This is dedicated to my dog who passed away. His name was Twix.

Isang araw

Mundo'y tila nagunaw

Dahil sa iyong pagbitaw

Hindi ako nakagalaw

Hindi makasigaw

Hindi matanggap na wala ng ikaw

Wala na akong maisasayaw

Wala ng yayakapin tuwing giniginaw

Ang tanging nararamdaman

Ay ang init ng luhang umaapaw

Okay lang naman ako

Okay lang naman kung ang may gusto ay ako na lang

Pero hindi ko maiwasang isipin

Na paano kung gusto mo pa rin?

Pero 'wag kang mag-alala

Alam kong ginawa mo lahat ng 'yong makakaya

Hindi ko alam kung bakit nangyari 'to sa atin

Hindi ko alam kung bakit ang aga mong kinuha sa akin

Alam ng mundo

Kung paanong hiniling ko

Na huwag akong ihiwalay sayo

Walang mapaglagyan ang kalungkutan

Ang tanging laman ng isipan

Ay ang iyong pangalan

Ikaw ang aking kailangan

Ikaw ang tanging ayaw kong kalimutan

Hindi inaasahan ang iyong paglisan

Hindi ito ginustong mangyari kailanman

Anak, ikaw ang aking kasiyahan

Bakit mo ako iniwan?

Pero kung nasaan ka man

Gusto kong mapuno ka ng kaligayahan

Sana 'wag mo 'kong kalimutan

Sorry kung pinilit kitang lumaban

Kahit sobra ka nang nahihirapan

Kung kaya ko lang ibalik ang nakaraan

Masaya ulit kitang kukwentuhan

Kahit ayaw mo, gusto ulit kitang kantahan

Magtatabi ulit tayo sa higaan

Tapos kakainin natin yung paborito mong ulam

Gabi-gabi ko paring iniiyakan

Na hindi na ulit kita mahahalikan

Hindi na ulit kita masasama sa pasyalan

Hindi na ulit kita mapipicture-an

Hindi na ulit kita masisilayan sa iyong tulugan

Anak, kung may paraan, pwede mo ba 'kong balikan?