Дууныхаа зураг авалтанд орсон тул маш завгүй байлаа.

Южин ч бас манай дууны клипэнд тоглохоор болсон.

Хальт завсарлах үеэр арын ажилчид бид нарт халуун уух зүйл өгөв.

Гадаа бороо орж маш хүйтэн байх бөгөөд дээгүүрээ хөнжил нөмрөн үсээ хатаалаа. Найруулагч "За одоо дахиад нэг хэсэг биччихээд л таръя, бүгд эрч хүчтэй байгаарай" хэмээхэд нь нэг гүнзгий амьсгаа аваад босов.

Южин хэт нимгэхэн хувцас өмссөн байх бөгөөд байн байн ханиалгаж байхыг нь ажиглалаа. Амархан өвддөг юмсан. Санаа зовсоор гадуурх цамцаа барин түүн рүү очих гэтэл менежер нь надаас түрүүлээд түүнд цамцаа тайлж өглөө.

Хараал ид.

Түүнийг ажиглаж байтал нэг арын ажилтан түүнд ногоон цай өгөх нь харагдав.Түүнийг хүчээр уухыг хараад тэсэлгүй хажууд нь очин өнөөх цайг нь булааж аваад балгалаа.

Южин над руу гайхан харахад нь би түүн рүү харалгүй "Ногоон цайнд дургүй байж хүчээр уух гэсний хэрэггүй, бас гэртээ очоод халуун ясны шөл уугаарай тэгэхгүй бол халуурна"

"Инээд хүргэж байх шив. Хэн болчхоод надад санаа тавиад байгаа юм?"

Би ногоон цайг ууж дуусгаад хуванцар аягыг хаян "Өөрийнхөө зүйлд санаа тавьж байна" хэмээгээд зураг авалтын талбай руу гарлаа.

-

"TJ Тэхён руу хараад жоохон инээмсэглээд өгөөрэй"

Найруулагч ийн хэлэхэд Южин арай гэж над руу харан инээмсэглэв.

Клипний нэг хэсэг дээр бид хоёр гар гараасаа барин бүжиглэж байгаагаар гарах юм л даа.

Бараг 30 гаруй оролдлогын эцэст арай гэж нэг юм дуусан тарахаар болов.

Южин инээмсэглэн бүх хүмүүст бөхийн "Өнөөдөр сайн ажиллалаа" хэмээж байлаа.

Улам ханиадаа хүндрүүлэх нь байна.

Санаа зовж байсан ч олон хүмүүс харж байсан тул аргагүйн эрхэнд машиндаа суулаа.

Жин ах найтаагаад "Ахх ханиад хүрсэн бололтой, маргааш яаж үлдсэн зураг авалтдаа орно оо" хэмээхэд Жимин "Жин ах ингэж байгаа юм чинь TJ бид нараас ч илүү нимгэхэн хувцас өмсчихсөн байсан. Гарцаагүй ханиад хүрчихсэн байгаа даа" гэлээ.

Жин ах түүнийг цохиод "Золиг чинь ахдаа санаа тавихгүй юм байж" хэмээв.

Бусад маань ч бас ханиад хүрсэн бололтой байн байн найтааж байлаа.

Ахх Южин ханиад хүрэхээрээ их хүнд хүрдэг юмсан. Зүгээр байгаа даа.

-

Бид нар бүгд хөнгөн ханиад хүрснээр зураг авалт цуцлагдлаа.

Найруулагч Южин-ыг их хүнд өвдсөн гэсэн тул зураг авалтыг долоо хоног хойшлуулав.

Санаа зовоод зүгээр сууж чадахгүй нь. Тэнэг охин! Эмнэлэг явсан болов уу? Хүн ясны шөл уугаарай гээд байхад хүйтэн шүршүүрт ороод унтчихсан байгаа даа.

Өмнө нь ч бас ийм л байсан. Дандаа зөрүүдэлнэ.

Түүний гэр лүү очих уу? Гэхдээ гэрийг нь мэдэхгүй байдаг.

Гэнэт нэг санаа төрөн Жонгүгийг дуудлаа.

-

Жонгүг захирлыг өрөөнөөс нь аван гарсны дараа би түүний компьютерээр уран бүтээлчдийн хувийн хэргийг шалгав.

Тийм ээ гэрийн хаягийг нь олчихлоо.

Жонгүг руу зурвас илгээгээд хурдхан шиг захирлын өрөөнөөс гарлаа.

Манай гэртэй ойрхон газар амьдардаг юм байна.

Хонхыг нь дарвал удалгүй Южин хаалгаа тайлав.

Намайг харан хөмсөг зангидахад нь би түүнийг зөөлөн түлхээд дотогш орлоо.

Тэр сайнгүй харагдах бөгөөд "Я-яах гэж ирсэн юм" хэмээхэд нь би түүнийг буйдан дээр суулгаад авчирсан эмүүдээ урд нь тавилаа.

Гал тогоо руу нь орон аяганд ус хийгээд эхлээд халууны эсрэг эмийг хүчээр уулгав.

Тэр одоо ч хөмсөг зангидах бөгөөд "Ким Тэхён юу хийгээд байгаа юм?"

"Өөрийнхөө юманд санаа тавьж байна. Эмнэлэг явахгүй яасан юм? Удсан бол муу зүйл ч болж болох байлаа"

Тэр миний хэлснийг тоолгүй босоод "Яв" хэмээгээд өрөө рүүгээ оров.

Хэдэн минутын дараа хаалгаар нь шагайхад тэр хэдийнээ унтчихсан байлаа. Эм нь үйлчилсэн бололтой хамаг хөлс нь гарчихсан байв. Алчуур норгоод түүний духан дээр тавин хоол хийхээр гал тогоо руу орлоо.

Энэ хүн чинь хоол иддэг хүн үү? Хөргөгч нь хоосон байхдаа яах вэ дээ.

Малгай болон маскаа өмсөөд дэлгүүр гарлаа.

-

Авсан зүйлсээ хөргөгчинд нь хийчхээд хоол хийхээр болов.

Цагийн дараа хоол бэлэн болж Южиныг сэрээхээр өрөө рүү нь орлоо.

Тэр хэдийн сэрсэн байх бөгөөд цонхоор харан зогсож байв.

"Яваагүй л байсан хэрэг үү Тэхён? Бид дууссан. Яагаад зууралдаад байгаа юм"

Би түүний хэлснийг тоолгүй гараас нь хөтөлсөөр ширээний ард суулган урд нь хоолоо тавилаа.

Түүнийг над руу хачин харахад нь би хоол руу эрүүгээрээ дохиод "Идчих" гэв.

Тэр ч зөрүүдлэхгүй идэхийг нь хараад нүүрэнд минь инээмсэглэл тодорлоо.

Удалгүй түүний мөр чичгэнэхэд би сандран түүнийг өөр лүүгээ харуулахад тэр уйлчихсан байв.

"Я-яагаад уйлсан юм?" гэхтэй зэрэгцэн хэн нэгэн хаалганы код хийн орж ирэх сонсогдлоо.

"Южин-аа эм авчирлаа" гэх хоолойгоор эргэн харвал өнөөх менежер нь зогсож байв.

Түүний царайг сая л тогтон харвал их л танил харагдлаа. Тийм ээ Южин-ы миний сайн найз хэмээсэн залуу нь байх шив.

Мэдээд байсан юм. Анхнаасаа л энгийн найзууд биш байж

Уурлахгүйг хичээн гараа зангидлаа. Южин инээмсэглэн босоод түүний гараас эм аван баярласнаа хэлэв.

Тэр над руу гайхан харахад нь би түүнийг мөрлөөд хажуугаар нь зөрөөд буйдан дээр тавьсан гадуурх цамцаа өмсөөд гарах гэтэл Южин "Б-баярлалаа" гэлээ.

Би түүн рүү харан ёжтой инээгээд "Хэрэггүй дээ, харин аз жаргал хүсье. Дахиж саад болохгүй болохоор тайван байж болно" хэмээхэд тэр миний гараас татаад "Юу яриад байгаа юм?" гэв.

"Аз жаргал хүсье гэж байна. Надаас зугтаад байсан чинь ердөө тэр новшоос л болсон биз дээ? Надаас салсан чинь хүртэл. Одоо л бүх зүйлийг ойлголоо. Яах гэж эргэж ирсэн юм? Надаар даажигнахаар ирээ юу? Энэ новш надаас юугаараа илүү болоод" хэмээн орилоход Южин намайг алгадлаа.

"Чи өөрчлөгдөөгүй байна. Өмнөх шигээ адгийн новш хэвээрээ байна. Юугаараа илүү гэнэ ээ? Тэр ядаж л намайг орхиж явдаггүй юм, чамайг санагалзан уйлсан өдрүүдэд тэр нулимсыг минь арчиж өгдөг байсан, шантрах бүрд минь тэр намайг дэмжин өдий зэрэгт хүргэсэн. Чи хаана байсан юм? Намайг нэг ч удаа хайгаагүй байж одоо яагаад ингэж аашлаад байгаа юм. Бид одоо ямар ч хамааралгүй хүмүүс"

Би Южин-ы ард зогсох залуу руу харан ёжтой инээгээд гарлаа.

Хараал ид! Би түүн рүү нэг алхам ойртох бүрт тэр надаас хоёр алхам холдох юм.

Дахиад л болчимгүй аашилснаа ойлгон машиныхаа цонхыг хүчтэй цохилоо.

a/n: за юу ч болоод байгаа юм мэдэхгүй ээ мэдэхгүй. Та нар сэтгэгдлээ хэлэхгүй болохоор өөрийгөө их муу бичиж байна гэж ойлгоод байх юм🥺үнэхээр муу бичиж байвал заавал хэлээрэй.

Бас дараагийн хэсэг 20+ vote энэ удаад л vote заачихъя. Их завгүй байгаа болохоор🥺♥️