Note: This is the raw and unedited version of manuscript.

"Kung kailan ko pinipigilan ang sarili kong huwag kang mahalin, saka naman kita lalong minamahal."

Best of friends turned lovers sina Demi at Akeem. Ang akala ni Demi, siya na ang pinakamasayang babae sa mundo nang maging sila. Lalo niyang naramdaman ang pag-aalaga at proteksiyon ni Akeem sa ginagawang pagpaparamdam na hindi na siya mag-iisa kahit kailan.

Pero ang inakala ni Demi na tuloy-tuloy na saya ay hindi pala totoo. Bigla kasi siyang ipinagpalit ni Akeem sa pangarap nito. Nasaktan siya nang husto at hindi alam ang gagawin noong una. Pero unti-unti siyang bumangon at ipinangako sa sarili na hindi na babalikan ang taong nanakit at nang-iwan sa kanya.

Three years passed and fate brought them back together. Kailangan kasi ni Demi na makipag-deal sa kompanyang pagmamay-ari ng pamilya ni Akeem para sa pangarap na promotion sa career. Sinabi niya sa sarili na strictly business lang ang kailangan sa lalaki. Kaya naman todo iwas siya kahit may kakaibang epekto pa rin sa kanya ang charm ni Akeem tuwing magkasama sila.

Hanggang sa magtapat si Akeem na mahal pa rin siya nito. At tuluyang bumigay ang puso ni Demi. Nagsisimula pa lang na maging makulay uli ang buhay niya nang malaman niya ang totoong dahilan ng paglayo ni Akeem. Katotohanang may kaugnayan sa isang taong napakahalaga rin sa buhay niya bukod sa lalaki.