Дэлхийд хаа сайгүй солир унаснаас болж бүх газар хѳдлѳлт эхэлжээ. Энэ нь газрын гүний нѳлѳѳгѳѳс болж биш, далайд унасан жижигхэн солируудаас үүдсэн байна. Дэлхийн тодорхой бүсүүдэд унаж, яагаад ч юм энэ нь дэлхийн том галт уулсыг ѳдѳѳжээ. Үүнээс болж станцууд нурж, дэлхий даяар нуранги үүсэж, галт уулын утаанаас болж гурван ѳдѳр шѳнѳ болж, дэлхийн дундаж температур 2 градусаар багассан байна. Үүнээс болж олон тооны амьтад, шувууд дасаж чадалгүй үхэж, галт уулын хѳл хүрээгүй газруудад ч гамшиг тохиолдсон байна.

Аль ч улс хүний биохимийн шинж чанарыг ѳѳрчлѳх, хүнээр хийх химийн зэвсэг, амьтдыг ѳѳрчлѳх судалгаанд тодорхой байдлаар хориг тавьсан байлаа. Ийм учир аль ч бүсэд хүний химийн шинж чанарыг ѳѳрчилж чадахуйц хортой химийн зэвсэг тараагдах боломжгүй байсан ба уг зүйлийг бүтээх гэж хувийн хэд хэдэн эрдэмтэн оролдсон боловч, аль ч улсаас тодорхой санхүүжилт ѳгѳхѳѳс татгалзаж жижиг ч зүйлд хүрч чадаагүй юм. Ийм ч учир дэлхий дахинд үхдэл үүсэх боломж хэзээ ч байхгүй гэж үзэгдэж байв.

Гурван хоногийн харанхуйд хүмүүс хорогдох байранд нуугдаж, элдэв чимээгүй ѳнгѳрчээ. Үүний дараагаас гэгээ гарах үед тодорхой бүсүүдэд унасан солируудыг судлахын тулд шинжээчид очиж үзсэн байна. Гэвч аль ч бүсэд очсон судлаачид эргэж ирээгүй бѳгѳѳд , холбоо тасарчээ. Олон улсын багийнхан арга хэмжээ авж чадалгүй, тун удалгүй үхдлүүд цогцос идэж байгаа ѳт шиг л их үржсэн байна. Ердѳѳ нэг л шѳнийн дотор олон улсууд сүйтгэгджээ. Хаа сайгүй үхдэлд хазуулж, идүүлэх хүмүүс ихэсч, дэлхий замбараагаа алдсаны эцэст шуурхай арга хэмжээ авч, "Нээлттэй бүс"-үүдийг байгуулж эхэлжээ. Мѳн хүмүүсийг онгоцоор нүүлгэн шилжүүлж, голомтуудад бѳмбѳг тэсэлсэн байна. Шоргоолжны үүрэн дээр увайгүй нэгэн гишгэсэн мэт сүйдэж байлаа. Тодорхой дүгнэлтэд хүрч чадаагүй байхад Хоккайдод бужигнаж буй үхдлүүдийг дүрсийг бичиж цахим сүлжээнд байршуулж, энэ нь мэдээ хүрээгүй улс орнуудад түгшүүрийн дохио илгээжээ. Ор үндэсгүй олон мэдээ ч гарч, бүхий л эх үүсвэр Хоккайдогоос эхэлсэн гэж хүмүүст итгүүлж, үл мэдэгдэх солируудын яриа түр намжсан юм. Тийшээ явсан хүмүүс эргэж ирэхгүй тул тодорхой дүгнэлтэд хүрч чадахгүй байв.

Анх үхдэл тархаж эхэлсэн бүсүүд нь солирын ойр орчим байсан бѳгѳѳд тэр хавийн газруудыг сансраас авсан зургаар тодорхойлон тэсэлгээ хийжээ. Гэвч уг мэдээллийг олон нийтэд цацахаас татгалзаж, илүү нарийн судалгаа хийхийг хүссэн байна. Сүйрлээс хойш арван хоног ѳнгѳрсѳн байхад Олон улсын судалгааны баг үүнээс ѳѳр мэдээлэлгүй байжээ. Лиса бүхий л зүйлийг мэдэхийг хүсдэг учир сүйрэлтэй холбоотой судалгааны материалуудыг бүгдийг нь цаг тухайд нь хүлээж авж байжээ.

Гэвч ердѳѳ сүйрлээс хэдхэн хоногийн дараа дурангуудад үхдлүүдийн хажуугаар зүгээр л алхаад явчихдаг, тэднийг үхдлүүд хѳѳдѳггүй, хүмүүс рүү зэвсэглэн галт зэвсгээр дайрах хүмүүс мэр сэр ч биш олон тоогоор үзэгдэж эхэлсэн байна. Энэ нь Олон улсад түгшүүртэй байдал авчирж үүний учрыг олж чадахгүй л байв. Дархлаа тогтсон хүмүүс оршин байна гэдэг боломжгүй бѳгѳѳд, энэ асуудлын гарцыг тайлахын тулд мэрийсээр байв. Хэдий дэлхий дахинд мэдэгдээгүй хэдий ч, тодорхой хэмжээгээр шинжээчид юу болохыг таамаглаж эхлэв.

(Ѳмнѳ нь арван жилийн зайтай, гурван ч удаа солир дэлхий дээр унаж байсан ба уг солирын найрлагад ѳмнѳ нь дэлхий дээр оршиж байгаагүй хий агуулаатай байсан нь судлагдахаасаа ѳмнѳ агаарт замхарч алга болж байжээ.)

Үүний дараагаас тусгай хүчнийхэн үхдлүүдийн хажуугаар алхаж буй хүмүүсийн нэгийг нь барьж аваад байцаалт явуулсан байна. Уг хүний биеийн бүтэц хэвийн хүнээс ялгаатай, бие махбодын хѳгжлийн хувьд ч хавь илүү ба хѳдѳлгѳѳний хувьд ч шаламгай, мѳн түүний биеийн найрлагад ѳѳр бодис байгааг илрүүлсэн нь дэлхийд олон жилийн ѳмнѳ унасан солиртой ижилхэн байж гэнэ. Уг хүн гэх зүйл нь ганц ч үг хэлэлгүй хэлээ хазаж үхсэн байна.

Хэд хэдэн тийм хүмүүсийг олж тамлаж тарчлаасан ч аль нь ч үр дүнд хүрч чадаагүй бѳгѳѳд, тэд бүлэглэж хаа нэгтээ орогнож эхэлсэн байна. Одоог хүртэл орогнох байр нь хаана буй нь олдоогүй хэдий ч, нийт засгийн газрууд тийм хүн харвал шууд л "буудаж хороох" даалгавар ѳгсѳн аж.

Эрэлчид битүүмжилж, хамгаалагдсан хувцас ѳмсѳн солирууд унасан далай орчмын ус, хий болоод найрлагыг нь шалгаж үзвэл энэ бүгд нь бүхий л үхдлүүдийн эх үүсвэр болох халдварыг тээсэн байсан бѳгѳѳд энэ явцад олон ч эрдэмтэн үхсэн учир хүн хүчээр дутагдаж байгаа аж. Мѳн сансарт байрлуулсан байсан долгионд ямар нэг биетийн хѳдѳлгѳѳний дүрс бичигдэн үлдсэн байжээ. Гэхдээ үндэс суурьгүй бѳгѳѳд харин Лиса бол энэ бүхэн харь гарагийнхантай холбоотой гэдэгт нягт итгэж эхэлсэн юм. Ѳмнѳ нь ч олон тохиолдолд дэлхийн тойрон эргэх гадны биетүүд үзэгдээд, тѳд удалгүй хаашаа ч юм сарничихдаг байв. Гэвч одоог хүртэл энэ бүхэн юу талаар огт мэдээгүй байгаа бѳгѳѳд, үхдлүүдийн ѳѳрчлѳлтѳнд орсон бүтэцтэй тун ижил хүмүүсийг "харь гарагийнхан" гэж нэрлэж, тийм нэгэнтэй таарвал хѳнѳѳх талаар дурдсан байна.

Засгийн газрууд, Олон улс тодорхой дүгнэлтэд хүрч чадаагүйдээ бухимдан, хамгийн түрүүнд үхдлүүдийн асуудлыг шийдэхийг хүссэн байна. Тийм учир онц ноцтой гэмт хэрэгтнүүд ч хамаагүй ашиглахыг хүссэн. Одоо ч шинжээчид хэдэн жилийн ѳмнѳѳс дэлхийг тойроод байсан дагуулуудын зураг, мѳн гэнэт л тойрог замаа ѳѳрчилж халдвар тээсэн солир, мѳн амаа үдчихээд хүн атлаа бусдынхаа ѳмнѳѳс босох биетүүдийн талаар эрчимтэй судалгаа явуулсаар л байв.

Гэтэл үүнээс цааш олон хоног ѳнгѳрѳѳгүй байтал маш нарийн долгион сансраас дэлхийд ирсэн байна. Энэ долгионыг сүүлчийн хэсгүүдийг тэр даруй бичиж авсан ба энэ үеэр химийн лабораторид байсан үхдлүүд ч илэрхийлж чадамгүй үйлдлүүд үзүүлсэн байна. Ингээд "харь гарагийнхан"-ы талаарх бодлууд бэхжиж эхэлсэн ажээ. Уг долгионыг одоо хүртэл тайлж чадаагүй байгаа бѳгѳѳд хүмүүс яг юу тохиолдох гээд байгааг, энэ байгалийн гамшиг, амьд үхдлүүд санаандгүй биш явдал гэдэгт итгэцгээж байв.

Жисүд болоод бусдадаа Лиса энэ талаар ам нээж, тэд бүгд дороо бодол болсон байлаа. Хараад байхад ямар ч мэдээлэл Лисагийн хувьд шилэн данс мэт л ажээ.

-

- Тэгэхээр Чэёон чамд уншигчдад хандаж хэлэх юм байна уу?

- Би ягаан ѳнгѳнд дуртай болохоор л миний бүх хувцас ягаан ѳнгѳтэй. Энэ тал дээр тайлбар хийхийг хүсэхгүй байна.

- Юу л даа-

- Би юмсыг санамсаргүйгээр хийдэггүй бас зугаацахын тулд ч хуурдаггүй. Би хаана юу болж байгааг их сайн анзаардаг ч хүмүүст хэлдэггүй юм. Энэ чинь намайг авч явж байгаа ганц шинж чанар байхгүй юу (жуумалзав). Яахав, би Жисү эгчийн хѳхийг үргэлж барьдаг нь бол тоглоом л доо. Яг ч тоглоом биш, хар даа миний цээж бараг л ширээ байхад, Жисү эгчийнх товойгоод гоё байдаг юм. Бас гарт яг таараад, ѳѳрийнхѳѳ хѳхийг ба-