Mai aur meri kalam, aksar ye baate karte hain,

Ki ye shabd jo padhlo tum toh kya guzregi tum pr.

Kya tum chand aansu baha doge meri nadiyo ke mukable,

Ya 'waah waah' keh kr panna palat doge?

Kya tumhara bhi hath kaanpega un prashno ko padhke jesa mera kaanpa tha unhe likhte hue,

Ya fir soch me apni tthuddi sehlate hue panna palat doge?

Kya tumhara b gala rundh jayega jab mera dard, khoon ki neeli syahi se sana dekhoge,

Ya 'duniya me dard kitna hai' ye keh kr bas panna palat doge?

Kya tumhare bhi dil ki dhadkan dhak se ruk jayegi jab lgega ki ye kahani hamari hi hai,

Ya fir 'ye kuch suni suni si lgti hai' kehkr panna palat doge?

Kya tumhari bhi aankhein chaundhiya jayengi tumhara naam ant me dekh kr ,

Ya use ek ittefaq samajh kar panna palat doge?

Shabhdo se riste hue mere lahoo ko mehsoos kr paoge tum,

ya bas 'kya khub likha hai likhne wale ne' keh kar panna palat doge ?

Mai aur meri kalam aksar ye baate karte hain,

Ki ye shabd Jo padhlo tum , to kya guzregi tum par.