Мэрил олон муу зүйл хийсэн хүн тэрнийг алахыг цэвэрлэгээнээр алахыг хүссэн хүн надаас өөр бишгүй л олон бий. Тиймээс би түүнийг цэвэрлэгээнээс өмнө барьж авах хэрэгтэй болсон юм. Дараа нь цэвэрлэгээнээр ална. Бүх юм хууль ёсны дагуу. Би ямар ч ял сонсохгүй тэднийхээ өшөөгөө авч чадна.

Би түүнийг сар гаран судалсаны эцэст хагассайн өдөр болгон "Holy" гэх бааранд ордог болохыг мэдсэн юм. Өнөөдөр л би түүнийг барьж авна. Харин маргааш өшөө авалт минь утгаараа эхлэх болно.

Би түүнийг 2 цагийн үед баарны урд хүлээлээ. Тэр хоёр биеэ үнэлэгч дагуулчихсан явах агаад гуйвж дайвж явж байгаагаас нь нилээн согтсон нь мэдэгдэх ажээ. Би машинаасаа бууж тэдний дэргэд очоод тэрний гэдэс лүү өшиглөн цахилгаан бороохойгоор цохин ухаан алдууллаа. Харин хажууд өнөөх биеэ үнэлэгч нар бохио тас тас хийн зажлан зогсох агаад би халааснаасаа хэдэн төгрөг авч тэдэнд өглөө.

-Ийм их мөнгө өгч байгаа юм чинь ахиад илүү үйлчилгээ үзүүлж болох л юм гэж хэлэн нэг нь гараа мөрөнд минь наалаа.

-Хэрэггүй дээ. Өнөөдөртөө энэ үйлчилгээ хангалттай. Маргааш яаж амьд үлдэхээ л бод гэж намайг хэлэхэд

Тэр хоёр инээмхийлээд

-Бидэнд санаа зовох хэрэггүй дээ гээд цааш яван одлоо.

Мэрилийг газар чирсээр машиныхаа багажинд арай гэж багтаагаад хотоос нилээн зайдуу байх өөрийн эзэмшлийн том агуулхын өмнө ирлээ. Тэрнийг агуулхын голд байх том ширээн дээр дөрвөн мөчийг нь хүлэн нойрсуулагч тарьж маргааш цэвэрлэгээ эхлэх үеэр сэрэхээр болголоо. Одоо зөвхөн маргаашийг хүлээх л үлдлээ.

Түүний цусны юүлэгдэн гоожиж урсахыг харахад зөвхөн ганцхан өдөр л үлдлээ.

***

Бүтэн жилийн турш мөрөөдөж ирсэн өдөр минь хаяанд иржээ. Маргааш цэвэрлэгээний өдөр. Цус минь буцлан цөс минь хөөрч тэр адгийн амьтанд яаж хариуг нь барих тухай бүтэн жилийн турш төлөвлөсөн төлөвлөгөө минь биелэлээ олох өдөр ойртож байна.

Би хэдий өмнөх жилийн цэвэрлэгээг эсэргүүцэж байсан ч одоо цэвэрлэгээг хамгийн их дэмжиж буй хүн нь болжээ. Би яагаад тэдгээр хүмүүс цэвэрлэгээг хэрэгтэй гээд байсанг ойлгосон. Учир нь зарим хүмүүс шангаа хүртэх эрхтэй!

Цусыг цусаар...

Маргааш бүрээ үлээхээр цэвэрлэгээ эхлэх болно. Оройн 22 цагаас өглөөний 8цаг хүртэл ямар ч хууль дүрэм үйлчлэхгүй гэдгийг анхаарна уу. Та бүхнийг бурхан ивээг :)