Библид өгүүлснээр хүнийг зөвхөн эр эм хүйсэнд заяаж, хоорондоо ураг барилдан үр удмаа үргэлжлүүлэх заяатай гэжээ. Хэрэв үүнээс гажвал нүгэлт хүн болно хэмээв.

ЛГБТ эрхийн талаар надаар хэлүүлэлтгүй та бүхэн сайн мэдэх байх. Өөр байлаа гээд хүн биш болчихгүй.

ЛГБТ байдлын талаар ойлголттой хүмүүс амьдралдаа ядаж нэг удаа "Хомофобиа" гэдэг үгийг сонсож өнгөрсөн байх гэж бодном. Хэрвээ сонсож өнгөрөөгүй бол энэ нь нэг төрлийн жигшин зэвүүцэх өвчин бөгөөд яг энэ төрөл нь ЛГБТ хүмүүсээс жигших, үзэн ядах сэтгэл төрөх үзэгдэл юм.

Сонирхолтой нь хамгийн их хүний эрхийг дээдлэн хүндлэгч барууныхан дунд хомофобик хүмүүс маш олон тоогоор, бусад бүлгээс илүү байдаг. Учир нь тэд олон зуун жилийн түүхэндээ Христийн номлол үзэж, сонсож, дагаж мөрдөж ирсэн, өдгөө амьдралын нь, аж байдлын нь нэг хэсэг болчихсон гэдэг утгаараа энэ тоо ийм өндөр байна. Христийн шашин өөрөө тэр чигтээ Хомофобик соёл иргэншил юм.

Гэтэл яг эсрэгээрээ Христийн бус соёлтой ард түмний дунд ЛГБТ эрх зөрчигдсөн, хүний адгийн төрөл мэт ялгаварлан гадуурхаж байсан тодорхой баримт байдаггүй.

Өнөөдөр хүн бүр шашиндаа гүн гүнзгий автахаа больсон хэдий ч аж байдал, соёл сэтгэлгээ нь Христийн номоороо зурагдчихсан ард түмэн нэг талаас ЛГБТ эрхийг хамгаалах гэж түрүүлж дуугарч, нөгөө хэсэг нь үзэн ядаж жигшин зэвүүцсээр.

Яг тэр нийгэм дэх далд хомофобик хандлагыг харуулсан нэгэн уран бүтээл бол Хозерийн "Намайг сүмд аваачаач" гэх нэртэй бадрангуй дуу билээ. Уг дууны үг, клип хоорондоо хослон нийлж нэг л зүйл хэлэхийг хүснэ. Христийн шашны сүм хийдэд ЛГБТ хүн орохыг хориглодог. Гэтэл хүний заяагдмал эрхүүдийн нэг бол итгэл үнэмшлээ сонгон дагах эрх байдаг. Хэдий сүмд очиж бурхандаа залбирахыг хүсэвч зөвхөн тэр хүний л өмнө сүмийн хаалга дангинатал түгжээтэй. Тэр хүн нийгэмд хараа дээгүүр алхмаар байвч нийгэм нь түүнийг хавчин хяхах. Энэ бүхнээс ангижруулж өгөөч хэмээн өнөө нүүр буруулсан бурхнаас арга буюу учирлан гуйж буй дүр зургийг та энэ дуунаас мэдэрч болно. Ингээд та бүхэнд уг дууны шүлгийг хөрвүүлэх хүргэхээр бэлтгэлээ.

Миний хайрт их хошин мэдрэмжтэй

Тэр минь оршуулган дээр хөхрөөд л байдаг

Хүмүүсийн дургүйцлийг мэдэрдэг хэрнэ

Би түүнийг илүү их шүтэх нь яав даа

Хэрвээ тэнгэр бурхан ярьдаг бол

Түүний минь үнэн үгс амыг нь таглах байсан даа

Ням гараг бүр улам хэцүү болсоор*

Долоо хоног бүр шинээр хордсоор

Бид өвчтэй төрсөн

Гэж тэдний хэлэхийг чи сонссон биз

Манай сүм бодит байдлыг номлодоггүй

Харин оронд нь унтлагын өрөөндөө залбир гэж тэр минь хэлсэн

Миний очиж чадах ганц диваажин нь

Зөвхөн чамтай хамт хоёулханаа байх тэр л газар

Би өвчтэй төрсөн, гэвч би үүндээ хайртай

Надад номлолоо хайрлаач

Амен, амен , амен

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

Хэрвээ би сайхан цаг үед бөө байсан бол

Миний хайрт "нар" нь байх байлаа

Миний талд зогсооч

Тэр минь золиос шаардаж байна

Далай тэнгисийг юу ч үгүй шавхаад

Гялтганасан нэгэн зүйлийг ол гэлээ

Гол үйлд хэрэгтэй шимтэй зүйл юм гэнэ

Тэр нь бардам сэтгэл байсан болтой

Яаж үүнийг олж авав аа?

Бидэнд маш олон үнэнч, өлсгөлөн нөхөд байсан юм аа

Амттай харагдаж байна

Хангалттай харагдаж байна

Энэ бол өлсгөлөн тулаан

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

Зан үйл эхлэх мөчид ямар ч эзэн, ямар ч хаан байх ёсгүй

Бидний сайн сайхан нүглээс илүү гарах цайлган сэтгэл гэж үгүй

Энэ гунигт дэлхийн галзуурал дунд

Би хүн юм байна

Би цэвэр ариун юм байна

Амен, амен, амен

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

Намайг сүмд аваачаач

Чиний худал үгсийг нохой мэт дагаж мөрдье

Нүглээ наманчилъя, тэр хооронд чи хутгаа ирлэ

Үхэл үгүй үхлийн тухай надад номлооч

Өө, бурхан минь, би чамд амиа өргөе

*Католик шашинтнууд ням гараг бүр сүмд очиж нэгдсэн номлол сонсдог.