Чэёон халаасаа уудалсаар цулгай цагаан савтай, эм бололтой зүйл гаргаж ирэв. Тэдэн лүү буу чиглүүлж байсан цэрэг хэд дахин сануулж хашхичсан ч түүнийг зогсоож чадсангүй. Чэёон савтай эмээ сэгсэрсээр Ким Согжин болон ѳѳрийнхѳѳ гар дээр олон ширхэгээр нь асгав.

Хахир хоолойт, хар ѳнгийн дугуй малгайтай, ногоон ѳнгийн гэхдээ нийтлэг цэргийн дүрэмт хувцаснаас ѳѳр ѳмсгѳл ѳмссѳн эрхэм тэдэнлүү харцаа шилжүүлэв. Жэнни Лисаг босгох гэж оролдсон ч, хоёр ч цэрэг буугаа чиглүүлсэн бѳгѳѳд, Лиса ѳнѳѳх хахир хоолойтын доор газар суусан чигтээ л байв. Учир нь ѳнѳѳх хѳгшин мѳн хүйтэн эрхмийн баруун гар дахь буу түүний толгой руу чиглүүлэгдсэн байлаа.

Чэёон ѳнѳѳх эмнүүдээ гараараа имэрсээр,

- Хэрвээ Лалиса Манобан болон Ким Жэнниг хамт авч явахгүй бол бид ч гэсэн энд үлдэх болно. Яг энд, хор ууж үхэн, хоёр цогцос болно.

Ким Согжин ѳнѳѳх цагаан эмнүүдээс эргэлзэлгүйгээр гартаа атгана. Тэр хоёр хэчнээн их бие биедээ итгэдэг нь харагдаж байлаа. Ким Согжин Чэёоны мѳрѳѳр тэвэрсэн хэвээр, зүүн гартаа нѳгѳѳ эмнүүдээ бэлэн байлгана.

- Тэгвэл уу л даа. Стелла Марис болон Ким Согжин, та нар шиг цэвдэг, хүний үнэргүй амьтад хэн нэгний тѳлѳѳ ѳѳрийгѳѳ зольж чадна гэж үү? Та нарын хийсэн тариа, химийн шинжийг нь ѳѳрчилсѳн хар тамхинд хэчнээн хүн үхсэн бэ? Энд үхвэл тэдний сүнс амирлана. Би та нарыг үхчихсэн байсан гэж зѳвлѳлд мэдэгдэнэ. Ийм зүйл хийсний чинь дараа үлдсэнийг чинь толгой дараалан буудах болно.

Чэёон чанга гэгч нь хѳхѳрч эхлэв. Ким Согжин эмч инээмсэглэсээр,

- Шийтгэл л гэх юм. Чам шиг долоон хэлтэй бүдүүлэг амьтад биднийг гэсгээдэг нь биш. Бид үхэх болно. Энд ѳт хорхойнд идүүлж, махчин шувууны хоол болно. Гэхдээ үхдлийн эсрэг тэмцэж чадахуйц бодис бидэнтэй ч хамт үхнэ гэдэг гунигтай юм.

Чэёон болон Ким Согжин хоёр галзуу юм шиг, нулимс нь гарах шахуу инээцгээх нь хачирхалтай. Эдгээр хүмүүс ямар нэг холбоогоор холбогдсон, биесийнхээ бодлыг унших мэт л байх аж.

- Үнэндээ надад энэ дэлхий сүйрэх эсвэл сѳнѳх эсэх хамаагүй. Миний тодорхойлолтод бичигдээгүй байна уу? Би хүмүүстэй хамт байх дургүй. Тэдний гутам бохир, заваан, шунал, тачаалын үнэр миний дотрыг муухайруулдаг. Чамаас ч ѳмхийрсѳн цусны үнэр бѳѳлжис хүрмээр анхилж байна. Надад чухал хүн минь ганц л бий. Энэ нь Ким Согжин, би энэ хүнтэй хамт үхнэ. Одоо харж байна уу? Надад үхэхэд асуудал алга. Би зүгээр л Лалиса Монабонг авах ёстой зүйлээ хүртээсэй гэж хүсэж байна. Тэгвэл бэлгийн сулралтай ѳвгѳн минь чамд хэлэх үг чинь байна уу?

Лиса Чэёон руу ширтсээр, түүний уруулаар үг үл давна. Жэнни ямар нэг зүйл болвол бэлэн байх гэсэндээ ѳмднийхѳѳ халаас руу бага багаар гараа явуулж байв. Тэрнийг харгалзаж буй хоёр цэргийн анхаарал тэдэн лүү хандагдан суларсан байлаа.

- Би та нарт хэрхэн итгэх юм?

Хахир ѳвгѳн буугаа Лиса руу чиглүүлсэн хэвэндээ асууна.

- Чиний л дур. Бид үхдлүүдийн нэгдлийн элемэнтүүдийг судалсан. Энэ дэлхийд байхгүй бодисоос тогтож, хүний биеийг мутацид оруулж, тархи нь тодорхой ѳгѳгдлүүдэд программчлагдсан мэт хариу үйлдэл үзүүлдэг. Та нар энийг эрт мэдсэн байх ёстой. Бид дэлхий урьд нь оршиж, судлагдаж байгаагүй тэр бодист эсэргүүцэх зүйл бүтээж чадахгүй. Харин уг элемэнттэй биеэ зохицуулж чадна. Нэг ёсны бид оюун ухаанаараа хүн боловч бие физиологийн хувьд үхдэл болно гэсэн үг.

Пак Чэёон ярьсаар, хахир хоолойт дуугүй л сонсоно. Тэр эргэлзэж эхэлсэн байв. Жэнни ямар нэг зүйл хиймээр байсан ч түүнд элдэв санаа орж ирэхгүй байсанд уур нь хүрэн, бачимдана.

Чэёон Жисүд хэд хоног шинжилгээ хийхдээ түүнээс ямар нэг бодис илрүүлж чадаагүй бѳгѳѳд, цусанд нь нэгэн тѳрлийн зүйлийн найрлага нь ихэсч, шинжлэх ухаанаар гэхэд хэцүү ч түүнд ямар нэгэн хийсвэр найрлага байгаа мэт санагдсан ч ам нээгээгүй үлджээ. Бодит зүйл дээр авч үзвэл Жисүгийн бие энгийн хүнээс огт ялгаагүй, гэвч туршилтын үр дүнгүүд ѳѳр зүүг заана. Ийм учир арга ч мухардсан юм. Үхдлүүдээс тодорхой бодисууд илэрч байсан ч энэ нь биед муу нѳлѳѳтэй, бас үхдэл бүрт багахан хэмжээгээр агуулагдаж байсан тул хангалттай хэмжээг гаргаж авч чадаагүй байна. Чэёон урьд нь ч Жисү болон "харь гарагийнхан" гэж нэрлэгдсэн зүйлүүдээс санаалан энэхүү зүйлийг бодит болгохоор судалж эхэлсэн ч гарт мэдрэгдэхээр үр дүнгүй байсаар байгааг бүгд л мэдэж байв. Хүнийг араатан болгож хувиргадаг тухайн элемэнтийг хүлээж авч чадах тийм биетэй хүнийг бүтээнэ гэсэн үг. Чэёон Лисагийн тѳлѳѳ худлаа ярьж байв.

Чэёон ийнхүү хэлсээр араас нь аяархан бувтнана. "Эгчээ битгий ирээрэй."

Жэннид, Лисад бүгдэнд нь итгэл найдварын гал очтох бѳгѳѳд, хахир хоолойтын юу хэлэхийг хүлээнэ.

- Тэгэхээр ѳвгѳн минь чиний тэр хайрлаад байдаг гэмгүй ариун хүмүүстээ тусалж чадах зүйлийг энд тэгшилмээр байна уу?

Чэёон ѳдѳнгүй дуугарах бѳгѳѳд, хахир хоолойт ч бууж ѳгѳхгүй шинжтэй байсан ч тэр гэнэт л бодлоо ѳѳрчлѳн дуугүй боллоо.

- Тэгвэл Лалисаг авч явцгаая.

Түүний хэлсэн үгэнд бүгд нэгэн зэрэг тайвшран сая л нэг түгжирсэн амьсгаа буцан гарах шиг болно. Жэнни нүүрэндээ инээмсэглэл тодруулна.

Бүгд анхаарлаа хоромхон л сулруулах уг баясгалант агшинд энэ зүйл тохиолдсон юм. Ѳнѳѳх хүн хүйтнээр инээвхийлэн, гараа ѳргѳвѳл Пак Жимин, Ким Жэнни болон Ким Согжин, Пак Чэёон руу улаан ѳнгийн шингэнтэй сумнууд гэнэт л буудагдаж, тэд дороо сѳхрѳн унацгаана.

Хахир хоолойт нам гүмийг эвдэж алга таших нь дээврээр цуурайтна.

- Та нар хангалттай сайн жүжиглэж байна. Би холбооны мѳрдѳгчѳѳр хорин жил ажилласан. Хэн худал ярьж, хуурах гэж буйг шууд мэднэ. Чиний гаргаж буй санаа чинь авч үзмээр л юм Стелла Марис. Гэхдээ бүтээгүй гэдгийг чинь би мэднэ. Очоод та хоёр энэ дэлхийн тѳлѳѳ хүссэн хүсээгүй ажиллах л болно. Амиа хорлохыг чинь хориглож, ажиллахгүй бол тамлана. Та хоёр луу сая буудсан мэдээ алдуулагч сум эхнийх нь л байна. Тэд чамайг амиа хорлохыг хүстэл чинь тамлах ч зѳвшѳѳрѳхгүй. Хэн нэгнийг хуурах гэж оролдсон бол ял үүрэх ёстой. Тийм биз Пранпияа?

Тэр түүний урд унасан хэвээрээ сууж буй Лиса руу гараа сунган үсэнд нь хүрвэл, Лиса түүний гарыг хүчтэйгээр түлхлээ. Тэр Лисагийн хацраар гараараа илэхэд Лиса уурсан ахин түлхэнэ.

- Тэдний бие хѳдѳлгѳѳнгүй ч чамайг харж бас сонсож байгаа. Бусад найзууд чинь ч чамайг аварч чадахгүй.

Хахир хоолойт инээсээр,

- Хэрвээ чи үхчихвэл чамайг авч явах шаардлагагүй болно тийм үү?

Ѳнѳѳх хахир хоолойт Лисаг угзчин чирж, түүнийг эсэргүүцэж байгааг үл тоон дээш ѳргѳв. Түүний урт гар, нарийхан хѳл нь бяр суусан цэргийн хүний дэргэд цохилтын тѳдий ч болохгүй аж. Тэр мэдээлэл технологийн системийг тѳгс эзэмшсэн нэгэн ч биеийн чадлын хувьд тийм ч сайн биш, гар буу барьж чадах ч түүнд тийм зүйл байсангүй.

- Чи үхэхээсээ ѳмнѳ хүчирхийлүүлж үзсэн үү?

Аниргүй дунд цуурайтах дотор муухайрам эдгээр үгс.

Хахир эрхэм Лисагийн бэлхүүсээр нь гараа ороовол, Лиса халаасанд байсан хутгаа гаргаж ирэн түүний хацрыг зүсэв. Тэрний хүзүүг даган цус олгойдон урсах ч, хахир эрхэм ажирсангүй ч үгүй, түүнийг зугтаалгалгүй гараараа хавчсаар л байх аж.

- Наад заваан гараа тат.

Лисагийн гар чичирсээр, түүний харц ширүүсэн муухай харна. Шүд нь чичирж, хутгаа далайсаар агаарт савчина.

- Ѳлѳгчин.

Хахир хоолойт Лисагийн үснээс угзарч татсаар дээврийн ирмэг рүү чирнэ. Лиса муухай орилж, хашхирч эсэргүүцэх ч, түүний хутгийг булааж авсан, салхинд хийсчихмээр хѳнгѳхѳн бие нь бадриун нэгнийг дийлэхгүй. Тэднийг дагалдан явах цэргүүд шоолж инээх нь дургүй хүрэм. Тэд цэргийнхнээс арай ѳѳр хувцас ѳмсѳж, илүү бэлтгэгдсэн цэргүүд гэдэг нь илт. Пак Чэёон, Ким Согжины зэрэглэлийг авч үзэхэд зѳвлѳлѳѳс тэдэнлүү ямар цэргүүдийг явуулсан гэх вэ?

Тэр Лисагийн үснээс чирсээр хүзүүг нь боогоод дээврийн хашлага руу тонгойлгов.

- Тэгэхээр-

Ѳнѳѳх хахир хоолойтыг үгээ хэлж дуусаагүй байтал Лиса нүүрлүү нь нулимаад инээд алдлаа.

Харанхуй тэнгэрт ододгүй, ѳндѳр барилгын дээвэр дээр салхины ч чимээгүй. Шуурганы ѳмнѳх нам гүм адил аниргүй ноёрхож, нисдэг тэрэгний гэрэлд сѳхѳрсѳн, биеэ мэдрэхээ больсон дѳрвѳн хүн үзэгдэнэ. Хашлаганы наана нүд хальтрам дүр зураг тохиох аж.

- Би түүнийг авч явахыг үнэхээр хүссэн ч тэр уначихлаа. Харамсалтай юм.

Пак Чэёон, Ким Согжин, Ким Жэнни, Пак Жимин нар бүгдээрээ газарт хэвтэн хѳдѳлж ч, дуугарч ч чадахгүй тэрийн хэвтэцгээнэ.

Мин Юнги, Ким Тэхён, Жон Жонгүг болж буй үйл явдал яаж ѳрнѳж байгааг мэдэхгүй, шулуунаараа нисээд очиж ч болохгүй. Тэдэнд мэдээлэл гэхээр зүйл ѳгѳх ахин нэг богино холбоо дамжуулагч нь ѳнѳѳх эрхмийн дэвсэлтээр эвдэрсэн. Ийм зүйл болно гэж тѳсѳѳлѳѳчгүй байдал нь тэднийг самггардуулна. Мин Юнги хэрэгтэй үед гэнэт нисэхэд бэлэн байхаар бэлдэж, Ким Тэхён Жисү Намжүүн хоёрын араас гүйв. Гэвч нэгэнт хожимдсон байлаа. Үйл явдал хормын тѳдийд л ѳрнѳчихсѳн юм.

Жисү хэрэг бишдсэнийг ойлгон шатаар дээшээ гүйсээр л байв. Түүний нүднээс нулимс тасралтгүй урсаж, ухаанаа алдах шахан уруул нь чичирнэ. Дээврийн хаалганы завсраар нисдэг тэрэг болоод цэргүүд ил харагдах бѳгѳѳд, Жисү хаалгийг нь татаад гарахын ѳмнѳ түүнийг хэн нэгэн хойшоо татав. Ким Намжүүн түүнийг дээвэр дээр гарахаас урьтан биеийг нь ѳѳрлүүгээ татаж, орилохоос нь ѳмнѳ амыг нь дарав. Намжүүний гар Жисүгийн нулимсанд норсоор, бүтэн бие нь Жисүгийн тийчлэхийг зогсоох гэж чангарна. Жисү Намжүүний гар дотор орь дуу тавин орилж байлаа. Дуугүй болсон уруулнаас нь үгс унахгүй, Жисү дотроо амь тавин хашхирна. Хѳлѳѳ цуцтал гүйсэн ч... чадсангүй.

- Тэр түлхчихлээ... Лиса! Лиса! Тэр түүнийг түлхчихлээ. Би оройтчихлоо... би!

Шѳнийн харанхуй тэнгэрийг бѳглѳн, хѳвѳн адил бүрхэх үүлсээс бороо ганц нэгээрээ дусалж эхлэх нь муу ёрын аж. Барилгын хажууд байх ѳндѳр шонгийн хажууд тэнгэрээс нэгэн зүйл хүчтэйгээр унана. Яс үйрч бяцран, шинэхэн цусны үнэр чийгийн үнэртэй холилдон тархаж, манан мэт гуниг сѳнѳсѳн гудамжуудыг дүүргэнэ.

Шингэж буй нарны туяа мэт улбар үсэнд цус нэвчин ѳнгийг нь солино. Улаан...

Жисү гараа хий савчин, чихэнд нь ирэх тэр зүрх хиртхийм чимээнд чичирсээр, чихээ даран дотроо хашхичсаар л байв.

- Тэд булаачихлаа... тэд.

Бороо зэвэрсэн хогийн сав, шатсан гэрлийн чийдэн, модон хашаатай эмийн сан дээгүүр бүхнийг түлэн дуслана. Яс бас арьсны ч түлэгдэх чимээ сонстох аж.