[ ]

dahil kinakabahan, natagalan ako sa pag-aayos ng sarili bago makapunta sa park kung saan kami magkikita ni beomgyu para daw mag-date.

valentine's day pa naman ngayon pero pakiramdam ko may masasamang mangyayari. ano ba kasing sasabihin nila sakin? hindi ako mapakali.

nang makapunta na doon ay natanaw ko silang dalawa na nag-uusap. mayamaya pa ay nakita ko na binigay ni joanne ang isang box na at isang chocolate kaya nakaramdam ako ng selos.

nakita ko naman na umalis na si joanne kaya nilapitan ko si beomgyu at mukha pa syang nagulat nang makita ako bigla.

" kanina ka pa ba? " bungad na tanong ni beomgyu habang nakangiti.

" ngayon lang. sinong nagbigay sa'yo nyan? " tanong ko pabalik, gusto kong malanam kung magsisinungaling ba sya o hindi.

" ah, para sayo 'to. " parang kumirot 'yung dibdib ko nang ibigay ni beomgyu sakin 'yung regalo ni joanne na para sakanya.

ngayon palang, alam ko na hindi parin nagbabago si beomgyu. babaero parin pala sya.

magsasalita na sana sya pero inunahan ko na sya agad, " kailan mo pa kami pinagsasabay ni joanne? "

" huh? " patay-malisyang sabi nya.

" nakita ko na binigay nya 'yang chocolates sayo, ang kapal naman ng mukha mo para ibigay sakin 'yan. " ayoko nang maluha sa harapan nya kaya tumalikod na ako at naglakad palayo sakanya.

akala ko mabilis na ang lakad ko pero naabutan nya parin ako at hinarangan ang dadaanan ko, dahil doon ay nawalan na ako ng lakas at umiyak nalang sa harapan nya.

" akala ko kasi nagbago ka na simula nung maging tayo. bakit ka naman ganyan, beomgyu? " sinuntok-suntok ko sya pero wala lang syang reaksyon.

" tomboy si joanne. "

napatigil ako at kumunot ang noo sa narinig, " ang lakas ng loob mong magbiro, no? tangina mo! "

" hindi ako nagbibiro. nagusap kami ni joanne kanina, umamin sya na gusto ka nya noon pa. dapat aamin din sya sayo kaso nahiya na sya. " paliwanag pa ni beomgyu.

" kung palusot lang 'yan, beomgyu, sinasabi ko sayo makikita mo si san pedro. "

tumawa sya at hinalikan ang noo ko kaya lalo akong nainis at sinuntok na naman sya.

" aray ko! " hinawakan nya ang braso nya. " totoo nga, promise! cross my heart, mamatay man chismosa nating kapit-bahay! "

" e paano mo maiipaliwanag 'yung dati? inamin nya sa mismong klase natin noon na gusto ka nya at galit na galit sya sakin kasi close tayo. " matapang na tanong ko.

tumawa sya bago nagsalita, " tinanong ko rin 'yan sakanya kanina. ang sabi nya, pinilit nya raw ang sarili nya na magustuhan ako kasi hindi rin daw sya makapaniwala na lesbian pala sya. "

nagulat man sa narinig, nagtanong parin ulit ako. " e bakit ka nya binigyan ng chocolates ngayong valentine's? tapos balak mo pang ibigay sakin?! "

" ryujin, hindi para sakin yun! " tinawanan nya na naman ang reaksyon ko. " para sayo raw talaga 'yun, gusto nya nang mag-move on sayo simula ngayong araw na 'to kasi alam nya naman daw na malabo kayong dalawa. para sayo talaga 'yung chocolates, nahihiya raw kasi sya na ibigay sayo yun mismo. "

" so all this time, sakin may gusto si joanne? " hindi ko makapaniwalang sabi.

" kahit ako nagulat, e! blinock ko nga sya noon kasi akala ko rin may gusto sya sakin, gumawa pa sya ng isa pang account para lang i-chat ako na magkita kami! " kwento nya saka natawa.

" sorry, pinagdudahan kita. " paghingi ko ng tawad sakanya habang nakayuko.

bukod sa pinagdudahan ko si beomgyu, pinagisipan ko rin ng masama si joanne. pinagsisisihan ko na 'yun ngayon.

" sorry din, ryujin. " napatingin ako kay beomgyu nang sumeryoso ang boses nya.

" sorry kasi pinaiyak kita, " gamit ang hinlalaki nya, pinunasan nya ang luha na nasa pisngi ko.

sobrang nahihiya ako sa sarili ko ngayon. hindi ko man lang tinanong sila beomgyu at joanne at hinusgahan ko agad sila.

" beomgyu, mahal kita. "

nakita kong napangiti si beomgyu habang ako naman ay nahihiya parin sakanya.

" even at my worst? " nakangiting tanong nya.

seryoso, tinatanong pa ba 'yon? playboy man sya noon, mahal ko parin sya dahil nasa past na 'yon kasi we're all trying to be better naman.

" especially at your worst. "