Утсаа гарган youtube-ээс БиТиЭсийн ямар дуу байдгыг сонсох гэж хайн хамгийн эхэнд байсан I need U хэмээх дууг сонслоо.

Тэдний жүжиглэлтийг харахад өөрийн эрхгүй ам ангайж тэдэнд алга ташмаар санагдана.

Тэд бүгд л их жаргалтай харагдаж байлаа.

Яагаад тэд жинхнээсээ ийм байж болохгүй гэж?

Яагаад тэд заавал ийм мэт жүжиглэх ёстойг ойлгохгүй байв.

Бичлэгийг нилээдгүй их удаа давтан үзэж хүн бүрийн юу хийж байгааг үзэж байлаа. Аяандаа аяыг нь үгтэй нь амандаа бага сага аялаж эхлэхэд л ямар гоё үгтэй дуу байсныг мэдрэв.

But you're my everything You're my

Everything You're my

Everything You're my

Please go away huh

I'm sorry I hate u

I love you I hate u

Forgive me

I need you girl

Why am I in love alone, why am I hurting alone

I need you girl

Why do I keep needing you when I know I'll get hurt?

I need you girl, you're beautiful

I need you girl, you're so cold

I need you girl I need you girl

I need you girl I need you girl

//

Чихнээсээ чихэвчийн аван таазруугаа харан хэвтэхэд таазанд тусах сарны гэрэл шөнө болсныг илтгэж байлаа.

Хичнээн би тэдний стилист эсвэл цэвэрлэгчээр нь ажиллаад нэг долоо хоног болсон ч гэлээ тэднийг нэгтгэх гэсэн үйл ажиллагааны эхлэлд ч хүрээгүй байв.

Би үйл ажиллагаагаа эхлүүлхийг хүссэн ч тэд Хятадруу тоглолтоор яван , тиймээс би тэдэнтэй уулзалгүй гурав хонож байлаа.

Ер нь бол гурван хоног гэртээ хийх юмгүй сууж байв.

Стилистүүдийг бүгдийг нь Хятадруу авч явсан ч миний гэнэт л хүрээд ирсэн ханиадаас болж би гэртээ орондоо хаашаа хөдлөлгүй асрагч Жэнинтэй хамт гамшгийн гурван хоногийг өнгөрөөсөн билээ.

Харин маргааш ажилдаа явах болсон нь нэг бодлын гэрээсээ царайгаа ч гаргаагүй надад сайн мэт болох ч урьдын адил шалаа угаана гэдгийг бодоход сэтгэл гонсойно.

Гүнзгий амьсгал алдаад нүдээ анив.

Маргаашийн үйл явдал маргаашдаа л үлдэг.

***

Өнөөдөр бол 10 сарын 7н. Менежэр болоход 2 сар 26 хоног дутуу.

Чихэвчээ дахин зүүн өчигдөр шөнөжингөө сонссон дууг дахин дахин тавин сонсоно. Яагаад ч юм энэ дуунд донтчих шиг.

Амаараа амьсгал гаргавал амнаас минь уур гарах ба би ороолтоо дээшлүүлэн нүд хүртлээ татав.

Бугуйн цаг таван цаг гучин минутыг заах ба зургаан цагаас бэлтгэлийн өрөөг цэвэрлэх учир эрт босон хэн ч үл явах гудамжаар би алхална. Өнөөдөр БиТиЭсийнхэн эрт бэлтгэлийн өрөөндөө бүжгээ бэлдэнэ гэсэн учир өөрийн мэргэшсэн гараараа шалыг нь угаахад бэлэн байв.

Барилгын гадаа ирэн тэр чигтээ дотогш орвол өнөөдөр аргагүй л хүмүүс ажилтай гэсэн мэт ихэнх нь ирж хаа сайгүй холхилдоход өөрийн нойроо ганцхан би таслаагүйдээ баярлах сэтгэл төрүүлж байлаа.

Би бага зэрэг өнгөрөх хүмүүст бөхийн ёслоод нүүр будалтын өрөөндөө ороход хүн бүр өөрсдийн ажлаа хийж намайг тоох сөхөөтэй ч хүн байсангүйд ширээн дээрээ очин күртик ороолтоо тайлж , шалны модоо авсаар бэлтгэлийн өрөөн зүг явав.

Дөрвөн давхарын коридороор бас л хүмүүс гүйцгээж , бэлтгэлийн өрөөний яг урд нь ирэн онгойлгох гэтэл хаалга надаас түрүүлэн онгойлоо.

" Ө! Цэвэрлэгч маань ирчихэж. "

Өнөөх Hope гэсэн үг орсон нэртэй эрэгтэй гарч ирэн надруу том нүдлэн харвал би сандран урагш ёслохдоо соронзлогдон хааш нааш нисэх үс минь тэр эрэгтэйн цамцны цахилгаанд гацчихав.

" Яана аа. "

Сандран дээш ч харж чадалгүй дэмий л гараараа үсээ авах гэж харин тэрээр миний үсийг гаргах гэж ноцолдож байтал

" Та хоёр ямар н*вшоо хийгээд байгаа юм? Наалдмаар байгаа бол ядаж өөр газар очиж наалд. "

Би толгойгоо бага зэрэг өргөн хэн ярьсныг харвал Тэхён бидэнрүү муухай харан зогсож байлаа.

" Бид хаана наалдхаа өөрсдөө шийднэ. Чамд ер нь ямар хамаа байна. "

J-Hope-ийн яриа ёжилсон гэмээр хэлэн намайг мөрөөр минь тэврэн тэрээр цээжрүүгээ наалдуулчихав. Үйл явдал хэтэрхий хурдан болж өнгөрөхөд би өөрөө ч юу болоод байгааг мэдэлгүй түүнд тэврүүлэн зогсолоо.

Нүд минь томорч зүрх өөрийн эрхгүй хурдан цохилох нь айсных эсвэл гайхсаных гэдгийг хэлж чадсангүй.

Тэхёны нүүр хувирал тайлбарлашгүй болон хувирахад түүнийг жинхнээсээ ууртай байгааг би мэдэж байв. Тэрээр J-Hope руу муухай харан зогсвол би дор нь яг л хоёр хэрүүлийн голд зогсох илүүдэл хог шиг санагдлаа.

Хэн нэгэн миний үсийг салгаад өгчихөж болдоггүй юм байх даа? Энэ хоёр бас юугаа мэдрэлтээд бие биенрүүгээ хараад байгаа юм бэ?

Би аргаа баран хамаг хүчээрээ гараа гацсан үсрүүгээ аваачин татахад үс минь тасран би түүний цээжнээс нь холдлоо.

" Бурхан минь. Та хоёр чинь яачихаа вэ? "

Уурлан мөрөөр минь тэврэх гарыг би хүчтэй цохин холдуулаад урдаас минь нэг л төрхөөр нүд салгалгүй ширтэх Тэхёнруу үхлийн харц чулуудан хажуугаар өнгөрч өрөөлүү орлоо.

Яг галзуурах нь ээ.

Өрөөнд ороход дахиад л нэг гамшигтай нүүр тулсан мэт санагдаж зүрх минь тэр дорноо үхэн биенээс минь арилан зугтахыг оролдож байв.

Тэд олуулаа өрөөнд байж байлаа.

Хоёр хүн толины урд бүжиглэнэ. Зарим нь харин хаа сайгүй зогсож эсвэл сууцгааж байв.

Би бүгдэнрүү бөхийн ёслоход Жиний хоолой маш ойрхон бөгөөд сэргэлэн сонсогдох нь улам л энэ өрөөнөөс гарах хүслийг төрүүлэв.

" Чи ирчихжээ. Зүгээр биз дээ бие чинь? "

" Зүгээр ээ баярлалаа. "

Яагаад ч юм бүх хүний хараа над дээр тусаж байсанд өөрийн эрхгүй сандарч арайхийн хариулвал буйдан дээр сууж байсан Рэп Монстэр урьдын л адил эвгүй айдас хүргэмээр бүдүүн хоолойгоор

" Хурдан энэ өрөөг цэвэрлэ " хэмээлээ.

Би дахин түүнрүү ёслоод Жинийг орхин шалны модоо бариад захаас нь эхлэн цэвэрлэхэд бүжиг бэлдэж байсан зарим хэд нь холдолгүй бүжиглэсэн хэвээр байсанд тэднийг тойрон угаахаас өөр арга олдсонгүй.

" Хөөе энүүгээр угаасангүй. "

Яг ардаас хэн нэгэн гэнэт хэлэхэд эргэн харвал өнөөх хамтлагийн хамгийн залуу гишүүн Жонгик? Жингүк? зогсож байлаа.

" Уучлаарай. "

Би түүний заасан газрыг угаах гэтэл тэрээр огтхон ч хөлөө хөдөлгөсөнгүй. Шалны модыг ойртуулан хөлөө холдуулахыг нь хүлээсэн ч тэрээр см хэрнээ ч хөдлөхгүй байлаа.

Энэ хэсгийг угаа гэчихээд өөрөө хөдлөхгүй байхаар одоо юу гэсэн үг вэ? Би хөлийг нь тайрах ёстой болж таарч байна уу?

" Өршөөгөөрэй. Энэ хэсгийг угаамаар байна. "

Би түүний нүүрлүү тонгойсон байсан ч гэсэн эгцлэн харвал тэр надруу харсан чигээрээ баруун талаараа бүдэгхэн инээмсэглэхэд өөрийн эрхгүй ар нуруугаар хүйт дааж хамаг шар үс босов.

Тэр инээмсэглэл. Жихүүдэс хүргэмээр.

Би хөмсгөө зангидан түүнрүү харан бид хэсэг хугацаанд бие биенрүүгээ харан хэн нь түрүүлэн харцаа буулгахыг хүлээвэл түүний инээмсэглэл алга болж тэрээр урагш түрүүлэн чигээр хараад

" Тойруулаад угаа " гэв.

Тийм дээ Юра. Чи түүнээс ямар хариулт хүлээж байсан юм бэ дээ.

" Чи энэ гараа сайн хөдөлгөөч. "

Жимин бүжиг бэлдэн зогсож байсан Шюгад бага зэрэг чангаар хэлвэл Шюга хөдөлгөөнөө хийхээ болин түүнрүү муухай хараад

" Өшөө юу гэмээр байна. "

" За за чам шиг хүнд ч юу ч хэлэхэв дээ. "

Жимин залхсан байртай хэлэн гараа агаарт хоёр тийш савсаар харцаа бууруулан алхавал би Шюгагийн гараа зангидахыг харав.

" Дахиад хэл дээ. "

Түүний хоолой чимээгүй хэрнээ хилэгнэсэн байртай сонсогдоход миний ухаан муутай , нэр ч цээжилж чаддаггүй тархи минь энд зодоон болох гэж байна гэдгийг мэдэрч байв.

Жимин дахин түүнрүү эргэн харлаа.

" Сонссоныг чинь л хэллээ. "

" Би чамаас ах шүү г*лөг минь. Амаа мэдэж яриарай. "

Жиминийг дахин хариулхаас өмнө өрөөний хаалга онгойн өрөөнд камер барьсан нилээдгүй их хүн болон зарим нэгэн ажилчид орж ирэв.

" Бэлтгэлийг чинь тасалдуулсан бол уучлаарай. Бид та нарын бэлтгэлийн өрөөндөө бэлдэж байгаа дүр бичлэгийг чинь авах хэрэгтэй байна аа ."

" Юуны? "

Намжүүн буйдангаас босон тэдэнрүү алхан очин асуухад өнөөх эмэгтэй гаран дахь цаасаа эргүүлэн

" I need U " Гэв.

Түүнийг ингэж хэлэхэд өрөөнд Тэхён нар орж ирэн толины өмнө очин зогслоо. Тэдний юу хийх байгааг арайхийн ойлгосон би шалны мод хувингаа аван хаалганы тэнд нь очин зогсоход өнөөх камер барьсан хүмүүс өрөөний зарим хэсэгт камераа тогтоож эхэллээ.

Өнөөх эмэгтэй тэднийг болохыг хүлээн дууссан үед нь

"Эхэл " хэмээн чангаар хэлэхэд Жонгүүк дуугаа тавихад түрүүхэн муухай царайлан зогсож байсан гишүүд бүгд бүжиглэн эхэлж урд талд нь J-Hope бүжгийг нь хянан зарим хөдөлгөөнийг нь засан хэлж байлаа.

Хөдөлгөөнөө алдсан үедээ хэн ч түүнд эргүүлэн уурссан үг хэлсэнгүй.

Хэн ч уурлан бие биентэйгээ хэрэлдсэнгүй.

Тэд бүгд бие биенрүүгээ харан инээж байлаа.

Тэхёнийг голд нь орон бүжиглэхэд ард нь бүжиглэж байсан Жонгүүк Жимин нар хальт инээмсэглэн харж байв.

Бусдын нүүрэнд огтхон ч уур хорслын түрүүхэн хэдхэн минутын өмнөх дүр төрх байсангүй. Яг л би түрүүнээс хойш тэднийг зүгээр л тэгж байна гэж төсөөлсөн мэт харагдлаа.

Бүжиглэж дуусахад тэд хэдийн зарим нь бие биендээ алга ташин Жимин гүйж очин Жонгүүкийн мөрөөр тэврэн буйдан дээр хамт суухад тэд аль аль инээж дор бүрнээ юм ярьцгаана.

Намжүүн тэдний хажууд очин суухад камер барьсан хүмүүс түүн дээр гүйн очиж бүх үйл явдлыг авах ба тэд янз янзын юм ярьцгааж инээлдэх ч надад яриа нь тод сонсогдсонгүй.

Өөр камерийн эрэгтэй газар суух Шюга дээр очих ба тэрээр бас л камерлуу харан тайван төрхөөр юм ярьж байлаа.

Тэд бүгд аз жаргалтай. Зүгээр л бүжгээ бэлдэн дуусаад дор бүрнээ амрах ч бие биентэйгээ инээдмийн юм ярьж байгаа мэт харагдахад би тэднээс хараагаа огтхон ч салгаж чадсангүй.

Тэхён утсаа гартаа барих ч камерийн урдуур эргэлдэн янз янзаар бүжиглэхэд түүний араас J-Hope ирэн тэр хоёр хамтдаа галзуу галзуугаар бие биенийгээ нөхөн өөрсдийгөө шоолон инээж байлаа.

Өөрийн эрхгүй тэднийг харангаа санаа алдав.

Тэд ийм байсан ч болоосой.

Тэд үнэхээр сайн жүжигчид юм аа.

***

Зарим нэгэн ажилчид БиТиЭсийнхнийг даган дуу бичлэгийн өрөөлүү ороход би холоос ч гэлээ араас нь чимээгүй даган алхав.

Тэд өрөөлүү тэр чигээрээ орох ба миний дэмий л хүлээж байсан нүүр хувирал тэдний нүүрнээс бүр мөсөн арилсан байлаа.

Тэднийг бүгдийг нь өрөөлүү ороход би холоос ажсан хэвээр тэнд хэсэг зогсон цүнхнээсээ тэдний цагийн хуваарийн цаасыг гарган харж одоо юу хийхийг нь харав.

10 сарын 7н. БиТиЭс хоёр дахь single Boy In luv цомгийн дууны япон хувилбар хэмээсэн байлаа.

Дараагийн хуваарыг харвал 10 сарын 10н . Чеолвон Тэбон Фэстивал гэсэн байв.

Хөмсгөө зангидан үсээ чихнийхээ ардуур оруулан аль хэдийн хаалгаа хаасан дуу бичлэгийн өрөөний хаалгаруу ширтсэн ч эргэн цаасруугаа харлаа.

10 сарын 13н . Жиминий төрсөн өдөр.

Тэднийг нэгтгэх.

▲△▲

K.W.S

Hope u enjoyed. I'm so honored to have u guys .

Baba!