|•|•|•|•|•|•|

Ang paglubog ng araw,

Ang pagsikat ng buwan

Tumingin sa taas

Ang mga matang nangangarap

Itinapat ang kamay

Sa buwang sumisilip

At ang pagiba ng kulay

Ng langit na makulay

Ang pagtakbo ng mga paa

Magkakaibigang nagsasaya

Ang mga hiling sa tala

Sana ay tuparin na

Paghawak ng kamay

Pagpikit ng mata

Mga ngiting nakikita

Mga magkakaibigang natutuwa

Sana'y wag maglaho

Ang pagkakaibigang ito

Sana'y hindi maghiwalay

Para walang inaalala

Nagkatinginang mata

Isipan nagkakaintindihan

Paghigpit ng kapit

Aninong magkalapit

Sa pagwagayway ng kamay

Sa papalayong likod

Sa ngiting nanatili

Sana'y walang magbago

|•|•|•|•|•|•|

A/n:

Mga magkakaibigan na nangakong hindi naghihiwalay.