудаж байсан. Чи энэ биеийг бүрэн эзлэхэд юу дутуу байгааг харцгаая.

- Би энд яагаад, яаж ирсэн зорилгоо мэдэхгүй байна. Энэ биед ирэх, үүрлэх зорилгоо ч тэр.

Тѳрѳлх хэл Солонгос хэлээрээ түүн рүү бувтнасаар, би нүдээ анин хэлнэ. Харь гарагийнханы тѳрѳлх хэлээр ярих нь битгий хэл, тѳсѳѳлж ч чадахгүй нь. Миний бие ямар ч хэлийг чиг шулуунаар ойлгож, түүний уг чанар нь ямар байсныг надаас нуудаг. Би шууд л Солонгосоор сонсдогоос биш хадмал кино үздэг шиг байдаггүй.

Еэрим миний хэлснийг сонсоод хѳмсгѳѳ нумруулан, эргэж хараад гурван ч хаалга нээлээ. Цаашаа цэргүүд орж, тэд эрдэмтдийн бүсэд ороод ирсэн нь илт мэдэгдэн, лаборатори доторх буудалцаан зүрх эмтрэм үзэгдэнэ. Би дэлгэцээс нүүрээ бууруулсаар хѳл рүүгээ ширтлээ.

- Дорой битгий бай. Чи зорилго, мѳн чанараа ойлгох хэрэгтэй. Кастиллын аль ч иргэн шавьжны үхлийг хараахаасаа эмээх ёсгүй.

Еэрим урд минь зогсоод эрүүнээс минь дээш ѳргѳж дэлгэц рүү харуулав. Том дэлгэцэн дээр ахан дүү, ижил тѳрѳлтѳн минь үхэцгээх бѳгѳѳд би нүдээ цавчилгүй ширтэн байлаа.

- Чи зүгээр л мартсан байна. Эргэж санаад нэгд. Би ѳѳрийн цэрэг бүрээ хайрлах болно.

Тэр хүлээг минь халаасан дахь хутгаараа огтолж тайлан, буйдан дээр суулгав. Энэ ѳрѳѳ жижигхэн, буйдан болон ѳрѳѳний камеруудаас бүрддэг, энэ барилга дотор хаана юу болж буй, аль хаалга нээгдэж хаагдахыг хүртэл удирдана.

Еэрим нэгэн том хаалгыг нээгээд миний урд сандал татсаар суулаа.

- Бидэнд таван минут байна.

Еэри ярьж эхлэв.

"Бидний эрхэм дээдэс эцэг эх, Кастилл гарагийн анхны оршин суугчид бол Илионс болон Дармурт. Тэд энэ дэлхийн оршин суугчид байсан юм. Хүний хугацаагаар 1 сая жилийн ѳмнѳ бидний дэвшил туйлдаа хүрч, энэ дэлхийн анхны эзэгнэгчид нь бид байсан юм. Гэвч дэлхийд зуун жил үргэлжилсэн мѳстлѳг болж бидний ѳвѳг ѳѳрсдийн гэрээсээ дүрвэхээс ѳѳр аргагүй болсон. Тийм учир Илионс болон Дармурт хоёр Кастилл дээр оршихоор ѳѳрсдийн хүмүүстэй ирсэн юм. Тэд энэ гамшгийг мэдэж аварга том хѳлѳг бүтээж, сансраар хоёр жил ниссэний эцэст одоогийн Кастилл гараг бидний шинэ гэр болсон.

Бидний угсаа гарал дэлхийнх, бидний тѳрѳлх нутаг, анхны иргэншил дэлхий. Бид дэлхийн шороо, ургамал, амьтан, үндэс бүрийг ѳѳрсѳд шигээ хайрладаг байлаа. Гэвч үр удмаа цааш үргэлжлүүлэхийн тулд бид энэ гарагаас дүрвэхээс ѳѳр аргагүй болсон. Бид дэлхийтэй холбоотой байж, түүн дээр юу болж буйг мэдэхийг хүсдэг байсан. Гэвч дэлхийд болж буй эрин галавуудын гамшгийн аль нь ч биднийг очихыг зѳвшѳѳрѳѳгүй.

Бид жижигхэн гарагтаа ханаж, энэ хангалттай санагдаж эхэлсэн.

Үлдээсэн ул мѳр, зэр зэвсэг, биднийг байсан гэж гэрчлэх юу ч дэлхийд үлдэж чадаагүй. Усан галав, шороон галав, мѳстлѳгийн үе, их солируудын дунд усанд хаясан чулуу шиг л бутран унасан. Тэр үед дэлхий дээр байсан үзэсгэлэнт амьтад, жигүүртэн шувуудыг бүгдийг хѳнѳѳсѳн. Сая жилийн ѳмнѳ дэлхийг ноёлон байсан амьтдаас бид л үлдсэн.

Бидний дараах дэлхийг давамгайлагч нь эдгээр шавж мэт хүмүүс. Дорой, сэтгэл хѳдлѳлдѳѳ захирагддаг, хүчгүй, бидний жинхэнэ эх орныг шумуул шиг шимэгчилж амьдарч буй хүмүүс. Дэлхий тэдэнд тахал, дайн, ѳвчин, байгалийн гамшгаар цѳѳрүүлэхийг хүсэх ч тэд эргэж боссоор байсан. Илүү их хѳгжиж, улам сохор болж, гишгэх газар бүрээ нандигнадаг байсан бидний итгэлийг уландаа дэвссэн юм.

Сая жил Кастилл дээр ѳнгөрѳѳж, бид дэлхийд эргээд суурьших цаг болсон гэж үзсэн. Кастилл бол үржил шимтэй, хѳрс сайтай, баялаг ихтэй үзэсгэлэнтэй гараг биш. Тэнд бороо, цас ордоггүй газарт хүрэхээсээ ѳмнѳ ууршдаг газрууд тавин хувийг нь эзэлдэг.

Харин дэлхий бол ариун бүхний эх булаг. Хамгийн үзэсгэлэнтэй гараг. Амьдрал, үржил шимтэй бүхэн үүсэж болох хамгийн зѳв байрлалтай газар. Энэ нарны аймаг дахь тэрбум оршихуйнуудаас цэцэглэж чадах тѳгс ертѳнц. Нарны гэрэл, агаар мандал, олон сая жилд хувирсан чулуулгууд, ашигт малтмал, шинэ тѳрѳл зүйлийн ургамлууд.

Бид дэлхийг үнэн зүрхнээсээ хайрлаж шүтэн биширсээр ирсэн. Харин энэ хүмүүс бол тэднийг шүтэх биш сүйтгэдэг. Хайрлах биш устгадаг. Дэлхий тэднийг хайрласаар байхад, эцсийн амьсгалаа хураатлаа тэмцсээр байхад тэр байгаа зүйлдээ ханадаггүй. Бид ѳѳрсдийн ѳрѳвдѳлтэй тѳрѳлх нутгаа харах мѳчид хүн тѳрѳлхтѳнийг устгана гэж шийдсэн юм. Тэд ахиж энэ гарагийг давамгайлж оршигчид байхгүй. Байгаа зүйлдээ ханаж чадалгүй, энэ тѳгс зүйлийг ийм байдалд хүргэсний тѳлѳѳ бид тэднийг ахин оршихгүй болтол сѳнѳѳх болно. Ул мѳр, хийсэн зүйлс, босгосон иргэншил нь устаж алга болно. Бид энд дэлхийг ахин сэргээх нэгэн зорилгоор нэгдсэн. Ахин дэлхийд амьдарч, ѳѳрсдийн үзэсгэлэнт соёл иргэншлээ бид тогтоон, түүнийг сэргэж, ахин сэргэхэд туслах болно. Бид дэлхийг хайрлаж, сая жилийн ѳмнѳ байсан шиг мѳнх ногоон дэлхий болгоно. Бид бол хүмүүсийн хувьд эндхийн хүмүүсийн хэлдгээр гэм нүглийг нь үүрүүлэх шүүгч.

Одоо дэлхий хүмүүсийг хянаж чадахаа больж эхэлсэн. Түүний тахал, ѳвчин бүхнийг тэд эсэргүүцэж, байгалийн гамшгийг хуурч, цаг агаар хүртэл удирдахыг оролддог. Тэд энэ ертѳнцийн тэнцвэрээр нааддаг. Харин бид хянана. Уугуул оршин суугчид, Кастилл гарагийн иргэд. Дэлхийг хэт даврагчдыг устгаж, хѳнѳѳж, тэднээс татгалзахдаа нуруугаа хурдан л харуулдаг байсан. Диназоврууд, Роарууд одоо хүмүүс. Гэвч дэлхий тэдэн лүү нуруугаа харуулж чадахгүй. Тэр одоо доройтож сѳнѳсѳн. Бид ийм л үүргээр ирсэн. Бид бол энд ирсэн анхдагч, эхний хүчин."

Кастилл гарагаас дэлхий хүртэл 58000 км/ц хурдтайгаар, дэлхий дээрх цаг хугацаагаар 2 жилийн турш явж хүрдэг. Энэ гараг Ангараг болон Бархасбадь гарагийн дунд жижигхэн 3000 гаруй гарагуудын дунд орших жижигхэн гараг юм.

Анх дэлхийд судалгаа хийх зорилгоор хѳлгүүд хѳѳргѳгдѳж, энэ нь яг солир шиг харагддаг байна. Тэд солирын дотор ѳѳрсдийн сүнсэн чанартай оюун ухаанаа хадгалж, тэдний орогнож чадах хамгийн зѳв бүтэцтэй, цаашид хүмүүсийг таньж судлахад тохиромжтой газар хүний бие л байсан байна. Тэд зургаан жилийн ѳмнѳ анхны газардалтаа хийж байсан бѳгѳѳд, 2 жилийн аяллын хугацааг Кастилл гарагийн оршин суугчдын бие тэсэхгүй тул тэдний оюун санааг, ( дэлхийн хүмүүсийн хэлдгээр сүнс) -ийг нь тодорхой газарт хадгалж, энэ нь агаарт дэгдэн манан үүсгэдэг байна. Хүний амьсгалын эрхтнээр нэвтэрч, урьд байсан биеийнхээ шинж чанарыг хадгалаастай байдаг ба нэвтэрч эзэмшсэн бие нь Кастилл дээр байсан шиг тѳгс хүчтэй биш ч энгийн хүмүүсээс аль ч талаараа хамаагүй илүү болдог. Дор хаяж л тэд дэлхийг судлахын тулд таван жилийг зарцуулжээ.

Жисү хүмүүсийн хэлж буй зүйлийг шууд ойлгодог. Хүмүүс аль ч хэл дээр юм хэлсэн тэр шууд л ѳѳрийн мэдэх хэлээрээ сонсоно. Би Японоор үг хэлэх ч тэр Солонгосоор л сонсоно. Тийм учир хүн ямар хэлээр ярьж буйг мэдэхгүй. Харь гарагийнхан, Япончууд, Олон улсын тагнуулын хэл гээд бүхнийг ойлгох болно.