Пак Чанёол, Ким Жундэ

Цуст өшөө авалтууд Солонгос улсын өнцөг булан бүрт үргэлжилж байх үед ойд байх нэгэн жихүүдэс төрүүлэм дүнзэн байшингийн дотор хоёр залуу өөд өөдөөсөө харан тамхи татан суух ажээ.

Тэдний цамц урагдаж аль аль нь бага зэрэг шархдасныг харахад ноцолдсон гэдэг нь илт байлаа. Хэдий тэд ширээний хоёр талд эв найрамдалтайгаар сууж байгаа ч тэд бие биесээ хамгийн ихээр үзэн ядах харцаар харж байсан юм.

Ширээний голд арваад гэрэл зургууд байх агаад бүгд нэг эмэгтэйн бохир явдлыг харуулсан зураг байх ажээ.

Чанёол гарынхаа завсар байх тамхийг хэд хэд уушигласнаа ширээний буланд дарж унтраагаад тамхиа газарт хаялаа. Ширээн дээр байх зургуудийг нухацтайгаар харж

-Бид одоо яах вэ? гэж цөхөрсөн хоологоор хэлэхэд Жундээ инээмхийлэх аядаад

-Тэрнийг алах юм уу? гэж хэлээд доогтойхон инээлээ. Энэ инээд нь гэхдээ Чанёолыг бус өөрийгөө дооглож байсан юм.

Сүүлийн нэг жилийн хугацаанд тэдний хайрыг татсан бүсгүй, хоёр залууг нэгэн зэрэг өөртөө дурлуулж чадсан тэр онцгой бүсгүй. Зүгээр л нэг биеэ үнэлэгч байсан гэж үү? Мөнгөний төлөө л тэдэнтэй ойртсон гэж үү?

Эдгээр залуус хэдий баян тансаг амьдралтай ч одоо өөрсдийгөө хамгийн азгүй амьтан мэтээр мэдэрч байв.

Ширээн дээр нь байх тэр эмэгтэйн аав шигээ хүнтэй, баян саятантай, алдартай жүжигчидтэй унтсан зургууд. Магадгүй энэ зөвхөн эхлэл байх тийм үү? Тэр эмэгтэй аль хэдийн дээд зиндааны гэж тодотгогдох хүмүүсийг дуусгачихсан байх. Хамгийн хачирхалтай нь түүнтэй унтсан бүх эрчүүдийн бизнес амьдрал одоо доройтсон байх юм.

Зальт шар үнэг л гэж энийг хэлэх байх. Үнэ цэнээ алдаж эд мөнгөнд шунасан эмэгтэйд тэд дурлажээ.

Харин тэд одоо цэвэрлэгээнээр түүнийг хайрласан хайраа мартан өшөөгөө авж чадах болов уу?