"Бяцхан Сэмми"-г уншсан хүмүүс түүн дээр олон дурдагдах Найтвиш хамтлагийг харж тогтоож өнгөрсөн гэдэгт итгэлтэй байна. Найтвиш үнэхээр миний дуртай хамтлаг төдийгүй фолк рок урсгалын дотог болсон хамтлаг билээ. Скандинавын орнуудын түгээмэл нэгэн хөгжмийн урсгал болох фолк, метал рок нь чих дөжрөөм бусад метал урсгалуудаас ялгаатай нь симфони хөгжмийн зэмсгүүдийг ашигладаг, илүү уянгалаг, мөн илүү Гот, кельт хэв маягуудыг цогцлоосон, ерөөсөө л домгийн хөгжим гэж нэрлэж болох урсгал билээ. Тийм ч учраас метал роктой төдийлөн дасан зохицдоггүй надад илүү ойр санагддаг. Би хувьдаа симфони, сонгодог хөгжимд нугасгүй дуртай л даа. Зөвхөн хөжгим төдийгүй дуулаачдын нь хувьд голцуу эмэгтэй уран бүтээлчид, нэн ялангуяа дуурийн дуучны хоолойтой дуучид фолк, рок хамтлагийн хамгийн том онцлог билээ. Яг энэ урсгал дундаас дэлхийн хэмжээнд гоцгойрч чадсан маш цөөхөн хамтлаг байдгийн нэг нь Найтвиш юм. Тэд өдгөө байгуулагдаад хэдийн 24 жилийг ардаа орхисон ч өнөөг хэрнэ найман настай балчраас наян настай буурлын сэтгэлийг шуугиулсан хэвээр байгаа нь яахын аргагүй онцгой хамтлаг болохыг нь илтгэнэ. Саяхан тэд шинэ цомгийнхоо товыг зарласан бөгөөд тус цомгийнхоо цөөн дууг цацан олныг хэдийн шуугиулаад амжсан билээ. Тэдгээрийн дотор намайг үнэнхүү бахдуулж чадсан нэгэн уран бүтээл байсан нь Harvest буюу "Ургац" хэмээх дуу. Юун ургац тариалан билээ гэж гайхаж магадгүй. Гэвч энэ нь гайхалтай нэгэн зүйрлэл байсан бөгөөд тэрхүү "Ургац"-ыг хүн хэмээн төсөөлж сонсоосой гэж онцгойлон хүсэж байна. Уг дуу нь үхлийг хэрхэн хуучны анд шигээ амар тайвнаар хүлээн авч болдог талаар, үхэл бол айдас биш гэдгийг илэрхийлсэн, үхлийн тухай дуунууд дотроос хамгийн бадрангуй хийгээд аз жаргалтай дуу ажээ. Үхлийн талаар бодоод сэтгэл сэргэж болдгийн тод жишээ гэмээр.

Ургац хураах цаг минь болжээ

Наран өөд тэмүүлэн ургах сая сая олны дундах

Зоригт бяцхан сүрэлхэн минь

Нэгэн хүмүүний амьдрал эхлэхээс өмнө би завсарлах болно

Нэрд гараагүй бидний харгуй эхэлж байна

Дөрөвтийн тоолол хүн төрөлхтөнд сарнай бэлэглэжээ

Тэгсэн учраас бид үзэсгэлэнтэй үхлийг олж харсан юм

Хачирхалтай нэгэн шуурга ургац дээгүүр шуугин хуйлрахад

Бяцхан хүүхдийн царай хадуур ирэхээс өмнө баясан гэрэлтэнэ

Халуун дулаан, номхон дөлгөөн зуу зуун талбайн ургацыг хураахад нэгдээч

Бүгд л харин цор ганц тариан түрүүг санан дурсах болно

Ирэх өдрүүдийн гэрэл гэгээ хүүхдэд урам зориг бэлэглэнэ

Тариан талбайг услаад газар дэлхийд бууж өгөөч

Тариан талбайг услаад газар дэлхийд бууж өгөөч

Тариан талбайг услаад газар дэлхийд бууж өгөөч

Шүлэг бүрийн ард гоо сайхан оршиж байдаг ч

Үл мэдэгхэн гуниг зовлонг сонгодог

Тэнгис гүнзгий байх тусам үлдэх зүйл бага

Тэд чихэнд чимэгтэй үгсийг номхон сүргийн хамт олж хариулна

Бүх зүйл ийм л байдаг, эсвэл хэн нэгэн нь зориг зүрх гаргана

Халуун дулаан, номхон дөлгөөн зуу зуун талбайн ургацыг хураахад нэгдээч

Бүгд л харин цор ганц тариан түрүүг санан дурсах болно

Ирэх өдрүүдийн гэрэл гэгээ хүүхдэд урам зориг бэлэглэнэ

Тариан талбайг услаад газар дэлхийд бууж өгөөч

Тариан талбайг услаад газар дэлхийд бууж өгөөч

Халуун дулаан, номхон дөлгөөн зуу зуун талбайн ургацыг хураахад нэгдээч

Бүгд л харин цор ганц тариан түрүүг санан дурсах болно

Ирэх өдрүүдийн гэрэл гэгээ хүүхдэд урам зориг бэлэглэнэ

Тариан талбайг услаад газар дэлхийд бууж өгөөч

Халуун дулаан, номхон дөлгөөн зуу зуун талбайн ургацыг хураахад нэгдээч

Бүгд л харин цор ганц тариан түрүүг санан дурсах болно

Ирэх өдрүүдийн гэрэл гэгээ хүүхдэд урам зориг бэлэглэнэ

Тариан талбайг услаад газар дэлхийд бууж өгөөч

Газар дэлхийд бууж өгөөч

Амьд эргэж ир