Чихний хэнгэрэг хагарах шахам дуу хадахад дууны цохилт бүрнээр шалнаас чичиргээ мэдрэгдэж байлаа. Гэрэл анивчин хаа сайгүй нэг бол улаан ногоон эсвэл цагаан гэрэл тэнүүчлэн явахад хүмүүсийн дүрх яг л дээр үеийн телевизороор гарч байгаа зурагдсан бичлэг мэт нүдэнд харагдаж байв.

Хүн бүр бие биетэйгээ наалдах шахуу бүжгийн талбайд бүжиглэхэд өрөөний зах хавьцаа хүмүүс цөөхөн учраас тэрүүгээр нь алхахад замдаа олон хүмүүсийн голоор нь тасан , муу гэрэлнээс болж ширээний булан эсвэл сандалны ирмэгт цохисоор ширээний хэсгүүд дээр очлоо. Бүх ширээг ээлжлэн харж хэдэн ширээ өнгөрсний эцэст хайж байсан хүнээ олсон би гүнзгий амьсгал гарган түүнрүү алхан ойртлоо.

Эхэндээ тэрээр намайг өөрлүү нь ойртож байгааг анзаараагүй ч түүний яг ширээний мөн очин зогсоход хундага шилээ доошлуулан намайг харав. Удалгүй түүний нүүрэндэх нүүр хувирал гэнэт өөрчлөгдөх ба гэнэт гараа томоор дэлгэн

" Миний найз охин хүрээд ирчихлээ! " хэмээн нэг хашхичиж орхилоо. Хэчнээн түүний хоолойг давахаар дуу тэнд хадаж байсан ч гэлээ ойрхон байж байсан хүмүүс гайхшран харахад би нүүрээ үсээрээ нуун түүнрүү ойртов.

Би түүний хажууд суун нүүрэндээ сандарсан нүүр хувирал илрүүлэн хуруугаа амныхаа урд чимээгүй гэсэн дүрсээр авчирч " Дуугай бай! Хэн нэгэн сонсвол яах юм. " гэхэд тэрээр дэлгэсэн байсан гараа намайг авахгүй нь гэдгийг анзааран аажуухан болих ба толгойгоо бага зэрэг гудайлгалаа.

Би түүнрүү дахин ойртохдоо түүний ширээн дээр захиалсан үнэтэй архи нарыг харан түүний нурууг илэв.

" Одоо эндээс явья аа Тэ. Бусад чинь чамайг хүлээгээд байна. "

Тэхён яг л намайг сонсоогүй мэт доош гудайн харж суух ба мөрөө унжуулан суухад түүний бие өмнөхөөсөө хэд дахин жижгэрсэн мэт үзэгдэж тэрээр зөөлхөнөөр толгойгоо сэгсэрлээ.

" Ямар нэгэн юм болоо юу? Тэ? " толгойгоо доошлуулан түүний нүүрийг харан хичээхдээ түүний гаранд одоо ч хүртэл түүний архитай шилэн хундага атгаастай байхыг анзааран , гарнаас нь авах гэтэл миний гар хүрэхээс ч өмнө Тэхён гарнаасаа шилийг хаяан шил газар унан хагарав.

Архи шалаар цацран асгарахад үүнтэй адил шил ч хүртэл хэдэн тийшээ бутран унах ба гэнэт Тэхён хоёр гараараа нүүрээ хаалаа.

" Би сүйрчихлээ. " гэх үг түүний амнаас бага зэрэг чичиргээнтэй зэрэгцэн гарахад түүний яриа надад юунаас ч илүү тод сонстож байв. Би түүний нурууг дахин нэг илэнгээ хөмсгөө хөнгөхөөн зангидах ба

" Тэхён юу яриад байгаа юм б- " хэмээн хэлж дуусаагүй байхад Тэхён гараа нүүрнээсээ холдуулан надруу харахад түүний бор үс нь духыг нь бага зэрэг ил харагдуулна.

Харин тэр үед л би түүний нүд аль хэдийн нойтон болж , хацраар нь гунигт хоосон нулимс урсаж байхыг олж харвал Тэхён миний гайхшрах нүүр хувирлыг ажиж байснаа удалгүй амандаа бүдэгхээн инээмсэглэн тодрууллаа.

" Би одоо худлаа ярьж болохгүй биз дээ? "

Яг намайг түүнээс юу яриад байгааг нь дахин асуухаар амаа нээхээс өмнө , тэрээр дахин үргэлжлүүлэв.

" Би бүх хүнийг аль хэдийн алдсан биз дээ? "

Дууны ая өөрчлөгдөн өмнөхөө бодвол арай намдуу ая болоход бүжгийн тайзнаас хүмүүс алхан явж ширээлүүгээ явж байгаа үзэгдэнэ.

Би юу хэлэхээ мэдэлгүй итгэж ярьсан байртай түүнрүү хэсэг харснаа " Хэнийг? Тэхён? Хэнийг чи алдсан гэж? " хэмээн хэлэхэд Тэхён нулимсаа арчин надаас харцаа салгаад , урагш харах ба дахин нэг хундага аван аягалахад би түүнээс хариулт хүлээн үйлдэл бүрийг нь ширтэж байлаа.

" Чи надад заавал сайхан хандаад байх хэрэггүй ээ Банни. Чи жүжиглэхгүй байж болно. "

" Юу- "

" Би чамайг бүх зүйлийг мэдсэнийг дуулсан. "

Би амаа хагас онгойлттой гацан үлдэхэд Тэхёний харц над дээр дахин ирж байгаа харагдав. Тэрээр дахин нэг хундага татан гүнзгий амьсгал гаргах ширээн дээр шилийг хүчтэй тавиад нэг зүйлтэй тулалдаж байгаа аятай эргэлзсэн хэрнээ чимээгүй хоолойгоор ,

" Чи намайг орхиж болно оо. " гэлээ.

Түүний мэдэрч байгаа зовлонг би яагаад ч юм өөрөөсөө илүү сайн мэдэрч байв. Би ганцаараа байх ямар байдгыг мэднэ. Хэн ч чиний талд байхгүй байх мэдрэмжийг ч бас би мэднэ. Гэвч түүнээс миний хэзээ ч төсөөлөөгүй үгс урсан гарч ирж байлаа.

Тиймээс би Тэхёнаас дахин үг сонсолгүй түүнийг мөрөөр нь өөрлүүгээ татан харуулаад түүнийг чангаар тэврэлээ. Би өмнө нь хэлж байсан , би сайн сонсогч байж чадах ч сайн зөвлөгөө өгч чаддаггүйг.

Тэхён гайшран үлдэхэд түүний амьсгал гацах нь мэдэгдэж тэрээр надаас салах гэхэд би улам чанга тэврэн авах ба ,

" Би чамайг орхихгүй Тэхёна. Юу ч болсон. Бид амласан биз дээ. Хэзээ ч нэгнээ орхихгүй гэж. "

Миний үг түүнд сонсогдсон эсэхийг мэдэхгүй ч ядаж л түүнийг ойлгоосой хэмээн хүсэв.

Гэхдээ Тэхён ойлгосон.

Тэрээр намайг эргүүлэн тэврээд нүүрээ мөрлүү минь нуусан юм.

Гэвч яг тэр үед л миний толгойн гүнд нуугдаж байсан зүйлийн хаалга онгойсон аятай би нэг зүйлийг бодов.

Пэнин бас Бусан явсан.

***

Халбагаар цайгаа хутган суухдаа цайны минь сахар аль хэдийн уусч цай минь дулаанаа алдсаныг мэдэж байлаа.

Толгойд хэт их бодлууд эргэлдсэнээс яг алинд нь анхаархаа мэдэхээ больж хэрэггүй хумсаа мэрэн сууж байв. Мэдээж Жэнинг ирэн суух хүртэл.

Тэрээр инээмсэглэн надруу харах ч миний эгэл бус гэмээр царайг минь харан инээмсэглэлээ арилгалаа.

" Юра? Чи зүгээр үү? "

Гарны минь төгсөл бүр хүйт дааж би гараараа үсээ арагшлуулаад түүнрүү ширтэхэд Жэнин одоо ч хүртэл гайшрал нүүрэндээ тодруулан надруу ширтэж байв. Би хоолойгоо засан сандал дээрээ тэгшхэн суугаад

" Жэнин надад чамтай ярих зүйл байна. " гэхэд тэрээр инээмсэглэн миний захиалсан байсан хүйтэн кофений аяганы бариулыг эргүүлэн тэгшхэн болгож ,

" Надад эвгүй мэдрэмж төрүүлж байна шүү. Юу ярих гэсэн юм? Чамайг ийм нухацтай байхыг чинь харж байгаагүй юм байна. "

Асуух эсэхтээ эргэлзэн суухдаа гэнэт толгойд бүх зүйлийг мартаад зүгээр л орхи гэх бодол бодогдож эхлэхэд иым сонголт хийсэндээ харамсаж байлаа. Гэсэн ч би асуухаар шийдэв.

" Жэнин , би танайд ахлах сургуулиасаа хойш амьдарч байсныг санаж байгаа биз дээ? "

Жэнин миний тэнэг эхлэлд нүдээ эргэлдүүлэн инээгээд " Юу гээч чөтгөр нь вэ Юра? Чи намайг ухаан санаагаа алдчихсан гэж бодоо юу? " гэх ба би дөнгөж л эхлэж байгаадаа санаа зовж байлаа.

" Та нарт тэр хугацаанд би их төвөг удсанаа мэдэж байна. Заримдаа намайг гаргачмаар үе байдаг байсныг чинь ч би бас мэдэж байна. "

" Үгүй ээ Юра би хэзээ ч тэгж бодож байгаагүй. Бид нэг гэр бүл байсан тийм биз дээ? Чи хэзээ ч надад өөрийн хувийн амьдарлаа хэлж байгаагүй болохоор би чамайг эмзэглэдэг байх гээд хэзээ ч асууж байгаагүй. Үүнд харин чи гуниглаагүй биз дээ? "

Би энэ хүртэл бодож явсан өөрийн бодолдоо инээд хүрэх шиг болж зөөлхөөн инээмсэглэв. Жэнингийн инээмсэглэл түүний нүүрэнд эргэж ирэн тэрээр ,

" Одоо тойруулахаа болиод яг юу хэлэх гээд байгаагаа хэл Юра. Би сонсож байна. ".гэлээ.

Би дахин гарлуугаа хараад гүнзгий амьсгал аван гаргав.

" Энэ Пэнингийн тухай. "

Жэнингийн нүүр барайгаад явахыг ажиглахдаа би өөрийн эрхгүй юу болохоос эмээж эхэлж байлаа. Тэрээр хоосон царайтай болоход би ямар нэгэн зүйл болохоос өмнө яриагаа үргэлжлүүллээ.

" Чамайг энэ тухай ярих дургүйг чинь би мэдэж байна. Би ч гэсэн эмзэглэдэг. Гэхдээ надад мэдэх ёстой нэг зүйл байна. "

Жэниний нүдэнд маш олон зүйл эргэлдэхэд тэрээр бараг л шивнээ мэт хоолойгоор " Юра бид амласан " гэх ба би түүний гуниг тээсэн нүдрүү хэсэг ажив.

" Жэнин би мэдэх хэрэгтэй байна. "

" Юуг! Юра юуг мэдмээр байгаа юм? Миний ахыг үхсэнийг уу? "

Жэниний хоолой өмнөхөөсөө хэд дахин дээшлэхэд кафед суух хүмүүс бүгд чимээгүй болон тэдний зүг ширтлээ.

Тэрээр ойр хавиа харсанаа Юралуу эргэн харах Юра хэсэг тээнэгэлзэн Жэнинрүү харан суулаа.

Би үнэхээр үүнийг мэдэх хэрэгтэй юу? Хэрвээ би үүнийг сонсоход бүх зүйл яг миний бодож байгаа ч үгүй байгаасай гэж хүсч байгаатай адилхан байвал яах вэ?

" Пэнин яагаад нас барсан юм? "

Амнаас минь бараг л шивнээ мэт гарах үгс Жэнинг цочролд оруулан үлдээхэд би харцаа буулган гарлуугаа ширтэв.

Хэр удаан хугацаа явсаныг мэдэхгүй ч Жэнин надруу эсвэл миний хажуу талын ханаруу ширтсээр л байлаа. Үүнийг хийх ямар ч хэрэггүй байсан байна гэх бодол ухаан санаанд урган гарч эхлэх үед гэнэтхэн чимээгүй сууж байсан Жэнин аядуухнаар ярьж эхлэв.

" Пэнин алуулсан Юра.

Тэр бүлэг эрэгтэй хүмүүст хутгалуулсан. "

***

А/N

Солонгос драма дээр яг иймэрхүү зүйл гардаг даа тэ хха. 😂🔥👏