Долоо хоногийн амралт дуусч зураг авалтдаа орохоор компани руу явлаа.

Ихэнхи ажилчид Южин бид хоёрыг цуг ирж байгаад гайхсан бололтой шивнэлдэнэ.

Хүмүүсийг харж байгаад хальт түүний хацар дээр үнсээд зураг авалтын талбай руу гарлаа.

Өнөөдөр зураг авалт харьцангуй хурдан дуусав.

Бэлтгэлийн өрөөндөө орж ирэхэд Жонгүг араас орж ирэн хаалга хаалаа.

Өрөөнд бид хоёроос өөр хэн ч байсангүй тул тэрээр инээд алдан "Өнөөдөр та хоёрыг нэг машинаас бууж байхыг чинь харсан шүү, долоо хоног хаана байсан?" хэмээгээд намайг нударлаа.

"Нэг тиймэрхүү, заза бид хоёр эргээд нийлсэн"

Миний нүүрнээс инээмсэглэл салсангүй, хурдан түүнийг харахыг хүсч байлаа.

"НЭЭРЭЭ ЮУ! ёоо ашгүй дээ"

Бид хоёрыг ийн инээлдэж байхад бусад маань хаалга онгойлгон нухацтай царайлсаар орж ирэв.

"Тэхён бид бүгдийг нь сонссон. TJ та хоёр үерхэж байгаа хэрэг үү? Өнөөдөр та хоёрыг нэг машинаас бууж байгааг чамгүй олон хүн харсан байсан. Энэ бол маш том асуудал Тэхён"

Намжүүн ах ийн хэлэхэд би санаа алдаад "Хэлээгүйд уучлаарай энэ их урт түүх л дээ. Южин бид хоёр таван жилийн өмнө үерхэж байсан" хэмээхэд бүгд уулга алдлаа.

Жимин "Гэхдээ Южин гэж хэн юм?"

"Нэг ёсондоо та нарын мэдэх Тэжин-ы жинхэнэ нэр нь. Бура-тай үерхлийн мэдээнд өртдөг үед бид хоёр салж холбоо тасарсан. Харин тэр таван жилийн дараа манай компани-д ирсэн нь энэ."

Жимин уулга алдаад намайг тэврэн "Чамд их хэцүү байсан байх даа, тэрийг нь ч мэдэлгүй чиний дэргэд Южины тухай баахан зүйл ярьдаг байсанд уучлаарай" хэмээхэд нь би инээмсэглээд "Чи юу ч мэдээгүй байсан шүү дээ"

Жин ах над руу нухацтай хараад "Тэгээд яана гэж бодож байна? Захирал энэ тухай мэдэж байгаа юу? Цаашдаа ингээд нуух юм уу?"

Түүний хэлсэн үгс тархин дундуур дэлсээд авах шиг болов.

Би үнэхээр бэлэн байгаа гэж үү? Южин-ыг олны өмнө зарлахдаа.

Би итгэлтэй нь аргагүй ах руу хараад "Цаг нь болвол би түүнийг нуухгүй ээ. Эргэн ирэлтийнхээ дараа захиралд хэлэх болно"

"Гэхдээ энэ хэтэрхий эрсдэлтэй шүү дээ, чи хоёр ч үерхлийг цуурхалд өртөж, нэг үерхлийн мэдээ батлагдсан одоо өөрөө зарлахаар хүмүүс яаж хүлээж авна гэж бодож байна? Тэд чамайг хамтлагаас гар гэх болно. Тэхён сайн бодоод үз"

Энэ удаа Юнги ах санаа зовонгуй ийн хэлэхэд өнөөх итгэлийн оч маань бага багаар унтрах нь тэр.

Хэрвээ хамтлагаас гарах болвол яах вэ? Би үнэхээр энэ бүхэнд бэлэн байгаа болов уу?

Өдөржин өөрөөсөө ийнхүү асуун явахдаа Южин-ыг харсан даруйд хариултаа олчхов.

Тийм ээ би бэлэн. Энэ л хүн хажууд минь байвал бүх зүйл болно.

Тэр эргэн тойрноо сайтар шалгаад гялс намайг тэвэрлээ.

Би түүнийг дагуулаад таван давхарт гарав. Энэ бараг л амралтын хэсэг бөгөөд рүүки хамтлаг нар энд амардаг, өдөртөө бараг л хүн байдаггүй.

"Зөндөө санасан" хэмээн тэврэхэд тэр инээмсэглээд "Би ч бас чамайг санасан" гэлээ.

Одоо хэн хэн нь маш шахуу хуваарьтай байгаа тул дараа л ярилцъя.

Удаан байж болохгүй тул бид доош буухаар болов. Эхлээд Южин-ыг явсны дараа би араас нь буулаа.

Жонгүг өөдөөс ирэн "Ахаа! Компани дээр хамаагүй уулзаад хэрэггүй, сая захирал таныг өрөөндөө дуудсан, ямар нэг юм гадарласан байх. Гялс ороод ир" хэмээлээ.

Би ч санаа алдаад захирлын өрөө рүү оров.

"Өө ашгүй Тэхён, суучих" гээд буйдан руу дохиход нь толгой дохиод суулаа.

Тэрээр өөдөс минь харан суугаад "Тэхён ойрд юу болоод байгаа юм? Чиний тухай цуурхал хаа сайгүй байна"

Би юу ч болоогүй мэт инээмсэглэн "Угаасаа тийм зүйлс болж л байдаг шүү дээ. Цуурхал хэзээ ч үнэн байдаггүй"

"Тэгвэл өглөө TJ-тэй цуг нэг машинтай ирснээ тайлбарла"

"Бид хоёрын гэр их ойролцоо байдаг. Өглөө компани руу явж байтал TJ гэрээсээ гарахтай таарсан юм л даа, машинаа засварт өгчихсөн гэсэн тул нэг компаний уран бүтээлчийн хувиар хүргэж өгсөн төдий. Энэ тийм ч сүртэй зүйл биш" хэмээхэд захирал толгой дохиод "Ойлголоо гарч бай" гэлээ.

Утсаа нээвэл энд тэндгүй Южин бид хоёрын нэг машинаас бууж буй зурагнууд байлаа.

Миний хаана юу хийх, хэнтэй уулзах ямар хамаа байна аа?.

Бухимдсаар бэлтгэлийн өрөө рүү орвол тэд хувцсаа сольж байлаа.

"Өө Тэхён зүгээр үү? Гялс хувцсаа сольчих өнөөдөртөө бэлтгэл дууслаа"

Намжүүн ахыг ийн хэлэхэд толгой дохиод хувцсаа солилоо.

"Өнөөдөр дормд хононо биз дээ?"

Яах ч аргагүй тул толгой дохилоо.

Дормдоо ирээд Южин руу зурвас бичив.

-

❤️

🤣❤️

Инээмсэглээд утсаа унтраан унтахаар хэвтлээ.